ព័ត៌មានក្នុងខេត្ត

នារសៀលថ្ងៃទី១៦ ខែតុលា ឆ្នាំ២០២៦ លោក ង៉ូវ សេងកាក់ អភិបាលរងខេត្តសៀមរាប បានដឹកនាំកិច្ចប្រជុំស្តីពីការពង្រឹងសណ្តាប់ធ្នាប់ សន្តិសុខ សុវត្ថិភាព និងការលើកកម្ពស់គុណភាពសេវាកម្មទេសចរណ៍នៅតំបន់រមណីយដ្ឋានអង្គរ ដើម្បីពង្រឹងការគ្រប់គ្រងសណ្តាប់ធ្នាប់ សន្តិសុខ និងសុវត្ថិភាពសាធារណៈ ថែរក្សាតម្លៃបេតិកភណ្ឌវប្បធម៌ លើកកម្ពស់គុណភាពសេវាកម្មទេសចរណ៍ និងដោះស្រាយបញ្ហាប្រឈមនានានៅតំបន់អង្គរ។

លេខាធិការដ្ឋាននៃគណៈកម្មាធិការរៀបចំការបោះឆ្នោតខេត្តសៀមរាប បានបើកវគ្គអប់រំ ផ្សព្វផ្សាយ និងបញ្ជ្រាបការយល់ដឹងស្តីពី «សារសំខាន់នៃការបោះឆ្នោតនៅកម្ពុជា» ជូនដល់តំណាងគណបក្សនយោបាយ សមាគម អង្គការមិនមែនរដ្ឋាភិបាល និងភាគីពាក់ព័ន្ធ ក្រោមអធិបតីភាព លោក ស៊ិន ដារ៉ា អគ្គនាយករងនៃអគ្គនាយកដ្ឋានសេវាកម្មច្បាប់ និងបច្ចេកទេសនៃ គ.ជ.ប, លោក នឹម វ៉ាន់សំ ប្រធានលេខាធិការដ្ឋានរៀបចំការបោះឆ្នោតខេត្តសៀមរាប, លោក សូរ ប្លាតុង អភិបាលស្រុកប្រាសាទបាគង នាព្រឹកថ្ងៃទី១៦ ខែតុលា ឆ្នាំ២០២៦ នៅក្នុងស្រុកប្រាសាទបាគង ខេត្តសៀមរាប។

ចលនាប្រឡងប្រណាំង «៣ល្អ» (កូនល្អ សិស្សល្អ មិត្តល្អ) ថ្នាក់ខេត្ត ក្រោមប្រធានបទ៖ «តួនាទី និងភារកិច្ចសមាជិកក្រុមប្រឹក្សាយុវជនកម្ពុជា និងក្រុមប្រឹក្សាកុមារកម្ពុជា ជួយជំរុញសាលារៀនឱ្យក្លាយជាសាលារៀនគំរូ» ដែលរៀបចំឡើងដោយមន្ទីរអប់រំ យុវជន និងកីឡាខេត្តសៀមរាប ។

នៅព្រឹកថ្ងៃទី១៦ ខែតុលា ឆ្នាំ២០២៦ ក្រុមការងារយេនឌ័រនៃរដ្ឋបាលខេត្តសៀមរាប បានរៀបចំកិច្ចប្រជុំប្រចាំត្រីមាសទី៣ ឆ្នាំ២០២៦ ដើម្បីពិនិត្យវឌ្ឍនភាពការងារ បញ្ហាប្រឈម ស្វែងរកដំណោះស្រាយរួមគ្នា និងប្រកាសសេចក្ដីសម្រេចស្តីពីការកែសម្រួលសមាសភាព បែងចែកតួនាទីភារកិច្ចរបស់ក្រុមការងារថ្មី ព្រមទាំងពិភាក្សាលើផែនការសកម្មភាព និងកញ្ចប់ថវិកាសម្រាប់ការអនុវត្តបន្តក្នុងឆ្នាំ២០២៧។

នាព្រឹកថ្ងៃទី១៥ ខែតុលា ឆ្នាំ២០២៦ ឯកឧត្តម ប្រាក់ សោភ័ណ អភិបាលខេត្តសៀមរាប និង ឯកឧត្តម តោ គឹមស៊ាន សមាជិកក្រុមប្រឹក្សាខេត្ត បានអញ្ជើញដឹកនាំឯកឧត្តម លោកជំទាវជាសមាជិកក្រុមប្រឹក្សាខេត្ត លោកលោកស្រីអភិបាលរងខេត្ត មន្ទីរអង្គភាពជុំវិញខេត្ត មន្ត្រីរាជការ កងកម្លាំងប្រដាប់អាវុធ ថ្វាយកម្រងផ្កាគោរពព្រះវិញ្ញាណក្ខន្ធ ព្រះករុណាព្រះបាទ សម្តេចព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ នាសួនព្រះរាជដំណាក់ ក្រុងសៀមរាប ក្នុងឱកាសគម្រប់ខួប ១៤ឆ្នាំ នៃការយាងសោយព្រះទិវង្គត របស់ព្រះអង្គ។

