ព័ត៌មានក្នុងខេត្ត

ដោយទទួលបានការគាំទ្រ និងឧបត្ថម្ភពីយុវជន តាំង គឹមឡេង ព្រមទាំងសប្បុរសជននានា តាមរយៈព្រះគ្រូបញ្ញាវរញាណ រ៉ប រ៉ែម ព្រះគ្រូសូត្រស្ដាំវត្តត្បែង បានដឹកនាំពុទ្ធបរិស័ទក្នុងឃុំត្បែង ស្រុកបន្ទាយស្រី ខេត្តសៀមរាប រៀបចំវេចនំអន្សមចំនួន ១,៥០០ ដើម្បីយកទៅប្រគល់ជូនវីរកងទ័ពដែលកំពុងឈរជើងការពារទឹកដីនៅជួរមុខ។ សកម្មភាពនេះបានប្រព្រឹត្តទៅនាព្រឹកថ្ងៃទី២២ ខែសីហា ឆ្នាំ២០២៦ នៅក្នុងបរិវេណវត្តត្បែង។

ប្រាសាទតាសោម បានកសាងឡើង នៅចុង ស.វទី១២ ដើម ស.វទី១៣ នៃគ.ស ក្នុង រជ្ជកាលព្រះបាទជ័យវរ្ម័នទី៧។ ប្រាសាទនេះ មានទីតាំងស្ថិតនៅវង់ធំ ខាងកើតប្រាសាទនាគព័ន្ធ មានកំពែង៣ជាន់ ហើយកំពែងនីមួយៗ មានខ្លោងទ្វារចេញចូល និង សំណង់ប្រាង្គកណ្ដាលរំលេចដោយក្បាច់រចនាដ៏ច្រើន។

នៅថ្ងៃទី២២ ខែសីហា ឆ្នាំ២០២៦ បណ្ណាល័យមេគង្គ-ឡានឆាង ទី៤ ត្រូវបានដាក់ឱ្យប្រើប្រាស់ជាផ្លូវការ នៅសាលាបឋមសិក្សាបន្ទាយសំរ៉ែ ឃុំព្រះដាក់ ស្រុកបន្ទាយស្រី ខេត្តសៀមរាប ដែលគម្រោងនេះ នឹងរួមចំណែកបន្ថែមគុណតម្លៃដល់ការសិក្សារបស់សិស្សានុសិស្ស ក្នុងការទទួលបានចំណេះដឹងថ្មីៗ និងពង្រីកទស្សនវិស័យតាមរយៈការអាន ព្រមទាំងជានិមិត្តរូបនៃការតភ្ជាប់កាន់តែជិតស្និទ្ធរវាងសៀវភៅ ចំណេះដឹង ការអប់រំ និងទំនាក់ទំនងមិត្តភាពរវាងប្រជាជននិងប្រជាជន កម្ពុជា-ចិន។

នៅរសៀលថ្ងៃទី២១ ខែសីហា ឆ្នាំ២០២៦នេះ ឯកឧត្តម សួស សុខចាន់ សមាជិកក្រុមប្រឹក្សាខេត្តសៀមរាប និងលោក ហែន ពុទ្ធី អភិបាលរងខេត្ត បានដឹកនាំកិច្ចប្រជុំគណៈកម្មាធិការៀបចំដែនដី និងនគរូបនីយកម្មខេត្តសៀមរាប ដោយមានការអញ្ជើញចូលរួមពីមន្ទីរ អង្គភាពពាក់ព័ន្ធជាសមាជិក សមាជិកានៃគណៈកម្មាធិការរៀបចំដែនដី និងនគរូបនីយកម្មខេត្តសៀមរាប។

នាដើមឆ្នាំ២០២៦នេះ អាជ្ញាធរស្រុកវ៉ារិន បានបើកការដ្ឋានស្ថាបនាផ្លូវបេតុងមួយខ្សែ ដែលមានប្រវែង ជាង ៦០០ម៉ែត្រ និងទទឹង ៥.៥ម៉ែត្រ ដែលការធ្វើផ្លូវនេះ ជួយសម្រួលយ៉ាងខ្លាំងដល់ការធ្វើដំណើរប្រចាំថ្ងៃ ការដឹកជញ្ជូនកសិផល និងការប្រកបរបរចិញ្ចឹមជីវិតរបស់បងប្អូនប្រជាពលរដ្ឋក្នុងមូលដ្ឋាន។ ក្នុងនោះប្រជាពលរដ្ឋរស់នៅឃុំស្វាយស ស្រុកវ៉ារិន បានបង្ហាញនូវសេចក្តីត្រេកអរ និងក្តីរំភើបរីករាយជាខ្លាំង ព្រមទាំងបានថ្លែងអំណរគុណយ៉ាងជ្រាលជ្រៅចំពោះការដឹកនាំប្រកបដោយចក្ខុវិស័យវែងឆ្ងាយ និងគិតគូរពីសុខទុក្ខប្រជាពលរដ្ឋរបស់ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប។ សូមទស្សនាវីដេអូបទយកការណ៍នូវខ្លឹមសារទាំងស្រុង៖

ចាប់ពីថ្ងៃទី២២ ដល់ ថ្ងៃទី២៦ ខែសីហា ឆ្នាំ២០២៦ ខេត្តសៀមរាប​ទទួលរងឥទ្ធិពលពីកូនព្យុះលើកទី១៩​ឈ្មោះ ណារ៉ា ដែល​បាន​បង្ករឱ្យធាតុអាកាសមាន ភ្លៀងផ្គររន្ទះ តិច និង មានពពកច្រើន។

