ព័ត៌មានក្នុងខេត្ត

នាព្រឹកថ្ងៃទី១៨ ខែមិថុនា ឆ្នាំ២០២៦ ឯកឧត្តម ជិម រ៉ា សមាជិកក្រុមប្រឹក្សាខេត្តសៀមរាប និងលោក យុន លីនណេ អភិបាលរងខេត្ត បានអញ្ជើញជួបសំណេះសំណាល សួរសុខទុក្ខ និងនាំយកអំណោយដ៏ថ្លៃថ្លារបស់ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី នៃព្រះរាជាណាចក្រកម្ពុជា ចែកជូនបងប្អូនភៀសសឹកដែលកំពុងស្នាក់នៅក្នុងភូមិសាស្ត្រស្រុកអង្គរជុំ ខេត្តសៀមរាប។

កាលពីថ្ងៃទី១៧ និងទី១៨ ខែមិថុនា ឆ្នាំ២០២៦ ឯកឧត្តម ម៉ក់ សំភារ សមាជិកក្រុមប្រឹក្សាខេត្តសៀមរាប និងលោក ង៉ូវ សេងកាក់ អភិបាលរងខេត្ត បាននាំយកអំណោយដ៏ថ្លៃថ្លារបស់សម្ដេចតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ផ្ដល់ជូនបងប្អូនភៀសសឹកចំនួន ២៣៣គ្រួសារ ដែលស្នាក់នៅក្នុងសង្កាត់ចំនួន៧ នៃក្រុងសៀមរាប។

កាលពីថ្ងៃទី១៧ ខែមិថុនា ឆ្នាំ២០២៦ លោកលី សារី អភិបាលរងខេត្តសៀមរាប តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាលខេត្ត បានដឹកនាំក្រុមការងារ និងអាជ្ញាធរមូលដ្ឋានចុះសួរសុខទុក្ខ និងនាំយកអំណោយដ៏ថ្លៃថ្លារបស់ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ជូនដល់បងប្អូនភៀសសឹកចំនួន១៦០គ្រួសារ ដែលកំពុងស្នាក់នៅក្នុងវត្តស្វាយដង្គំ និង វត្តសសរស្តម្ភ ស្រុកពួក ខេត្តសៀមរាប។

នៅថ្ងៃទី១៨ ខែមិថុនា ឆ្នាំ២០២៦ ឯកឧត្តម លី សំរិទ្ធ ប្រធានក្រុមប្រឹក្សាខេត្ត និងលោក ង៉ូវ សេងកាក់ អភិបាលរងខេត្ត តំណាងឯកឧត្តម ប្រាក់ សោភ័ណ​ អភិបាលនៃគណៈអភិបាលខេត្តសៀមរាប បានដឹកនាំគណៈប្រតិភូរដ្ឋបាលខេត្តសៀមរាប ចូលរួមគោរពវិញ្ញាណក្ខន្ធ និងដាក់កម្រងផ្កាចំពោះវីរយុទ្ធជន វីរយុទ្ធនារី និងប្រជាជនកម្ពុជា នៅមហាចេតិយ ស្ថិតនៅតំបន់ប្រវត្តិសាស្ត្រយោធាតេជោកោះថ្ម អ៉ិច​១៦ (X16)​ឃុំទន្លូង ស្រុកមេមត់ ខេត្តត្បូងឃ្មុំ។

នៅព្រឹកថ្ងៃទី១៨ ខែមិថុនា ឆ្នាំ២០២៦នេះ បងប្អូនគ្រួសារកងទ័ព ជនមានពិការភាព និងចាស់ជរា ចំនួន១៨៥គ្រួសារ ក្នុងមូលដ្ឋានឃុំខ្នារសណ្ដាយស្រុកបន្ទាយស្រី ខេត្តសៀមរាប បានទទួលអំណោយជាស្បៀងអាហារពីឯកឧត្តម ហេង ធូ ប្រធានក្រុមការងាររាជរដ្ឋាភិបាលចុះមូលដ្ឋានឃុំខ្នារសណ្ដាយតាមរយៈអាជ្ញាធរស្រុកបន្ទាយស្រី ដោយអំណោយមាន អង្ករ មី ត្រីខ និងទឹកបរិសុទ្ធ។

