ព័ត៌មានក្នុងខេត្ត

ថ្ងៃព្រហស្បតិ៍ ៣រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែតុលា ឆ្នាំ២០២៦

ដើម្បីចូលរួមចំណែកលើកកម្ពស់វប្បធម៌ ទំនៀមទម្លាប់ ប្រពៃណីជាតិ ព្រមទាំងផ្តល់ឱកាសជូនប្រជាពលរដ្ឋបានកម្សាន្តសប្បាយ និងទាក់ទាញភ្ញៀវទេសចរជាតិ-អន្តរជាតិ វត្តអារញ្ញសាគរក្រោមគំនិតផ្តួចផ្តើមពី ព្រះគ្រូ ហាក់ គឹមហ៊ត់ ចៅអធិការវត្ត បានសហការជាមួយអាជ្ញាធរមូលដ្ឋាន រៀបចំពិធីប្រណាំងទូក «ង» រយៈពេល២ថ្ងៃ គឺចាប់ពីថ្ងៃទី២៧ ដល់ថ្ងៃទី២៨ ខែតុលា ឆ្នាំ២០២៦ ដោយមានទូក «ង» ចូលរួមប្រកួតសរុប ៩ទូក និងកិត្តិយស ៦ទូក មានកីឡាករ កីឡាការិនី ២៧០នាក់ និងមានទូកមកពីខេត្តកំពង់ធំចូលរួមផងដែរ។

យោងតាមរបាយការណ៍របស់ស្នងការនគរបាលខេត្តសៀមរាប បានបង្ហាញថា គិតត្រឹមរយៈពេល ៩ខែ ឆ្នាំ២០២៦ នេះ បទល្មើសផ្សេងៗរួមមាន ក្មេងទំនើង អំពើហិង្សា អំពើអនាចារ ការជួញដូរមនុស្ស ល្បែងស៊ីសង បទល្មើសព្រហ្មទណ្ឌ និងបទល្មើសសេដ្ឋកិច្ច នៅក្នុងខេត្តសៀមរាប មានការថយចុះគួរឱ្យកត់សម្គាល់បើធៀបនឹងរយៈពេលដូចគ្នាក្នុងឆ្នាំ២០២៥ ខណៈបទល្មើសទាំងអស់ត្រូវបានសមត្ថកិច្ចបង្ក្រាបបាន ១០០ភាគរយ ស្របតាមយុទ្ធសាស្ត្រគន្លឹះដែលបានដាក់ចេញ។

សំណួរ និងសំណូមពរ ដែលជាក្ដីកង្វល់ និងតម្រូវការរបស់ប្រជាពលរដ្ឋ ក្នុងមូលដ្ឋានស្រុកក្រឡាញ់ ត្រូវបានលើកយកមកពិភាក្សា និងដោះស្រាយ ដោយមន្ត្រីជំនាញធ្វើការស្រាយបំភ្លឺ និងឆ្លើយតបជូនប្រជាពលរដ្ឋភ្លាមៗ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តសៀមរាប អាណត្តិទី៤ ឆ្នាំ២០២៦ គោលដៅទី២ នៅថ្ងៃទី២៨ ខែតុលា ឆ្នាំ២០២៦នេះ។

តំបន់ផាប់ស្ទ្រីត (Pub Street) និងតំបន់ដងស្ទឹងសៀមរាប ត្រូវបានជ្រើសរើសយកមកអនុវត្តវិធីសាស្ត្រទីក្រុងឆ្លាតវៃ (Smart City) ក្រោម «យុទ្ធសាស្ត្រកំណើនទីក្រុងឆ្លាតវៃរំដួល» ក្នុងគោលបំណងដោះស្រាយបញ្ហាប្រឈមនានា ព្រមទាំងជំរុញការលូតលាស់សេដ្ឋកិច្ច និងទេសចរណ៍នៅប៉ែកឦសាននៃក្រុងសៀមរាប។

វាគ្មិនចូលរួម ៖ -លោកស្រី លុយ រតនា អនុប្រធានមន្ទីរកិច្ចការនារីខេត្តសៀមរាប ថ្ងៃពុធ ទី២៨ ខែតុលា ឆ្នាំ២០២៦

អង្គកឋិនទានសាមគ្គី ផ្ដួចផ្ដើមដោយគណៈកម្មការ អាចារ្យ និងប្រជាពុទ្ធបរិស័ទចំណុះជើង ត្រូវបានហែចូលទៅប្រគេនដល់ព្រះសង្ឃគង់ចាំវស្សាក្នុងវត្តកេសរារាម ក្រុង និងខេត្តសៀមរាប នៅរសៀលថ្ងៃទី២៧ ខែតុលា ឆ្នាំ២០២៦នេះ ដើម្បីជួយទ្រទ្រង់ចតុបច្ច័យដល់ភិក្ខុ សាមណេរ និងផ្គត់ផ្គង់សម្ភារសិក្សា ដល់សមណសិស្សដែលនិមន្តពីស្រុក និងខេត្តផ្សេងៗ មកស្នាក់នៅសិក្សារៀនសូត្រ និងបន្តសាងសង់សង្ឃាសនៈក្នុងវត្ត។

