ព័ត៌មានក្នុងខេត្ត

នៅថ្ងៃទី២៦ ខែមិថុនា ឆ្នាំ២០២៦នេះ លោកស្រី ម៉ននី រង្សី អភិបាលរងខេត្តសៀមរាប តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាលខេត្ត បានអញ្ជើញជាអធិបតីក្នុងពិធីប្រកាសផ្ទេរមុខតំណែង លោកស្រី យង់ ផារី ពីអភិបាលរងស្រុកអង្គរជុំ មកជាអភិបាលរងស្រុកស្នំ និង លោកស្រី ចាន់ សួយ អភិបាលរងស្រុកស្រីស្នំ ទៅជាអភិបាលរងស្រុកក្រឡាញ់។

នៅថ្ងៃទី២៦ ខែមិថុនា ឆ្នាំ២០២៦ និយ័តករបរធនបាលកិច្ច និងរដ្ឋបាលខេត្តសៀមរាប បានសហការរៀបចំសិក្ខាសាលាផ្សព្វផ្សាយ ស្តីពីកិច្ចគាំពារវិនិយោគិន និងពង្រឹងការអនុវត្តច្បាប់ ក្នុងវិស័យបរធនបាលកិច្ច ពាក់ព័ន្ធនឹងការយកចិត្តទុកដាក់ស្គាល់ អតិថិជនក្នុងវិស័យបរធនបាលកិច្ច ជូនដល់ន្ត្រីមកពីមន្ទីរអង្គភាពពាក់ព័ន្ធក្នុងខេត្ត។

នៅព្រឹកថ្ងៃទី២៦ ខែមិថុនា ឆ្នាំ២០២៦នេះ ឯកឧត្ដមឧត្ដមសេនីយ៍ទោ ម៉ក់ សីហា អនុប្រធានស្ថាប័នអយ្យការយោធានៃក្រសួងការពារជាតិ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកអង្គរធំ បានអញ្ជើញជាអធិបតីក្នុងកិច្ចប្រជុំផ្សព្វផ្សាយអំពីច្បាប់ការប្រឆាំងការឆបោកតាមប្រព័ន្ធបច្ចេកវិទ្យា និងច្បាប់ស្ដីពីកាតព្វកិច្ចយោធាជូនដល់ប្រជាពលរដ្ឋ ដើម្បីបញ្រ្ជាបការយល់ដឹងពីច្បាប់ទាំងពីរនេះ។

កាលពីរសៀលថ្ងៃទី២៥ ខែមិថុនា ឆ្នាំ២០២៦ ក្រសួងកសិកម្ម រុក្ខាប្រមាញ់ និងនេសាទ បានរៀបចំសិក្ខាសាលាបញ្ចប់គម្រោងស្ដីពី “ការបង្កើតព្រៃលំហែកម្សាន្ត និងសួនអាស៊ាន-កូរ៉េ” នៅឃុំឃុនរាម ស្រុកបន្ទាយស្រី ខេត្តសៀមរាប ដើម្បីដាក់ចេញនូវគោលដៅយុទ្ធសាស្ត្របន្ត ដើម្បីលើកកម្ពស់ការអភិរក្សព្រៃឈើ និងជីវចម្រុះ ឆ្ពោះទៅរកសុខុមាលភាពសង្គម។

កាលពីថ្ងៃទី២៤ ខែមិថុនា ឆ្នាំ២០២៦ ឯកឧត្តមឧត្តមសេនីយ៍ឯក នួន ស្រេង អគ្គនាយកនៃអគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃ និង លោក សំកុល សុចិត្រា អភិបាលរងខេត្តសៀមរាប បានអញ្ជើញដឹកនាំបើកកិច្ចប្រជុំបិទការងារសវនកម្មផ្ទៃក្នុងនៅរដ្ឋបាលខេត្តសៀមរាប សម្រាប់ការិយបរិច្ឆេទ ២០២៥ និងបណ្តាឆ្នាំពាក់ព័ន្ធ ដើម្បីធ្វើការពិភាក្សាលើសេចក្តីព្រាងរបាយការណ៍សវនកម្ម ផ្តល់ឱកាសឱ្យផ្នែកដែលត្រូវបានសវនកម្មឆ្លើយតប និងពង្រឹងប្រសិទ្ធភាពការងារ ការគ្រប់គ្រងហានិភ័យ និងការអនុលោមតាមគោលនយោបាយរបស់ស្ថាប័នឱ្យកាន់តែល្អប្រសើរ។

