ព័ត៌មានក្នុងខេត្ត

ជា​អ​ចិ​ន្ត្រៃ​យ៍​រប​ស់​ក​សិ​ក​រ​នៅ​ស​ង្កា​ត់​ក្រ​បី​រៀ​ល​ ​ក្រុ​ង​សៀ​ម​រាប​ ​គឺ​ជា​មុ​ខ​រ​បរ​មួ​យ​ដែ​ល​មិ​ន​ចំ​ណាយ​ពេ​ល​ថែ​ទាំ​ច្រើន​ ​តែ​ទ​ទួល​បា​ន​ទិ​ន្នផ​ល​ខ្ព​ស់ ​ដែ​ល​ជួយ​ឱ្យ​គ្រួ​សា​រ​ក​សិក​រ​មា​ន​​ជីវ​ភា​ព​ធូរ​ធា​រ

ឯកសារនៃការវិនិច្ឆ័យដីធ្លីដែលមានលក្ខណៈជាប្រព័ន្ធចំនួន ១៥ ៤២៨ក្បាលដី ស្ថិតក្នុងភូមិស្វាយ ភូមិសសរស្ដម្ភ គោកកណ្ដោល គោករុន គោកចាស់ ភូមិពង្រថ្មី គោកព្នៅ គោកព្រៃ ខ្ជាយ ភូមិគោកត្នោត ដំណាក់ស្លាញ ប៉ាក់ប៉ាន់ ចាន់តាសាយ និងភូមិពង្រចាស់ ឃុំសសរស្ដម្ភ ស្រុកពួក ខេត្តសៀមរាប ត្រូវបានអាជ្ញាធរ និងមន្ត្រីជំនាញបិទផ្សាយជាសាធារណៈ ដើម្បីឱ្យប្រជាពលរដ្ឋធ្វើការត្រួតពិនិត្យ និងស្នើសុំកែតម្រូវទិន្នន័យ ធានានូវភាពត្រឹមត្រូវមុននឹងចេញបណ្ណកម្មសិទ្ធិ។

នាថ្ងៃទី១៣ ខែកក្កដា ឆ្នាំ២០២៦ ក្រសួងទេសចរណ៍ បានសហការជាមួយរដ្ឋបាលខេត្តសៀមរាប និងសមាគមក្លឹបទេសចរណ៍ខេត្តសៀមរាប ក្រោមការគាំទ្រថវិកាពីមូលនិធិអភិវឌ្ឍជំនាញ បានបើកវគ្គបណ្តុះបណ្តាល «គ្រូបង្គោលជាតិ និងអ្នកវាយតម្លៃបង្គោលជាតិ នៃសេវាកម្មសណ្ឋាគារ» ស្របតាមកម្មវិធី ASEAN MRA-TP ដើម្បីពង្រឹងគុណភាពធនធានមនុស្សក្នុងវិស័យសណ្ឋាគារ ស្របតាមស្តង់ដាអាស៊ាន តាមរយៈការកសាងសមត្ថភាពអ្នកជំនាញឱ្យក្លាយជាគ្រូបង្គោល និងអ្នកវាយតម្លៃ ដែលមានសមត្ថភាពគ្រប់គ្រាន់ក្នុងការផ្ទេរចំណេះដឹង និងបណ្តុះបណ្តាលបន្តដល់បុគ្គលិកក្នុងអង្គភាពរបស់ខ្លួន។

នៅព្រឹកថ្ងៃទី១៣ ខែកក្កដា ឆ្នាំ២០២៦នេះ គណៈកម្មាធិការលទ្ធកម្មសង្កាត់គោកចក ក្រុងសៀមរាប ខេត្តសៀមរាប បានប្រកាសបញ្ចប់ការដេញថ្លៃដោយជោគជ័យ នូវគម្រោងសាងសង់ផ្លូវបេតុងអាមេចំនួន១ខ្សែ ដោយការដេញថ្លៃនេះមានការចូលរួមពីមន្ត្រីបច្ចេកទេសនៃរដ្ឋបាលខេត្ត អាជ្ញាធរក្រុង គណៈកម្មាធិការលទ្ធកម្មសង្កាត់ ក្រុមហ៊ុនម៉ៅការ និងអ្នកសារព័ត៌មាន។

