ក្នុងឱកាសអញ្ជើញជាអធិបតី ក្នុងសិក្ខាសាលាបូកសរុបវាយតម្លៃលទ្ធផលការងារកសិកម្ម រុក្ខាប្រមាញ់ និងនេសាទ ប្រចាំនព្វមាស(៩ខែ) និងទិសដៅអនុវត្តបន្ត របស់មន្ទីរកសិកម្ម រុក្ខាប្រមាញ់ និងនេសាទខេត្តសៀមរាប នៅថ្ងៃទី២៥ ខែកញ្ញា ឆ្នាំ២០២៦ ឯកឧត្តម ឃុន សាវឿន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានផ្តល់នូវធាតុចូលមួយចំនួនជូនថ្នាក់ដឹកនាំ និងមន្ត្រីនៃមន្ទីរកសិកម្មខេត្ត និងដៃគូពាក់ព័ន្ធ សម្រាប់ជាមូលដ្ឋានអនុវត្តបន្ត ដើម្បីជំរុញ និងលើកកម្ពស់ការអភិវឌ្ឍ វិស័យកសិកម្ម។

រដ្ឋបាលខេត្តសៀមរាប នៅថ្ងៃទី២៥ ខែកញ្ញា ឆ្នាំ២០២៦នេះ បានរៀបចំសិក្ខាសាលាពិគ្រោះយោបល់ និងតម្រង់ទិស ស្ដីពីការអនុវត្តនីតិវិធី ពាក់ព័ន្ធនឹងច្បាប់ស្ដីពីការបង្រ្កាបអំពើជួញដូរមនុស្ស និងអំពើធ្វើអាជីវកម្មផ្លូវភេទ និងច្បាប់ស្ដីពីយុត្តិធម៌អនីតិជន ក្នុងគោលបំណងពង្រឹងការអនុវត្តតួនាទីរបស់មន្ត្រីនគរបាលយុត្តិធម៌ និងភ្នាក់ងារសង្គមកិច្ច លើការអនុវត្ដច្បាប់ស្ដីពីការបង្រ្កាបអំពើជួញដូរមនុស្ស និងអំពើការធ្វើអាជីវកម្មផ្លូវភេទ និងច្បាប់ស្ដីពីយុត្តិធម៌អនីតិជន ឱ្យបានទាន់ពេលវេលា និងប្រកបដោយប្រសិទ្ធភាព។

ប្រជាពលរដ្ឋចំនួន ២២០គ្រួសារ មកពីភូមិទាំង៧ ក្នុងសង្កាត់សាលាកំរើក ទទួលបានអំណោយ ពីរដ្ឋបាលសង្កាត់សាលាកំរើក រួមទាំងសប្បុរសជន ដើម្បីជួយសម្រាលជីវភាព និងកាត់បន្ទូយការលំបាកប្រចាំថ្ងៃរបស់ប្រជាពលរដ្ឋក្នុងមូលដ្ឋាន។

ថ្លែងក្នុងពិធីបិទវគ្គបណ្ដុះបណ្ដាល “សវកម្មសមិទ្ធកម្ម” នៅថ្ងៃទី២៣ ខែកញ្ញា ឆ្នាំ២០២៦

នាព្រឹក ថ្ងៃទី២៤ ខែកញ្ញា ឆ្នាំ២០២៦ រដ្ឋបាលខេត្តសៀមរាប បានរៀបចំពិធីដាក់ក្រពុំបិណ្ឌផ្កាឈូក គោរពរដ្ឋធម្មនុញ្ញកម្ពុជាជាលើកទី២ ក្នុងឱកាសរំលឹកខួប៣៣ឆ្នាំ ទិវាប្រកាសរដ្ឋធម្មនុញ្ញ នៅបរិវេណរដ្ឋបាលខេត្ត ក្រោមអធិបតីភាពឯកឧត្តម តោ គឹមស៊ាន សមាជិកក្រុមប្រឹក្សាខេត្ត តំណាងឯកឧត្តម លី សំរិទ្ធ ប្រធានក្រុមប្រឹក្សាខេត្ត ដោយមានការចូលរួមពីឯកឧត្តម លោកជំទាវ ជាសមាជិក សមាជិកា ក្រុមប្រឹក្សាខេត្ត គណៈអភិបាលខេត្ត សាលាដំបូងខេត្ត ,អាជ្ញាធរជាតិអប្សរា,នាយក នាយករងរដ្ឋបាលសាលាខេត្ត ថ្នាក់ដឹកនាំមន្ទីរ អង្គភាព កងកម្លាំងទាំងបី នាយក.នាយករងទីចាត់ការ អង្គភាពចំណុះសាលាខេត្ត សភាពាណិជ្ជកម្មខេត្ត និង មន្ត្រីរាជការ ព្រមទាំងគ្រឹះស្ថានបណ្តុះបណ្តាលវិជ្ជាជីវះ ប្រមាណជា៣០០។

យុវជន និងគ្រូទីប្រឹក្សាចំនួន ១០៨នាក់ មកពីគ្រឹះស្ថានចំនួន៥ ក្នុងក្រុងសៀមរាប រួមមានវិទ្យាល័យ ស៊ូវុន, វិទ្យាល័យ អារញ្ញសាគរ, អនុវិទ្យាល័យ តេជោហ៊ុនសែន គ្រួស, អនុវិទ្យាល័យ ព្រះឥន្ទកោសា និងវិទ្យាល័យនគរធំ ត្រូវបានបំពាក់កន្សែងជាយុវជនកាកបាទក្រហមកម្ពុជា ចូលរួមបម្រើការងារមនុស្សធម៌ នៅថ្ងៃទី២៣ ខែកញ្ញា ឆ្នាំ២០២៦នេះ ក្រោមវត្តមានចូលរួមពី លោក នួន ពុទ្ធារ៉ា សមាជិកគណៈកម្មាធិការសាខាខេត្ត និងជាប្រធានគណៈកម្មាធិការអនុសាខាកាកបាទក្រហមកម្ពុជា ក្រុងសៀមរាប។