ព័ត៌មានក្នុងខេត្ត

ក្រោមការយកចិត្តទុក្ដដាក់ និងការណែនាំរបស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត បានជំរុញឱ្យរដ្ឋបាលបាលក្រុង ស្រុក ចុះកាយប្រឡាយ លូ និងបេីកទ្វារទឹក ដេីម្បីពន្លឿននៃការហូរទឹកឱ្យស្រកបានលឿន និងចៀសវាងការលិចលង់រយៈពេលយូរ។ សូមបងប្អូនប្រជាពលរដ្ឋក្នុងខេត្តសៀមរាបត្រូវមានការប្រុងប្រយ័ត្នខ្ពស់ក្នុងការត្រៀមបម្រុង និងឆ្លើយតបគ្រោះមហន្តរាយទឹកជំនន់ និងបង្ការគ្រោះថ្នាក់លង់ទឹក៕

យោងតាមការបញ្ជាក់ពី លោក ខាន់ ម៉ាង អភិបាលរងស្រុកអង្គរធំ បានឱ្យដឹងថា គិតត្រឹមថ្ងៃទី២៧ ខែកញ្ញា ឆ្នាំ២០២៦នេះ ស្ថានភាពជំនន់ទឹកភ្លៀងនៅក្នុងមូលដ្ឋានស្រុកអង្គរធំ បានចាប់ផ្តើមថយចុះ និងស្រកទៅវិញជាបណ្តើរៗ ។ ទន្ទឹមនឹងនេះដែរ ស្ថានភាពអាកាសធាតុនៅក្នុងស្រុកបានត្រឡប់មកល្អប្រសើរឡើងវិញ ដោយផ្ទៃមេឃបានបើកស្រឡះ និងមានពន្លឺថ្ងៃរះជាធម្មតា ដែលកត្តានេះបានជួយពន្លឿនដល់ការស្រកចុះនៃកម្ពស់ទឹក។

ស្ថានភាព ទឹកជំនន់ នៅលើដងផ្លូវជាតិលេខ៦ ក្នុងភូមិសាស្ត្រ ស្រុកប្រាសាទបាគង ខេត្តសៀមរាប គិតត្រឹមព្រឹកថ្ងៃទី២៧ ខែកញ្ញា ឆ្នាំ២០២៦នេះ ទឹកបានស្រកអស់ អាចធ្វើដំណើរបាន ជាធម្មតា វិញហើយ។

រាជរដ្ឋាភិបាលកម្ពុជា បាន​រៀបចំកម្មវិធីកែទម្រង់​ការគ្រប់គ្រងហិរញ្ញវត្ថុសាធារណៈ ដែលជា​កម្មវិធី​កែទម្រង់​ស្នូល​មួយ​នៃកម្មវិធី​កែទម្រង់សំខាន់ៗ ដើម្បី​ពង្រឹង​អភិបាលកិច្ច និងទ្រទ្រង់​ការអភិវឌ្ឍសេដ្ឋកិច្ច ប្រកបដោយ​បរិយាប័ន្ន និង សមធម៌ ដូចមាន​កំណត់ក្នុងយុទ្ធសាស្រ្តចតុកោណ និង ផែនការ​យុទ្ធសាស្រ្តអភិវឌ្ឍន៍ជាតិ។ កម្មវិធីកែទម្រង់នេះ មាន​ចក្ខុវិស័យ​ប្រកប​ដោយ​មហិច្ឆិតា និង​ប្រាកដនិយម ពោល​គឺកសាង​ប្រព័ន្ធ​គ្របគ្រង​ហិរញ្ញវត្ថុ​សាធារណៈកម្ពុជា ឱ្យ​ស្រប​តាម​ឧត្តមានុវត្តន៍អន្តរជាតិ ដែល​ជា​​ប្រព័ន្ធ​ផ្ដោត​លើ​ធាតុ​ចេញ ឬ លទ្ធផល និង វិមជ្ឈការ។ កម្មវិធីកែទម្រង់នេះ ត្រូវបានបែងចែកជា៤ដំណាក់កាលរួមមាន៖ ដំណាក់កាលទី១ ចាប់ពីឆ្នាំ២០០៤ ដល់ ២០០៨ ដោយផ្តោតលើការកសាងភាពជឿទុកចិត្តនៃថវិកា, ដំណាក់កាលទី២ ចាប់ពីឆ្នាំ២០០៩ ដល់ ២០១៥ ដោយផ្ដោតលើការកសាងគណនេយ្យភាពហិរញ្ញវត្ថុ, ដំណាក់កាលទី៣ ចាប់ពីឆ្នាំ២០១៦ ដល់ ២០២២ ដោយផ្តោតលើការផ្សារភ្ជាប់ថវិកាទៅនឹងគោលនយោបាយ និង ដំណាក់កាលទី៤ ចាប់ពីឆ្នាំ២០២៣ ដល់ ២០២៧ ដោយផ្តោតលើការកសាងគណនេយ្យភាពសមិទ្ធកម្ម ដែលមានន័យថា ជាការទទួលខុសត្រូវលើលទ្ធផលចុងក្រោយ។ សូមអញ្ជើញទស្សនាវីដេអូបទយកការណ៍ទាំងស្រុង៖

