ព័ត៌មានក្នុងខេត្ត

នៅព្រឹកថ្ងៃទី២០ ខែកក្កដា ឆ្នាំ២០២៦ គណៈកម្មាធិការលទ្ធកម្មសង្កាត់ស្រង៉ែ ក្រុងសៀមរាប ខេត្តសៀមរាប បានប្រកាសបញ្ចប់ការដេញថ្លៃដោយជោគជ័យ នូវគម្រោងសាងសង់ផ្លូវបេតុងអាមេចំនួន២ខ្សែ ដោយការដេញថ្លៃនេះមានការចូលរួមពីមន្ត្រីបច្ចេកទេសនៃរដ្ឋបាលខេត្ត អាជ្ញាធរក្រុង គណៈកម្មាធិការលទ្ធកម្មសង្កាត់ ក្រុមហ៊ុនម៉ៅការ និងអ្នកសារព័ត៌មាន។

នៅថ្ងៃទី២០ ខែកក្កដា ឆ្នាំ២០២៦ ក្រុមគ្រូពេទ្យស្ម័គ្រចិត្តនៃមន្ទីរពេទ្យ Mackay ប្រទេសតៃវ៉ាន់ និង ធនាគារ UCB តាមរយៈអង្គការក្លឹប Rotary Angkor បានចុះពិនិត្យ និងព្យាបាលជំងឺដោយឥតគិតថ្លៃជូនដល់ប្រជាពលរដ្ឋមានជីវភាពខ្វះខាតរស់នៅឃុំចាន់ស ស្រុកសូទ្រនិគម ខេត្តសៀមរាប លើជំងឺទូទៅ ព្យាបាលមាត់ធ្មេញ ពិនិត្យបេះដូង សន្លាក់ និងជំងឺកុមារ។

ស្របនឹងអាកាសធាតុកំពុងមានការប្រែប្រួល តែកសិករម្នាក់នៅស្រុកប្រាសាទបាគង ខេត្តសៀមរាប បាននិងកំពុងទទួលបានជោគជ័យគួរឱ្យកត់សម្គាល់ លើការដាំដុះដំណាំ «ននោង» តាមរយៈការផ្លាស់ប្តូរទម្លាប់ពីការប្រើប្រាស់ថ្នាំកសិកម្ម មកប្រើប្រាស់ជីធម្មជាតិវិញ បានធ្វើឱ្យកសិកររកឃើញជម្រើសដំណាំដ៏មានសក្ដានុពល អាចដាំបានគ្រប់រដូវកាល និងមានទីផ្សារ។

ដោយទទួលបានឯកភាពពីសំណាក់រដ្ឋបាលខេត្តសៀមរាប អង្គការពិភពពន្លឺនៃជីវិត បានសហការជាមួយក្រុមគ្រូពេទ្យស្ម័គ្រចិត្តមកពីប្រទេសអូស្ត្រាលី នឹងរៀបចំយុទ្ធនាការចុះពិនិត្យ និងព្យាបាលជំងឺទូទៅជូនប្រជាពលរដ្ឋដោយឥតគិតថ្លៃ ក្នុងស្រុកស្រីស្នំ និងស្រុកប្រាសាទបាគង រយៈពេល ៤ថ្ងៃ ចាប់ពីថ្ងៃទី២១ ដល់ថ្ងៃទី២៤ ខែកក្កដា ឆ្នាំ២០២៦ ដើម្បីជួយសម្រួលដល់បងប្អូនប្រជាពលរដ្ឋដែលខ្វះខាតថវិកាក្នុងការព្យាបាលជំងឺ។

នៅពេលដែលក្មេងស្រីបានបណ្ដុះភាពជាអ្នកដឹកនាំកាន់តែច្រើន ពួកគេនឹងមានជំនឿជឿជាក់លើខ្លួនឯង និងមានសមត្ថភាពគ្រប់គ្រាន់ ដើម្បីប្រឈមមុខដោះស្រាយបញ្ហា និងមានភាពធន់ទៅនឹងវិបត្តិផ្សេងៗ មានន័យថា “ភាពជាអ្នកដឹកនាំរបស់ក្មេងស្រីគឺសំដៅលើភាពអង់អាច មានសមត្ថភាព សកម្មភាព សម្លេង និងឥទ្ធិពលដែលក្មេងស្រីមាននៅក្នុងការដឹកនាំដោយចាប់ផ្ដើមពីខ្លួនឯង គ្រួសារ សហគមន៍ និងសង្គម”។

លោក វ៉ាង វុន ដែលជាប្រជាកសិករម្នាក់រស់នៅក្នុងឃុំចាន់សរ ស្រុកសូទ្រនិគម បានអំពាវនាវ និងលើកទឹកចិត្តដល់បងប្អូនប្រជាពលរដ្ឋ ឱ្យចេះទាញប្រយោជន៍ពីផ្ទៃដីទំនេរជុំវិញផ្ទះ មកដាំដំណាំរួមផ្សំផ្សេងៗ ជាពិសេសគឺដំណាំម្រះ ដើម្បីបង្កើតប្រភពចំណូលបន្ថែមសម្រាប់ជួយទ្រទ្រង់ និងលើកកម្ពស់សេដ្ឋកិច្ចគ្រួសារ នៅពេលទំនេរពីការងារស្នូលប្រចាំថ្ងៃ។

