ព័ត៌មានក្នុងខេត្ត

ក្នុងស្មារតីរួមចំណែកគាំទ្រ និងលើកទឹកចិត្តដល់កងកម្លាំងប្រដាប់អាវុធ ដែលកំពុងបំពេញភារកិច្ចនៅសមរភូមិមុខ កាលពីរសៀលថ្ងៃទី២៧ ខែកញ្ញា ឆ្នាំ២០២៦នេះ លោកស្រី ធិវ រួន ចៅសង្កាត់ស្រង៉ែ និង លោកស្រី នួន គឹមសួរ ចៅសង្កាត់រងសាលាកំរើក ក្រុងសៀមរាប រួមនិងសប្បុរសជន បានបន្តនាំយកនូវស្បៀងអាហារ និងសម្ភារប្រើប្រាស់ចាំបាច់នានា ដែលបានពីការឧបត្ថម្ភរបស់សប្បុរសជន ប្រគល់ជូនកងកម្លាំងកងទ័ពយើង ដែលកំពុងឈរជើងបំពេញភារកិច្ចនៅសមរភូមិមុខ ក្នុងភូមិសាស្ត្រខេត្តព្រះវិហារ ទីតាំងទិសភ្នំខ្មោច (កងពលលេខ៧) និងទីតាំងវិស្វកម្មព្រះវិហារ។

ផ្សាយផ្ទាល់៖ កម្មវិធីព័ត៌មានពេលព្រឹក

វាគ្មិនចូលរួម ៖ លោក ផន សុខា អនុប្រធានមន្ទីរធម្មការ និងសាសនាខេត្តសៀមរាប ថ្ងៃសុក្រ ទី២៥ ខែកញ្ញា ឆ្នាំ២០២៦

នាព្រឹកថ្ងៃទី២៧ ខែកញ្ញា ឆ្នាំ២០២៦ ឯកឧត្តម សែម រតនា ប្រធានក្រុមការងាររាជរដ្ឋាភិបាលចុះមូលដ្ឋានស្រុកបន្ទាយស្រី បានដឹកនាំក្រុមការងារចូលរួមកាន់បិណ្ឌវេនទី១ បាន​នាំយកទេយ្យទាន និងថវិការបស់ ឯកឧត្តម នាយឧត្តមសេនីយ៍ ទៀ សីហា ឧបនាយរដ្ឋមន្រ្តី រដ្ឋមន្ត្រីក្រសួងការពារជាតិ និងលោកជំទាវ ទៀង អេង ទៀសីហា ប្រគេនដល់ព្រះសង្ឃដែលគង់ចាំព្រះវស្សា នៅវត្តចំនួន៦ ក្នុងស្រុកបន្ទាយស្រី ខេត្តសៀមរាប រួមមាន៖ វត្តភ្នំព្រះទេវៈ, វត្តនាគខ្មៅ, វត្តប្រាសាទនាគគូរ, វត្តចំបក់បីដើម, វត្តស្រះដូនរីក និងវត្តតាពេន។

ប្រឡាយនៅតាមបណ្ដោយផ្លូវជាតិ ត្រង់ចំណុចខាងកើតរង្វង់មូលព្រៃគុយ ក្នុងឃុំអំពិល ស្រុកប្រាសាទបាគង កំពុងទទួលបាន​ការចាប់អារម្មណ៍យ៉ាងខ្លាំង ពីសំណាក់ប្រជាពលរដ្ឋ​ពីទីជិតឆ្ងាយ មកមុជទឹកកម្សាន្ត លំហែកាយ ក្នុងរដូវទឹកជន់ និង បាន​ក្លាយជាទីតាំងកម្សាន្ដតាមរដូវកាលផងដែរ ដែល​មិន​ត្រឹម​តែ​ផ្ដល់​នូវ​ទី​កន្លែង​សម្រាក​លំហែរ​ប៉ុណ្ណោះទេ តែក៏បាន​ផ្ដល់​ប្រាក់ចំណូល​ដល់​ប្រជាពលរដ្ឋក្នុងមូលដ្ឋាន​ តាមរយៈការលក់ដូរនំចំណីទៀតផង។