ក្នុងន័យចូលរួមចំណែកក្នុងសកម្មភាពមនុស្សធម៌ និងជួយសង្គ្រោះប្រជាពលរដ្ឋដែលរងគ្រោះ និងងាយរងគ្រោះនៅក្នុងសហគមន៍ នារសៀលថ្ងៃទី១៧ ខែមិថុនា ឆ្នាំ២០២៦ សម្ដេចព្រះព្រហ្មរតនមុនី ពិន សែម សិរីសុវណ្ណោ ព្រះប្រធានថេរសភាពុទ្ធសាសនាកម្ពុជា និងជាព្រះចៅអធិការវត្តរាជបូណ៌ បានប្រគេននូវគ្រឿងឧបភោគបរិភោគ សម្ភារប្រើប្រាស់ និងថវិកាមួយចំនួន ជូនដល់សាខាកាកបាទក្រហមកម្ពុជាខេត្តសៀមរាប សម្រាប់បម្រើដល់ការងារមនុស្សធម៌ ក្នុងឱកាសខួបលើកទី១៦៣ ទិវាពិភពលោកកាកបាទក្រហម អឌ្ឍចន្ទក្រហម។

ថ្លែងបិទវគ្គបណ្តុះបណ្តាល ស្ដីពីកិច្ចការព័ត៌មាន និងសាធារណមតិ ជូនដល់មន្ត្រីបង្គោលនៃមន្ទីរអង្គភាព រដ្ឋបាលក្រុងស្រុក ឃុំសង្កាត់ក្នុងខេត្តសៀមរាប នារសៀលថ្ងៃទី១៧ ខែមិថុនា ឆ្នាំ២០២៦ លោក សុខ ថុល អភិបាលរងខេត្ត បានជំរុញលើកទឹកចិត្តដល់មន្ទីរអង្គភាព រដ្ឋបាលក្រុងស្រុក បង្កើនការផ្សព្វផ្សាយពីសកម្មភាពអភិវឌ្ឍន៍ក្នុងមូលដ្ឋានឱ្យបានទូលំទូលាយ ដើម្បីឱ្យប្រជាពលរដ្ឋបានជ្រាបច្បាស់ពីកិច្ចខិតខំប្រឹងប្រែងរបស់អាជ្ញាធរ ស្របតាមគោលនយោបាយរបស់រាជរដ្ឋាភិបាល។

ផ្ទះមនុស្សធម៌ទី១០១ ចំណាយថវិកាសាងសង់សរុប ៥ ១០០ដុល្លារ ក្នុងនោះ លោកជំទាវ មាស សន ជាម៉ន និង ឯកឧត្តម ជា សុភ័ក្ត្រ ព្រមទាំងក្រុមគ្រួសារ ឧបត្ថម្ភថវិកាចំនួន ៣ ៨០០ដុល្លារ និងថវិកាសាខាកាកក្រហមកម្ពុជាខេត្តសៀមរាប ចំនួន ១ ៣០០ដុល្លារ ត្រូវបានប្រគល់ជូន លោកស្រី ម៉ែន គឹមលី រស់នៅក្នុងស្រុកពួក ខេត្តសៀមរាប ជាម្ដាយវីរកងទ័ពឈ្មោះ សរ ឡស់ ភេទប្រុស អាយុ២៩ឆ្នាំ ជាវីរកងទ័ពម្នាក់ក្នុងចំណោម១៨នាក់ ដែលត្រូវកងទ័ពថៃចាប់ខ្លួនកាលពីខែកក្កដា ឆ្នាំ២០២៥។

