ព័ត៌មានក្នុងខេត្ត

ក្នុងក្របខណ្ឌនៃការពង្រឹងការទូតវប្បធម៌ និងការលើកកម្ពស់កិច្ចសហប្រតិបត្តិការលើវិស័យអប់រំ វប្បធម៌ និងវិទ្យាសាស្ត្រ រវាងព្រះរាជាណាចក្រកម្ពុជា និងសាធារណរដ្ឋប៊ុលហ្គារី ឯកឧត្តមបណ្ឌិត ជា ច័ន្ទបរិបូរណ៍ ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំសាធារណរដ្ឋប៊ុលហ្គារី បានអញ្ជើញជួបពិភាក្សាការងារជាមួយ Assoc. Prof. Kalina Ivanova អគ្គនាយកនៃ National Library of Bulgaria “St. St. Cyril and Methodius” ដើម្បីពិភាក្សាអំពីការបង្កើត «មជ្ឈមណ្ឌលសៀវភៅកម្ពុជា» (Cambodia Book Corner) នៅក្នុងបណ្ណាល័យជាតិប៊ុលហ្គារី។

ក្ដីកង្វល់ និងសំណូមពររបស់ពលរដ្ឋពាក់ព័ន្ធនឹងវិស័យអប់រំ វិស័យអភិវឌ្ឍន៍ជនបទ វិស័យសន្តិសុខសណ្ដាប់ធ្នាប់ និងវិស័យដីធ្លី ក្នុងឃុំស្លែងស្ពាន ក្នុងស្រុកស្រីស្នំ ត្រូវបានលើកយកមកពិភាក្សា និងដោះស្រាយជូនពលរដ្ឋ ក្នុងវេទិកាសាធារណៈ ស្ដីពីការត្រួតពិនិត្យ និងគាំទ្រការអនុវត្តកម្មវិធី នយោបាយ និងយុទ្ធសាស្ត្របញ្ចកោណដំណាក់ទី១ របស់ក្រុមការងាររាជរដ្ឋាភិបាលចុះមូលដ្ឋានស្រុកស្រីស្នំ នៅថ្ងៃទី៧ ខែកក្កដា ឆ្នាំ២០២៦នេះ។

ក្នុងឱកាសផ្សព្វផ្សាយច្បាប់ស្តីពីជលផល សេចក្ដីជូនដំណឹងស្តីពីរដូវបិទនេសាទឆ្នាំ២០២៦ និងឧបសម្ព័ន្ធឧបករណ៍ខ្នាតតូច ជូនដល់ប្រជានេសាទមកពីឃុំកំពង់ឃ្លាំង ស្រុកសូទ្រនិគម និងភូមិមាត់ខ្លា ឃុំអន្លង់សំណរ ស្រុកជីក្រែង កាលពីថ្ងៃទី៦ ខែកក្កដា ឆ្នាំ២០២៦ លោក អ៊ឹង គឹមលាង អភិបាលរងខេត្តសៀមរាប បានប្រកាសអនុវត្តច្បាប់យ៉ាងដាច់ណាត់ ចំពោះបុគ្គលទាំងឡាយណាដែលប្រកបរបរនេសាទដោយប្រើឧបករណ៍ខុសច្បាប់។

វិវាទដីធ្លីមួយកន្លែងដែលមានទីតាំងស្ថិតនៅភូមិគោករុន ឃុំសសរស្តម្ភ ស្រុកពួក ខេត្តសៀមរាប ត្រូវបានក្រុមការងារដោះស្រាយវិវាទក្រៅប្រព័ន្ធតុលាការសម្របសម្រួលបញ្ចប់ដោយជោគជ័យ បន្ទាប់ពីភាគីទាំងសងខាងបានឯកភាពគ្នាតាមគោលការណ៍ «ឈ្នះ-ឈ្នះ»។