ទស្សនៈ​យុ​វ​ជ​ន​ខេត្ត​សៀ​ម​រា​ប​ក្នុ​ង​ស​ម័​យ​ឌី​ជីថ​ល​ ​ជុំ​វិ​ញ​កា​រ​ទប់​ស្កា​ត់​ព័​ត៌​មា​​​​ន​​ក្លែ​​​ង​ក្លា​​យ​​​

កិច្ចប្រជុំត្រួតពិនិត្យវឌ្ឍនភាពគម្រោងស្តារស្ទឹងសៀមរាប ជំហានទី២ នៅរដ្ឋបាលខេត្តសៀមរាប នាថ្ងៃទី២៥ ខែមិថុនា ឆ្នាំ២០២៦ ដើម្បីលើកកម្ពស់សោភ័ណភាពក្នុងក្រុង អាជ្ញាធរខេត្តជំរុញឱ្យមានការរៀបចំសួនច្បារ ការដាំដើមឈើលម្អអមសងខាងផ្លូវតាមបណ្តោយស្ទឹង និងការរៀបចំបណ្តាញអគ្គិសនីបំភ្លឺតាមទីសាធារណៈ។ ក្រៅពីនេះ ក៏មានការស្ថាបនាជញ្ជាំងការពារដីបាក់ ការរៀបចំការ៉ូឡាសម្រាប់ថ្មើរជើង និងគន្លងផ្លូវជិះកង់ ដើម្បីប្រែក្លាយតំបន់នេះទៅជាកន្លែងលំហែកាយ កម្សាន្ត និងហាត់ប្រាណរបស់ប្រជាពលរដ្ឋ ព្រមទាំងភ្ញៀវទេសចរជាតិ និងអន្តរជាតិ។

នាព្រឹកថ្ងៃទី២៦ ខែមិថុនា ឆ្នាំ២០២៦ ក្រសួងសាធារណការ និងដឹកជញ្ជូន សហការជាមួយរដ្ឋបាលខេត្តសៀមរាប និងក្រុមហ៊ុនហុងដា បានរៀបចំកម្មវិធី យុទ្ធនាការផ្សព្វផ្សាយសុវត្ថិភាពចរាចរណ៍ផ្លូវគោក ក្រោមវត្តមានឯកឧត្តម ម៉ា ស៊ុនហួត អនុរដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការរងនៃគណៈកម្មាធិការជាតិសុវត្ថិភាពចរាចរណ៍ផ្លូវគោក នៅបរិវេណចូលច្បារព្រះរាជដំណាក់។ យុទ្ធនាការនេះរៀបចំឡើងក្នុងគោលបំណងលើកកម្ពស់ការយល់ដឹងរបស់ប្រជាពលរដ្ឋ និងអ្នកប្រើប្រាស់ផ្លូវ ឱ្យចូលរួមគោរពច្បាប់ចរាចរណ៍ផ្លូវគោក ដោយផ្តោតលើការពាក់មួកសុវត្ថិភាព ការប្រើប្រាស់ប្រព័ន្ធបើកភ្លើងស្វ័យប្រវត្តិ និងការបង្កើនស្មារតីទទួលខុសត្រូវ ដើម្បីរួមចំណែកកាត់បន្ថយគ្រោះថ្នាក់ចរាចរណ៍ និងការពារអាយុជីវិតអ្នកធ្វើដំណើរគ្រប់រូប។