នៅរសៀលថ្ងៃទី២៧ខែកញ្ញា ឆ្នាំ២០២៦នេះ ឯកឧត្តម មិត្ត សុវណ្ណ សមាជិកក្រុមប្រឹក្សាខេត្តតំណាងឯកឧត្តម លី សំរិទ្ធ ប្រធានក្រុមប្រឹក្សាខេត្តសៀមរាប និង លោក លី សារី អភិបាលរងខេត្ត តំណាងឯកឧត្តម ប្រាក់ សោភ័ណ អភិបាលខេត្តសៀមរាប បានដឹកនាំមន្ត្រីរាជការ មន្ទីរ-អង្គភាពជុំវិញខេត្ត រួមទាំងពុទ្ធបរិស័ទចំណុះជើងវត្ត បានអញ្ជើញចូលរួមក្នុងពិធីសូត្រមន្តកាន់បិណ្ឌវេនទី២ ព្រមទាំងបានធ្វើបទនមស្ការព្រះរតនត្រៃ សមាទានសីល និមន្តព្រះសង្ឃចម្រើនព្រះបរិត្ត និងប្រគេនទេយ្យវត្ថុដល់ព្រះសង្ឃនៅវត្តព្រះព្រហ្មរ័ត្ន នៅក្នុងក្រុងសៀមរាប។ ពិធីបុណ្យកាន់បិណ្ឌ និងភ្ជុំបិណ្ឌ គឺជាពិធីបុណ្យប្រពៃណីមួយដ៏មាន សារៈសំខាន់របស់ប្រជាជនខ្មែរ ហើយត្រូវបានរៀបចំធ្វើឡើងជារៀងរាល់ឆ្នាំមិនដែលខកខានឡើយ។ ដោយឡែក សម្រាប់ឆ្នាំ២០២៦នេះ ពិធីបុណ្យប្រពៃណីនេះ នឹងប្រព្រឹត្តទៅចាប់ពីថ្ងៃ១រោច ដល់ថ្ងៃ១៥រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែកញ្ញា ដល់ថ្ងៃទី១១ ខែតុលា ឆ្នាំ២០២៦។

បើលោកអ្នកកំពុងស្វែងរកទីតាំងមួយដែលអាចឱ្យយើងស្គាល់កាន់តែច្បាស់ពីស្ថាបត្យកម្ម និងរបៀបរស់នៅរបស់ខ្មែរបុរាណ«ផ្ទះសេដ្ឋី» នៅសួនបៃតងអង្គរ គឺជាទីតាំងមួយដែលគួរឱ្យចាប់អារម្មណ៍។

លោក ស្រិប សុភាល់ នាយករដ្ឋបាលស្រុកអង្គរជុំ បានឱ្យដឹងថា គិតត្រឹមថ្ងៃទី២៧ ខែកញ្ញា ឆ្នាំ២០២៦នេះ ស្ថានភាពជំនន់ទឹកភ្លៀង នៅក្នុងមូលដ្ឋានស្រុកអង្គរជុំ បានចាប់ផ្តើមថយចុះ ជាបណ្តើរៗហើយ។ ទោះបីជាស្ថានភាពទឹកបានថយចុះ និងអាកាសធាតុអំណោយផលយ៉ាងណាក៏ដោយ អាជ្ញាធរដែនក្នុងមូលដ្ឋាន ក្រោមការដឹកនាំពីគណៈអភិបាលស្រុក នៅតែបន្តតាមដាន និងជួយអន្តរាគមន៍យ៉ាងយកចិត្តទុកដាក់បំផុត។ ជាមួយគ្នានេះ អាជ្ញាធរក៏បានអំពាវនាវ និងរំលឹកដល់បងប្អូនប្រជាពលរដ្ឋទាំងអស់ ឱ្យបន្តបង្កើនការប្រុងប្រយ័ត្នខ្ពស់លើបញ្ហាសុខភាព អនាម័យ និងសុវត្ថិភាពកុមារតូចៗ ដើម្បីជៀសវាងគ្រោះថ្នាក់ផ្សេងៗដែលពុំមានការស្មានទុកជាមុន នៅក្នុងកំឡុងពេលទឹកកំពុងស្រកនេះ។

