ព័ត៌មានក្នុងខេត្ត

នៅថ្ងៃទី៣០ ខែកក្កដា ឆ្នាំ២០២៦ ក្រសួងទេសចរណ៍ សហការនឹងក្រសួងពាណិជ្ជកម្ម ក្រសួងវប្បធម៌ ក្រសួងឧស្សាហកម្ម បានបើកវេទិកាជាតិលើកទី១ ដើម្បីជំរុញផលិតផលសិប្បកម្មទេសចរណ៍ និងវត្ថុអនុស្សាវរីយ៍ខ្មែរ នៅខេត្តសៀមរាប ដើម្បីប្រមូលផ្តុំចំណេះដឹង បទពិសោធន៍ និងការចូលរួមពីគ្រប់ភាគីពាក់ព័ន្ធ ក្នុងការដាក់ចេញនូវទិសដៅយុទ្ធសាស្ត្រថ្មីៗ ជំរុញការអភិវឌ្ឍផលិតផលសិប្បកម្មខ្មែរឱ្យមានគុណភាពខ្ពស់ មានភាពច្នៃប្រឌិត រក្សាបាននូវអត្តសញ្ញាណ និងមានសមត្ថភាពប្រកួតប្រជែងទាំងនៅលើទីផ្សារជាតិ និងអន្តរជាតិ។

បទយកការណ៍៖ ពលរដ្ឋឃុំត្រពាំងធំ សម្តែងក្តីរំភើប ចំពោះផ្លូវកៅស៊ូ DBST ថ្មី ជាង ៤គីឡូម៉ែត្រ

ស្មារតីចូលរួមប្រឆាំងព័ត៌មានក្លែងក្លាយ បង្ហាញពីការទទួលខុសត្រូវ និងជាគំរូល្អរបស់យុវជន ក្នុងការលើកកម្ពស់សន្តិសុខ និងស្ថិរភាពសង្គម ក្នុងសម័យបច្ចេកវិទ្យាឌីជីថលនេះ ការចែករំលែកនូវព័ត៌មានជាច្រើន នៅលើបណ្ដាញសង្គមនានា កាន់តែទូលំទូលាយមានការកើនឡើងគួរឱ្យកត់សម្គាល់ ដែលមានទាំងព័ត៌មានពិត ព័ត៌មានមិនពិត ព័ត៌មានក្លែងបន្លំ ព័ត៌មានបំភ្លៃ បណ្ដាលឱ្យមានការយល់ច្រឡំ និង ប៉ះពាល់ដល់សណ្ដាប់ធ្នាប់សង្គម និង កិច្ចខិតខំប្រឹងប្រែងរបស់រាជរដ្ឋាភិបាលផងដែរ ។ ដែលបញ្ហានេះទាមទារឱ្យមានការចូលរួមពីគ្រប់ភាគីពាក់ព័ន្ធ ជាពិសេសយុវវ័យ ដែលជាទំពាំងស្នងឬស្សីត្រូវប្រើប្រាស់បណ្ដាញសង្គមប្រកបដោយភាពវៃឆ្លាត។

ឯកសារវិនិច្ឆ័យសម្រាប់ការចុះបញ្ជីដីធ្លីមានលក្ខណៈជាប្រព័ន្ធចំនួន ៥ ៤៥៨ក្បាលដី ស្ថិតក្នុងភូមិត្រពាំងធំ ភូមិតាប្រាក់ ដូននំ ជាស្មន់ បន្ទាយឬស្សី និងភូមិកំពង់ថ្កូវ ឃុំមានជ័យ និង ភូមិមមាញ គោកស្រុក កញ្ជោ រលួសខាងកើត ភូមិចំបក់ ដូនទាវ និងភូមិរលួសខាងលិច ឃុំរលួស ស្រុកប្រាសាទបាគង ខេត្តសៀមរាប ត្រូវបានមន្ត្រីជំនាញបិទផ្សាយជាសាធារណៈ ដើម្បីឱ្យបងប្អូនប្រជាពលរដ្ឋធ្វើការផ្ទៀងផ្ទាត់ទិន្នន័យ និងកែតម្រូវករណីមានកំហុសឆ្គង។

នៅថ្ងៃទី២៦ ខែកក្កដា ឆ្នាំ២០២៦នេះ វត្តដំណាក់ ក្រុងសៀមរាប បានរៀបចំពិធីបំបួសកុលបុត្រចំនួន ២៣រូប ជាភិក្ខុ និងសាមណេរ ក្នុងគោលបំណងលើកស្ទួយ និងទ្រទ្រង់ព្រះពុទ្ធសាសនា និងដើម្បីឱ្យកុលបុត្រទាំងឡាយបានសិក្សារៀនសូត្រនូវព្រះធម៌វិន័យ និងសងគុណមាតាបិតា ជាពិសេសរួមចំណែករក្សាប្រពៃណីទំនៀមទម្លាប់ដ៏ល្អអស្ចារ្យនៃព្រះពុទ្ធសាសនា។

