ព័ត៌មានក្នុងខេត្ត

នាថ្ងៃទី១​ ខែកញ្ញា ឆ្នាំ២០២៦​ នៅសាលប្រជុំ​ធំ​ សាលាខេត្តសៀមរាប​ ឯកឧត្តម​ ប្រាក់​ សោភ័ណ​ អភិបាល​ នៃគណៈអភិបាលខេត្ត​ បានចូលរួមក្នុងកិច្ចប្រជុំពិភាក្សាការងារ ជាមួយរដ្ឋបាលខេត្ត និងមន្ទីរ-អង្គភាពនានាជុំវិញខេត្តសៀមរាប ក្រោមអធិបតីភាពដ៏ខ្ពង់ខ្ពស់​ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ​ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តសៀមរាប​៕

នៅព្រឹកថ្ងៃទី២ ខែកញ្ញា ឆ្នាំ២០២៦ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បានរៀបចំបិទផ្សាយជាសាធារណៈនូវឯកសារវិនិច្ឆ័យដីធ្លីជូនដល់ប្រជាពលរដ្ឋក្នុងឃុំសែនសុខ ស្រុកក្រឡាញ់ ដើម្បីឱ្យប្រជាពលរដ្ឋមកពិនិត្យ ផ្ទៀងផ្ទាត់ និងស្នើសុំកែតម្រូវ ឬធ្វើការជំទាស់ក្នុងករណីមានកំហុសឆ្គងណាមួយ មុនពេលចេញប័ណ្ណកម្មសិទ្ធិជូន។ ការបិទផ្សាយនេះមានរយៈពេល ១៥ថ្ងៃ ដោយប្រព្រឹត្តទៅនៅក្នុងបរិវេណវត្តប្រាសាទរតនៈត្រពាំងក្រសាំង។

ផ្សាយផ្ទាល់៖ កម្មវិធីព័ត៌មានពេលព្រឹក ថ្ងៃពុធ ៥រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែកញ្ញា ឆ្នាំ២០២៦

ភាពតានតឹង និងការទន្ទឹងរង់ចាំត្រូវបានបញ្ចប់ ដោយជំនួសមកវិញនូវអារម្មណ៍ចម្រុះ ខ្លះស្រែកហ៊ោដោយក្តីរំភើប ខ្លះហូរទឹកភ្នែកព្រោះការខិតខំកន្លងមកទទួលបានផ្លែផ្កា និងខ្លះទៀតនៅមិនទាន់អស់ចិត្ត។ មិនថាទទួលបានលទ្ធផលបែបណានោះទេ ការប្រឹងប្រែងអស់ពីសមត្ថភាពនាពេលកន្លងមក គឺជាបទពិសោធន៍ និងជាមេរៀនជីវិតដ៏មានតម្លៃសម្រាប់ប្អូនៗទាំងអស់គ្នា។ អបអរសាទរ និងសូមបន្តដំណើរទៅមុខដោយភាពជឿជាក់!

‎ក្នុងកិច្ចប្រជុំបូកសរុបលទ្ធផលការងារប្រចាំខែសីហា និងលើកទិសដៅការងារបន្តរបស់ក្រុមការងាររាជរដ្ឋាភិបាលចុះមូលដ្ឋានស្រុកអង្គរធំ នៅរសៀលថ្ងៃទី១ ខែកញ្ញា ឆ្នាំ២០២៦ ឯកឧត្តម ឧត្តមសេនីយ៍ទោ ម៉ក់ សីហា អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកអង្គរធំ បានជំរុញដល់ក្រុមការងារទាំងអស់ បន្ដអនុវត្ដកិច្ចការបន្ថែមទៀតក្រៅអំពីកិច្ចការងារស្នូលដែលយើងបំពេញរាល់ថ្ងៃ ដើម្បីអភិវឌ្ឍន៍មូលដ្ឋានស្រុកអង្គរធំ ឱ្យមានការរីកចម្រើនលើគ្រប់វិស័យបន្ថែមទៀត ដែលនេះជាផ្នែកមួយក្នុងការបង្ហាញនូវការជឿទុកចិត្ដលើការអនុវត្ដការងាររបស់យើងពីសំណាក់ប្រជាពលរដ្ឋ។

បរិយាកាសពោរពេញដោយភាពអន្ទះសា ទាំងភ័យផង ទាំងអរផង ខណៈដែលប្អូនៗសិស្សានុសិស្សបានមកជួបជុំគ្នាដើម្បីពិនិត្យផ្ទៀងផ្ទាត់លទ្ធផលប្រឡង បន្ទាប់ពីបានខិតខំប្រឹងប្រែងរៀនសូត្រកន្លងមក។ ជូនពរប្អូនៗទាំងអស់គ្នាទទួលបានលទ្ធផលគាប់ប្រសើរដូចការរំពឹងទុក!

