ព័ត៌មានក្នុងខេត្ត

ពលរដ្ឋ​នៅក្នុង​ឃុំ​ជប់តាត្រាវ បាន​សម្តែង​ក្តី​រំភើប​រីករាយ ក្រោយ​ផ្លូវ​បុរាណ២​ខ្សែត្រូវ​បាន​ជួសជុល​ឡើង​វិញ​ដែល​មាន​ប្រវែងជាង​១៤០០ម មាន​ទទឹង៧ម និង​មាន​កម្ពស់១.៥ម ស្ថិត​ក្នុង​ភូមិប្រាសាទ ដើម្បី​សម្រួល​ដល់​ការ​ធ្វើ​ដំណើរ ជាពិសេសការ​ដឹកជញ្ជូន​កសិផល​នានាផង​ដែរ។ ឃុំជប់​តាត្រាវជាឃុំ​មួយ​ក្នុង​ចំណោម​ឃុំ​ទាំង៣ទៀត​នៃស្រុក​អង្គរធំ។ ក្រោម​ការ​ដឹក​នាំរបស់រាជរដ្ឋាភិបាល​អាណត្តិទី៧នេះ ផ្លូវ​ជាអាទិភាពមួយ​នៅក្នុង​យុទ្ធសាស្ត្របច្ចកោណ​ដំណាក់កាល​ទី១។ នៅក្នុង​ខេត្ត​សៀមរាប​ក្រោម​​ការ​ដឹកនាំ របស់​ឯក​ឧត្តម ប្រាក់ សោភ័ណ អភិបាល​ខេត្ត​សៀមរាប សមិទ្ធផល​នានាមានការ​រីកចម្រើន​ឥឈប់​ឈ ជាពិសេសផ្លូវថ្នល់។ សូមអញ្ជើញទស្សនាវីដេអូបទយកការណ៍ទាំងស្រុង៖

ផ្សាយផ្ទាល់៖ កម្មវិធីព័ត៌មានពេលព្រឹក ថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦

នៅព្រឹកថ្ងៃទី៣១ ខែសីហា ឆ្នាំ២០២៦នេះ មន្ទីររៀបចំដែនដី នគរូបនីយកម្មសំណង់ និងសុរិយោដីខេត្តសៀមរាបបានបិទផ្សាយជាសាធារណៈនូវឯកសារ នៃការវិនិច្ឆ័យសម្រាប់ការចុះបញ្ជីដីធ្លីមានលក្ខណៈជាប្រព័ន្ធ សម្រាប់ក្បាលដីនៅក្នុងឃុំក្តីរុន ស្រុកពួក ខេត្តសៀមរាប ដែលការបិទផ្សាយនេះធ្វើឡើងនៅក្នុងវត្តក្តីរុនរង្សី ដើម្បីឱ្យប្រជាពលរដ្ឋ ព្រមទាំងអ្នកពាក់ព័ន្ធ ពិនិត្យផ្ទៀងផ្ទាត់ព័ត៌មាន និងដាក់ពាក្យតវ៉ា ឬស្នើសុំកែតម្រូវ ប្រសិនបើមានភាពមិនត្រឹមត្រូវ មុននឹងឈានទៅរកការចេញបណ្ណកម្មសិទ្ធិ។

ព្រឹត្ដិការណ៍រត់កម្សាន្ដជាមួយកងរាជអាវុធហត្ថខេត្ដសៀមរាប នៅថ្ងៃទី៣០ ខែសីហា ឆ្នាំ២០២៦  ក្មុងគោលបំំណង ថែទាំសុខភាព កាយសម្បទា រហ័សរហួន ព្រមទាំងគ្រប់គ្រងនូវកាយសម្បទាកងកម្លាំងឱ្យ រឹងមាំ និងមានប្រសិទ្ធភាពខ្ពស់  ក្នុងការងារប្រតិបត្តិការ លើកការបង្កាបង្ក្រាបនូវរាល់បទល្មើស និង អន្តរាគមន៍សង្គ្រោះ ដែលព្រឹត្ដិការណ៍នេះមានអ្នកចូលរួមរត់ចំនួន ៥ពាន់៥៩២នាក់ ក្នុងនោះចម្ងាយ ៥,៥គីឡូម៉ែត្រ។