ស្នាមញញឹម និងក្តីសប្បាយរីករាយរបស់ប្រជាពលរដ្ឋ ក្រោយទទួលបានផ្លូវបេតុងថ្មីនៅឃុំកៀនសង្កែ ស្រុកសូទ្រនិគម ព្រមទាំងបានថ្លែងអំណរគុណដល់ ឯកឧត្តម ប្រាក់ សោភ័ណ អភិបាលខេត្តសៀមរាប ចំពោះសមិទ្ធផលនេះ។

នារសៀលថ្ងៃទី២៩ ខែកក្កដា ឆ្នាំ២០២៦ គណៈកម្មាធិការលទ្ធកម្មសង្កាត់រុនតាឯក ក្រុងរុនតាឯកតេជោសែន ខេត្តសៀមរាប បានប្រកាសបិទបញ្ចប់ការដេញថ្លៃដោយជោគជ័យ នូវគម្រោងសាងសង់ផ្លូវបេតុងមួយខ្សែ ដោយមានការចូលរួមពីមន្រ្តីបច្ចេកទេសនៃរដ្ឋបាលខេត្ត គណៈកម្មាធិការលទ្ធកម្មសង្កាត់ ក្រុមហ៊ុនម៉ៅការ និងអ្នកសារព័ត៌មាន។

ថ្លែងក្នុងកម្មវិធីសន្ទនាមតិ របស់វិទ្យុ និងទូរទស្សន៍ជាតិខេត្តសៀមរាប នាព្រឹកថ្ងៃទី២៨ ខែកក្កដា ឆ្នាំ២០២៦នេះ លោកស្រី លាក់ ឡាំលាវ ប្រធានមន្ទីរពេទ្យបង្អែកខេត្តសៀមរាប មានប្រសាសន៍ថា មន្ទីរពេទ្យបង្អែកខេត្ត ជាមន្ទីរពេទ្យផ្ដល់សេវាសំណុំកម្រិត៣ ដែលបានផ្ដល់សេវាគ្របដណ្ដប់លើប្រជាជនក្នុងខេត្ត និង តាមបណ្ដាខេត្តក្បែរខាងផងដែរ ខណៈក្នុងមួយថ្ងៃ មន្ទីរពេទ្យនេះ ទទួលអ្នកជំងឺសម្រាកព្យាបាលចន្លោះពី ៥២០នាក់ ទៅ៥៥០នាក់។

កាលពីថ្ងៃទី២៨ ខែកក្កដា ឆ្នាំ២០២៦​ លោក​ ឌី​ រ៉ាដូ​ អភិបាលរងខេត្តតំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្ត ព្រមទាំងលោកអភិបាលស្រុក ប្រធានក្រុមប្រឹក្សាស្រុកបន្ទាយស្រី និងលោកមេឃុំត្បែង បាននាំយកនូវសាររំលែកមរណទុក្ខ និងថវិកាចំនួន៤០លានរៀល របស់សម្តេចមហាបវរធិបតីហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត​ ពេជ ច័ន្ទមុនី្ន​ ជូនដល់គ្រួសារនៃសពពលឯក ជុំ តុង ដែលបានពលីជីវិតក្នុងពេលបំពេញបេសកកម្មនៅតាមបណ្តោយព្រំដែន កាលពីថ្ងៃទី៨ ខែកក្ដដា ឆ្នាំ២០២៦ នៅគេហដ្ឋាននៃសព ស្ថិតនៅក្នុងភូមិត្បែងលិច ឃុំត្បែង ស្រុកបន្ទាយស្រី ខេត្ដសៀមរាប​។

ទោះស្រុកទេសមានការរីកចម្រើនជឿនលឿន តែកសិករស្រុកសូទ្រនិគម នៅតែបន្តរក្សាប្រពៃណីធ្វើស្រែបុរាណ ដើម្បីថែរក្សាអត្តសញ្ញាណដូនតា និងទាក់ទាញទេសចរ

គណៈកម្មការប្រយុទ្ធប្រឆាំងអំពើជួញដូរមនុស្សថ្នាក់ខេត្តសៀមរាប (គ.ខ.ប.ជ) នៅព្រឹកថ្ងៃទី២៩ ខែកក្កដា ឆ្នាំ២០២៦នេះ បានរៀបចំវគ្គបណ្តុះបណ្តាលស្ដីពីការពង្រឹងសមត្ថភាពសមាជិកលេខាធិការដ្ឋាន អំពីការអនុវត្តតួនាទីភារកិច្ច និងច្បាប់ពាក់ព័ន្ធ ក្រោមអធិបតីភាព លោកស្រី ម៉ននី រង្សី អភិបាលរងខេត្តសៀមរាប និងជាប្រធានលេខាធិការដ្ឋាន គ.ខ.ប.ជ ដោយមានការចូលរួមពីតំណាងមន្ទីរអង្គភាព និងអ្នកពាក់ព័ន្ធជាច្រើនរូប។

ដំណាំ «សណ្ដែកកួរ» សុវត្ថិភាពរបស់កសិករនៅសង្កាត់ជ្រាវ ក្រុងសៀមរាប កំពុងត្រៀមប្រមូលផល ស្របពេលទីផ្សារមានតម្រូវការខ្ពស់ តម្លៃចន្លោះពី ៥,០០០ ទៅ ៦,០០០ រៀលក្នុងមួយគីឡូក្រាម។