ក្រោមការណែនាំរបស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត កាលពីរសៀលថ្ងៃទី២៧ ខែតុលា ឆ្នាំ ២០២៦ លោក ហែន ពុទ្ធី អភិបាលរងខេត្តសៀមរាប តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានរៀបចំដឹកនាំក្រុមការងារខេត្តជួយសម្របសម្រួលប្រជាពលរដ្ឋ ១៣គ្រួសារ ស្មើនឹង ៥៩នាក់ មកពី ៩ ក្រុង ស្រុក នៃខេត្តសៀមរាប ដែលមានសិទ្ធិទទួលបានដីឡូតិ៍ និងផ្ទះ នៅក្នុងភូមិសាស្ត្រឃុំស្តៅ ស្រុកសេសាន ខេត្តស្ទឹងត្រែង ក្នុងគម្រោងទីមួយ នៃកម្មវិធីផ្ដល់ដីការពារព្រៃដើម្បីរួមគ្នាអភិវឌ្ឍន៍ដោយចីរភាព (ផ.ក.អ)។ ជាមួយគ្នានេះ រដ្ឋបាលខេត្តសៀមរាប បានរៀបចំរថយន្តចំនួន ៦ គ្រឿងសម្រាប់ដឹកជញ្ជូនប្រជាពលរដ្ឋ និងរថយន្តដឹកសម្ភារ ចំនួន ៣គ្រឿង ទៅឃុំស្តៅ ស្រុកសេសាន ខេត្តស្ទឹងត្រែង ដើម្បីទទួលគម្រោងខាងលើ។

ប្រែមុខមាត់ថ្មី ! « ស្រុកអង្គរជុំ » ជាស្រុកអនាម័យគំរូដំបូងគេក្នុងខេត្តសៀមរាប ព្រមទាំងការពង្រឹងសេវាសាធារណៈ និងហេដ្ឋារចនាសម្ព័ន្ធ នាំឱ្យមាន​ការ រីកចម្រើនគួរឱ្យកត់សម្គាល់

អស់រយៈពេលជាងពីរទសវត្សរ៍មកហើយ ដែលមេចុងភៅ ប៉ុល គឹមសាន បានខិតខំប្រឹងប្រែងយ៉ាងសកម្មក្នុងការផ្សព្វផ្សាយម្ហូបអាហារខ្មែរទៅកាន់ឆាកអន្តរជាតិ ដើម្បីឱ្យពិភពលោកបានស្គាល់កាន់តែច្បាស់ពីអត្តសញ្ញាណ និងភាពសម្បូរបែបនៃសិល្បៈវប្បធម៌កម្ពុជា។

ក្រុមប្រឹក្សាខេត្តសៀមរាប នៅថ្ងៃទី២៧ ខែតុលា ឆ្នាំ២០២៦ បានបើកដំណើរការវេទិកាផ្សព្វផ្សាយ និងពិគ្រោះយោបល់ អាណត្តិទី៤ ឆ្នាំ២០២៦ គោលដៅទី១ នៅស្រុកស្រីស្នំ ក្រោមអធិបតីភាពដ៏ខ្ពង់ខ្ពស់ ឯកឧត្តម លី សំរិទ្ធ ប្រធានក្រុមប្រឹក្សាខេត្ត និង លោក ឌី រ៉ាដូ អភិបាលរងខេត្ត និងមានការចូលរួមពី ឯកឧត្តម នូ ផល្លា តំណាងរាស្ត្រមណ្ឌលសៀមរាប តំណាងមន្ទីរអង្គភាពជុំវិញខេត្ត អ្នកពាក់ព័ន្ធ និងប្រជាពលរដ្ឋជាច្រើនរូប។

ក្រោយពី​ទទួលបាន​ការ​ចង្អុលបង្ហាញពី​អាជ្ញាធរ​ខេត្តសៀមរាប ពាក់ព័ន្ធ​បញ្ហា​ស្ទួនទិន្នន័យ​បណ្ណ​ក្រីក្រនៅសង្កាត់ចុងឃ្នៀស​ ​នៅព្រឹកថ្ងៃទី២៧ ខែតុលា ឆ្នាំ២០២៦ ក្រុមការងាររដ្ឋបាលខេត្តសៀមរាប សហការជាមួយមន្ទីរផែនការខេត្ត បានចុះត្រួតពិនិត្យការងារផ្តល់បណ្ណក្រីក្រ និងបណ្ណសមធម៌ នៅសង្កាត់ចុងឃ្នៀស ក្រុងសៀមរាប ដើម្បីធានាថា ការអនុវត្តការងារប្រព្រឹត្តទៅដោយត្រឹមត្រូវ តម្លាភាព និងស្របតាមនីតិវិធី ព្រមទាំងពិនិត្យបញ្ហាប្រឈម និងស្វែងរកដំណោះស្រាយសមស្រប។   ​