ព័ត៌មានក្នុងខេត្ត
ទាំងអស់ព័ត៌មានជាតិមាតិកាសេចក្ដីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិកម្មវិធីផ្សាយផ្ទាល់
ព័ត៌មានជាតិ
មន្ទីរប្រៃសណីយ៍ និងទូរគមនាគមន៍ខេត្តសៀមរាប រៀបចំកិច្ចប្រជុំពិភាក្សា ស្ដីពីការប្រមូលទិន្នន័យសម្រាប់រៀបចំសូចនាករក្នុងវិស័យប្រៃសណីយ៍
នៅថ្ងៃទី៣០ ខែតុលា ឆ្នាំ២០២៦នេះ មន្ទីរប្រៃសណីយ៍ និងទូរគមនាគមន៍ខេត្តសៀមរាប ដោយមានកិច្ចសហការជាមួយរដ្ឋបាលខេត្ត បានរៀបចំប្រជុំពិភាក្សា ស្ដីពី «ការប្រមូលទិន្នន័យសម្រាប់រៀបចំសូចនាករក្នុងវិស័យប្រៃសណីយ៍ ទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន» ជូនដល់អ្នកពាក់ព័ន្ធក្នុងខេត្តសៀមរាប ជាពិសេសរដ្ឋបាលក្រុងស្រុក ឃុំសង្កាត់ ក្នុងគោលបំណងពង្រឹងគុណភាព និងភាពត្រឹមត្រូវនៃទិន្នន័យស្ថិតិ ដើម្បីឆ្លើយតបទៅនឹងតម្រូវការជាក់ស្ដែងក្នុងការតាមដាន វាយតម្លៃ និងរៀបចំគោលនយោបាយអភិវឌ្ឍន៍សេដ្ឋកិច្ច និងសង្គមឌីជីថលនៅកម្ពុជា។
ព័ត៌មានជាតិ
ទូក «ង» វត្តអធ្វា ទទួលបានចំណាត់ថ្នាក់លេខ១ ក្នុងកម្មវិធីប្រណាំងទូកមិត្តភាពលក្ខណៈសហគមន៍ ដែលរៀបចំឡើងដោយវត្តអារញ្ញសាគរ
ទូក «ង» ឈ្មោះនាងកែវមុន្នីមានជ័យបារមី ប្រាសាទវត្តអាធ្វារ របស់វត្តអធ្វា ក្រុងសៀមរាប ទទួលបានជ័យលាភីលេខ១ និងទូកឈ្មោះ ស្ដេចដំរីសភ្លុកខៀវមានជ័យ បារមីវត្តអារញ្ញសាគរ របស់វត្តអារញ្ញសាគរ បានជ័យលាភីលេខ២ ពីកម្មវិធីប្រណាំងទូកមិត្តភាពជាលក្ខណៈសហគមន៍ នៅដងស្ទឹងសៀមរាប ក្នុងភូមិសាស្ត្រចំណុចចុងស្រុកសង្កាត់សៀមរាប ដើម្បីអបអរសាទរពិធីចេញព្រះវស្សា ព្រមទាំងរួមចំណែកលើកកម្ពស់វប្បធម៌ ទំនៀមទម្លាប់ ប្រពៃណីជាតិ ផ្ដល់ឱកាសជូនប្រជាពលរដ្ឋបានកម្សាន្តសប្បាយ និងជួយទាក់ទាញភ្ញៀវទេសចរ។
ព័ត៌មានជាតិ
វត្តព្រះព្រហ្មរ័ត្ន ក្រុងសៀមរាប ទទួលអង្គកឋិនទានសាមគ្គី សម្រាប់ទ្រទ្រង់ចតុបច្ច័យដល់ព្រះសង្ឃ និងបន្តកសាងហេដ្ឋារចនាសម្ព័ន្ធក្នុងវត្ត
នៅថ្ងៃទី២៧ និង២៨ ខែតុលា ឆ្នាំ២០២៦នេះ ថ្នាក់ដឹកនាំ និងនាយទាហាន ចំណុះទីបញ្ជាការយោធភូមិភាគទី៤ ដោយមានការមូលមតិគ្នាជាមួយគណៈកម្មការ អាចារ្យ និងពុទ្ធបរិស័ទចំណុះជើងវត្ត បានដង្ហែអង្គកឋិនទានសាមគ្គី ប្រគល់ដល់ព្រះសង្ឃក្នុងវត្តព្រះព្រហ្មរ័ត្ន ក្រុងសៀមរាប សម្រាប់ទ្រទ្រង់ចតុបច្ច័យដល់ភិក្ខុសង្ឃ កសាងហេដ្ឋារចនាសម្ព័ន្ធ និងសមិទ្ធផលនានាក្នុងវត្ត ជាពិសេសផ្គត់ផ្គង់ទៅលើសម្ភារសិក្សាដល់សាមណសិស្សកំពុងសិក្សានៅពុទ្ធិកសិក្សាជាដើម។
