Live: Daily news of Siem Reap National TV - National news and international news ថ្ងៃអង្គារ ៩កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែតុលា ឆ្នាំ២០២៦
ប្រាសាទមេបុណ្យខាងលិច លើកោះបុរាណកណ្តាលបារាយណ៍ ត្រៀមសម្ពោធដាក់ឱ្យដំណើរការជាផ្លូវការក្នុងខែវិច្ឆិកានេះ ការដ្ឋានជួសជុល និងអភិរក្សប្រាសាទមេបុណ្យខាងលិច ត្រូវបានបញ្ចប់ដោយជោគជ័យ បន្ទាប់ពីកិច្ចសហប្រតិបត្តិការរវាងអាជ្ញាធរជាតិអប្សរា និងភាគីបារាំង បានចំណាយពេល និងកម្លាំងចិត្តអស់រយៈពេល ១៤ ឆ្នាំ (២០១២-២០២៦) ដើម្បីស្រោចស្រង់ និងស្ដារឡើងវិញនូវរចនាសម្ព័ន្ធស្ថាបត្យកម្មប្រវត្តិសាស្ត្រមួយនេះ។
មន្រ្តីជាន់ខ្ពស់ក្រសួងពាណិជ្ជកម្មបានគូសបញ្ជាក់ថា ការចុះបញ្ជីពាណិជ្ជកម្មមិនត្រឹមតែផ្ដល់សិទ្ធិពេញលេញ និងការការពារស្របច្បាប់ដល់ម្ចាស់អាជីវកម្មប៉ុណ្ណោះទេ ប៉ុន្តែថែមទាំងជួយកាត់បន្ថយហានិភ័យ និងបង្កើនទំនុកចិត្តពីអតិថិជនផងដែរ ខណៈបច្ចុប្បន្នរាជរដ្ឋាភិបាល និងក្រសួងពាណិជ្ជកម្មបានដាក់ឱ្យដំណើរការនូវគម្រោងទំនើបកម្មសេវាសាធារណៈ ដើម្បីធ្វើឱ្យការចុះបញ្ជីកាន់តែងាយស្រួល លឿនរហ័ស និងចំណេញពេលវេលា។
នៅថ្ងៃទី២០ ខែតុលា ឆ្នាំ២០២៦នេះ រដ្ឋបាលស្រុកសូទ្រនិគម ខេត្តសៀមរាប បានរៀបចំសិក្ខាសាលាស្ដីពីសមាហរណកម្មកម្មវិធីវិនិយោគបីឆ្នាំរំកិល ឃុំស្រុក ឆ្នាំ២០២៧-២០២៩ នៅថ្នាក់ស្រុកឆ្នាំ២០២៦ ដើម្បីពិភាក្សាសម្របសម្រួល និងឆ្លើយតបទៅនឹងតម្រូវការអាទិភាពនានារបស់មូលដ្ឋាន ស្របតាមគោលនយោបាយរបស់រាជរដ្ឋាភិបាល និងលិខិតបទដ្ឋានគតិយុត្តជាធរមាន ដូចជាច្បាប់ស្តីពីការគ្រប់គ្រងរដ្ឋបាលរាជធានីខេត្ត ក្រុងស្រុក ខណ្ឌ អនុក្រឹត្យលេខ ២១៩ អនក្រ.បក និងប្រកាសអន្តរក្រសួងលេខ ២៤១៧ ប្រ.ក។
អាជ្ញាធរខេត្តសៀមរាប បានបង្ហាញការគាំទ្រ និងវាយតម្លៃខ្ពស់ចំពោះការរៀបចំ «មហោស្រពសៀកអន្តរជាតិ ទីនេះ ទីនោះ» លើកទី១៣ ឆ្នាំ២០២៦ ដែលជាព្រឹត្តិការណ៍សិល្បៈអន្តរជាតិដ៏សំខាន់ រៀបចំឡើងដោយល្ខោនសៀកកម្ពុជាហ្វារ និងសមាគមហ្វារពន្លឺសិល្បៈ ដើម្បីចូលរួមលើកកម្ពស់វិស័យសិល្បៈ វប្បធម៌ និងទេសចរណ៍កម្ពុជា ព្រមទាំងផ្សព្វផ្សាយសក្តានុពលរបស់ខេត្តទៅកាន់ឆាកអន្តរជាតិ។
