ព័ត៌មានក្នុងខេត្ត

កាលពីថ្ងៃទី១៤ ខែមិថុនា ឆ្នាំ២០២៦ ម្សិលមិញនេះ លោក ពៅ ប៊ុនធឿន អភិបាលស្រុកអង្គរធំ ខេត្តសៀមរាប បានបំផុសគំនិតស្រឡាញ់បរិស្ថាន និងបង្កើនភាពបៃតងក្នុងមូលដ្ឋាន តាមរយៈការដឹកនាំប្រជាពលរដ្ឋ ដោយមានការចូលរួមពីអាជ្ញាធរមូលដ្ឋាន ព្រះសង្ឃ មន្ត្រីរាជការ និងសិស្សានុសិស្ស ដាំកូនឈើចំនួន ៣៥ ០០០ដើម ក្នុងបរិវេណវត្តវិសុទ្ធិមគ្គ បង្ហាញពីស្មារតីស្រឡាញ់ធម្មជាតិ និងការរួមគ្នាថែរក្សាបរិស្ថានបៃតងឱ្យស្ថិតស្ថេរគង់វង្ស។

នាថ្ងៃទី១៤ ខែមិថុនា ឆ្នាំ២០២៦ លោកជំទាវ ទុយ ជិ ប្រាក់ សោភ័ណ បានអញ្ជើញចូលរួមផ្តល់កម្លាំងចិត្តដល់បងប្អូនស្ម័គ្រចិត្តបរិច្ចាគឈាម នៅមជ្ឈមណ្ឌលផ្ដល់ឈាម នៃមន្ទីរពេទ្យបង្អែកខេត្តសៀមរាប ដើម្បីអបអរសាទរ «ទិវាបរិច្ចាគឈាមពិភពលោក » ដើម្បីលើកកម្ពស់ស្មារតីមនុស្សធម៌ និងការចូលរួមជួយសង្គ្រោះជីវិតអ្នកជំងឺ។

នាថ្ងៃទី១៤ ខែមិថុនា ឆ្នាំ២០២៦ ឯកឧត្តម ប្រាក់ សោភ័ណ អភិបាលខេត្តសៀមរាប និងលោកជំទាវ ទុយ ជិ ប្រាក់ សោភ័ណ បានអញ្ជើញអមដំណើរ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អគ្គស្នងការសមាគមកាយឫទ្ធិនារីកម្ពុជា ចុះពិនិត្យការងារត្រៀមរៀបចំមហាសន្និបាតកាយឫទ្ធិនារីពិភពលោក (WAGGGS) លើកទី៣៩ និងកិច្ចប្រជុំប្រចាំឆ្នាំលើកទី៤២ នៃសហគមន៍ The Olave Baden-Powell Society (OB-PS) ដែលគ្រោងនឹងប្រារព្ធធ្វើនៅខេត្តសៀមរាបនាពេលខាងមុខ។

សម្រស់ដ៏ស្រស់ត្រកាលនៃខ្លោងទ្វាតាកាវ នាទឹកដីអង្គរ ខេត្តសៀមរាប កំពុងលេចធ្លោ ក្នុងរដូវកាលបៃតងនេះ ដើមឈើខៀវស្រងាត់ ព័ទ្ធជុំវិញស្ថាបត្យកម្មបុរាណដ៏អស្ចារ្យ បង្កើតបានជាទេសភាពដ៏ស្ងប់ស្ងាត់ និងគួរឱ្យទាក់ទាញសម្រាប់ភ្ញៀវទេសចរជាតិ និងអន្តរជាតិ។ ខ្លោងទ្វាតាកាវ មិនត្រឹមតែជាសម្បត្តិបេតិកភណ្ឌដ៏មានតម្លៃប៉ុណ្ណោះទេ ប៉ុន្តែថែមទាំងជាទីកន្លែងដែលបង្ហាញពីភាពសុខដុមរមនារវាងធម្មជាតិ និងស្ថាបត្យកម្មបុរាណដ៏អស្ចារ្យរបស់បុព្វបុរសខ្មែរ។

លោក​ តាត់​ មាន​ អភិបាល​រង​ស្រុក​ក្រឡាញ់​ បានចូលរួមជាមួយអង្គការកល្យាណមិត្ត ចែកអំណោយជូនបងប្អូនគ្រួសារភៀសសឹក ចំនួន១៦០គ្រួសារ​ ​ដែល​កំពុង​ស្នាក់​នៅវត្តបូណ៌ខ្នាតេជោ​ ឃុំ​ចន្លាស់ដៃ​ ស្រុក​ក្រឡាញ់​ ខេត្តសៀមរាប​ ដោយអំណោយ​ក្នុង១គ្រួសារ​ទទួលបាន៖ -ទឹកត្រី ១ដប -ទឹកស៊ីអុីវ ១ដប -ប៊ីចេង ១ថង់ -ស្កសរ ១ថង់ -ខ្លាញ់ ១ដប -សាប៊ូ ១ដប -មុង ភួយ ១

ពីកម្លាំងសាមគ្គីភាពឆ្ពោះទៅរកភពផែនដីបៃតងក្នុងស្មារតីស្រឡាញ់ធម្មជាតិរបស់អ្នកស្រុកអង្គរធំ ឆ្លុះបញ្ចាំងតាមរយៈការដាំកូនឈើជាង ៣មុឺនដើម ជុំវិញវត្តវិសុទ្ធិមគ្គ ក្រោមការដឹកនាំរបស់ព្រះសង្ឃ និងអាជ្ញាធរស្រុកអង្គរធំ ខេត្តសៀមរាប