នាថ្ងៃទី២៩ ខែសីហា ឆ្នាំ២០២៦ កម្មវិធីពិព័រណ៍ «សារមន្ទីរស្ថាបនិកសេរីភាព២៥០» (Freedom 250 Founders Museum) ត្រូវបានសម្ពោធដាក់ឱ្យដំណើរការជាផ្លូវការ នៅមជ្ឈមណ្ឌល American Corner នៃសាកលវិទ្យាល័យ សៅស៍អ៊ីសថ៍អេសៀ (USEA) ខេត្តសៀមរាប ដើម្បីអបអរសាទរខួបអនុស្សាវរីយ៍លើកទី២៥០ នៃទិវាបុណ្យឯករាជ្យជាតិរបស់សហរដ្ឋអាមេរិក។ ពិធីនេះបានប្រព្រឹត្តទៅក្រោមវត្តមានអញ្ជើញចូលរួមពី លោកស្រី Cate Dillon ឧបការីរដ្ឋមន្ត្រីការបរទេសអាមេរិក ទទួលបន្ទុកកិច្ចការអប់រំ និងវប្បធម៌ ឯកឧត្ដម លី សំរិទ្ធ ប្រធានក្រុមប្រឹក្សាខេត្តសៀមរាប លោក លី សារី អភិបាលរងខេត្ត និងលោកបណ្ឌិត មាស សុធី សាកលវិទ្យាធិការនៃសាកលវិទ្យាល័យ សៅស៍អ៊ីសថ៍អេសៀ។

នាព្រឹកថ្ងៃទី៣០ ខែសីហា ឆ្នាំ២០២៦ មន្ទីរអប់រំ យុវជន និងកីឡាខេត្តសៀមរាប បានរៀបចំពិធីបើកការប្រកួត «ជជែកដេញដោលយុវជនថ្នាក់ខេត្ត ឆ្នាំ២០២៦» វគ្គពាក់កណ្តាលផ្តាច់ព្រ័ត្រ និងការប្រកួតនិយាយជាសាធារណៈ «វោហារសព្ទឆ្នើម»។

ចាប់ផ្ដើមពីទេសភាពបៃតងស្រស់ស្អាត និងខ្យល់អាកាសបរិសុទ្ធនៅភ្នំក្រោម បន្តមកកាន់ចុងឃ្នៀស ដើម្បីញ៉ាំអាហារលំហែ និងរីករាយជាមួយថ្ងៃលិចដ៏ស្រស់ស្អាត។ ពេលវេលាដ៏សាមញ្ញ ប៉ុន្តែពោរពេញដោយស្នាមញញឹម និងអនុស្សាវរីយ៍ល្អៗជាមួយមិត្តភក្តិ និងក្រុមគ្រួសារ

បើបងប្អូនកំពុងស្វែងរកបទពិសោធន៍ថ្មីៗ និងទស្សនីយភាពប្លែកភ្នែកនៅក្នុងខេត្តសៀមរាប បងប្អូនកុំភ្លេចមកកាន់ Angkor Wildlife & Aquarium ដើម្បីទស្សនាការសម្ដែងដ៏គួរឱ្យចាប់អារម្មណ៍របស់ នាងមច្ឆា

នៅថ្ងៃទី២៩ ខែសីហា ឆ្នាំ២០២៦ លោក ស៊ិន ចាន់ថុល អភិបាល នៃគណៈអភិបាលស្រុកពួក ជាប្រធានគណៈកម្មាធិការ សមាគមអតីតយុទ្ធជន និងនិវត្តជនកម្ពុជា ស្រុកពួក ​ដឹកនាំក្រុមការងារ ​នាំយកនូវថវិកាចំនួន ១៦,០០០,០០០៛ (ដប់ប្រាំមួយលានរៀលគត់) របស់សម្តេច អគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា ប្រគល់ជូនគ្រួសារសពអតីតយុទ្ធជន ចំនួន ៤គ្រួសារ ក្នុងមួយគ្រួសារទទួលបានថវិកាចំនួន ៤,០០០,០០០រៀលគត់ (បួនលានរៀលគត់) ដូចខាងក្រោម៖ ១.ឈ្មោះ សំ ស៉ាវ ភេទប្រុស អាយុ ៦៥ឆ្នាំ ID: RA2590719 និវត្តជន ដែលបានទទួលមរណភាព ដោយរោគាពាធ ។ ២.ឈ្មោះ ឡាច គិមឡិក ភេទប្រុស អាយុ ៧៧ឆ្នាំ ID: SA90002215 ពលី ដែលបានទទួលមរណភាព ដោយរោគាពាធ ។ ៣.ឈ្មោះ សាត់ ម៉ាប់ ភេទប្រុស អាយុ ៥៨ឆ្នាំ ID: RA10001444 និវត្តជន ដែលបានទទួលមរណភាព ដោយរោគាពាធ ។ ៤.ឈ្មោះ ហូន ម៉ាប់ ភេទប្រុស អាយុ ៦៩ឆ្នាំ ID: RA12002495 និវត្តជន ដែលបានទទួលមរណភាព ដោយរោគាពាធ ។