ព័ត៌មានជាតិ
រដ្ឋបាលស្រុកស្រីស្នំ នឹងអនុវត្តវិធានការតាមផ្លូវច្បាប់ ចំពោះបងប្អូនអាជីវករលក់ដូរនៅផ្សារស្រីស្នំ ដែលមិនចូលរួមរៀបចំការលក់ដូរឱ្យបានត្រឹមត្រូវ
រដ្ឋបាលស្រុកស្នំ ខេត្តសៀមរាប បានណែនាំដល់បងប្អូនអាជីវករ និងបងប្អូនប្រជាពលរដ្ឋទាំងអស់នៅផ្សារស្រីស្នំ ដែលបានដាក់តាំងសម្ភារ ឬទុកដាក់សំរាមមិនត្រឹមត្រូវ ត្រូវរុះរើ និងកែតម្រូវជាបន្ទាន់ ចាប់ពីថ្ងៃទី២៨ ខែតុលា ឆ្នាំ២០២៦នេះតទៅ ប្រសិនបើពុំអនុវត្តតាមទេ អាជ្ញាធរស្រុកនឹងអនុវត្តវិធានការច្បាប់ ដោយធ្វើការរុះរើ ដកហូតសម្ភារ ផាកពិន័យជាប្រាក់ និងចាត់វិធានការផ្លូវច្បាប់ជាធរមាន។
ព័ត៌មានជាតិ
ឧត្តមសេនីយ៍ឯក លឹម តុងហួត ជំរុញឱ្យប្រជាពលរដ្ឋប្រើប្រាស់កម្មវិធី "NoDrugs" ដើម្បីរាយការណ៍អំពីបញ្ហាគ្រឿងញៀនដោយសុវត្ថិភាព និងរក្សាការសម្ងាត់
ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ អប់រំ និងទំនាក់ទំនងសាធារណៈ បានមានប្រសាសន៍ថា ថ្នាក់ដឹកនាំ និងមន្ត្រីពាក់ព័ន្ធគ្រប់លំដាប់ថ្នាក់បានជ្រាបច្បាស់រួចហើយថា បញ្ហាគ្រឿងញៀនគឺជាបញ្ហាដ៏ស្មុគស្មាញមួយ ដែលកំពុងកើតមានឡើងទាំងនៅតំបន់ទីប្រជុំជន និងនៅតាមជនបទ ស្ថានភាពនេះ ទាមទារឱ្យមានការចូលរួមប្រយុទ្ធប្រឆាំងទាំងអស់គ្នាពីគ្រប់ភាគីពាក់ព័ន្ធ។
ព័ត៌មានជាតិ
មន្ត្រីជាន់ខ្ពស់ក្រសួងកសិកម្ម បន្តដឹកនាំក្រុមការងារ និងមន្រ្ដីជំនាញ ចុះបង្ក្រាបបទល្មើសធនធានជលផល ក្នុងភូមិសាស្ដ្រខេត្តសៀមរាប និងខេត្តបាត់ដំបង
នៅថ្ងៃទី២៨ ខែតុលា ឆ្នាំ២០២៦ ឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានបន្ដដឹកនាំក្រុមការងារពាក់ព័ន្ធ និងមន្រ្ដីជំនាញ ចុះពិនិត្យ និងបង្ក្រាបបទល្មើសធនធានជលផល ចាប់ពីចំណុចមាត់ពាមចុងឃ្នៀស សង្កាត់ចុងឃ្នៀស ក្រុង និងខេត្តសៀមរាប រហូតដល់ចំណុចកោះក្អែក ពាក់កន្ទេល ភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង ដើម្បីធានាបាននូវពូជត្រីបានគង់វង្សសម្រាប់ជាផ្នែកមួយ ក្នុងការចិញ្ចឹមប្រជាពលរដ្ឋតាមរយៈការប្រកបរបរនេសាទដោយស្របច្បាប់។
