ព័ត៌មានក្នុងខេត្ត

នាព្រឹកថ្ងៃ១៧ ខែមិថុនា ឆ្នាំ២០២៦នេះ រដ្ឋបាលខេត្តសៀមរាប សហការជាមួយមន្ទីរព័ត៌មានខេត្ត បានរៀបចំវគ្គបណ្តុះបណ្តាល ស្ដីពីកិច្ចការព័ត៌មាន និងសាធារណមតិ ជូនដល់មន្រ្តីបង្គោលនៃមន្ទីរអង្គភាព រដ្ឋបាលក្រុងស្រុក ឃុំសង្កាត់ក្នុងខេត្ត ដើម្បីពង្រឹងប្រសិទ្ធភាពនៃការប្រមូលព័ត៌មាន ឆ្លើយតប និងបកស្រាយបំភ្លឺឱ្យបានទាន់ពេលវេលាជូនសាធារណជន ក្នុងន័យគ្រប់គ្រងនូវសណ្ដាប់ធ្នាប់សារព័ត៌មាន លំហព័ត៌មាន ធានាបាននូវសន្តិសុខព័ត៌មាន និងសុខដុមរមនីយកម្មសង្គម។

រដ្ឋបាលខេត្តសៀមរាប រៀបចំវគ្គបណ្ដុះបណ្ដាល ស្ដីពីកិច្ចការព័ត៌មាននិងសាធារណមតិ ជូនដល់មន្រ្តី បង្គោលនៃមន្ទីរ-អង្គភាព រដ្ឋបាល ក្រុង ស្រុក ឃុំ សង្កាត់ក្នុងខេត្តសៀមរាប នាព្រឹកថ្ងៃ១៧ ខែមិថុនា ឆ្នាំ២០២៦នេះ រដ្ឋបាលខេត្តសៀមរាប សហការណ៍ជាមួយមន្ទីរព័ត៌មានខេត្ត រៀបចំវគ្គបណ្ដុះបណ្ដាល ស្ដីពីកិច្ចការព័ត៌មាន និង សាធារណមតិ ជូនដល់មន្រ្តីបង្គោលនៃមន្ទីរ-អង្គភាព រដ្ឋបាល ក្រុង- ស្រុក ឃុំ-សង្កាត់ក្នុងខេត្ត ដើម្បីកិច្ចការព័ត៌មាននៅតាមមូលដ្ឋាន ព្រមទាំងពង្រឹងប្រសិទ្ធភាព នៃការប្រមូលព័ត៌មាន ឆ្លើយតប និងបកស្រាយបំភ្លឺឱ្យបានទាន់ពេលវេលាជូនសាធារណជន ក្នុងន័យគ្រប់គ្រងនូវសណ្តាប់ធ្នាប់សារព័ត៌មាន លំហព័ត៌មាន ធានាបាននូវសន្តិសុខព័ត៌មាន និងសុខដុមរមនីយកម្មសង្គម ។

នៅព្រឹកថ្ងៃទី១៦ ខែមិថុនា ឆ្នាំ២០២៦នេះ រដ្ឋបាលស្រុកប្រាសាទបាគង បានបើកវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុក អាណត្តិទី៤ ឆ្នាំ២០២៦ ដើម្បីប្រមូលរាល់ក្តីកង្វល់ និងតម្រូវការចាំបាច់របស់បងប្អូនប្រជាពលរដ្ឋក្នុងមូលដ្ឋានយកមកធ្វើការដោះស្រាយ មានឃុំចំនួន៣ ចូលរួមគឺ ឃុំកណ្តែក បាគង និងឃុំអំពិល ក្នុងគោលបំណងផ្ដល់ព័ត៌មានជូនប្រជាពលរដ្ឋអំពីបញ្ហាអាទិភាព របស់ក្រុមប្រឹក្សាសម្រាប់ឆ្នំាបន្ទាប់ ទទួលយកនូវអនុសាសន៍ សំណូមពររបស់ប្រជាពលរដ្ឋដើម្បីពិភាក្សា និងឆ្លើយតប។