ទូកងឈ្មោះ «ស្ដេចដំរីសភ្លុកខៀវមានជ័យ បារមីវត្តអារញ្ញសាគរ» របស់វត្តអារញ្ញសាគរ សង្កាត់សៀមរាប ក្រុងសៀមរាប បានបង្កើតស្នាដៃដ៏គួរឱ្យមោទនភាព ដោយទទួលបានចំណាត់ថ្នាក់លេខ១ ជាប់ៗគ្នាក្នុងការប្រកួតប្រណាំងទូកមិត្តភាពចំនួនពីរផ្សេងគ្នា គឺនៅស្រុកមង្គលបុរី ខេត្តបន្ទាយមានជ័យ និងស្រុកក្រឡាញ់ ខេត្តសៀមរាប។

នៅថ្ងៃទី១៤ ខែតុលា ឆ្នាំ២០២៦ ក្រុមការងារគ្រប់គ្រងគ្រោះមហន្តរាយខេត្ដសៀមរាប និងអាជ្ញាធរស្រុក បានចុះពិនិត្យទីតាំងរងការប៉ះពាល់ដោយជំនន់ទឹកភ្លៀង នៅក្នុងភូមិសាស្ត្រស្រុកក្រឡាញ់ ដើម្បីធ្វើការពិនិត្យ និងវាយតម្លៃលើផលប៉ះពាល់ដោយជំនន់ទឹកភ្លៀងនាពេលកន្លងមក និងវាយតម្លៃលើស្ថានភាពទឹក ដើម្បីតម្កល់ទឹកទុកប្រើប្រាស់ឱ្យបានល្អប្រសើរ។

អាជ្ញាធរខេត្តសៀមរាបបានគូសបញ្ជាក់ថា មហោស្រពភាពយន្តជប៉ុន លើកទី១២ មិនត្រឹមតែជាព្រឹត្តិការណ៍កម្សាន្តប៉ុណ្ណោះទេ ប៉ុន្តែគឺជាវេទិកាដ៏មានសារៈសំខាន់ក្នុងការផ្សារភ្ជាប់ទំនាក់ទំនង និងការយល់ដឹងពីគ្នាទៅវិញទៅមករវាងប្រជាជននៃប្រទេសទាំងពីរ កម្ពុជា-ជប៉ុន។

ក្រោមកិច្ចខិតខំប្រឹងប្រែងលើកកម្ពស់ជីវភាពគ្រួសារ លោក អ៊ិម អាន់ អតីតពលករមួយរូបដែលរស់នៅក្នុងឃុំព្រៃជ្រូក បានសម្រេចចិត្តផ្លាស់ប្ដូរទម្លាក់អាជីពមកចាប់យកមុខរបរចិញ្ចឹមកណ្ដូបជាលក្ខណៈគ្រួសារ ខណៈមុខរបរនេះត្រូវបានគេមើលឃើញថា មានភាពងាយស្រួលក្នុងការថែទាំ ចំណាយដើមទុនតិចតួច ប៉ុន្តែផ្តល់ផលចំណេញ និងមានតម្រូវការទីផ្សារខ្ពស់។

នៅថ្ងៃទី១៤ ខែតុលា ឆ្នាំ២០២៦ លេខាធិការដ្ឋានរៀបចំការបោះឆ្នោតខេត្តសៀមរាប (ល.ខ.ប.) បានរៀបចំកិច្ចប្រជុំផ្សព្វផ្សាយស្ដីពីកិច្ចសហការ និងវិធានការការពារសន្តិសុខ សុវត្ថិភាព និងសណ្ដាប់ធ្នាប់សាធារណៈសម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ ជូនដល់តំណាងអាជ្ញាធរក្រុងស្រុក កងកម្លាំងប្រដាប់អាវុធ តំណាងគណបក្សនយោបាយ អង្គការសង្គមស៊ីវិល រួមនឹងភាគីពាក់ព័ន្ធជាច្រើនរូប។

ការងារតម្បាញសូត្រខ្មែរ មិនត្រឹមតែជាសិល្បៈប្រពៃណីដ៏ល្អឯកប៉ុណ្ណោះទេ ប៉ុន្តែវាជាការងារដែលទាមទារនូវភាពព្យាយាម និងផ្ចិតផ្ចង់ជាទីបំផុត។ នេះបើតាមការលើកឡើងរបស់ លោកស្រី តេង ស្ដើង គ្រូបង្រៀនតម្បាញនៅសិប្បកម្មសួស្ដី ស្ថិតក្នុងឃុំខ្នាត ស្រុកពួក ខេត្តសៀមរាប។

កសិករមួយរូបរស់នៅក្នុងឃុំព្រៃជ្រូក ស្រុកពួក ខេត្តសៀមរាប បានចាប់យកមុខរបរចិញ្ចឹមមាន់ជាលក្ខណៈគ្រួសារ បន្ទាប់ពីបានត្រឡប់មកពីធ្វើជាពលករចំណាកស្រុកនៅក្រៅប្រទេស ដោយលោកបានអះអាងថា ការប្រកបមុខរបរនៅស្រុកកំណើតជួយឱ្យលោកអាចបង្កើតប្រាក់ចំណូលបន្ថែម និងបានរស់នៅជួបជុំគ្រួសារយ៉ាងកក់ក្តៅ។