ថ្ងៃ ១រោច ខែភទ្របទ ជាថ្ងៃចាប់ផ្តើមនៃពិធីបុណ្យកាន់បិណ្ឌ ដែលប្រជាពលរដ្ឋខ្មែរនាំគ្នាទៅវត្តធ្វើបុណ្យ ឧទ្ទិសកុសលជូនបុព្វការីជន និងជួបជុំក្រុមគ្រួសារ។ ពិធីបុណ្យដ៏មានអត្ថន័យនេះ ក៏ជាការចូលរួមថែរក្សាប្រពៃណី និងអត្តសញ្ញាណជាតិខ្មែរឱ្យគង់វង្សតទៅ

ស្ថិតនៅចម្ងាយប្រមាណ ៦០គីឡូម៉ែត្រ ភាគឦសានពីក្រុងសៀមរាប ក្នុងភូមិបឹងមាលា ឃុំបឹងមាលា ស្រុកស្វាយលើ ខេត្តសៀមរាប ប្រាសាទបេងមាលា (មានន័យថា “ស្រះផ្កាឈូក”) គឺជាប្រាសាទមួយ ដែលស្ថិតក្នុងសភាពបាក់បែកច្រើន។ វាស្ថិតប្រហែល ៤០ គីឡូម៉ែត្រខាងកើតនៃប្រាសាទអង្គរ តាមផ្លូវចំណាស់មួយដែលនាំទៅកាន់ប្រាសាទព្រះខាន់កំពង់ស្វាយ។ ទីតាំងនេះមានសារៈសំខាន់ ព្រោះនៅជិតប្រឡាយទឹកមួយ ដែលត្រូវបានប្រើសម្រាប់ដឹកថ្មពីអណ្ដូងថ្មជិតៗ ទៅកាន់តំបន់អង្គរ។ ប្រាសាទនេះខូចខាតដោយសារតែមានអាយុកាលយូរអាកាសធាតុក្តៅសើមនិងដើមឈើធំៗដែលដុះលើប្រាសាទហើយបំផ្លាញសំណង់បន្តិចម្តងៗ។ទោះបីប្រាសាទនេះបាក់បែក និងមើលទៅរញ៉េរញ៉ៃក៏វានៅតែស្អាតបែបធម្មជាតិនិងធ្វើឲ្យអ្នកមានអារម្មណ៍ដូចជាកំពុងផ្សងព្រេង។

នៅរសៀលថ្ងៃទី២៦ ខែកញ្ញា ឆ្នាំ២០២៦នេះ កម្លាំងប្រជាការពារចំនួន ៤០នាក់ នៅទីស្នាក់ការភូមិវត្តបូព៌ សង្កាត់សាលាកំរើក ក្រុងសៀមរាប បានទទួលគ្រឿងឧបភោគបរិភោគ និងសម្ភារប្រើប្រាស់ជាអំណោយរបស់ សម្ដេចព្រះព្រហ្មរតនមុនី ពិន សែម អាជ្ញាធរមូលដ្ឋាន រួមទាំងសប្បុរសជន ដើម្បីជួយសម្រាលជីវភាព លើកទឹកចិត្ត ជូនដល់ប្រជាការពារភូមិដែលបានបំពេញការងារយ៉ាងសកម្មក្នុងមូលដ្ឋាន និងការត្រៀមរៀបចំសន្តិសុខសណ្តាប់ធ្នាប់ នាពិធីកាន់បិណ្ឌ។

ស្ថានភាពទឹកជំនន់ទឹកភ្លៀង ស្ទឹងសៀមរាប ក្រុងសៀមរាប គិតត្រឹមព្រឹកថ្ងៃទី២៧ ខែកញ្ញា ឆ្នាំ២០២៦នេះ បាន​ស្រកចុះជាធម្មតាវិញហើយ ខណៈ អាជ្ញាធរនៅតែបន្ដអំពាវនាវឱ្យប្រជាពលរដ្ឋ​បង្កើនការប្រុងប្រយ័ត្នឱ្យបានខ្ពស់