មន្ត្រីជាន់ខ្ពស់ក្រសួងមហាផ្ទៃ ណែនាំឱ្យសមត្ថកិច្ច និងមន្ត្រីពាក់ព័ន្ធ បន្តពន្លឿនការផ្ដល់អត្តសញ្ញាណបណ្ណជូនប្រជាពលរដ្ឋឱ្យបានលឿន និងគ្រប់ៗគ្នា

ក្នុងកិច្ចប្រជុំត្រួតពិនិត្យការអនុវត្តគោលនយោបាយ «ភូមិ-ឃុំ-សង្កាត់ មានសុវត្ថិភាព» ប្រចាំឆមាសទី១ ឆ្នាំ២០២៦ នៅខេត្តសៀមរាប នាថ្ងៃទី២៤ ខែកក្កដា ឆ្នាំ២០២៦នេះ ឯកឧត្តម សួស អង្គារ៍ រដ្ឋលេខាធិការក្រសួងមហាផ្ទៃ បានណែនាំឱ្យសមត្ថកិច្ចជំនាញ និងមន្ត្រីពាក់ព័ន្ធ ត្រូវបន្តជំរុញ និងពន្លឿនការផ្ដល់អត្តសញ្ញាណបណ្ណជូនប្រជាពលរដ្ឋឱ្យបានលឿន និងគ្រប់ៗគ្នា ជាពិសេសបងប្អូនដែលទើបវិលត្រឡប់មកពីបរទេស ដើម្បីធានាថាប្រជាពលរដ្ឋគ្រប់រូបទទួលបានឯកសារសម្គាល់ខ្លួនទាន់ពេលសម្រាប់ប្រើប្រាស់។