នៅព្រឹកថ្ងៃទី១៣ ខែកក្កដា ឆ្នាំ២០២៦ រដ្ឋបាលខេត្តសៀមរាប បានបើកកិច្ចប្រជុំពិនិត្យ ផ្គូផ្គង និងវាយតម្លៃលើការរៀបចំគ្រប់គ្រងបញ្ជីសារពើភ័ណ្ឌទ្រព្យសម្បត្តិរដ្ឋ ប្រចាំឆ្នាំ២០២៥ សម្រាប់ថ្នាក់ក្រោមជាតិ ដើម្បីធានាបាននូវប្រសិទ្ធភាព តម្លាភាព និងគណនេយ្យភាពក្នុងការគ្រប់គ្រងទ្រព្យសម្បត្តិរបស់រដ្ឋ ក្រោមអធិបតីភាព លោក សំកុល សុចិត្រា អភិបាលរងខេត្តសៀមរាប និង លោក ផាន់ មករា ប្រធាននាយកដ្ឋានសារពើភ័ណ្ឌទ្រព្យសម្បត្តិរដ្ឋ នៃក្រសួងសេដ្ឋកិច្ច និងហិរញ្ញវត្ថុ តំណាងរដ្ឋបាលក្រុងស្រុក ឃុំសង្កាត់ និងមន្ទីរអង្គភាពជុំវិញខេត្ត។

យោងតាមសេចក្ដីជូនដំណឹងរបស់អាជ្ញាធរជាតិអប្សរា ដែលបានចេញផ្សាយនៅថ្ងៃទី១១ ខែឧសភា ឆ្នាំ២០២៦នេះ បានឱ្យដឹងថា អាជ្ញាធរជាតិអប្សរាសូមរំលឹកអំពី វិធានការគួរអនុវត្តចំនួន ៣ចំណុច ក្នុងគោលបំណងរក្សាឱ្យបាននូវបទពិសោធន៍ទស្សនា ប្រកបដោយភាពសប្បាយរីករាយ និងក្នុងគោលដៅបង្ការផលប៉ះពាល់ ព្រមទាំងធានាបាននូវសុវត្ថិភាពជាអតិបរមា នារដូវវស្សា ជូនភ្ញៀវទេសចរជាតិ/អន្តរជាតិ និងសាធារណជនទាំង អស់ក្នុងដំណើរកំសាន្ត និងឆ្លងកាត់រមណីយដ្ឋានអង្គរ បេតិកភណ្ឌពិភពលោក ។ វិធានការទាំងនោះមានដូចជា ៖

សមិទ្ធផលជាច្រើនមាន ខ្លោងទ្វារវត្ត ដំបូលសាលាបុណ្យ រួមនឹងសមិទ្ធផលមួយចំនួនទៀត ក្នុងវត្តសុវណ្ណសាគរ ហៅវត្តខ្សាច់ ស្ថិតក្នុងសង្កាត់ចុងឃ្នៀស ក្រុងសៀមរាប ត្រូវបានរៀបចំពិធីសម្ពោធកាត់ខ្សែបូឆ្លងដើម្បីដាក់ឱ្យប្រើប្រាស់បម្រើដល់វិស័យព្រះពុទ្ធសាសនា នៅថ្ងៃទី១២ ខែកក្កដា ឆ្នាំ២០២៦នេះ ក្រោមវត្តមាន ឯកឧត្តមអ្នកឧកញ៉ា សៀង ណាំ អ្នកតំណាងរាស្ត្រមណ្ឌលខេត្តសៀមរាប។

ឪឡឹកធម្មជាតិពិតៗរបស់បងប្អូនកសិករនៅឃុំមោង ស្រុកស្រីស្នំ ចាប់ផ្ដើមបេះលក់ព្រមគ្នាហើយ។ បើមានឱកាសធ្វើដំណើរឆ្លងកាត់ផ្លូវ សៀមរាបឧត្ដរមានជ័យ កុំភ្លេចចូលជួយគាំទ្រ និងភ្លក់រសជាតិផ្អែមស្រស់ដែលបេះពីចម្ការទាំងអស់គ្នា!

មេធាវីតំណាងដោយអាណត្តិឱ្យលោក យូរ ស្រេង និងអ្នកទទួលបន្តនីតិវិធីបណ្តឹងឈ្មោះ យូរ ហួរ ចេញសេចក្ដីឆ្លើយតប សារព័ត៌មាន KUNLEN DAILY NEWS ដើមរាំង និងសាធារណជន ។