ព័ត៌មានជាតិ
វត្តអារញ្ញសាគរ ក្រុងសៀមរាប រៀបចំពិធីប្រណាំងទូក «ង» ដើម្បីអបអរសាទរ និងលើកស្ទួយមរតកវប្បធម៌ដូនតា
ដើម្បីចូលរួមចំណែកលើកកម្ពស់វប្បធម៌ ទំនៀមទម្លាប់ ប្រពៃណីជាតិ ព្រមទាំងផ្តល់ឱកាសជូនប្រជាពលរដ្ឋបានកម្សាន្តសប្បាយ និងទាក់ទាញភ្ញៀវទេសចរជាតិ-អន្តរជាតិ វត្តអារញ្ញសាគរក្រោមគំនិតផ្តួចផ្តើមពី ព្រះគ្រូ ហាក់ គឹមហ៊ត់ ចៅអធិការវត្ត បានសហការជាមួយអាជ្ញាធរមូលដ្ឋាន រៀបចំពិធីប្រណាំងទូក «ង» រយៈពេល២ថ្ងៃ គឺចាប់ពីថ្ងៃទី២៧ ដល់ថ្ងៃទី២៨ ខែតុលា ឆ្នាំ២០២៦ ដោយមានទូក «ង» ចូលរួមប្រកួតសរុប ៩ទូក និងកិត្តិយស ៦ទូក មានកីឡាករ កីឡាការិនី ២៧០នាក់ និងមានទូកមកពីខេត្តកំពង់ធំចូលរួមផងដែរ។
ព័ត៌មានជាតិ
រយៈពេល៩ខែ ឆ្នាំ២០២៦ បទល្មើសនៅខេត្តសៀមរាបមានថយចុះគួរឱ្យកត់សម្គាល់ ខណៈសមត្ថកិច្ចបង្ក្រាបបាន ១០០ភាគរយ តាមរយៈយុទ្ធសាស្ត្រគន្លឹះ
យោងតាមរបាយការណ៍របស់ស្នងការនគរបាលខេត្តសៀមរាប បានបង្ហាញថា គិតត្រឹមរយៈពេល ៩ខែ ឆ្នាំ២០២៦ នេះ បទល្មើសផ្សេងៗរួមមាន ក្មេងទំនើង អំពើហិង្សា អំពើអនាចារ ការជួញដូរមនុស្ស ល្បែងស៊ីសង បទល្មើសព្រហ្មទណ្ឌ និងបទល្មើសសេដ្ឋកិច្ច នៅក្នុងខេត្តសៀមរាប មានការថយចុះគួរឱ្យកត់សម្គាល់បើធៀបនឹងរយៈពេលដូចគ្នាក្នុងឆ្នាំ២០២៥ ខណៈបទល្មើសទាំងអស់ត្រូវបានសមត្ថកិច្ចបង្ក្រាបបាន ១០០ភាគរយ ស្របតាមយុទ្ធសាស្ត្រគន្លឹះដែលបានដាក់ចេញ។
ព័ត៌មានជាតិ
ក្ដីកង្វល់របស់ប្រជាពលរដ្ឋក្នុងមូលដ្ឋានស្រុកក្រឡាញ់ ត្រូវបានលើកយកមកដោះស្រាយ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តសៀមរាប
សំណួរ និងសំណូមពរ ដែលជាក្ដីកង្វល់ និងតម្រូវការរបស់ប្រជាពលរដ្ឋ ក្នុងមូលដ្ឋានស្រុកក្រឡាញ់ ត្រូវបានលើកយកមកពិភាក្សា និងដោះស្រាយ ដោយមន្ត្រីជំនាញធ្វើការស្រាយបំភ្លឺ និងឆ្លើយតបជូនប្រជាពលរដ្ឋភ្លាមៗ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តសៀមរាប អាណត្តិទី៤ ឆ្នាំ២០២៦ គោលដៅទី២ នៅថ្ងៃទី២៨ ខែតុលា ឆ្នាំ២០២៦នេះ។
ព័ត៌មានជាតិ
តំបន់ផាប់ស្ទ្រីត និងតំបន់ដងស្ទឹងសៀមរាប ត្រូវបានជ្រើសរើសសម្រាប់ការអនុវត្តវិធីសាស្រ្តទីក្រុងឆ្លាតវៃ ដើម្បីដោះស្រាយបញ្ហាទីក្រុង
