ព័ត៌មានក្នុងខេត្ត

មន្ត្រីរដ្ឋលេខាធិការដ្ឋានកិច្ចការព្រំដែន៖ កុំថាឡើយផែនទីមាត្រដ្ឋាន 1/200 000 របស់គណៈកម្មការឥណ្ឌូចិន-សៀម ដែលបានបញ្ជាក់យ៉ាងច្បាស់ថាប្រាសាទខ្នារនៅក្នុងទឹកដីកម្ពុជា សូម្បីតែផែនទីដែលថៃគូសដោយឯកតោភាគី L7017 ក៏បង្ហាញយ៉ាងច្បាស់ថាប្រាសាទខ្នារគឺស្ថិតនៅក្នុងទឹកដីកម្ពុជា

មន្ត្រីជាន់ខ្ពស់ក្រសួងសាធារណការ និងដឹកជញ្ជូន បានបង្ហាញថា គ្រោះថ្នាក់ចរាចរណ៍មិនត្រឹមតែបង្កការខូចខាតដល់ជីវិត និងទ្រព្យសម្បត្តិបុគ្គលប៉ុណ្ណោះទេ ប៉ុន្តែថែមទាំងជាបន្ទុកដ៏ធ្ងន់ធ្ងរដល់គ្រួសារ និងប៉ះពាល់ដល់ការអភិវឌ្ឍសង្គមជាតិទាំងមូល ប្រការនេះ ទាមទារឱ្យអ្នកប្រើប្រាស់ផ្លូវទាំងអស់ ត្រូវចូលរួមគោរពច្បាប់ចរាចរណ៍ឱ្យបានគ្រប់ៗគ្នា និងគ្រប់ពេលវេលា ដើម្បីកាត់បន្ថយគ្រោះថ្នាក់ចរាចរណ៍ឱ្យមកនៅក្នុងកម្រិតទាបបំផុត។

សូមបញ្ជាក់ថា សមាគមទេសចរណ៍កម្ពុជា(CATA) បានសហការជាមួយ រដ្ឋបាលស្រុកសូទ្រនិគម និងរដ្ឋបាលឃុំ កំពង់ឃ្លាំង រៀបចំកម្មវិធីព្រឹត្តិការណ៍ទេសចរណ៍បរិស្ថានប្រចាំឆ្នាំ ២០២៦ ក្រោមប្រធានបទ “ទស្សនារដូវកាលបៃតង នៅកម្ពុជា” ក្នុងគោលបំណងបញ្ជាបការយល់ដឹងឲ្យកាន់តែខ្លាំងទៅលើការថែរក្សាបរិស្ថានដើម្បីទេសចរណ៍ ផ្សព្វផ្សាយការយល់ដឹងអំពីបញ្ហាសំរាមផ្លាស្ទិកដែលអណ្តែតលើតំបន់បឹងទន្លេសាប ស្របតាមយុទ្ធនាការ “ពន្លក បៃតង” ដើម្បីចូលរួមចំណែកក្នុងការបណ្តុះផ្នត់គំនិតបៃតង និងចក្ខុវិស័យអភិវឌ្ឍវិស័យទេសចរណ៍កម្ពុជាប្រកបដោយ គុណភាព ភាពរស់រវើក ភាពប្រកួតប្រជែង ចីរភាព និងឆ្ពោះទៅកាន់អនាគតថ្មី ដោយឈរលើគោលការណ៍គ្រឹះ “ទេសចរណ៍ផ្សារភ្ជាប់ទឹក ដី និងធម្មជាតិ”សំដៅធ្វើឲ្យឈានមុខប្រកបដោយភាពសម្បូរបែប និងភាពកក់ក្តៅ។

នាព្រឹកថ្ងៃទី២៦ ខែមិថុនា ឆ្នាំ២០២៦ លោក សំកុល សុចិត្រា អភិបាលរងខេត្ត តំណាង ឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប បានអញ្ជើញជាគណៈអធិបតីក្នុងពិធីបើកសិក្ខាសាលាផ្សព្វផ្សាយ ស្តីពីយុទ្ធសាស្ត្រហិរញ្ញប្បទានសម្រាប់ហានិភ័យគ្រោះមហន្តរាយ ឆ្នាំ២០២៣-២០២៨ ។

ក្នុងឱកាសដឹកនាំកិច្ចប្រជុំក្រុមការងារពិសេសលុបបំបាត់ជំងឺគ្រុនចាញ់ថ្នាក់ខេត្ត ប្រចាំត្រីមាសទី២ ឆ្នាំ២០២៦ នៅថ្ងៃទី២៦ ខែមិថុនា ឆ្នាំ២០២៦នេះ លោក នាក់ ណេរ៉ុន អភិបាលរងខេត្តសៀមរាប ណែនាំឱ្យក្រុមការងារពាក់ព័ន្ធក្នុងខេត្ត ត្រូវពង្រឹងយន្តការ និងដាក់ចេញវិធានការបន្ទាន់ ក្នុងគោលបំណងធានាបាននូវប្រសិទ្ធភាពក្នុងការទប់ស្កាត់ និងឆ្ពោះទៅរកការលុបបំបាត់ជំងឺគ្រុនចាញ់ក្នុងខេត្តសៀមរាបទាំងស្រុង ដើម្បីឈានទៅស្នើសុំវិញ្ញាបនបត្របញ្ជាក់ការលុបបំបាត់ជំងឺគ្រុនចាញ់ពីក្រសួងសុខាភិបាល។