សូមបញ្ជាក់ថា មន្ទីរអប់រំយុវជន និងកីឡាខេត្តសៀមរាប គាំទ្រនូវយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២នេះ និងត្រៀមខ្លួនជាស្រេចដើម្បីបន្តកិច្ចសហការយ៉ាងជិតស្និទ្ធជាមួយមន្ទីរព័ត៌មាន និងអង្គភាពពាក់ព័ន្ធ ក្នុងការផ្សព្វផ្សាយការយល់ដឹងដល់សិស្សានុសិស្សនៅតាមគ្រឹះស្ថានសិក្សាទូទាំងប្រទេសកម្ពុជា ជាពិសេស បញ្ជ្រាបការយល់ដឹងរបស់យុវជនឱ្យចេះគិត ចេះវិភាគ ចេះផ្ទៀងផ្ទាត់ប្រភពព័ត៌មាន និងប្រើប្រាស់បច្ចេកវិទ្យាប្រកបដោយទំនួលខុសត្រូវ គឺជាមូលដ្ឋានសំខាន់ក្នុងការកសាង «ពលរដ្ឋឌីជីថល» ប្រកបដោយសមត្ថភាព និងសីលធម៌៕

ប្រាសាទភិមានអាកាស មានទីតាំងស្ថិតនៅក្នុងភូមិនគរក្រៅ សង្កាត់នគរធំ ក្រុងសៀមរាប ខេត្តសៀមរាប។ នៅដើមសតវត្សទី១១ ក្នុងរជ្ជកាលព្រះបាទសូរ្យវរ្ម័នទី១ បានកសាងប្រាសាទភិមានអាកាស ធ្វើជាប្រាសាទសម្រាប់រាជរបស់ព្រះអង្គ (ប្រាសាទភ្នំ)។ ប្រាសាទភិមានអាកាសស្ថិតក្នុងទីធ្លាព្រះបរមរាជវាំងអង្គរធំសំរាប់គោរពបូជារបស់ទ្រង់ ។ ប្រាសាទនេះត្រូវបានអភិសេកដំបូងដោយមានប្រាង្គមាស តាមសំដីអ្នកដំណើរចិនឈ្មោះ ជីវ តាក្វាន់ ហើយវាមានទំនាក់ទំនងដល់រឿងព្រេងដំណាលថាប្រាង្គមាសនៅក្នុងព្រះបរមរាជវាំងអង្គរដែលជាកន្លែងព្រលឹង នាគរាជក្បាល៩ បានរស់នៅ និងបានប្រែក្រទ្បាខ្លួនជាស្រីស្អាតម្នាក់ចំពោះព្រះអង្គ ដើម្បីរួមដំណេកជាមួយទ្រង់រៀងរាល់យប់ នៅលើប្រាង្គមាសនេះមុនពេលព្រះអង្គចូលបន្ទប់អគ្គមហេសី និងស្រីស្នំផ្សេងៗទៀត ប្រសិនព្រះអង្គបាត់មួយយប់ គេជឿថាទ្រង់នឹងស្លាប់។ កន្លែងខាងជើង និងខាងត្បូងបានកើតឡើងនៅសតវត្សទី១១ គេជឿជាក់ថា កន្លែងទាំងពីរនេះគឺជាឃ្លាំង ប៉ុន្តែប្រភពផ្សេងទៀត និយាយថាកន្លែងពីរនេះបានធ្វើឡើងដើម្បីទុកទទួលភ្ញៀវបរទេសឋានៈខ្ពង់ខ្ពស់។ ប្រភព ៖ Wikipedia

‎នាថ្ងៃទី១១ ខែកក្កដា ឆ្នាំ២០២៦ លោក យុន លីនណេ អភិបាលរងខេត្តសៀមរាប បានទទួលជួបពិភាក្សាការងារជាមួយថ្នាក់ដឹកនាំសាកលវិទ្យាល័យចេនឡា ដឹកនាំដោយលោកបណ្ឌិត អ៉ី លីម៉ា សាកលវិទ្យាធិការ រួមជាមួយថ្នាក់ដឹកនាំសាកលវិទ្យាល័យចំនួន០៣ មកពីសាធារណរដ្ឋសង្គមនិយមវៀតណាម រួមមាន៖ សាកលវិទ្យាល័យព័ត៌មានវិទ្យា (University of Information Technology), សាកលវិទ្យាល័យសេដ្ឋកិច្ច និងច្បាប់ (University of Economics and Law) និងសាកលវិទ្យាល័យវិទ្យាសាស្ត្រសុខាភិបាល (University of Health Sciences) ក្នុងគោលបំណងជម្រាបជូនអំពីឱកាសនៃការផ្តល់អាហារូបករណ៍ ជូនដល់មន្ត្រីរាជការ និងសិស្ស-និស្សិតនៅក្នុងខេត្តសៀមរាប ទៅសិក្សានៅសាកលវិទ្យាល័យទាំង៣ របស់វៀតណាម ដើម្បីចូលរួមលើកកម្ពស់ធនធានមនុស្ស ក៏ដូចជាវិស័យអប់រំនៅកម្ពុជា។