ក្នុងឱកាសដឹកនាំកិច្ចប្រជុំប្រចាំសប្តាហ៍ នៅថ្ងៃទី១៦ ខែមិថុនា ឆ្នាំ២០២៦នេះ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានណែនាំដល់រដ្ឋបាលរាជធានីខេត្តទាំង២៥ ត្រូវរៀបចំជាក្រុមការងារចល័តតូចៗ ដើម្បីតាមដាន និងឈានទៅបង្ក្រាបក្រុមប្រព្រឹត្តបទល្មើស ដែលបច្ចុប្បន្នបានបំបែកជាក្រុមតូចៗ ហើយព្យាយាមលាក់ខ្លួនរស់នៅលាយឡំជាមួយប្រជាពលរដ្ឋនៅតាមមូលដ្ឋាន ក្នុងន័យធ្វើយ៉ាងណាពង្រឹងសន្តិសុខ និងបង្ក្រាបបទល្មើសបច្ចេកវិទ្យាដែលកំពុងកើតឡើងយ៉ាងស្មុគស្មាញ។

ផ្ទះមនុស្សធម៌ទី១០០ របស់ដែលជាអំណោយរបស់សាខាកាកបាទក្រហមកម្ពុជា ខេត្តសៀមរាប និងចូលរួមឧបត្ថម្ភពីលោក ថុង ចរិយា និងលោកស្រី ហេង សំភី ព្រមទាំងបុត្រ ត្រូវបានប្រគល់ជូនដល់គ្រួសារវីរកងទ័ពឈ្មោះ ញៀប ធំ ជាវីរកងទ័ពនៅកងពលធំអន្តរាគមន៍លេខ២ ឈរជើងនៅទិសអូស្មាច់ មានរបួសបាក់កំភួនដៃស្ដាំ ដោយសារគ្រាប់ផ្លោងរបស់ភាគីថៃ ពេលកំពុងបំពេញបេសកកម្ម មានទីលំនៅបច្ចុប្បន្ននៅភូមិបន្ទាយស្រី ឃុំខ្នារសណ្ដាយ ស្រុកបន្ទាយស្រី ដែលពិធីប្រគល់ធ្វើឡើងកាលពីថ្ងៃទី១៥ ខែមិថុនា ឆ្នាំ២០២៦ ក្រោមអធិបតីភាព លោកជំទាវ ទុយ ជិ ប្រាក់ សោភ័ណ អនុប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ គណៈកម្មាធិការសាខា។

អគ្គលេខាធិការដ្ឋានអាជ្ញាធរសេវាហិរញ្ញវត្ថុមិនមែនធនាគារ ហៅកាត់ អ.ស.ហ បានគូសបញ្ជាក់ថា ការអភិវឌ្ឍធនធានមនុស្ស និងការពង្រីកចំណេះដឹងអំពីបច្ចេកវិទ្យាហិរញ្ញវត្ថុ (FinTech) គឺជាកិច្ចការអាទិភាពដ៏សំខាន់បំផុត ដើម្បីឆ្លើយតបទៅនឹងការវិវត្តនៃយុគសម័យឌីជីថល ស្របពេលដែលការស្វែងយល់អំពីបច្ចេកវិទ្យាហិរញ្ញវត្ថុតាមគ្រប់មធ្យោបាយ គឺជាកត្តាចាំបាច់ក្នុងការកសាង និងពង្រឹងមូលធនមនុស្ស។

គណៈកម្មាធិការលទ្ធកម្មឃុំជប់តាត្រាវ ស្រុកអង្គរធំ ខេត្តសៀមរាប នៅថ្ងៃទី១៦ ខែមិថុនា ឆ្នាំ២០២៦ បានប្រកាសបញ្ចប់ការដេញថ្លៃដោយជោគជ័យ នូវគម្រោងសាងសង់ផ្លូវបេតុងអាមេចំនួន១ខ្សែ ដោយការដេញថ្លៃនេះមានការចូលរួមពីមន្ត្រីបច្ចេកទេសនៃរដ្ឋបាលខេត្ត អាជ្ញាធរក្រុង គណៈកម្មាធិការលទ្ធកម្មសង្កាត់ ក្រុមហ៊ុនម៉ៅការ និងអ្នកសារព័ត៌មាន។

នៅថ្ងៃទី១៦ ខែមិថុនា ឆ្នាំ២០២៦នេះ ឯកឧត្តម ប្រាក់ សោភ័ណ ប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជា ខេត្តសៀមរាប បានចាត់ លោក រិន ឡូត អភិបាលស្រុក និងជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជា ស្រុកបន្ទាយស្រី ដឹកនាំក្រុមការងារនាំយកថវិការបស់ សម្ដេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា ចំនួន ៨ ០០០ ០០០រៀល ប្រគល់ជូនគ្រួសារសពអតីតយុទ្ធជន ចំនួន២គ្រួសារក្នុងមួយគ្រួសារទទួលបានថវិកាចំនួន ៤ ០០០ ០០០រៀល។