លោកសាស្ត្រាចារ្យ យ៉ៃ ចន្ទនា ប្រធានមន្ទីរពេទ្យជ័យវរ្ម័នទី៧ (គន្ធបុប្ផាខេត្តសៀមរាប) បានអំពាវនាវដល់ឪពុកម្ដាយ និងអាណាព្យាបាល ឱ្យមានការប្រុងប្រយ័ត្នខ្ពស់ និងថែទាំសុខភាពសមាជិកគ្រួសារចំពោះជំងឺគ្រុនឈាម ដែលអាចបណ្ដាលឱ្យបាត់បង់ជីវិត ខណៈក្នុងឆ្នាំ២០២៦នេះ ត្រូវបានព្យាករណ៍ថា អាចនឹងមានការកើនឡើងជាងបណ្ដាឆ្នាំមុនៗ។

កាលពីថ្ងៃទី៥ ខែកក្កដា ឆ្នាំ២០២៦ ឯកឧត្តមវេជ្ជបណ្ឌិត ង៉ូវ កាង រដ្ឋលេខាធិការក្រសួងសុខាភិបាល និងជាប្រធានក្រុមការងារចុះពង្រឹងមន្ទីរពេទ្យខេត្ត បានអញ្ជើញចុះអភិបាលគាំទ្រ និងពិនិត្យវឌ្ឍនភាពការបម្រើសេវាសុខាភិបាល នៅមន្ទីរពេទ្យខេត្តសៀមរាប ដើម្បីជួយគាំទ្រ លើផែនការសកម្មភាពរបស់មន្ទីរពេទ្យ និងពង្រឹងគុណភាព សមត្ថភាព ការបម្រើសេវាផ្នែកសង្គ្រោះបន្ទាន់ ផ្នែកវះកាត់ ផ្នែកអមវេជ្ជសាស្ត្រ ផ្នែកពិគ្រោះជំងឺក្រៅ និងលំហូរអ្នកជំងឺនៅក្នុងមន្ទីរពេទ្យទាំងមូល រួមនឹងការពិនិត្យពង្រឹងសោភ័ណភាព ទីធ្លា អនាម័យ ហេដ្ឋារចនាសម្ព័ន្ធ និងឯកសណ្ឋានរបស់បុគ្គលិក។

នៅថ្ងៃទី៦ ខែកក្កដា ឆ្នាំ២០២៦នេះ លោក ហែន ពុទ្ធី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាលខេត្តសៀមរាប និងជាប្រធានគណៈកម្មការរដ្ឋបាល បានបន្តដឹកនាំបើកកិច្ចប្រជុំគណៈកម្មការរដ្ឋបាល ដើម្បីពិនិត្យ និងពិភាក្សាលើការកំណត់ទំហំខ្សែផ្លូវ អូរ ប្រឡាយ ស្ទឹង និងត្រពាំងបឹងបួរ ស្ថិតនៅក្នុងភូមិសាស្ត្រ ឃុំត្រាំសសរ ឃុំប្រីយ៍ និងឃុំស្លែងស្ពាន ស្រុកស្រីស្នំ ខេត្តសៀមរាប។

នៅព្រឹកថ្ងៃទី៦ ខែកក្កដា ឆ្នាំ២០២៦នេះ លោកឧត្ដមសេនីយ៍ទោ ហួត សុធី ស្នងការនៃស្នងការដ្ឋាននគរបាលខេត្តសៀមរាប បានអញ្ជើញត្រួតពិនិត្យដំណើរការបំពេញបែបបទផ្តល់អត្តសញ្ញាណបណ្ណសញ្ជាតិខ្មែរ ជូនប្រជាពលរដ្ឋចំណាកស្រុកទាំងពីរភេទ ដែលស្នើសុំធ្វើអត្តសញ្ញាណបណ្ណសញ្ជាតិខ្មែរ ឬបន្តសុពលភាពអត្តសញ្ញាណបណ្ណសញ្ជាតិខ្មែរ នៅស្នងការដ្ឋាននគរបាលខេត្តសៀមរាប។

