ព័ត៌មានក្នុងខេត្ត

ឯកសារនៃការវិនិច្ឆ័យដីធ្លីដែលមានលក្ខណៈជាប្រព័ន្ធចំនួន ៦ ៥៣៣ ក្បាលដី ស្ថិតក្នុងភូមិចំនួន១០ រួមមាន៖ ភូមិក្ដុល ភូមិភ្នំតូច ភូមិតាអាន ភូមិថ្មី ភូមិតាឡើង ភូមិសំរោង ភូមិទឹកជុំ ភូមិត្រពាំងឈូក ភូមិអន្លង់ និងភូមិសសៃពង នៃឃុំតាអាន ស្រុកក្រឡាញ់ ខេត្តសៀមរាប ត្រូវបានបិទផ្សាយជាសាធារណៈនៅថ្ងៃទី១២ ខែសីហា ឆ្នាំ២០២៦ ដែលជាឱកាសចុងក្រោយសម្រាប់ប្រជាពលរដ្ឋធ្វើការត្រួតពិនិត្យ និងស្នើសុំកែតម្រូវទិន្នន័យ ដើម្បីធានានូវភាពត្រឹមត្រូវ និងសុក្រឹតមុននឹងចេញបណ្ណកម្មសិទ្ធិជូន។

‎នៅព្រឹកថ្ងៃទី១២ ខែសីហា ឆ្នាំ២០២៦នេះ ក្រុមប្រឹក្សាខេត្តសៀមរាប អាណត្តិទី៤ បានរៀបចំកិច្ចប្រជុំវិសាមញ្ញលើកទី៩ ដើម្បីពិនិត្យ ពិភាក្សា និងអនុម័តលើផែនការចំណូល-ចំណាយថវិកាឆ្នាំ២០២៧ របស់រដ្ឋបាលខេត្ត ឱ្យស្របតាមកាលកំណត់នៃការគ្រោងថវិកាប្រចាំឆ្នាំ ក្រោមកិច្ចដឹកនាំរបស់ ឯកឧត្តម តោ គឹមស៊ាន សមាជិកក្រុមប្រឹក្សាខេត្ត និង លោក ព្រឹម រដ្ឋា អភិបាលរងខេត្ត ដោយមានការអញ្ជើញចូលរួមពីសំណាក់ថ្នាក់ដឹកនាំពាក់ព័ន្ធជាច្រើនរូប។

នៅរសៀលថ្ងៃទី១១ ខែសីហា ឆ្នាំ២០២៦ លោក នួន ពុទ្ធារ៉ា ប្រធានគណៈកម្មាធិការអនុសាខាកាកបាទក្រហមកម្ពុជា ក្រុងសៀមរាប តំណាងដ៏ខ្ពង់ខ្ពស់ ឯកឧត្ដម ប្រាក់ សោភ័ណ ប្រធានគណៈកម្មាធិការសាខាខេត្ត បានដឹកនាំសហការី អញ្ជើញចុះសួរសុខទុក្ខ និងនាំយកអំណោយមនុស្សធម៌ផ្ដល់ជូនគ្រួសារដែលរងគ្រោះដោយសារអគ្គីភ័យឆេះលំនៅឋាន ស្ថិតក្នុងភូមិស្វាយដង្គំ សង្កាត់ស្វាយដង្គំ ក្រុងសៀមរាប ដោយសារឆ្លងចរន្តអគ្គិសនី កាលពីថ្ងៃទី៥ ខែសីហាកន្លងទៅ។

ថ្លែងក្នុងពិធីបើកសិក្ខាសាលាពិគ្រោះយោបល់ថ្នាក់តំបន់ ស្តីពីការរៀបចំគោលការណ៍ណែនាំថ្នាក់តំបន់ ដើម្បីពង្រឹងការគ្រប់គ្រង និងអភិរក្សជីវចម្រុះជលផលទន្លេមេគង្គ នៅខេត្តសៀមរាប នាថ្ងៃទី១១ ខែសីហា ឆ្នាំ២០២៦ លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម បានគូសបញ្ជាក់ថា អាងទន្លេមេគង្គ និងបឹងទន្លេសាប គឺជាប្រព័ន្ធអេកូឡូស៊ីទឹកសាបដ៏មានឥទ្ធិពល និងជាប្រភពអាហាររូបត្ថម្ភយ៉ាងសំខាន់ ដែលទ្រទ្រង់ជីវភាពប្រជាជនរាប់លាននាក់។

គណៈកម្មការរដ្ឋបាលនៃការចុះបញ្ជីដីធ្លីលក្ខណៈជាប្រព័ន្ធខេត្តសៀមរាប បានអំពាវនាវយ៉ាងទទូចដល់បងប្អូនជាម្ចាស់កម្មសិទ្ធចំនួន ១០ ៩៥០ក្បាលដី ស្ថិតក្នុងភូមិស្ពានត្នោត១ ភូមិស្ពានត្នោត២ ភូមិចំរេះ ថ្នល់កែង ថ្នល់លោក ក្ងានពង ភូមិរំដេង ត្រពាំងវែង តាយ៉ុន ភូមិទទា ភូមិល្វា ភូមិសំរោង អូរត្រាច អូរក្រោម និងភូមិអូរលើ ឃុំស្ពានត្នោត ស្រុកជីក្រែង ចូលរួមពិនិត្យផ្ទៀងផ្ទាត់ទិន្នន័យឱ្យបានគ្រប់ៗគ្នា ដើម្បីធានាបាននូវភាពត្រឹមត្រូវ ក្នុងការចេញបណ្ណកម្មសិទ្ធ។

