ព័ត៌មានក្នុងខេត្ត

ក្នុងឱកាសអញ្ជើញបើកវិញ្ញាសាជូនបេក្ខជនប្រឡងសញ្ញាបត្រមធ្យមសិក្សាទុតិយភូមិ នៅមណ្ឌលវិទ្យាល័យ ១០ មករា ១៩៧៩ ក្រុងសៀមរាប នាព្រឹកថ្ងៃទី១០ ខែសីហានេះ ឯកឧត្តម ប្រាក់ សោភ័ណ អភិបាលខេត្ត បានផ្ដាំផ្ញើដល់បេក្ខជនទាំងអស់ ឱ្យខិតខំប្រឹងប្រែងឱ្យអស់ពីសមត្ថភាពតាមគោលដៅរៀងខ្លួន ទោះបីជាមានបំណងប្រឡងយកនិទ្ទេស A ឬត្រឹមជាប់ក៏ដោយ ដោយមិនត្រូវគិតច្រើន និងមិនត្រូវបោះបង់ក្តីសង្ឃឹមឡើយ។

ក្នុងឱកាសអញ្ជើញបើកវិញ្ញាសាជូនបេក្ខជននៅខេត្តសៀមរាប នៅព្រឹកថ្ងៃទី១០ ខែសីហា ឆ្នាំ២០២៦នេះ ឯកឧត្តម សោម រតនា អនុរដ្ឋលេខាធិការក្រសួងអប់រំ និងជាប្រធានគណៈមេប្រយោគទូទាំងប្រទេសប្រចាំខេត្តសៀមរាប បានបញ្ជាក់ថា ដំណើរការនៃការរៀបចំការប្រឡង សញ្ញាបត្រមធ្យមសិក្សាទុតិយភូមិ (បាក់ឌុប) ក្នុងខេត្តសៀមរាប ត្រូវបានរៀបចំឡើងយ៉ាងហ្មត់ចត់ ដោយមានការចូលរួមសហការយ៉ាងជិតស្និទ្ធពីគ្រប់ភាគីពាក់ព័ន្ធទាំងអស់ ធានាបាននូវកម្រិតខ្ពស់បំផុតនៃភាពសុក្រឹត និងយុត្តិធម៌។

នាព្រឹកថ្ងៃទី១០ ខែសីហា ឆ្នាំ២០២៦ មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តសៀមរាប សហការជាមួយរដ្ឋបាលស្រុកពួក រៀបចំពិធីប្រកាសបិទផ្សាយជាសាធារណៈនូវឯកសារនៃការវិនិច្ឆ័យដីធ្លីមានលក្ខណៈជាប្រព័ន្ធ នៅក្នុងឃុំយាង ស្រុកពួក ខេត្តសៀមរាប ក្រោមអធិបតីភាព សួស សុខចាន់ សមាជិកក្រុមប្រឹក្សាខេត្ដ, លោកស្រី ញឹម សុភ: អនុប្រធានមន្ទីររៀបចំដែនដី, រួមអាជ្ញាធរមូលដ្ឋាន មន្ត្រីពាក់ព័ន្ធ និងប្រជាពលរដ្ឋជាច្រើនរូប។

ឯកឧត្តមបណ្ឌិត សោម រតនា អនុរដ្ឋលេខាធិការក្រសួង ជាប្រធានគណៈមេប្រយោគទូទាំងប្រទេសប្រចាំខេត្តសៀមរាប និងជាក្រុមការងារអង្គភាពប្រឆាំងអំពើពុករលួយ រួមនិង ឯកឧត្តម លី សំរិទ្ធ ប្រធានក្រុមប្រឹក្សា, ឯកឧត្តម ប្រាក់ សោភ័ណ អភិបាលខេត្តសៀមរាប អញ្ជើញជាអធិបតីបើកវិញ្ញាសារប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ១០-១១ សីហា ២០២៦ នៅមណ្ឌលប្រឡងវិទ្យាល័យ ១០មករា ១៩៧៩ ក្រុងសៀមរាប ព្រឹកថ្ងៃទី១០ ខែសីហា ឆ្នាំ២០២៦

ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ១០-១១ សីហា ២០២៦ នៅខេត្តសៀមរាប បានចាប់ផ្ដើមជាផ្លូវការហើយ នៅព្រឹកថ្ងៃទី១០ ខែសីហា ឆ្នាំ២០២៦នេះ ដោយមានវត្តមានចូលរួមកាត់វិញ្ញាសាដោយ ឯកឧត្តម លី សំរិទ្ធ ប្រធានក្រុមប្រឹក្សាខេត្ត និង ឯកឧត្តម ប្រាក់ សោភ័ណ អភិបាលខេត្ត រួមនឹងថ្នាក់ដឹកនាំជាក្រុមប្រឹក្សាខេត្ត រួមនឹងគណៈអភិបាលខេត្តជាច្រើនរូបទៀត។

លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានក្រុមប្រឹក្សាភិបាលនៃអាជ្ញាធរជាតិអប្សរា បានគូសបញ្ជាក់ថា ការកែប្រែ និងរៀបចំទីវត្តអារាមទាំងក្នុងពេលបច្ចុប្បន្ន និងអនាគត គឺធ្វើឡើងដើម្បីផលប្រយោជន៍ព្រះសង្ឃ ការលើកស្ទួយតម្លៃព្រះពុទ្ធសាសនា ព្រមទាំងរៀបចំសណ្តាប់ធ្នាប់រឿងរ៉ាវសាសនាឱ្យបានត្រឹមត្រូវ សម្រាប់ទុកជាធនធានចំណេះដឹងដល់ជនបរទេស និងកូនខ្មែរជំនាន់ក្រោយៗ។

