ព័ត៌មានក្នុងខេត្ត

វាគ្មិន៖ លោក សាំង សុផល ប្រធានការិយាល័យក្សេត្រសាស្ត្រ និងផលិតភាពកសិកម្មនៃមន្ទីរកសិកម្ម រុក្ខាប្រមាញ់និងនេសាទខេត្តសៀមរាប ថ្ងៃសុក្រ ៣កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែកក្កដា ឆ្នាំ២០២៦

នៅថ្ងៃទី១៦ ខែកក្កដា ឆ្នាំ២០២៦ ក្រុមប្រឹក្សាខេត្តសៀមរាប ដឹកនាំដោយ ឯកឧត្តម តោ គឹមស៊ាន សមាជិកក្រុមប្រឹក្សាខេត្ត បានចុះជួបផ្ទាល់ជាមួយប្រជាពលរដ្ឋក្នុងឃុំស្រណាល ស្រុកក្រឡាញ់ ដើម្បីស្ដាប់រាល់សំណូមពរ និងក្ដីកង្វល់របស់ប្រជាពលរដ្ឋ យកមកធ្វើការពិភាក្សាដោះស្រាយ និងបំភ្លឺភ្លាមៗ ពាក់ព័ន្ធនឹងវិស័យអប់រំ សុខាភិបាល វិស័យការងារ សង្គមកិច្ច វប្បធម៌ ធម្មការ និងសាសនា វិស័យព័ត៌មាន កិច្ចការនារី និងបញ្ហាសន្តិសុខក្នុងមូលដ្ឋាន។

សិស្សានុសិស្សនៃវិទ្យាល័យចំណេះទូទៅ និងបច្ចេកទេសពួក ក្នុងស្រុកពួក ខេត្តសៀមរាប បានបង្ហាញការប្តេជ្ញាចិត្តយ៉ាងមុតមាំក្នុងការចូលរួមទប់ស្កាត់ និងនិយាយថា «ទេ» ចំពោះព័ត៌មានក្លែងក្លាយ ក្នុងយុទ្ធនាការជំហានទី២ ដែលរៀបចំឡើងដោយមន្ទីរព័ត៌មានខេត្តសៀមរាប។

ទិដ្ឋភាពទូទៅនៃយុទ្ធនាការនិយាយថាទេចំពោះព័ត៌មានក្លែងក្លាយ របស់មន្ទីរព័ត៌មានខេត្តសៀមរាប នៅវិទ្យាល័យចំណេះទូទៅ និងបច្ចេកទេសពួក

យុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ របស់មន្ទីរព័ត៌មានខេត្តសៀមរាប បានមកដល់គោលដៅទី៤ នៅវិទ្យាល័យចំណេះទូទៅ និងបច្ចេកទេសពួក ក្នុងស្រុកពួក ដែលយុទ្ធនាការនាពេលនេះ មានការចូលរួមពីសំណាក់ ឯកឧត្តម កៅ អ៊ីមរ៉ន រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម នេត្រ ភក្ដ្រា រដ្ឋមន្ត្រីក្រសួងព័ត៌មាន លោកអនុប្រធានមន្ទីរអប់រំ លោកអនុប្រធានមន្ទីរព័ត៌មាន លោកគ្រូអ្នកគ្រូ និងសិស្សានុសិស្សជាច្រើនរូបទៀត។ នៅថ្ងៃទី១៧ ខែកក្កដា ឆ្នាំ២០២៦នេះ

រាជរដ្ឋាភិបាលកម្ពុជា បានកំណត់យកការប្រយុទ្ធប្រឆាំងបទល្មើសឆបោកតាមប្រព័ន្ធបច្ចេកវិទ្យា Online Scams ជាបេសកកម្មចម្បង និងជាអាទិភាពខ្ពស់បំផុត ដើម្បីការពារសន្តិសុខសង្គម សុវត្ថិភាពប្រជាពលរដ្ឋ និងលើកកម្ពស់កិត្តិយសជាតិនៅលើឆាកអន្តរជាតិ។ នេះបើតាមការបញ្ជាក់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងដឹកនាំកិច្ចប្រជុំប្រចាំខែតាមរយៈប្រព័ន្ធវីដេអូ (Zoom) ដើម្បីតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា នារសៀលថ្ងៃទី១៦ ខែកក្កដា ឆ្នាំ២០២៦។

ឯកឧត្តម ទេព អស្នារិទ្ធ លើកទឹកចិត្តដល់យុវជន ចូលរួមអនុវត្ត «៣កុំ ១ការពារ» ដែលជារនាំងការពារ និងប្រយុទ្ធប្រឆាំងនឹងព័ត៌មានក្លែងក្លាយ