ព្រឹត្តិការណ៍រត់កម្សាន្តជាមួយកងរាជអាវុធហត្ថខេត្តសៀមរាប នៅព្រឹកថ្ងៃទី១៤ ខែមិថុនា ឆ្នាំ២០២៦ ដែលមានចម្ងាយ៥គីឡូម៉ែត្រ និង៣គីឡូម៉ែត្រ មានការចូលរួមពីមហាជន ភ្ញៀវទេសចរណ៍ជាតិ អន្តរជាតិ កងកម្លាំង មន្រ្តីរាជការ ចំនួន៣៥២៧នាក់។ ព្រឹត្តិការណ៍រត់កម្សាន្តនេះ ក្រោមវត្តមានចូលរួម របស់លោកស្រី ម៉ននី រងី្ស អភិបាលរងខេត្តសៀមរាប និងលោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប។

នៅថ្ងៃទី១៣ ខែមិថុនា ឆ្នាំ២០២៦នេះ សាកលវិទ្យាល័យ ឯកទេស នៃកម្ពុជាសាខា ខេត្តសៀមរាប បានរៀបចំកម្មវិធីបើកដំណើរការជាផ្លូវការកម្មវិធីសហគ្រិន ដោយមានការគាំទ្រពីសហគ្រិនខ្មែរ និងក្រុមហ៊ុនដៃគូរជាច្រើននៅទូទាំងប្រទេស។

នៅថ្ងៃទី១៣ ខែមិថុនា ឆ្នាំ២០២៦ លោក ឌី រ៉ាដូ អភិបាលរងខេត្ដតំណាងឯកឧត្តម ប្រាក់ សោភ័ណ អភិបាលខេត្ដសៀមរាប បានជួបសំណេះសំណាលជាមួយ ប្រតិភូនៃសាកលវិទ្យាល័យចេនឡាដឹកនាំដោយលោកបណ្ឌិត អ៊ី លីម៉ា សាកលវិទ្យាធិការនៃសាកលវិទ្យាល័យចេនឡា ក្នុងការពិភាក្សាការងារ និងសម្ដែងការគួរសម។

សម្រស់ធម្មជាតិដ៏ស្រស់ត្រកាលនៃសហគមន៍ទេសចរណ៍បឹងឈូក ស្ថិតនៅក្នុងស្រុកបន្ទាយស្រីខេត្តសៀមរាប កំពុងទាក់ទាញភ្ញៀវទេសចរជាតិ និងអន្តរជាតិ ខណៈប្រជាពលរដ្ឋទទួលបានអត្ថប្រយោជន៍ពីការរីកចម្រើននៃវិស័យទេសចរណ៍សហគមន៍

អាជ្ញាធរជាតិអប្សរាមានកិត្តិយស សូមជូនដំណឹងដល់ក្រសួង/ស្ថាប័នជាតិ-អន្តរជាតិ អាជ្ញាធរដែនដី មន្ទីរ-អង្គភាព សមាគមទីភ្នាក់ងារទេសចរណ៍ សមាគមមគ្គុទ្ទេសក៍ទេសចរណ៍ សមាគមដឹកជញ្ជូនភ្ញៀវទេសចរ ក្រុមហ៊ុនទីភ្នាក់ងារទេសចរណ៍ ភ្ញៀវទេសចរជាតិ-អន្តរជាតិ និងសាធារណជនទាំងអស់មេត្តាជ្រាបថា អាជ្ញាធរ ជាតិអប្សរាបើកឱ្យទស្សនារួតបាកានប្រាសាទអង្គរវត្តជារៀងរាល់ថ្ងៃ លើកលែងតែពេលរសៀលថ្ងៃទី១៤ និង ថ្ងៃទី២៨ នៃខែនីមួយៗ ចាប់ពីម៉ោង១៣:០០នាទីរសៀល ដើម្បីអនុញ្ញាតឱ្យក្រុមការងារជំនាញបំពេញការងារ បច្ចេកទេសផ្សេងៗ ក្នុងគោលដៅធានានូវតម្លៃទីសក្ការៈនេះឱ្យបានល្អប្រសើរ។

ឯកឧត្តម ប្រាក់ សោភ័ណ ចាត់ក្រុមការងារនាំយកអំណោយជាគ្រឿងឧបភោគ បរិភោគ និងថវិកា ជូនបងប្អូនភៀសសឹក ៣២២គ្រួសារ នៅស្រុកស្រីស្នំ នៅថ្ងៃទី១២ ខែមិថុនា ឆ្នាំ២០២៦នេះ ឯកឧត្តម ប្រាក់ សោភ័ណ អភិបាលខេត្តសៀមរាប បានចាត់ លោក ង៉ូវ សេងកាក់ អភិបាលរងខេត្ត ដោយមានការចូលរួមពីអាជ្ញាធរស្រុក និងក្រុមការងារ ចុះសួរសុខទុក្ខ និងនាំយកអំណោយជាគ្រឿងឧបភោគ បរិភោគ និងថវិកាមួយចំនួន ជូនដល់បងប្អូនភៀសសឹកដែលកំពុងស្នាក់នៅក្នុងមណ្ឌលវត្តជ្រោយនាងងួន មណ្ឌលវត្តប្រសាទបុទុមោង មណ្ឌលវត្តសុវណ្ណគីរីកេសត្រោះ និងមណ្ឌលវត្តវេឡុវ័ន្តដោកពោយគោកក្រោល ក្នុងស្រុកស្រីស្នំ សរុបចំនួន ៣២២គ្រួសារ។ សម្រាប់អំណោយដែលបានផ្ដល់ជូន ក្នុងមួយគ្រួសារទទួលបាន៖ អង្ករ ២៥គីឡូក្រាម, មី១កេស, ទឹកត្រី១យួរ, ទឹកស៊ីអ៊ីវ១យួរ, ត្រីខ១យួរ និងថវិកា ៤០ម៉ឺនរៀល៕