ប្រជាពលរដ្ឋដែលមកទទួលសេវាព្យាបាល និងពិគ្រោះជំងឺទូទៅមកពីតាមបណ្តាឃុំ-ស្រុកផ្សេងៗគ្នា ក្នុងខេត្តសៀមរាប បានសម្តែងការពេញចិត្តចំពោះការផ្តល់សេវាសុខាភិបាល ប្រកបដោយគុណភាព ស្នាមញញឹម និងភាពរាក់ទាក់ពីសំណាក់មន្ត្រីសុខាភិបាល នៃមន្ទីរពេទ្យបង្អែកសូទ្រនិគម។ មន្ទីរពេទ្យបង្អែកសូទ្រនិគម ជាមន្ទីរពេទ្យកម្រិត២ ដែលស្ថិតនៅក្នុងស្រុកសូទ្រនិគម ខេត្តសៀមរាប និងបានបើកដំណើរការផ្តល់សេវាសុខាភិបាលជូនប្រជាពលរដ្ឋជារៀងរាល់ថ្ងៃ ២៤ម៉ោងលើ២៤ម៉ោង។ មន្ទីរពេទ្យនេះបានផ្តល់សេវាគ្របដណ្តប់លើស្រុករដ្ឋបាលចំនួន៣ រួមមាន៖ ស្រុកសូទ្រនិគម ស្រុកជីក្រែង និងស្រុកស្វាយលើ ដែលមានប្រជាពលរដ្ឋសរុបប្រមាណជាង ៣៥ម៉ឺននាក់។ សូមអញ្ជើញទស្សនាវីដេអូបទយកការណ៍ទាំងស្រុង ដូចតទៅ៖

ឆ្នាំ២០២៦នេះ កម្ពុជាមានកិត្តិយសក្នុងការធ្វើជាម្ចាស់ផ្ទះនៃកិច្ចប្រជុំកំពូលហ្វ្រង់កូហ្វូនីលើកទី២០ ជាលើកដំបូងក្នុងប្រវត្តិសាស្ត្ររបស់ខ្លួន។ កិច្ចប្រជុំកំពូលនេះនឹងប្រព្រឹត្តទៅនៅថ្ងៃទី១៥ និង១៦ ខែវិច្ឆិកា ឆ្នាំ២០២៦ នៅរាជធានីភ្នំពេញ ដែលព្រឹត្តិការណ៍អន្តរជាតិនេះគឺជាព្រឹត្តិការណ៍ដ៏សំខាន់មួយសម្រាប់អង្គការអន្តរជាតិហ្វ្រង់កូហ្វូនី និងសម្រាប់ការលើកកម្ពស់ហ្វ្រង់កូហ្វូនីនៅអាស៊ី។ ក្រៅពីកិច្ចការទូត កិច្ចប្រជុំកំពូលនេះ ក៏បានផលវិជ្ជមានយ៉ាងខ្លាំង ក្នុងវិស័យអប់រំ ដូចជា ការលើកកម្ពស់តម្លៃ និង កិត្យានុភាពនៃវិជ្ជាជីវៈក្នុងអាជីពជាគ្រូបង្រៀន ជាពិសេស នឹងក្លាយជាតឹកតាង ក្នុងការជំរុញលើកទឹកចិត្ត ដល់សិស្សានុសិស្សពីមូលហេតុដែលត្រូវសិក្សាភាសាបារាំងជាដើម។

ប្រជាពលរដ្ឋរស់នៅឃុំគោកធ្លកក្រោម បានសម្តែងក្តីរំភើបរីករាយជាពន់ពេក ក្រោយពេលទទួលបានសមិទ្ធផលផ្លូវបេតុងថ្មីមួយខ្សែ ដែលបានជួយសម្រួលដល់ការធ្វើដំណើរ និងការដឹកជញ្ជូនកសិផលរបស់ប្រជាកសិករកាន់តែមានភាពងាយស្រួលជាងមុន។ ផ្លូវបេតុងថ្មីនៅក្នុងឃុំគោកធ្លកក្រោមនេះ មានប្រវែងជាង ១៣០០ម៉ែត្រ មានទទឹង៦ម៉ែត្រ និងមានកម្រាស់ ២តឹក។ ផ្លូវនេះត្រូវបានចំណាយថវិកាសរុបចំនួន៩៩៣.១២៧.៨៥៣រៀល ដែលជាថវិកាមូលនិធិឃុំឆ្នាំ២០២៥ និងឆ្នាំ២០២៦ ផ្លូវនេះកសាងឡើងចំនួនពីរដំណាក់កាល។

ផ្លូវជាតិលេខ ១០ ដែលជាខ្សែផ្លូវយុទ្ធសាស្ត្រតភ្ជាប់ពីខេត្តបាត់ដំបង កាត់តាមតំបន់អូរសោម (ស្រុកវាលវែង ខេត្តពោធិ៍សាត់) ឆ្ពោះទៅកាន់ខេត្តកោះកុង កំពុងក្លាយជាកម្លាំងចលករយ៉ាងសំខាន់ក្នុងការជំរុញកំណើនសេដ្ឋកិច្ច ការដឹកជញ្ជូន និងវិស័យទេសចរណ៍យ៉ាងលេចធ្លោ រវាងតំបន់ភូមិភាគពាយ័ព្យ និងតំបន់ឆ្នេរសមុទ្រ។ ផលិតដោយ៖ មន្ទីរព័ត៌មាន ខេត្តបាត់ដំបង

បទយកការណ៍៖ ឋានសួគ៌អេកូទេសចរណ៍ លាក់ខ្លួននៅស្ទឹងត្រែង

ផលិតដោយ៖ មន្ទីរព័ត៌មានខេត្តរតនគិរី