ព័ត៌មានក្នុងខេត្ត

គណៈកម្មការរដ្ឋបាល បានជំរុញ និងអំពាវនាវដល់បងប្អូនប្រជាពលរដ្ឋ និងអ្នកពាក់ព័ន្ធទាំងអស់ ក្នុងឃុំសង្វើយ ស្រុកជីក្រែង ខេត្តសៀមរាប ចូលរួមពិនិត្យមើលទិន្នន័យលើប្លង់សុរិយោដីដែលបានបិទផ្សាយឱ្យបានគ្រប់គ្នា ខណៈការបិទផ្សាយនេះមានរយៈពេល១៥ថ្ងៃ ចាប់ពីថ្ងៃទី៣០ ខែមិថុនា ដល់ថ្ងៃទី១៤ ខែកក្កដា ឆ្នាំ២០២៦ ក្នុងបរិវេណវត្តដំរីឆ្លង ដែលការបិទផ្សាយនេះជាឱកាសចុងក្រោយសម្រាប់បងប្អូនពិនិត្យ និងស្នើសុំកែតម្រូវ មុនចេញបណ្ណកម្មសិទ្ធជូន។

អាជ្ញាធរខេត្តសៀមរាប បានលើកឡើងថា ដើម្បីសម្រេចបានចក្ខុវិស័យក្លាយជាប្រទេសមានចំណូលមធ្យមកម្រិតខ្ពស់ ឆ្នាំ២០៣០ និងក្លាយជាប្រទេសមានចំណូលខ្ពស់នៅក្នុងឆ្នាំ២០៥០ ពិតណាស់មិចខ្វះបានឡើយនូវធន់ធានមនុស្ស ដោយក្នុងនោះការពង្រឹងសមត្ថភាពភាពការអភិវឌ្ឍធនធានមនុស្ស គឺពិតជាបានចូលរួមចំណែកយ៉ាងសំខាន់ជាមួយរាជរដ្ឋាភិបាលកម្ពុជា ក្នុងការអភិវឌ្ឍប្រទេសជាតិ។

នៅព្រឹកថ្ងៃទី៣០ ខែមិថុនា ឆ្នាំ២០២៦ រដ្ឋបាលខេត្តសៀមរាប បានសហការជាមួយសាលាជាតិរដ្ឋបាលមូលដ្ឋាន នៃក្រសួងមហាផ្ទៃ បើកវគ្គអន្តរាគមន៍អភិវឌ្ឍសមត្ថភាពសម្រាប់មន្ត្រីរាជការស៊ីវិលដែលកំពុងបម្រើការងារនៅរដ្ឋបាលខេត្ត និងរដ្ឋបាលក្រុងស្រុក ដោយមានការចូលរួមពី លោក នាក់ ណេរ៉ុន អភិបាលរងខេត្តសៀមរាប និង លោក លឹម ពុទ្ធារី ប្រធាននាយកដ្ឋានបណ្តុះបណ្តាលនៃសាលាជាតិរដ្ឋបាលមូលដ្ឋាន។

នៅថ្ងៃទី២៩ ខែមិថុនា ឆ្នាំ២០២៦នេះ រដ្ឋបាលខេត្តសៀមរាប បានបើកកិច្ចប្រជុំបូកសរុបលទ្ធផលការងាររយៈពេល ៦ខែ ដើមឆ្នាំ២០២៦ ព្រមទាំងពិភាក្សាត្រៀមរៀបចំកិច្ចប្រជុំស្តីពីការតភ្ជាប់គោលដៅទេសចរណ៍ខេត្តសៀមរាប ទៅកាន់គោលដៅទេសចរណ៍នានាទូទាំងប្រទេស ដើម្បីជំរុញកំណើនភ្ញៀវទេសចរ និងលើកកម្ពស់សេដ្ឋកិច្ចមូលដ្ឋាន ដែលកិច្ចប្រជុំនេះ ដឹកនាំដោយ លោក ង៉ូវ សេងកាក់ អភិបាលរងខេត្ត ដោយមានការចូលរួមពីតំណាងអាជ្ញាធរជាតិអប្សរា គ្រឹះស្ថានអង្គរ មន្ទីរអង្គភាពជំនាញ រួមនិងតំណាងវិស័យឯកជន។