រសៀលថ្ងៃទី៧ ខែសីហា ឆ្នាំ២០២៦ លោក លី សារី អភិបាលរងខេត្តសៀមរាប បានដឹកនាំកិច្ចប្រជុំពិនិត្យវឌ្ឍនភាព «គម្រោងរថយន្តក្រុងអគ្គិសនី» ជាមួយក្រុមហ៊ុនទីប្រឹក្សា Misca Advisors Ltd តាមប្រព័ន្ធ zoom និងផ្ទាល់នៅសាលប្រជុំលេខ២ រដ្ឋបាលខេត្តសៀមរាប ដោយមានការអញ្ជើញចូលរួមពី តំណាងក្រសួង-ស្ថាប័នពាក់ព័ន្ធ។

Siem Reap Authorities Strictly Ban Plastic Burning in Schools as 12 Schools Commit to ASEAN Eco-School Awards

‎នៅថ្ងៃទី៧ ខែសីហា ឆ្នាំ២០២៦នេះ មន្ទីរអធិការកិច្ចខេត្តសៀមរាប បានចុះផ្សព្វផ្សាយអនុក្រឹត្យ លេខ ២២៤ ស្ដីពីលិខិតអនុញ្ញាតសាងសង់ ជូនដល់អាជ្ញាធរ និងបងប្អូនប្រជាពលរដ្ឋក្នុងមូលដ្ឋានស្រុកពួក ដើម្បីធានាសុវត្ថិភាព និងគុណភាពសំណង់ ឱ្យមានលក្ខណៈបច្ចេកទេសត្រឹមត្រូវ ជៀសវាងគ្រោះថ្នាក់នៃការបាក់ស្រុត ឬការប្រើប្រាស់សម្ភារគ្មានបទដ្ឋាន ដែលអាចប៉ះពាល់ដល់អាយុជីវិត និងទ្រព្យសម្បត្តិរបស់ប្រជាពលរដ្ឋ។

នៅថ្ងៃទី៧ ខែសីហា ឆ្នាំ២០២៦នេះ ហិបវិញ្ញាសាសម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ១០ សីហា ឆ្នាំ២០២៦ ត្រូវបានមកដល់ខេត្តសៀមរាបហើយ ក្រោមការដឹកនាំផ្ទាល់ដោយ ឯកឧត្តម សោម រតនា ប្រធានគណៈមេប្រយោគទូទាំងប្រទេសប្រចាំខេត្តសៀមរាប និងក្រុមការងារអង្គភាពប្រឆាំងអំពើពុករលួយ នៅសាលាខេត្តសៀមរាប ក្រោមវត្តមានទទួលរបស់លោកស្រី ម៉ននី រង្សី អភិបាលរងខេត្តសៀមរាប។

រដ្ឋបាលខេត្តសៀមរាបបាននិងកំពុងត្រៀមលក្ខណៈដើម្បីរៀបចំ «ទិវាហ្វ្រង់កូហ្វូនី» ដែលគ្រោងនឹងប្រព្រឹត្តទៅនាថ្ងៃទី១៥-១៦ ខែវិច្ឆិកា ឆ្នាំ២០២៦ ដោយគ្រោងរៀបចំស្តង់ពិព័រណ៍ចំនួន ៥០ ដើម្បីដាក់តាំងបង្ហាញផលិតផល និងសិប្បកម្មមកពីបណ្តាប្រទេសនិយាយភាសាបារាំង រួមទាំងសិប្បកម្មខ្មែរ ក្នុងនាមជាសមាជិកស្ថាបនិកនៃអង្គការអន្តរជាតិ នៃក្រុមប្រទេសនិយាយភាសាបារាំង (OIF)។

ថ្លែងក្នុងកម្មវិធីសន្ទនាមតិរបស់វិទ្យុជាតិ និងទូរទស្សជាតិខេត្ដសៀមរាប កាលពីថ្ងៃទី ៦ ខែសីហា ឆ្នាំ២០២៦ លោកស្រី ទាម ផល្លី អនុប្រធានមន្ទីពាណិជ្ជកម្មខេត្ដសៀមរាបបាន ជំរុញ និង លើកទឹកចិត្ត និងលើកកម្ពស់ការចងក្រងជាសហគមន៍កសិកម្ម និងការប្រើប្រាស់ប្រព័ន្ធទីផ្សារឌីជីថល ដោយត្រូវបានមើលឃើញថា ជាដំណោះស្រាយដ៏មានប្រសិទ្ធភាព ក្នុងការជួយឱ្យអ្នកផលិតអាចភ្ជាប់ទំនាក់ទំនងផ្ទាល់ជាមួយទីផ្សារ និងទទួលបានផលចំណេញសមរម្យជាងមុន ការចរាចរ ខណៈ ការលក់ផលិតផលក្នុងស្រុក មិនត្រឹមតែបំពេញតម្រូវការប្រចាំថ្ងៃប៉ុណ្ណោះទេ ប៉ុន្តែថែមទាំងជាសសរ ទ្រទ្រង់ទេសចរណ៍វប្បធម៌ និងកសិទេសចរណ៍ នៅខេត្តសៀមរាបទៀតផង ជាជាងការពឹងផ្អែកខ្លាំងលើឈ្មួញកណ្តាលច្រើនដំណាក់កាល ជួនកាលធ្វើឱ្យតម្លៃទំនិញនៅលើទីផ្សារកើនឡើងខ្ពស់ ខណៈដែលកសិករ និងសិប្បករដើម ទទួលបានប្រាក់ចំណេញតិចតួចប៉ុណ្ណោះ ។