ថ្លែងបើកកិច្ចប្រជុំបូកសរុបលទ្ធផលការងារប្រចាំខែសីហា ឆ្នាំ២០២៦ របស់លេខាធិការដ្ឋាន គណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តសៀមរាប (គ.ខ.ប.ជ) នៅថ្ងៃទី១ ខែកញ្ញា ឆ្នាំ២០២៦នេះ លោកស្រី ម៉ននី រង្សី អភិបាលរងខេត្ត និងជាអនុប្រធានអចិន្ត្រៃយ៍ទទួលបន្ទុកជាប្រធានលេខាធិការដ្ឋាន គ.ខ.ប.ជ បានជំរុញឱ្យអាជ្ញាធរមានសមត្ថកិច្ច និងមន្ទីរអង្គភាពពាក់ព័ន្ធ ត្រូវបង្កើនការត្រួតពិនិត្យ និងចាត់វិធានការម៉ឺងម៉ាត់ចំពោះសហគ្រាស ឬម្ចាស់អាជីវកម្មទាំងឡាយណាដែលបានប្រើប្រាស់កម្លាំងពលកម្មកុមារដោយគ្មានការអនុញ្ញាត ឬនាំយកកុមារទៅបម្រើសេវាកម្មនៅតាមទីតាំងប្រឈម ដូចជា ក្លិប ខារ៉ាអូខេ (KTV) និងអាជីវដ្ឋានផ្សេងៗ សំដៅការពារសិទ្ធិ និងសុខុមាលភាពរបស់កុមារឱ្យបានទាន់ពេលវេលា។

វេទិកាផ្លាស់ប្តូរចំណេះដឹងស្តីពីអភិបាលកិច្ចមូលដ្ឋានប្រកបដោយបរិយាបន្ន និងភាពជាអ្នកដឹកនាំរបស់ស្ត្រី នៃគម្រោងភាពជាដៃគូសម្រាប់គំនិតច្នៃប្រឌិតរបស់ទីក្រុងលើការដឹកនាំរបស់ស្ត្រីនៅមូលដ្ឋាន (PMI-WILL) ត្រូវបានរៀបចំពិធីបិទបញ្ចប់នៅខេត្តសៀមរាប នាថ្ងៃទី០១ និងទី០២ ខែកញ្ញា ឆ្នាំ២០២៦ បន្ទាប់ពីបានអនុវត្តយ៉ាងសកម្មអស់រយៈពេល ៦ ឆ្នាំ។

ថ្នាក់ដឹកនាំមន្ទីរវប្បធម៌ខេត្តសៀមរាប  អំពាវនាវដល់អាជីវករ និងប្រជាពលរដ្ឋ រួមគ្នាទប់ស្កាត់ការប្រើប្រាស់សម្លៀកបំពាក់ដែលមានភ្ជាប់សំណេរអសុរោះ ដើម្បីចៀសវាងការប៉ះពាល់ដល់សីលធម៌សង្គម

វាគ្មិន៖ លោក ថោង បញ្ញាវ័ន្ត ប្រធានមន្ទីរពេទ្យបង្អែក ប៊ុនរ៉ានី ហ៊ុនសែន រុនតាឯក ថ្ងៃអង្គារ ៤រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែកញ្ញា ឆ្នាំ២០២៦

‎នៅព្រឹកថ្ងៃទី១ ខែកញ្ញា ឆ្នាំ២០២៦ នៅសាលាស្រុកអង្គរធំ ខេត្តសៀមរាប ឯកឧត្តមឧត្តមសេនីយ៍ទោ ម៉ក់ សីហា អនុប្រធានស្ថាប័នអយ្យការយោធា និងឯកឧត្តមឧត្តមសេនីយ៍ទោ គង្គ ប៊ុនធឿន នាយករងនាយកដ្ឋានប្រេងឥន្ធនៈ បានរៀបចំកិច្ចប្រជុំផ្សព្វផ្សាយសារៈសំខាន់នៃការអនុវត្តច្បាប់ស្ដីពីកាតព្វកិច្ចយោធា ដើម្បីធានាឱ្យការអនុវត្តច្បាប់ប្រព្រឹត្តទៅដោយប្រសិទ្ធភាព ត្រឹមត្រូវ និងទាន់ពេលវេលា និងការពិនិត្យទិន្នន័យប្រជាពលរដ្ឋ ព្រមទាំងផ្សព្វផ្សាយអំពីច្បាប់ស្តីពីកាតព្វកិច្ចយោធា និងសេចក្តីណែនាំរបស់រាជរដ្ឋាភិបាល ស្តីពីការបំផុសចលនាយុទ្ធនាការអនុវត្តច្បាប់ស្តីពីកាតព្វកិច្ចយោធា។

‎នៅថ្ងៃទី១ ខែកញ្ញា ឆ្នាំ២០២៦នេះ លោក លី សារី អភិបាលរងខេត្តសៀមរាប បានដឹកមន្ត្រីនៃមន្ទីរជំនាញពាក់ព័ន្ធ ចុះធ្វើការណែនាំ និងធ្វើកិច្ចសន្យាដល់ម្ចាស់ទីតាំងមួយដែលបានដាក់តាំងលក់សម្លៀកបំពាក់មួយចំនួនក្នុងក្រុងសៀមរាប ដែលមានភ្ជាប់ជាមួយនូវពាក្យអសុរោះ និងមិនគួរគប្បី ដែលវាអាចជះឥទ្ធិពលអវិជ្ជមានដល់សង្គមជាតិ មិនតែប៉ុណ្ណោះថែមទាំងទាញឱ្យគុណតម្លៃអក្សរសាស្ដ្រជាតិធ្លាក់ចុះផងដែរ។ ‎