នាថ្ងៃទី៣០ ខែមិថុនា ឆ្នាំ២០២៦ នៅវត្តបូទុំមោង (ហៅវត្តមោង) ឃុំមោង ស្រុកស្រីស្នំ ខេត្តសៀមរាប ឯកឧត្តម សួស សុខចាន់ សមាជិកក្រុមប្រឹក្សាខេត្ត និងជាសមាជិកគណៈកម្មាធិការរៀបចំដែនដី និងនគរូបនីយកម្ម តំណាងដ៏ខ្ពង់ខ្ពស់ឯកឧត្តម លី សំរិទ្ធ ប្រធានក្រុមប្រឹក្សាខេត្តសៀមរាប បានចូលរួមពិធីប្រកាសបិទផ្សាយជាសាធារណៈនូវឯកសារនៃការវិនិច្ឆ័យក្បាលដីចំនួន ១០ ៨១៧ ក្នុងភូមិមោងខាងត្បូង ភូមិមោងខាងជើង ភូមិខ្វែក ភូមិកំបោរ និងភូមិល្វា នៃឃុំមោង ស្រុកស្រីស្នំ ខេត្តសៀមរាប។ ដោយមានការអញ្ជើញចូលរួមពីលោក អភិបាលរង នៃគណៈអភិបាលស្រុកស្រីស្នំ មន្ទីរ អង្គភាពជំនាញ មេឃុំ សមាជិកក្រុមប្រឹក្សាឃុំ មេភូមិគ្រប់ភូមិ និងប្រជាពលរដ្ឋជាម្ចាស់ក្បាលដី។ កម្មវិធីនេះ តម្រូវឱ្យអ្នកពាក់ព័ន្ធនឹងដីធ្លីក្នុងភូមិសាស្ត្រខាងលើត្រូវពិនិត្យលើទិន្នន័យ និងបញ្ជាក់ភាពត្រឹមត្រូវ ឬខុសឆ្គង ឬជំទាស់លើទិន្នន័យខាងលើ គិតចាប់ពីថ្ងៃទី៣០ ខែមិថុនា ដល់ថ្ងៃទី១៤ ខែកក្កដា ឆ្នាំ២០២៦ ដោយរាប់បញ្ចូលទាំងថ្ងៃឈប់សម្រាក។

វិញ្ញាបនបត្រសម្គាល់ម្ចាស់អចលនវត្ថុ (បណ្ណកម្មសិទ្ធិ) ចំនួន ៥ ៥៥៩បណ្ណ ត្រូវបានរដ្ឋបាលខេត្តសៀមរាប សហការជាមួយមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត និងរដ្ឋបាលស្រុកស្រីស្នំ ប្រគល់ជូនបងប្អូនប្រជាពលរដ្ឋជាម្ចាស់ដី និងអ្នកកាន់កាប់ដីក្នុងភូមិចំនួន៣ គឺភូមិត្រុំខាងជើង ភូមិស្ដៅពក និងភូមិអំពៅដៀប ឃុំជ្រោយនាងងួន ស្រុកស្រីស្នំ ខេត្តសៀមរាប យកទៅប្រើប្រាស់តាមតម្រូវការចាំបាច់ក្នុងគ្រួសារ នៅព្រឹកថ្ងៃទី២៩ ខែមិថុនា ឆ្នាំ២០២៦នេះ ក្នុងនៅបរិវេណសាលាឆទានភូមិអំពៅដៀប។

នៅព្រឹកថ្ងៃទី២៩ ខែមិថុនា ឆ្នាំ២០២៦នេះ រដ្ឋបាលស្រុកអង្គរជុំ បានបើកវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុក អាណត្តិទី៤ ឆ្នាំ២០២៦ ដើម្បីប្រមូលរាល់ក្ដីកង្វល់ និងតម្រូវការចាំបាច់របស់បងប្អូនប្រជាពលរដ្ឋក្នុងមូលដ្ឋានយកមកធ្វើការដោះស្រាយ ក្នុងគោលបំណងផ្ដល់ព័ត៌មានជូនប្រជាពលរដ្ឋអំពីបញ្ហាអាទិភាព របស់ក្រុមប្រឹក្សាសម្រាប់ឆ្នាំបន្ទាប់ ទទួលយកនូវអនុសាសន៍ សំណូមពររបស់ប្រជាពលរដ្ឋដើម្បីពិភាក្សា និងឆ្លើយតប។