ព្រឹត្តិការណ៍ទេសចរណ៍បរិស្ថានប្រចាំឆ្នាំ និងបុណ្យដឹងគុណបឹងទន្លេសាប ក្រោមប្រធានបទ «ទស្សនាភូមិភាគបៃតងនៃកម្ពុជា នៅសហគមន៍កំពង់ឃ្លាំង» ត្រូវបានប្រារព្ធឡើងជាផ្លូវការ នៅបរិវេណកំពង់ចម្លងទូកទេសចរណ៍ ឃុំកំពង់ឃ្លាំង ស្រុកសូទ្រនិគម ខេត្តសៀមរាប នៅរសៀលថ្ងៃទី២៦ ខែមិថុនា ឆ្នាំ២០២៦នេះ ដើម្បីលើកកម្ពស់សក្ដានុពលទេសចរណ៍ធម្មជានៅរដូវវស្សា (Green Season) បំផុសចលនាថែរក្សាបរិស្ថាន និងជំរុញជីវភាពប្រជាសហគមន៍។

នៅរសៀលថ្ងៃទី២៦ ខែមិថុនា ឆ្នាំ២០២៦ លោក សុខ ថុល អភិបាលរងខេត្តសៀមរាប តំណាងដ៏ខ្ពង់ខ្ពស់របស់ ឯកឧត្តម ប្រាក់ សោភ័ណ អភិបាលខេត្ត បានដឹកនាំថ្នាក់ដឹកនាំខេត្តមន្ទីរអង្គភាពពាក់ព័ន្ធ ជួបពិភាក្សាការងារជាមួយក្រុមជំនាញបេសកកម្មនៃមូលនិធិរូបិយវត្ថុអន្តរជាតិ (IMF) ដឹកនាំដោយលោក Jochen M.Schmittman ប្រធានក្រុមជំនាញ IMF Article IV ដើម្បីពិនិត្យលើស្ថានភាពសេដ្ឋកិច្ចក្នុងខេត្តសៀមរាប។

ផ្កាក្ងោករីកស្រស់ នាទីដ្ឋានអង្គរវត្តរឹតតែអស្ចារ្យ នេះជាមន្តស្នេហ៍នៃរដូវកាលបៃតងនៅកម្ពុជា ដែលភ្ញៀវទេសចរពុំគួររំលង

នៅរសៀលថ្ងៃទី២៦ ខែមិថុនា ឆ្នាំ២០២៦នេះ ព្រឹត្តិការណ៍ទេសចរណ៍បរិស្ថានឆ្នាំ២០២៦ ក្រោមប្រធានបទ «ទស្សនាកម្ពុជានារដូវកាលបៃតង» សម្រាប់សហគមន៍កំពង់ឃ្លាំង ត្រូវបានបើកជាផ្លូវការហើយ ដើម្បីលើកកម្ពស់សក្តានុពលទេសចរណ៍ធម្មជាតិ និងការអភិរក្សបរិស្ថាននៅក្នុងតំបន់។ ព្រឹត្តិការណ៍នេះក៏មានការអញ្ជើញចូលរួមពីសំណាក់ ទីប្រឹក្សាក្រសួងការពារជាតិ, ប្រធានសមាគមទេសចរណ៍, តំណាងវិស័យឯកជន, អង្គការដៃគូអភិវឌ្ឍន៍ ព្រមទាំងអាជ្ញាធរមូលដ្ឋាន និងប្រជាសហគមន៍យ៉ាងច្រើនកុះករផងដែរ។

ទិដ្ឋភាពថ្ងៃទី១ នៃព្រឹត្តិការណ៍ទេសចរណ៍បរិស្ថានឆ្នាំ២០២៦ នៅសហគមន៍ទេសចរណ៍កំពង់ឃ្លាំង។ សូមបងប្អូនចូលរួមទស្សនាឱ្យបានច្រើកុះករ!

មន្ត្រីជាន់ខ្ពស់ក្រសួងអប់រំ យុវជន និងកីឡា បានលើកទឹកចិត្តដល់មន្ទីរអប់រំខេត្តសៀមរាប និងខេត្តពាក់ព័ន្ធដទៃទៀត បន្តជំរុញ គាំទ្រការអនុវត្តកម្មវិធីសួនសិក្សា និងផ្ទះបាយសិក្សា តាមរយៈការប្រើប្រាស់ឯកសារជំនួយសម្រាប់ការដឹកនាំ បង្រៀន ដែលបានអនុញ្ញាតដាក់ឱ្យប្រើប្រាស់នាពេលកន្លងមក ដើម្បីជាប្រយោជន៍ និងលើកកម្ពស់លទ្ធផលសិក្សារបស់សិស្សានុសិស្ស ព្រោះសមិទ្ធផលទាំងនេះជាទ្រព្យដែលមិនអាចកាត់ថ្លៃបានរបស់សាលារៀន សហគមន៍ ដែលនឹងជួយផ្លាស់ប្តូរអនាគតរបស់កុមារកម្ពុជាយើង។

ក្រោយបញ្ចប់កិច្ចប្រជុំប្រចាំឆ្នាំថ្នាក់អគ្គនាយកអន្តោប្រវេសន៍ និងប្រធានកុងស៊ុលអាស៊ាន (DGICM) លើកទី២៩ និងកិច្ចប្រជុំពាក់ព័ន្ធ នៅរសៀលថ្ងៃទី២៥ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋានអន្តោប្រវេសន៍ នៃក្រសួងមហាផ្ទៃកម្ពុជា បានបញ្ជាក់ពីភាពជោគជ័យនៃកិច្ចប្រជុំរយៈពេល៣ថ្ងៃនេះ តាមរយៈមានការគាំទ្រ និងឯកភាពរួមគ្នា ទប់ស្កាត់បទល្មើសឆ្លងដែនគ្រប់ប្រភេទ រួមមាន៖បទលើ្មសឆបោកតាមប្រព័ន្ធបច្ចេកវិទ្យា ការជួញដូរមនុស្ស ការជួញដូរគ្រឿងញៀនជាដើម។