តំបន់ផាប់ស្ទ្រីត (Pub Street) និងតំបន់ដងស្ទឹងសៀមរាប ត្រូវបានជ្រើសរើសយកមកអនុវត្តវិធីសាស្ត្រទីក្រុងឆ្លាតវៃ (Smart City) ក្រោម «យុទ្ធសាស្ត្រកំណើនទីក្រុងឆ្លាតវៃរំដួល» ក្នុងគោលបំណងដោះស្រាយបញ្ហាប្រឈមនានា ព្រមទាំងជំរុញការលូតលាស់សេដ្ឋកិច្ច និងទេសចរណ៍នៅប៉ែកឦសាននៃក្រុងសៀមរាប។
ព័ត៌មានជាតិ
វត្តកេសរារាម ទទួលអង្គកឋិនទានសាមគ្គី ដើម្បីបន្តជួយទ្រទ្រង់ការសិក្សា និងចតុបច្ច័យភិក្ខុសង្ឃ និងបន្តសាងសង់សង្ឃាសនៈក្នុងវត្ត
អង្គកឋិនទានសាមគ្គី ផ្ដួចផ្ដើមដោយគណៈកម្មការ អាចារ្យ និងប្រជាពុទ្ធបរិស័ទចំណុះជើង ត្រូវបានហែចូលទៅប្រគេនដល់ព្រះសង្ឃគង់ចាំវស្សាក្នុងវត្តកេសរារាម ក្រុង និងខេត្តសៀមរាប នៅរសៀលថ្ងៃទី២៧ ខែតុលា ឆ្នាំ២០២៦នេះ ដើម្បីជួយទ្រទ្រង់ចតុបច្ច័យដល់ភិក្ខុ សាមណេរ និងផ្គត់ផ្គង់សម្ភារសិក្សា ដល់សមណសិស្សដែលនិមន្តពីស្រុក និងខេត្តផ្សេងៗ មកស្នាក់នៅសិក្សារៀនសូត្រ និងបន្តសាងសង់សង្ឃាសនៈក្នុងវត្ត។
ព័ត៌មានជាតិ
មេចុងភៅស្ត្រីកម្ពុជាដំបូងគេ ចូលរួមវេទិកាពិភាក្សាអន្តរជាតិនៅ EHL សាលាសណ្ឋាគារ និងទេសចរណ៍លេខ ១ លើពិភពលោក នាប្រទេសស្វីស
អស់រយៈពេលជាងពីរទសវត្សរ៍មកហើយ ដែលមេចុងភៅ ប៉ុល គឹមសាន បានខិតខំប្រឹងប្រែងយ៉ាងសកម្មក្នុងការផ្សព្វផ្សាយម្ហូបអាហារខ្មែរទៅកាន់ឆាកអន្តរជាតិ ដើម្បីឱ្យពិភពលោកបានស្គាល់កាន់តែច្បាស់ពីអត្តសញ្ញាណ និងភាពសម្បូរបែបនៃសិល្បៈវប្បធម៌កម្ពុជា។
ព័ត៌មានជាតិ
ក្រុមប្រឹក្សាខេត្តសៀមរាបបើកវេទិកាផ្សព្វផ្សាយ និងពិគ្រោះយោបល់ឆ្នាំ២០២៦ នៅស្រុកស្រីស្នំ ដើម្បីស្វែងរកដំណោះស្រាយផ្ទាល់ជូនប្រជាពលរដ្ឋ
ក្រុមប្រឹក្សាខេត្តសៀមរាប នៅថ្ងៃទី២៧ ខែតុលា ឆ្នាំ២០២៦ បានបើកដំណើរការវេទិកាផ្សព្វផ្សាយ និងពិគ្រោះយោបល់ អាណត្តិទី៤ ឆ្នាំ២០២៦ គោលដៅទី១ នៅស្រុកស្រីស្នំ ក្រោមអធិបតីភាពដ៏ខ្ពង់ខ្ពស់ ឯកឧត្តម លី សំរិទ្ធ ប្រធានក្រុមប្រឹក្សាខេត្ត និង លោក ឌី រ៉ាដូ អភិបាលរងខេត្ត និងមានការចូលរួមពី ឯកឧត្តម នូ ផល្លា តំណាងរាស្ត្រមណ្ឌលសៀមរាប តំណាងមន្ទីរអង្គភាពជុំវិញខេត្ត អ្នកពាក់ព័ន្ធ និងប្រជាពលរដ្ឋជាច្រើនរូប។