ព័ត៌មានក្នុងខេត្ត

*វាគ្មិន៖ លោកវ៉ៃ ហុង មេឃុំគោល *វាគ្មិន៖ លោក ហូ ខុម មេឃុំគោកដូង ថ្ងៃចន្ទ ១០រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែកញ្ញា ឆ្នាំ២០២៦

នៅថ្ងៃទី៧ ខែកញ្ញា ឆ្នាំ២០២៦នេះ សាខាបេឡាជាតិរបបសន្តិសុខសង្គម (ប.ស.ស) ខេត្តសៀមរាប បានរៀបចំសិក្ខាសាលាផ្សព្វផ្សាយ ស្ដីពីការអនុវត្តរបបសន្ដិសុខសង្គមផ្នែកហានិភ័យការងារ និងផ្នែកថែទាំសុខភាពសម្រាប់មន្រ្តីសាធារណៈ ដើម្បីផ្សព្វផ្សាយឱ្យបានយល់ដឹងពីលក្ខខណ្ឌ បែបបទ និងនីតិវិធីនៃការចុះបញ្ជី ជាពិសេសអត្ថប្រយោជន៍របបសន្តិសុខសង្គមផ្នែកហានិភ័យការងារ និងផ្នែកថែទាំសុខភាពជូនដល់ថ្នាក់ដឹកនាំ និងមន្រ្តីរាជការក្នុងខេត្តសៀមរាប ជំរុញការចុះបញ្ជីអ្នកក្នុងបន្ទុករួមមាន ប្រពន្ធ ឬប្ដី និងកូន ឱ្យក្លាយជាសមាជិក ប.ស.ស។

ព្រះសង្ឃ និងសប្បុរសជនក្នុងខេត្តសៀមរាប ដឹកនាំដោយព្រះគ្រូចៅអធិការវត្តឈូកត្រសាលរស្មីមានជ័យ វត្តព្រះបាទបួនឋាន និងវត្តចក នៅថ្ងៃទី៦ ខែកញ្ញា ឆ្នាំ២០២៦ បានបន្តនាំយកស្បៀងអាហារ ព្រមទាំងថវិកាមួយចំនួន ជូនដល់កងកម្លាំងជួរមុខដែលកំពុងឈរជើងក្នុងភូមិសាស្ត្រខេត្តបន្ទាយមានជ័យ តំបន់អន្លង់វែង និងខេត្តព្រះវិហារ។

ណែនាំ​ឱ្យ​ប្រ​ជាព​ល​​រដ្ឋ​ប្រុ​ង​ប្រ​យ័​ត្ន​ពីជំ​ងឺ​គ្រុ​ន​ឈាម

ដើម្បីបង្កើនប្រាក់ចំណូល ស្របពេលរបរនេះកំពុងមានតម្រូវការទីផ្សារក្នុងស្រុកខ្ពស់

ការយកយានយន្តមកធ្វើការត្រួតពិនិត្យលក្ខណៈបច្ចេកទេសយានយន្ត (ឆៀក) ជាប្រចាំ នឹងផ្ដល់នូវសុវត្ថិភាពក្នុងការបើកបរ ដែលអាចឱ្យម្ចាស់យានយន្តដឹងពីកំហូច ឬភាពមិនប្រក្រតីរបស់យានយន្ត ដែលនឹងជួយកាត់បន្ថយនូវករណីគ្រោះថ្នាក់ចរាចរណ៍លើដងផ្លូវថែមទៀតផង ។

ផ្សាយផ្ទាល់ ៖ កម្មវិធីព័ត៌មានពេលព្រឹក ថ្ងៃចន្ទ ១០រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែកញ្ញា ឆ្នាំ២

វិទ្យុជាតិកម្ពុជា៖ កាលពីព្រឹកថ្ងៃសៅរ៍ ទី៥ ខែកញ្ញា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចុះពិនិត្យ និងតាមដានវឌ្ឍនភាពដោយផ្ទាល់នៅតាមទីតាំងធ្លាប់មានការប្រព្រឹត្តការឆបោកតាមប្រព័ន្ធបច្ចេកវិទ្យាក្នុងខេត្តកោះកុង បន្ទាប់ពីកងកម្លាំងអនុវត្តច្បាប់ និងអាជ្ញាធរមានសមត្ថកិច្ចបានបោសសម្អាតបទល្មើសឆបោកតាមប្រព័ន្ធបច្ចេកវិទ្យា ក្នុងក្របខណ្ឌនៃយុទ្ធនាការជាតិស្តារសន្តិសុខ និងកិត្តិយសជូនជាតិ និងប្រជាជន។