ប្រាសាទបាភួន​ ប​ង្ហា​ញ​ស​ម្រ​ស់​ដ៏​អ​ស្ចា​រ្យ​នា​រ​ដូ​វ​កា​ល​បៃ​ត​ង​ ​ខ​ណៈ​ធ​ម្មជា​តិ​ជុំ​វិ​​ញប្រា​សា​ទ​បា​ន​ប្រែ​ក្លា​យ​ជាព​ណ៌​បៃ​ត​ង​ខៀ​វ​ស្រ​ងាត់​ ​ប​ង្កើ​ត​បា​នជា​ទេ​ស​ភា​ព​ដ៏​ស្រ​ស់ស្អា​ត​ ​និ​ង​ស្រ​ស់​បំ​ព្រ​ងគួ​​រឱ្យ​ទា​ក់​ទា​ញ​។ ​​​​សូ​ម​អ​ញ្ជើ​ញ​ភ្ញៀ​វ​ទេ​ស​ច​រ​ជា​តិ​ ​និ​ង​អ​ន្ត​រ​ជា​តិ​ ​ម​ក​ក​ម្សា​ន្ត​ ​និង​ស្វែ​ង​យ​ល់​ពី​ស​ម្បត្តិ​បេ​តិ​ក​ភ​ណ្ឌដ៏​មា​ន​ត​ម្លៃនេះ​ ​ព្រ​ម​ទាំ​ងចូ​ល​រួ​ម​ថែ​រ​ក្សាអ​នា​ម័​យ​ ប​រិ​ស្ថា​ន​ ​និ​ង​​បេ​តិក​ភ​ណ្ឌ​វ​ប្ប​ធ​ម៌​រ​ប​ស់​យើ​ង​​ឱ្យ​បាន​គ​ង់​​វ​ង្ស​ស​ម្រា​ប់​មនុ​ស្ស​ជំ​នា​ន់​ក្រោ​យ​។

ព្រឹត្តិការណ៍ទេសចរណ៍បរិស្ថានឆ្នាំ២០២៦ និងបុណ្យដឹងគុណបឹងទន្លេសាប នៅសហគមន៍កំពង់ឃ្លាំង ខេត្តសៀមរាប ដែលរៀបចំឡើងរយៈពេល២ថ្ងៃ នៅថ្ងៃទី២៦ -២៧ ខែមិថុនា ឆ្នាំ២០២៦ សូមអញ្ជើញចូលរួមទស្សនាឱ្យបានច្រើនកុះករ!

‎ ‎នៅព្រឹកថ្ងៃទី២៥ ខែមិថុនា ឆ្នាំ២០២៦នេះ លោក យឿន ចាន់ អនុប្រធានមន្ទីរព័ត៌មានខេត្ត ទទួលបន្ទុករួម បានដឹកនាំលោក លោកស្រីជាថ្នាក់ដឹកនាំមន្ទីរ នាំយកថវិកា ចូលរួមជាមួយមូលនិធិគន្ធបុប្ផាកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាស្ថាបនិក និង សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជាប្រធានកិត្តិយស ដើម្បីជាការចូលរួមចំណែកក្នុងកិច្ចដំណើរការផ្ដល់សេវាពិនិត្យ ព្យាបាលជំងឺដល់កុមារកម្ពុជា។ ‎

នៅព្រឹកថ្ងៃទី២៥ ខែមិថុនា ឆ្នាំ២០២៦នេះ រដ្ឋបាលខេត្តសៀមរាប បានរៀបចំសិក្ខាសាលាផ្សព្វផ្សាយសៀវភៅផែនការសកម្មភាព ស្ដីពីការគាំពារ និងអភិវឌ្ឍន៍កុមារតូច ឆ្នាំ២០២៦-២០២៨ ក្រោមអធិបតីភាព ឯកឧត្តម លី សំរឹទ្ធ ប្រធានក្រុមប្រឹក្សាខេត្ត ឯកឧត្តមបណ្ឌិត ប្រាក់ កុសល អគ្គលេខាធិការរងនៃអគ្គលេខាធិការដ្ឋានគណៈកម្មាធិការជាតិគាំពារ និងអភិវឌ្ឍន៍កុមារតូច លោកស្រី ម៉ននី រង្សី អភិបាលរងខេត្ត និងជាប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារខេត្តសៀមរាប។