មន្ត្រីជាន់ខ្ពស់ក្រសួងព័ត៌មាន បានលើកឡើងថា ក្នុងយុគសម័យបច្ចេកវិទ្យាឌីជីថល អ៊ីនធឺណិត និងបណ្ដាញសង្គមបានដើរតួនាទីយ៉ាងសំខាន់ ក្នុងការផ្តល់ភាពងាយស្រួលដល់ការរស់នៅ ប៉ុន្តែវាក៏បានបង្កជាហានិភ័យដ៏ធ្ងន់ធ្ងរផងដែរ នោះគឺការរីករាលដាលនៃ «ព័ត៌មានក្លែងក្លាយ» ដែលកំពុងគំរាមកំហែងដល់សន្តិសុខសង្គម។

កាលពីថ្ងៃទី១៦ ខែកក្កដា ឆ្នាំ ២០២៦នេះ ឯកឧត្ដម គុជ លីណា អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជាខេត្តសៀមរាប បានដឹកនាំមន្ត្រីប្រតិបត្តិសាខា អ្នកស្ម័គ្រចិត្តកាកបាទក្រហមកម្ពុជា និងយុវជនកាកបាទក្រហមកម្ពុជា ជួយជួសជុលផ្ទះជូនគ្រួសារវីរកងទ័ពមួយគ្រួសារ ដែលរងគ្រោះដោយអគ្គិភ័យកាលពីពេលកន្លងទៅ នៅក្នុងសង្កាត់គោកចក ក្រុងសៀមរាប។

នៅថ្ងៃទី១៦ ខែកក្កដា ឆ្នាំ២០២៦ សាខាកាកបាទក្រហមកម្ពុជាខេត្តសៀមរាប បានរៀបចំកិច្ចប្រជុំគណៈកម្មាធិការអនុសាខាកាកបាទក្រហមកម្ពុជា ក្រុង-ស្រុក ទាំង១៣ ក្នុងគោលបំណងពិភាក្សាដោះស្រាយបញ្ហាប្រឈម និងស្វែងរកដំណោះស្រាយ ដើម្បីលើកកម្ពស់ប្រសិទ្ធភាពការងារមនុស្សធម៌ កិច្ចប្រជុំនេះដឹកនាំដោយ ឯកឧត្ដម គុជ លីណា អនុប្រធានអចិន្ត្រៃយ៍គណៈកម្មាធិការសាខា ដោយមានការចូលរួមពីមន្ត្រីពាក់ព័ន្ធជាច្រើនរូប។

នៅថ្ងៃទី១៦ ខែកក្កដា ឆ្នាំ២០២៦ ក្រុមប្រឹក្សាខេត្តសៀមរាប ដឹកនាំដោយ ឯកឧត្តម តោ គឹមស៊ាន សមាជិកក្រុមប្រឹក្សាខេត្ត បានចុះជួបផ្ទាល់ជាមួយប្រជាពលរដ្ឋក្នុងឃុំស្រណាល ស្រុកក្រឡាញ់ ដើម្បីស្ដាប់រាល់សំណូមពរ និងក្ដីកង្វល់របស់ប្រជាពលរដ្ឋ យកមកធ្វើការពិភាក្សាដោះស្រាយ និងបំភ្លឺភ្លាមៗ ពាក់ព័ន្ធនឹងវិស័យអប់រំ សុខាភិបាល វិស័យការងារ សង្គមកិច្ច វប្បធម៌ ធម្មការ និងសាសនា វិស័យព័ត៌មាន កិច្ចការនារី និងបញ្ហាសន្តិសុខក្នុងមូលដ្ឋាន។

សិស្សានុសិស្សនៃវិទ្យាល័យចំណេះទូទៅ និងបច្ចេកទេសពួក ក្នុងស្រុកពួក ខេត្តសៀមរាប បានបង្ហាញការប្តេជ្ញាចិត្តយ៉ាងមុតមាំក្នុងការចូលរួមទប់ស្កាត់ និងនិយាយថា «ទេ» ចំពោះព័ត៌មានក្លែងក្លាយ ក្នុងយុទ្ធនាការជំហានទី២ ដែលរៀបចំឡើងដោយមន្ទីរព័ត៌មានខេត្តសៀមរាប។

រាជរដ្ឋាភិបាលកម្ពុជា បានកំណត់យកការប្រយុទ្ធប្រឆាំងបទល្មើសឆបោកតាមប្រព័ន្ធបច្ចេកវិទ្យា Online Scams ជាបេសកកម្មចម្បង និងជាអាទិភាពខ្ពស់បំផុត ដើម្បីការពារសន្តិសុខសង្គម សុវត្ថិភាពប្រជាពលរដ្ឋ និងលើកកម្ពស់កិត្តិយសជាតិនៅលើឆាកអន្តរជាតិ។ នេះបើតាមការបញ្ជាក់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងដឹកនាំកិច្ចប្រជុំប្រចាំខែតាមរយៈប្រព័ន្ធវីដេអូ (Zoom) ដើម្បីតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា នារសៀលថ្ងៃទី១៦ ខែកក្កដា ឆ្នាំ២០២៦។