ក្នុងឱកាសដឹកនាំបើកកិច្ចប្រជុំសាមញ្ញ លើកទី២៦ នៅថ្ងៃទី៦ ខែកក្កដា ឆ្នាំ២០២៦នេះ ឯកឧត្តម លី សំរិទ្ធ ប្រធានក្រុមប្រឹក្សាខេត្តសៀមរាប បានសង្កត់ធ្ងន់លើបញ្ហាដែលរាជរដ្ឋាភិបាលកំពុងយកចិត្តទុកដាក់ គឺការបោសសម្អាតបទល្មើសឆបោកតាមប្រព័ន្ធបច្ចេកវិទ្យា ដោយឯកឧត្តមបានបញ្ជាឱ្យកងកម្លាំងប្រដាប់អាវុធ និងគណៈបញ្ជាការឯកភាពរដ្ឋបាលក្រុងស្រុក ត្រូវបង្កើនកិច្ចសហការ និងអនុវត្តវិធានការបង្ក្រាបឱ្យបានដាច់ខាត ដើម្បីការពារសន្តិសុខសណ្ដាប់ធ្នាប់ កុំឱ្យប៉ះពាល់ដល់ទំនុកចិត្តភ្ញៀវទេសចរ និងអ្នកវិនិយោគនៅក្នុងខេត្តសៀមរាប។

ចាប់ពីថ្ងៃទី៤-៦ ខែកក្កដា ឆ្នាំ២០២៦ គណៈកម្មការ អាចារ្យ និងពុទ្ធបរិស័ទវត្តរាជបូណ៌ មូលមតិគ្នាប្រារព្ធពិធីបុណ្យផ្កាប្រាក់មហាសាមគ្គី កសាងពុទ្ធមណ្ឌលវិបស្សនាអន្តរជាតិនៃកម្ពុជា ស្ថិតនៅភូមិបំពេញរាជ្យ ឃុំលាងដៃ ស្រុកអង្គរធំ ខេត្តសៀមរាប ក្រោមការផ្ដួចផ្ដើមគ្រប់គ្រងដ៏ខ្ពង់ខ្ពស់របស់ សម្ដេចព្រះព្រហ្មរតនមុនី ពិន សែម សិរីសុវណ្ណោ ។ ពិធីនេះដែរក៏មានការចូលរួមពីសំណាក់ លោកជំទាវ ទាង អេង ទៀ សីហា និង លោកជំទាវ កុយ សាលីណា ខេង សាមេធ រួមនឹង លោក លី សារី អភិបាលរងខេត្តសៀមរាប ដោយមានការនិមន្តចូលរួមពីព្រះសង្ឃ និងប្រជាពលរដ្ឋបរិស័ទជាច្រើនអង្គនាក់ផងដែរ៕

ឯកឧត្តម កៅ អ៊ីមរ៉ន រដ្ឋលេខាធិការក្រសួងព័ត៌មាន បានជំរុញលើកទឹកចិត្តដល់យុវវ័យទាំងអស់ ត្រូវរៀបចំខ្លួនឱ្យក្លាយជា «ពលរដ្ឋឌីជីថលល្អ» និងជា«ភ្នាក់ងារសុវត្ថិភាពព័ត៌មាន» ម្នាក់ដ៏សកម្ម ដើម្បីទប់ស្កាត់ការរីកសាយភាយនូវព័ត៌មានក្លែងក្លាយ ដែលមិនត្រឹមតែបំពុលសង្គមជាតិប៉ុណ្ណោះទេ ប៉ុន្តែវាក៏អាចបំផ្លាញទំនុកចិត្ត យល់ច្រឡំ និងបង្កើតភាពវឹកវរនៅក្នុងគ្រួសារ និងសហគមន៍របស់យើងទៀតផង។

នាថ្ងៃទី៥ ខែកក្កដា ឆ្នាំ២០២៦ ព្រឹត្តិការណ៍សម្ដែងក្បាច់រាំជប៉ុនបែប Anime និង Street Dance ដ៏រស់រវើក ត្រូវបានរៀបចំឡើងនៅខេត្តសៀមរាប ដោយការិយាល័យកុងស៊ុលជប៉ុនប្រចាំខេត្តសៀមរាប សហការជាមួយមូលនិធិជប៉ុន (The Japan Foundation) ដោយព្រឹត្តិការណ៍នេះត្រូវបានអាជ្ញាធរខេត្តសៀមរាប ចាត់ទុកថាជាស្ពានមិត្តភាពវប្បធម៌ដ៏សំខាន់ក្នុងការតភ្ជាប់ទំនាក់ទំនងរវាងប្រជាជននៃប្រទេសទាំងពីរ។