វីដេអូបទយកការណ៍៖ ប្រជាពលរដ្ឋពេញចិត្តនឹងការផ្តល់សេវាសុខាភិបាលរបស់មន្ទីរពេទ្យបង្អែកសូទ្រនិគម

ប្រជាពលរដ្ឋដែលមកទទួលសេវាព្យាបាល និងពិគ្រោះជំងឺទូទៅមកពីតាមបណ្តាឃុំ-ស្រុកផ្សេងៗគ្នា ក្នុងខេត្តសៀមរាប បានសម្តែងការពេញចិត្តចំពោះការផ្តល់សេវាសុខាភិបាល ប្រកបដោយគុណភាព ស្នាមញញឹម និងភាពរាក់ទាក់ពីសំណាក់មន្ត្រីសុខាភិបាល នៃមន្ទីរពេទ្យបង្អែកសូទ្រនិគម។ មន្ទីរពេទ្យបង្អែកសូទ្រនិគម ជាមន្ទីរពេទ្យកម្រិត២ ដែលស្ថិតនៅក្នុងស្រុកសូទ្រនិគម ខេត្តសៀមរាប និងបានបើកដំណើរការផ្តល់សេវាសុខាភិបាលជូនប្រជាពលរដ្ឋជារៀងរាល់ថ្ងៃ ២៤ម៉ោងលើ២៤ម៉ោង។ មន្ទីរពេទ្យនេះបានផ្តល់សេវាគ្របដណ្តប់លើស្រុករដ្ឋបាលចំនួន៣ រួមមាន៖ ស្រុកសូទ្រនិគម ស្រុកជីក្រែង និងស្រុកស្វាយលើ ដែលមានប្រជាពលរដ្ឋសរុបប្រមាណជាង ៣៥ម៉ឺននាក់។ សូមអញ្ជើញទស្សនាវីដេអូបទយកការណ៍ទាំងស្រុង ដូចតទៅ៖