នៅរសៀលថ្ងៃទី១៥ ខែមិថុនា ឆ្នាំ២០២៦នេះ ឯកឧត្តម សួស អង្គារ៍ រដ្ឋលេខាធិការក្រសួងមហាផ្ទៃ មានការចូលរួមពី លោក អុឹង គឹមលាង អភិបាលរងខេត្ត បានអញ្ជើញដឹកនាំកិច្ចប្រជុំរវាងក្រសួងមហាផ្ទៃ និងរដ្ឋបាលខេត្តសៀមរាប ដើម្បីពិនិត្យ និងវាយតម្លៃឡើងវិញ ចំពោះការរៀបចំកន្លងមកលើប្រព័ន្ធទឹក ប្រព័ន្ធលូ ហេដ្ឋារចនាសម្ព័ន្ធនានា សេវាសុខាភិបាល បរិស្ថានអនាម័យ និងកិច្ចការទូទៅ នៅទីតាំងមណ្ឌលសុវត្ថិភាពជនភៀសសឹកតាមបណ្តាក្រុងស្រុកក្នុងខេត្តសៀមរាប។

នៅថ្ងៃទី១៥ ខែមិថុនា ឆ្នាំ២០២៦ លោក អ៉ឹង គឹមលាង អភិបាលរងខេត្តសៀមរាប តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាលខេត្ត បានចូលរួមក្នុងកម្មវិធីដាំកូនឈើព្រៃលិចទឹកចំនួន ២ ០០០ដើម នៅក្នុងភូមិសាស្ត្រឃុំមុខប៉ែន ស្រុកពួក ខេត្តសៀមរាប ដែលរៀបចំដោយអង្គការរស់នៅ និងសិក្សានៅកម្ពុជា (Live and Learn Cambodia) ក្រោមការឧបត្ថម្ភថវិកាពីប្រទេសអៀរឡង់ តាមរយៈអង្គការអុកស្វាមកម្ពុជា (Oxfam Cambodia) ដែលបានចូលរួមយ៉ាងសកម្មក្នុងការអភិរក្សធនធានធម្មជាតិ និងលើកកម្ពស់ការយល់ដឹងអំពីបរិស្ថាននៅកម្ពុជាយូរមកហើយ។

នៅថ្ងៃទី១៥ ខែមិថុនា ឆ្នាំ២០២៦នេះ ឯកឧត្តម ប្រាក់ សោភ័ណ ប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជា ខេត្តសៀមរាប បានចាត់ក្រុមការងារនាំយកថវិការបស់ សម្ដេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា ចំនួន ១២ ០០០ ០០០រៀល ប្រគល់ជូនគ្រួសារសពអតីតយុទ្ធជន ចំនួន៣គ្រួសារក្នុងមួយគ្រួសារទទួលបានថវិកាចំនួន ៤ ០០០ ០០០រៀល។ ឆ្លៀតក្នុងឱកាសដ៏សែនក្រៀមក្រំបំផុតនោះ ក្រុមការងារក៏បានសំណេះសំណាលរំលែកទុក្ខ និងអាននូវលិខិតចូលរួមមរណទុក្ខរបស់ សម្ដេចប្រធានសមាគមអតីតយុទ្ធជន និងនិវត្តជនកម្ពុជា ជាកិច្ចចូលរួមរំលែកទុក្ខជាមួយក្រុមគ្រួសារនៃសពផងដែរ៕

ការដេញថ្លៃគម្រោងសាងសង់ផ្លូវបេតុងអាមេ១ខ្សែ ក្នុងឃុំលាងដៃ ស្រុកអង្គរធំ ខេត្តសៀមរាប ត្រូវបានប្រកាសបញ្ចប់ការដេញថ្លៃដោយជោគជ័យ នៅថ្ងៃទី១៥ ខែមិថុនា ឆ្នាំ២០២៦នេះ ដោយមានការចូលរួមពីមន្ត្រីបច្ចេកទេសខេត្ត អាជ្ញាធរស្រុក គណៈកម្មការលទ្ធកម្មឃុំ ក្រុមហ៊ុនម៉ៅការ និងអ្នកពាក់ព័ន្ធជាច្រើនរូប។