នៅថ្ងៃទី២៩ ខែសីហា ឆ្នាំ២០២៦ ឯកឧត្តម សែម រតនា ប្រធានក្រុមការងាររាជរដ្ឋាភិបាលចុះមូលដ្ឋានក្រុងរុនតាឯកតេជោសែន បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ និងទិសដៅអនុវត្តបន្តឆមាសទី២ ឆ្នាំ២០២៦ របស់ក្រុមការងាររាជរដ្ឋាភិបាលចុះមូលដ្ឋានក្រុងរុនតាឯកតេជោសែន។ កិច្ចប្រជុំនេះក៏មានការអញ្ជើញចូលរួមពី ឯកឧត្តម លោកជំទាវ អនុប្រធានក្រុមការងារ លោក លោកស្រី មកពីមន្ទីរ-អង្គភាពជុំវិញខេត្ត ក្រុមប្រឹក្សាក្រុង គណៈអភិបាលក្រុង កងកម្លាំងទាំងបី មន្ត្រីសាលាក្រុង ចៅសង្កាត់ទាំងពីរ ប៉ុស្តិ៍រដ្ឋបាល មេភូមិ ព្រមទាំងលោកគ្រូ អ្នកគ្រូ ជាច្រើនរូបផងដែរ។

ចលនា “ភូមិមួយផលិតផលមួយ” ខេត្តសៀមរាប បានបញ្ជាក់ថា វេទិកានាពេលនេះ គឺដើម្បីផ្សារភ្ជាប់ និងជំរុញខ្សែសង្វាក់នៃផលិតផលក្នុងស្រុក ចាប់តាំងពីការដាំដុះ ការផលិត កែច្នៃ ចែករំលែករហូតដល់ការប្រើប្រាស់ និងការពង្រីកទីផ្សារ។ វេទិកានេះដែរ កសិករដែលជាអ្នកដាំដុះអាចយល់ដឹងពីតម្រូវការរបស់អ្នកផលិត ហើយម្ចាស់អាជីវកម្មអាចបង្ហាញផលិតផល ស្នាដៃ សក្ដានុពល និងអត្តសញ្ញាណរបស់ខ្លួនទៅកាន់អ្នកប្រើប្រាស់ ប្រជាពលរដ្ឋ ភ្ញៀវទេសចរជាតិ អន្តរជាតិ អ្នកចែករំលែក អ្នកទិញ និងដៃគូពាណិជ្ជកម្មផងដែរ។ សូមអញ្ជើញទស្សនាវីដេអូ ចំណាប់អារម្មណ៍របស់ប្រជាពលរដ្ឋ ដូចតទៅ៖

ព្រះពុទ្ធបដិមាមួយអង្គសាងសង់ពីថ្មភក់ កម្ពស់២ម៉ែត្រ ទម្ងន់ជាង១តោន ត្រូវបានដង្ហែយកទៅតម្កល់ទុកក្នុងវត្តខេមរពោធិការាម(ក្រូច) នៃឃុំឫស្សីលក ស្រុកជីក្រែង ខេត្តសៀមរាប កាលពីរសៀលថ្ងៃទី២៨ ខែសីហា ឆ្នាំ២០២៦ ដើម្បីទុកជាកន្លែងសក្ការៈបូជារបស់ពុទ្ធបរិស័ទ ក្រោមការផ្ដួចផ្ដើមពី ឧបាសិកា ឡៅ គីរី និងកូនចៅ ព្រមទាំងញាតិមិត្តបងប្អូន រួមនឹងពុទ្ធបរិស័ទនានា។