ថ្ងៃទី៦ ខែកញ្ញា ឆ្នាំ២០២៦ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគារថ្មីនៃសាលាមត្តេយ្យសិក្សាសហគមន៍ «ភូមិគោកថ្មី សន្តិភាព» ស្ថិតក្នុងភូមិគោកថ្មី ឃុំក្រូចគរ ស្រុកក្រឡាញ់ ខេត្តសៀមរាប ឯកឧត្តម អ្នកឧកញ៉ា សៀង ណាំ អ្នកតំណាងរាស្ត្រមណ្ឌលខេត្តសៀមរាប បានថ្លែងថា ការបង្កើតសាលាមត្តេយ្យសិក្សាសហគមន៍ គឺជួយឱ្យកុមារនៅតំបន់ជនបទដាច់ស្រយាលអាចទទួលបានសេវាអប់រំកុមារតូចដោយមិនចាំបាច់ធ្វើដំណើរឆ្ងាយ។ លើសពីនេះ មត្តេយ្យសិក្សាតាមសហគមន៍ មានអត្ថប្រយោជន៍យ៉ាងខ្លាំងក្នុងការជួយអភិវឌ្ឍកុមារតូចនៅតាមមូលដ្ឋាន មុនពេលពួកគេឈានចូលរៀនថ្នាក់បឋមសិក្សា ព្រមទាំងជួយបណ្តុះស្មារតី គំនិត និងចំណេះដឹងដំបូងរបស់កុមារឱ្យបានល្អប្រសើរ។

នៅថ្ងៃទី៥ ខែកញ្ញា ឆ្នាំ២០២៦ ឯកឧត្តម ប៉ែន ផល្លីកា អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ បានដឹកនាំក្រុមការងារចម្រុះ ចុះពិនិត្យ និងបង្ក្រាបបទល្មើសជលផលក្នុងភូមិសាស្ត្របឹងទន្លេសាប ស្ថិតក្នុងខេត្តសៀមរាប និងខេត្តបាត់ដំបង ដើម្បីពង្រឹងការការពារធនធានជលផល និងអភិរក្សពូជត្រីក្នុងរដូវបិទនេសាទ។

‎សាលាអនុគណស្រុក រួមជាមួយមន្ត្រីសង្ឃស្រុក និងរដ្ឋបាលស្រុកសូទ្រនិគម ខេត្តសៀមរាប នៅថ្ងៃចុងសប្តាហ៍នេះ បាននាំយកស្បៀងអាហារ គ្រឿងឧបភោគបរិភោគ និងថវិកា ទៅចែកជូនដល់វីរៈកងទ័ពដែលកំពុងឈរជើងការពារបូរណភាពទឹកដីតាមខ្សែបន្ទាត់ព្រំដែនកម្ពុជា-ថៃ ក្នុងភូមិសាស្ត្រខេត្តឧត្តរមានជ័យ ចំនួន៣១ទីតាំង ដើម្បីលើកទឹកចិត្តនិងគាំទ្រដល់កងកម្លាំង ដែលកំពុងបំពេញបេសកកម្មជូនជាតិមាតុភូមិ។

ប្រាសាទមេបុណ្យខាងកើត ក៏ជាបុរាណស្ថានមួយដែលផ្ដល់ភាពទាក់ទាញដល់ទេសចរដែលបាន​ឆ្លងកាន់ទីតាំងនេះ។ ប្រាសាទនេះ ស្ថិតនៅក្នុងវង់ទស្សនានៃក្រុមប្រាសាទវង់ធំ និងជាសំណង់ដែលសង់លើផ្ទៃដីប្រមាណមួយហិកតាបួនជ្រុង មេបុណ្យខាងកើត ជាអតីតអារាមហិណ្ឌូសាសនា ដែលព្រះរាជាខ្មែរព្រះបាទ រាជេន្ទ្រវរ្ម័ន-ទី២ បានកសាងដើម្បីឧទ្ទិសថ្វាយដល់អទិទេពក្នុងព្រហ្មញ្ញសាសនាសម្រាប់ជាបុណ្យកុសលដល់បុព្វការីជនរបស់ព្រះអង្គ នាគ្រិស្តសករាជ ៩៥២។