ថ្លែងក្នុងពិធីប្រគល់សញ្ញាបត្រ បរិញ្ញាបត្ររងបរិញ្ញាបត្រនិងបរិញ្ញាបត្រជាន់ខ្ពស់លើកទី៣នៃសាកលវិទ្យាល័យបញ្ញាសាស្ត្រកម្ពុជាសាខាខេត្តសៀមរាប នៅថ្ងៃទី២៦ ខែកញ្ញា ឆ្នាំ២០២៦លោកស្រី ម៉ននី រង្សី អភិបាលរង ខេត្តសៀមរាប មានប្រសាសន៍ថា ជោគជ័យ និងសញ្ញាបត្រនា ពេលនេះ មិនមែនបានមកងាយៗនោះទេ វាគឺជាផ្លែផ្កា នៃការលះបង់ពេលវេលា កម្លាំងកាយចិត្ត និង ថវិកា ទាំងរបស់ខ្លួនឯងផ្ទាល់ ព្រមទាំងការជ្រោមជ្រែងពីអ្នកពាក់ព័ន្ធទាំងអស់។

កិច្ចសម្ភាសន៍៖ លោក បូ ម៉េងទ្រី អភិបាលស្រុកជីក្រែង បង្ហាញអំពីស្ថានភាពជំនន់ទឹកភ្លៀង ក្នុងមូលដ្ឋានស្រុកជីក្រែង គិតត្រឹមថ្ងៃទី២៦ ខែកញ្ញា ឆ្នាំ២០២៦នេះ

ផ្អែកតាមការព្យាករ អាកាសធាតុរបស់ក្រសួងធនធានទឹក និងឧតុនិយម ចាប់ពីថ្ងៃទី២៤ ដល់ថ្ងៃទី៣០ ខែកញ្ញា ឆ្នាំ២០២៦ កម្ពុជាទទួលរងឥទ្ធិពលប្រព័ន្ធសម្ពាធ ដែលបានវិវត្តទៅជាព្យុះទី២៦ ឈ្មោះស៊ូរីហ្គាអេ នឹងមាន ឥទ្ធិពល ខ្លាំងលើរបបខ្យល់មូសុងនិរតី បណ្តាលឱ្យមានភ្លៀងធ្លាក់ក្នុងកម្រិតច្រើន បង្កជាជំនន់ទី ទឹកភ្លៀងជន៍លិច នៅតាមភូមិសាស្ត្រក្រុង ស្រុក នៃខេត្តសៀមរាប

គិតត្រឹមល្ងាចថ្ងៃទី២៥ ខែកញ្ញា ឆ្នាំ២០២៦ ដោយសារតែមានភ្លៀងធ្លាក់ជាប់ៗគ្នា បណ្តាលឱ្យមានជំនន់ទឹកភ្លៀង និងធ្វើឱ្យលំនៅឋាន សាលារៀន មន្ទីរពេទ្យ វត្តអារាម និងហេដ្ឋារចនាសម្ព័ន្ធមួយចំនួនទៀត ស្ថិតក្នុងក្រុង-ស្រុកចំនួន ១២ , ឃុំ-សង្កាត់ចំនួន៥៥ និងភូមិចំនួន ១៧៩ ភូមិ ក្នុងខេត្តសៀមរាប បានរងការជន់លិច និងបានបង្កផលប៉ះពាល់ដល់លំនៅឋានប្រជាពលរដ្ឋសរុប ៦ ៣៨៣ខ្នងផ្ទះ។

គិតត្រឹមព្រឹកថ្ងៃទី២៦ ខែកញ្ញា ឆ្នាំ២០២៦ នេះ ស្ថានភាពជំនន់ទឹកភ្លៀងនៅស្រុកអង្គរជុំ កំពុងបន្តហក់ឡើង ខណៈអាជ្ញាធរកំបុងចុះអន្តរាគមន៍ជួយសង្គ្រោះ

ត្រឹមព្រឹកថ្ងៃទី២៦ ខែកញ្ញា ឆ្នាំ២០២៦នេះ ស្ទឹងសៀមរាប ក្រុងសៀមរាប ​កំពុងមាន ទឹកលំហូរជន់ឡើងខ្លាំង ដែលបច្ចុប្បន្នមានកម្រិតកម្ពស់ កម្ពស់ ១៣.៨០ម៉ែត្រ ខណៈ កម្ពស់ប្រកាសអាសន្ន ១៣.៥០ម៉ែត្រ លើសកម្រិតប្រកាសអាសន្ន ០.៣០ម៉ែត្រ ។

នៅព្រឹកថ្ងៃទី២៦ ខែកញ្ញា ឆ្នាំ២០២៦ ស្ថានភាពជំនន់ទឹកភ្លៀងនៅភ្នំគូលែន ​បានស្រកវិញហើយ ខណៈ អាជ្ញាធរ អំពាវនាវឱ្យបង្កើនការប្រុងប្រយ័ត្នឱ្យបានខ្ពស់

នៅខេត្តសៀមរាបយើងនេះ មានប្រព័ន្ឋស្ទឹងសៀមរាប ក្រុងសៀមរាប ដែលកំពុងមាន ទឹកលំហូរជន់ឡើងខ្លាំង ដែលបច្ចុប្បន្នមានកម្រិតកម្ពស់ នៅថ្ងៃទី២៦ ខែកញ្ញា ឆ្នាំ ២០២៦នេះ កម្ពស់ ១៣.៨០ម៉ែត្រ និងកម្ពស់ប្រកាសអាសន្ន ១៣.៥០ម៉ែត្រ លើសកម្រិតប្រកាសអាសន្ន ០.៣០ម៉ែត្រ ។