‎ផ្លូវបេតុង១ខ្សែ ប្រវែង ៦៦០ម៉ែត្រ ទទឹង ៦ម៉ែត្រដែលស្ថិតនៅភូមិតាគង់ សង្កាត់សំបួរ ជាប់ព្រំប្រទល់ជាមួយ ភូមិគ្រួស សង្កាត់ស្វាយដង្គំ និងភូមិរកាធំ សង្កាត់ស្រង៉ែ ក្រុងសៀមរាប ដែលជាអំណោយរបស់សប្បុរសជនបរទេស និងខ្មែរ ផ្តល់ថវិកាតាមរយៈរដ្ឋបាលសង្កាត់សំបួរ បានធ្វើការសាងសង់ ដើម្បីជួយសម្រួលដល់ការធ្វើដំណើរបងប្អូនប្រជាពលរដ្ឋក្នុងមូលដ្ឋាន និងលើកកម្ពស់សោភ័ណភាពសហគមន៍ ត្រូវបានសម្ពោធដាក់ឲ្យប្រើប្រាស់ជាផ្លូវការ នាព្រឹកថ្ងៃទី១៦ ខែកក្កដា ឆ្នាំ២០២៦នេះ។

នៅថ្ងៃទី១៥ ខែកក្កដា ឆ្នាំ២០២៦ ក្រុមប្រឹក្សាស្រុកក្រឡាញ់ បានបើកវេទិកាផ្សព្វផ្សាយ និងពិគ្រោះយោបល់ ដើម្បីផ្លាស់ប្ដូរមតិយោបល់រវាងក្រុមប្រឹក្សាស្រុក និងប្រជាពលរដ្ឋក្នុងមូលដ្ឋាន ដើម្បីដោះស្រាយបញ្ហានានា និងសំណើរបស់ប្រជាពលរដ្ឋ។

នៅថ្ងៃទី១៥ ខែកក្កដា ឆ្នាំ២០២៦ ឯកឧត្តម ប្រាក់ សោភ័ណ ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប បានចាត់ លោក នួន ពុទ្ធារ៉ា សមាជិកគណៈកម្មាធិការសាខា និងជាប្រធានគណៈកម្មាធិការអនុសាខាក្រុងសៀមរាប ដឹកនាំសហការី អញ្ជើញចុះសួរសុខទុក្ខ និងនាំយកអំណោយមនុស្សធម៌ផ្ដល់ជូនដល់គ្រួសាររងគ្រោះដោយខ្យល់កន្រ្តាក់ចំនួន ២០គ្រួសារ ក្នុងនោះ សង្កាត់ស្រង៉ែ រលំទាំងស្រុង ១គ្រួសារ, របើកដំបូល ១៤គ្រួសារ និងសង្កាត់ជ្រាវ របើកដំបូល ៥គ្រួសារ។

‎នាថ្ងៃទី១៥ ខែកក្កដា ឆ្នាំ២០២៦ លោក ស៊ុ សំអន នាយកសាខាកាកបាទក្រហមកម្ពុជា ខេត្តសៀមរាប និងសហការី បានសហការជាមួយក្រុមការងារទ្រទ្រង់សុខភាពភូមិ និងអ្នកស្ម័គ្រចិត្តកាកបាទក្រហមសង្កាត់គោកចកចំនួន ៨នាក់ ចុះយុទ្ធនាការផ្សព្វផ្សាយអំពីវិធានការបង្ការជំងឺគ្រុនឈាម ព្រមទាំងដាក់ និងចែកថ្នាំអាប៊ែតតាមខ្នងផ្ទះប្រជាពលរដ្ឋ ស្ថិតក្នុងភូមិគោកត្នោត សង្កាត់គោកចក ក្រុងសៀមរាប។

វត្ថុតាង និងសារធាតុ ៩ប្រភេទ រួមទាំងឧបករណ៍ប្រើប្រាស់ពាក់ព័ន្ធទម្ងន់ជាង ២១១គីឡូក្រាម ត្រូវបានដុតបំផ្លាញចោល នាព្រឹកថ្ងៃទី១៦ ខែកក្កដា ឆ្នាំ២០២៦ ក្នុងឱកាសដែលរដ្ឋបាលខេត្តសៀមរាប និងអាជ្ញាធរជាតិប្រយុទ្ធប្រឆាំងគ្រឿងញៀន បានរៀបចំទិវាអន្តរជាតិប្រយុទ្ធប្រឆាំងគ្រឿងញៀន ដើម្បីផ្សព្វផ្សាយដល់ប្រជាពលរដ្ឋយុវជនយុវវ័យសិស្សានុសិស្សឱ្យ ជៀសឆ្ងាយពីគ្រឿងញៀន ក្រោមប្រធានបទ “រួមគ្នាឆ្លើយតបបញ្ហាគ្រឿងញៀនក្នុងបរិបទថ្មី ប្រកបដោយភាពច្នៃប្រឌិត”។ ‎