រដ្ឋបាលសង្កាត់សាលាកំរើក ក្រុងសៀមរាប ខេត្តសៀមរាប បាននិងកំពុងយកចិត្តទុកដាក់ខ្ពស់ក្នុងការផ្ដល់សេវាសាធារណ ឱ្យឆ្លើយតបនឹងតម្រូវការរបស់ប្រជាពលរដ្ឋ ដូចជាសេវាអត្រានុកូលដ្ឋាន ការអភិវឌ្ឍសេដ្ឋកិច្ចមូលដ្ឋាន ការងារសង្គមកិច្ច ការងារសន្តិសុខ សណ្ដាប់ធ្នាប់សាធារណៈ សុវត្ថិភាពសង្គម ការងារបរិស្ថាន និងអន្តរវិស័យជាដើម។

នាពេលថ្មីៗនេះ ភ្ញៀវទេសចរណ៍ជាតិ និង អន្តរជាតិ ជាពិសេសប្រជាពលរដ្ឋក្នុងខេត្តសៀមរាប បាននាំគ្នាទៅថតរូបផ្ដិតយកនូវទេសភាពដ៏ស្រស់ស្អាតមួយកន្លែង នាជ្រុងខាងជើងប្រាសាទអង្គរវត្ត ដែលអាចថតជាប់កំពូលនៃប្រាសាទអង្គរវត្តទាំង៥ និង បានផ្ដល់នូវទស្សនីយភាពកាន់តែទាក់ទាញ។

សម្ភារបម្រើដល់ការសិក្សាជាជំនួយរបស់អង្គការមូលនិធិគ្រួសារសម្រាប់កុមារ (TFCF) រួមមានកង្ហារ ២៥៧គ្រឿង ក្ដារខៀន២៤ និងតុ២៤២ ត្រូវបានប្រគល់ជូនដល់សាលាបឋមសិក្សាចំនួន៩ ស្ថិតក្នុងក្រុងសៀមរាប និងស្រុកសូទ្រនិគម ខេត្តសៀមរាប តាមរយៈមន្ទីរសង្គមកិច្ចខេត្ត ដែលសាលាទាំង៩នេះ ជាសាលាដែលកំពុងមានការខ្វះខាត់សម្ភារប្រើប្រាស់។

ដើម្បីឆ្លើយតបនឹងតម្រូវការ និងភាពចាំបាច់ ក្នុងជីវភាពរស់នៅប្រចាំថ្ងៃរបស់ប្រជាពលរដ្ឋក្នុងមូលដ្ឋាន ភូមិសាលាកំរើក សង្កាត់សាលាកំរើក ខេត្តសៀមរាប អាជ្ញាធរសង្កាត់ បានសាងសង់ផ្លូវបេតុងមួយខ្សែប្រវែងជាង ១គីឡូម៉ែត្រ ទទឹង៦ម៉ែត្រ ខណៈផ្លូវនេះ ពីមុនមានសភាពទ្រុឌទ្រោម ជង្ហុក ពិបាកក្នុងការធ្វើដំណើរជាច្រើនឆ្នាំមកហើយ។

នៅតាមបណ្តាយផ្លូវធ្លកអណ្តូង ក្នុងក្រុងសៀមរាប

ឯកសារនៃការវិនិច្ឆ័យដីធ្លីមានលក្ខណៈជាប្រព័ន្ធចំនួន ៨ ១៨៧ក្បាលដី ក្នុងភូមិសួនសា ភូមិចុងថ្នល់ ភូមិយាង ភូមិសុខសាន្ត ភូមិកញ្ជាន់គុយ នៃឃុំយាង ស្រុកពួក ខេត្ដសៀមរាប ត្រូវបានបិទផ្សាយជាសាធារណៈ រយៈពេល១៥ថ្ងៃ ចាប់ពីថ្ងៃទី១០ ដល់ទី២៤ ខែសីហា ឆ្នាំ២០២៦ នៅក្នុងវត្តយាង ដែលនេះជាឱកាសចុងក្រោយដែលបងប្អូនអាចពិនិត្យតវ៉ា មុនចេញបណ្ណកម្មសិទ្ធ។

ឯកសារនៃការវិនិច្ឆ័យដីធ្លីដែលមានលក្ខណៈជាប្រព័ន្ធចំនួន ៤ ៨៣៤ក្បាលដី ស្ថិតក្នុងភូមិកំភេម ភូមិព្រៃដង្ហើម ភូមិថ្មី ភូមិរកាយា ភូមិគោកឫស្សី ភូមិគោកពោធ ភូមិស្វាយចេក និងភូមិពាមកតាអួរ ក្នុងឃុំកែវពណ៌ ស្រុកពួក ខេត្តសៀមរាប ត្រូវបានបិទផ្សាយជាសាធារណៈ ដើម្បីឱ្យប្រជាពលរដ្ឋធ្វើការត្រួតពិនិត្យ និងស្នើសុំកែតម្រូវទិន្នន័យ ធានានូវភាពត្រឹមត្រូវមុននឹងចេញបណ្ណកម្មសិទ្ធិ។