ឯកឧត្តម ​ ​ប្រាក់​ ​សោ​ភ័​ណ​ ​​អ​ភិ​បា​ល​ខេ​ត្ត​សៀ​ម​រា​ប​ ​បា​នណែ​នាំ​ឱ្យ​ម​ន្ត្រី​​ជំ​នា​ញ​ចុះ​ពិ​និ​ត្យ​ប​ញ្ហា​ភ្លា​ម​ៗ​ ​ក្រោ​យពី​ទ​​ទួ​ល​បា​ន​កា​រ​រា​យកា​រ​ណ៍​ពី​ព​ល​រ​ដ្ឋ​ ​នៅ​​ភូ​មិ​ភ្ញាជ័​​យ​ ស​​ង្កា​ត់​ស្វា​យ​ដ​ង្គុំ​ ​ករ​ណី​​ទឹ​កហូ​រ​មិ​ន​​ទា​ន់ចូ​ល​លូ​រំ​ដោះ​ទឹ​ក​ ​ប​ង្ក​កា​រ​លិ​ច​ផ្លូ​វ​ ធ្វើ​ឱ្យ​ព​ល​រ​ដ្ឋ​ពិ​បា​ក​ធ្វើ​ដំណើ​រ​​

នៅថ្ងៃទី២១ ខែសីហា ឆ្នាំ២០២៦ មន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តសៀមរាប សហការជាមួយអង្គការមូលនិធិគ្រួសារសម្រាប់កុមារ (TFCF) បានប្រគល់កង្ហារ ក្តារខៀន តុ កៅអី សម្ភារបង្រៀន និងកញ្ចប់គ្រួសារខ្វះខាត ១០០គ្រួសារ ជូនដល់សាលារៀនចំនួន៥ គឺសាលាបឋមសិក្សាត្រពាំងត្រុំ ត្រពាំងប្រិយ៍ គោលថ្មី ដំរីកូន និងសាលាបឋមសិក្សាគោល ក្នុងស្រុកសូទ្រនិគម ខេត្តសៀមរាប ក្រោមការចូលរួមសហការឧបត្ថម្ភគាំទ្រពីធនាគារពាណិជ្ជទីមួយ។

នៅថ្ងៃទី១៩ ខែសីហា ឆ្នាំ២០២៦ ឯកឧត្តមបណ្ឌិត ជា ច័ន្ទបរិបូរណ៍ ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជា ប្រចាំសាធារណរដ្ឋលីទុយអានី បាននាំយកព្រះរាជសារតាំងរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ប្រគល់ជូន ឯកឧត្តម Gitanas Nausėda ប្រធានាធិបតីនៃសាធារណរដ្ឋលីទុយអានី នៅវិមានប្រធានាធិបតី នាទីក្រុងវីលនីយុស។

រដ្ឋបាលខេត្តសៀមរាប រៀបចំវេទិកាពិគ្រោះយោបល់ ស្ដីពីការរៀបចំ និងការកសាងកម្មវិធីផែនការវិនិយោគបីឆ្នាំរំកិល ២០២៧-២០២៩ ដោយអនុលោមតាមច្បាប់ស្ដីពីការគ្រប់គ្រងរដ្ឋបាលរាជធានីខេត្ត ក្រុងស្រុក ខណ្ឌ និងដើម្បីឆ្លើយតបទៅនឹងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល ដោយផ្ដោតលើអាទិភាពគន្លឹះចំនួន៥ រួមមានមនុស្ស ផ្លូវ ទឹក ភ្លើង និងបច្ចេកវិទ្យា ដែលកិច្ចប្រជុំធ្វើឡើងនៅថ្ងៃទី២១ ខែសីហា ឆ្នាំ២០២៦នេះ។

លេខាធិការដ្ឋានរៀបចំការបោះឆ្នោតខេត្តសៀមរាប នៅថ្ងៃទី២១ ខែសីហា ឆ្នាំ២០២៦នេះ បានរៀបចំកិច្ចប្រជុំផ្សព្វផ្សាយស្តីពីការផ្តល់លិខិតអញ្ជើញអ្នកមានឈ្មោះក្នុងបញ្ជីបោះឆ្នោតផ្លូវការឆ្នាំ២០២៥ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦, ផ្សព្វផ្សាយសេចក្តីជូនដំណឹងស្តីពីការដាក់ និងការទទួលពាក្យសុំចុះឈ្មោះអ្នកសារព័ត៌មានជាតិ និងអន្តរជាតិសម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ និងផ្សព្វផ្សាយសេចក្តីជូនដំណឹង ស្តីពីការដាក់និងការទទួលពាក្យសុំចុះឈ្មោះភ្នាក់ងារគណបក្សនយោបាយ និងអ្នកសង្កេតការណ៍សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦។

- ព័ត៌មានក្នុងខេត្ត ព័ត៌មានក្នុងប្រទេស ព័ត៌មានអន្តរជាតិ Live: Daily news of Siem Reap National TV - National news and international news ថ្ងៃសុក្រ ៨កើត ខែស្រាពណ៍ ឆ្នាំម ពុទ្ធសករាជ ២៥៧០ ត្រូវនឹងថ្ងៃទី២១ ខែសីហា ឆ្នាំ២០២៦