នៅព្រឹកថ្ងៃ២៩ ខែមិថុនា ឆ្នាំ២០២៦នេះ រដ្ឋបាលខេត្តសៀមរាប និងមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បានបិទផ្សាយជាសាធារណៈនូវឯកសារវិនិច្ឆ័យដីធ្លីជូនដល់ប្រជាពលរដ្ឋ ពិនិត្យផ្ទៀងផ្ទាត់ កែតម្រូវ ឬជំទាស់ សម្រាប់ក្បាលដីក្នុងភូមិចំនួន៨ រួមមាន ភូមិអង្គ្រង ភូមិកន្ទ្រាំង ស្រិតខាងលិច ស្រិតខាងកើត ភូមិសូភី ត្រពាំងថ្នល់ តាត្រាវ ភូមិពង្រ ក្នុងឃុំកន្ទ្រាំង ស្រុកប្រាសាទបាគង ខេត្តសៀមរាប។

នៅថ្ងៃទី២៩ ខែមិថុនា ឆ្នាំ២០២៦នេះ រដ្ឋបាលខេត្តសៀមរាប និងទីភ្នាក់ងារសហប្រតិបត្តិការអន្តរជាតិជប៉ុន (JICA) បានបន្តបើកកិច្ចប្រជុំសាមញ្ញលើកទី៤ វេទិកាទីក្រុងឆ្លាតសៀមរាប នៃគម្រោងទីក្រុងឆ្លាតវៃ ខេត្តសៀមរាប ក្នុងគោលបំណងពិនិត្យវឌ្ឍនភាពការងារ បើកឱកាសឱ្យរដ្ឋ និងឯកជនពិភាក្សាប្រមូលធាតុចូល និងជំរុញការប្រើប្រាស់បច្ចេកវិទ្យាលើវិស័យអាទិភាព ដើម្បីប្រែក្លាយក្រុងសៀមរាបឱ្យទៅជាទីក្រុងបេតិកភណ្ឌទេសចរណ៍ដ៏ទំនើប មានសុវត្ថិភាព និងការអភិវឌ្ឍប្រកបដោយចីរភាព។

ឯកសារនៃការវិនិច្ឆ័យដីធ្លីដែលមានលក្ខណៈជាប្រព័ន្ធ ចំនួន ១៣ ៣៧៤ក្បាលដី ស្ថិតក្នុងភូមិចំនួន១២ រួមមាន៖ ភូមិត្រាំកង់ ភូមិឈូករ័ត្ន ភូមិរុន គោកត្នាត ខ្នាជោ ដំរីស្លាប់ ភូមិតាមាឃ ចន្លាស់ដៃ ព្រះលាន រលំស្វាយ កំបោរ និងភូមិដូនកាយ នៃឃុំចន្លាស់ដៃ ស្រុកក្រឡាញ់ ខេត្តសៀមរាប ត្រូវបានបីផ្សាយជាសាធារណៈ ដែលជាឱកាសចុងក្រោយសម្រាប់ប្រជាពលរដ្ឋធ្វើការត្រួតពិនិត្យ និងស្នើសុំកែតម្រូវទិន្នន័យ ដើម្បីធានានូវភាពត្រឹមត្រូវមុននឹងចេញបណ្ណកម្មសិទ្ធិជូន។

នៅថ្ងៃទី២៩ ខែមិថុនា ឆ្នាំ២០២៦ លេខាធិការដ្ឋានរៀបចំការបោះឆ្នោតខេត្តសៀមរាប បានប្រជុំផ្សព្វផ្សាយពីនីតិវិធីនៃការអនុវត្តការងាររៀបចំត្រៀមការស្រង់ស្ថិតិប្រជាពលរដ្ឋប៉ាន់ស្មាន និងការស្រង់ឈ្មោះអ្នកបោះឆ្នោត និងប្រជាពលរដ្ឋរៀងរាល់ ២ខែម្តង ទាក់ទងនឹងការត្រៀមពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ ជូនដល់អ្នកពាក់ព័ន្ធក្នុងខេត្ត។

ឯកឧត្តម ម៉ក់ សីហា អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកអង្គរធំ ខេត្តសៀមរាប បានណែនាំដល់ក្រុមការងារពាក់ព័ន្ធ និងមន្រ្តីជំនាញ ចង់ស្រង់ស្ថិតិប្រជាពលរដ្ឋដែលគ្រប់អាយុ ដើម្បីធ្វើអត្តសញ្ញាណបណ្ណជូនពួកគាត់ ក្នុងការត្រៀមខ្លួនបោះឆ្នោត និងបំពេញកាតព្វកិច្ចយោធានាពេលខាងមុខ។