អបអរសាទរ​! កម្ពុជា ត្រូវបានជាប់ឆ្នោតជាសមាជិកគណ:កម្មការអន្តររដ្ឋាភិបាល ដើម្បីកិច្ចការពារបេតិកភណ្ឌវប្បធម៌អរូបីសម្រាប់អណត្តិ២០២៦-២០៣០។ ស្ថិតក្នុងសម័យប្រជុំលើកទី១១ នៃរដ្ឋភាគីអនុសញ្ញាស្តីពីកិច្ចការពារបេតិកភណ្ឌវប្បធម៌អរូបីឆ្នាំ២០០៣ ដែលកំពុងប្រព្រឹត្តទៅនាទីស្នាក់ការកណ្តាល អង្គការយូណេស្កូ នៅថ្ងៃទី១៧-១៨ ខែមិថុនា ឆ្នាំ២០២៦ ហើយមានការចូលរួមពីរដ្ឋភាគីចំនួន១៨៥ប្រទេស កម្ពុជាត្រូវបានអង្គប្រជុំបោះឆ្នោតគាំទ្រជាប់ ជាសមាជិកគណ:កម្មការអន្តររដ្ឋាភិបាល ដើម្បីកិច្ចការពារបេតិកភណ្ឌវប្បធម៌អរូបីសម្រាប់អណត្តិឆ្នាំ២០២៦-២០៣០។

កាលពីរសៀលថ្ងៃទី១៦ ខែមិថុនា ឆ្នាំ២០២៦ នៅវត្តរាជបូរណ៍ ក្រុងសៀមរាប ថ្នាក់ដឹកនាំជាន់ខ្ពស់ក្រសួងធម្មការ និងសាសនា រួមជាមួយថ្នាក់ដឹកនាំពុទ្ធិកសាកលវិទ្យាល័យព្រះសីហនុរាជ និងអាជ្ញាធរខេត្តសៀមរាប បានឯកភាពជាគោលការណ៍ក្នុងការបង្កើតពុទ្ធិកសាកលវិទ្យាល័យព្រះសីហនុរាជ សាខាខេត្តសៀមរាប ដើម្បីឆ្លើយតបនឹងតម្រូវការសិក្សារបស់សមណនិស្សិត និងនិស្សិតនៅក្នុងតំបន់។

អាជ្ញាធរខេត្តសៀមរាប បានដាក់ចេញនូវវិធានការក្ដៅដោយចំពោះរោងសិប្បកម្មកែច្នៃ រោងសន្និធិ ដេប៉ូ សង្ហារឹម សិប្បកម្មឡឥដ្ឋដែលបើកខុសច្បាប់ ក្រុមមន្រ្ដីជំនាញនឹងបន្ដចុះធ្វើការស្រាវជ្រាវ ដើម្បីធ្វើការបិទរោងសិប្បកម្មជាបន្ទាន់ និងចាត់វិធានការទៅតាមផ្លូវច្បាប់ដោយគ្មានករណីលើកលែងឡើយ រាល់ទីតាំងអាជីវកម្មណាដែលពាក់ព័ន្ធនឹងបទល្មើសធនធានធម្មជាតិ និងមិនមានលិខិតអនុញ្ញាតត្រឹមត្រូវ។

ក្រោមការរៀបចំរបស់អង្គការរស់នៅ និងសិក្សានៅកម្ពុជា គាំទ្រថវិកាពីប្រទេសអៀរឡង់ តាមរយៈអង្គការ Oxfam Cambodia នៅថ្ងៃទី១៦ ខែមិថុនា ឆ្នាំ២០២៦ លោក អ៉ឹង គឹមលាង អភិបាលរងខេត្តសៀមរាប បានបន្តដឹកនាំមន្ត្រីរាជការ អាជ្ញាធរមូលដ្ឋាន និងប្រជាពលរដ្ឋ ដាំស្ដារឡើងវិញនូវកូនឈើព្រៃលិចទឹកប្រមាណ ៣ ០០០ដើម ក្នុងភូមិសាស្ត្រឃុំកែវពណ៌ ស្រុកពួក ខេត្តសៀមរាប។