ព័ត៌មានក្នុងខេត្ត

តម្បាញសូត្រ គឺជាមុខរបរដ៏ចំណាស់មួយរបស់ប្រជាជនខ្មែរតាំងពីបុរាណមក ដោយសូត្រខ្មែរត្រូវបានត្បាញពីសរសៃសូត្រ ដែលស្រាវចេញពីសំបុកសត្វដង្កូវនាង និងស៊ីស្លឹកមនជាអាហារ ហើយសូត្រទាំងនោះ ត្រូវបានគេយកទៅកែច្នៃធ្វើជាផលិតផល ក្រមា ហូលផាមួង ខណៈបច្ចុប្បន្នគេអាចកែច្នៃត្បាញពីសរសៃអំបោះ, អំបោះសំឡី (Cotton) និងសរសៃដើមឈូកជាដើម ដើម្បីឆ្លើយតបទៅនឹងតម្រូវការទីផ្សារ។

អញ្ជើញមកទស្សនាកម្សាន្តដោយឥតគិតថ្លៃ!នៅមជ្ឈមណ្ឌលសិប្បកម្មកម្ពុជាសច្ចៈ (Satcha) ដែលនៅទីនេះបានរួមចំណែកថែរក្សា និងលើកកម្ពស់អត្តសញ្ញាណជាតិ តាមរយៈស្នាដៃសិប្បកម្មដែលច្នៃឡើងដោយដៃផ្ទាល់ពីបងប្អូនសិប្បករខ្មែរក្នុងទឹកដីខេត្តសៀមរាប។ សច្ចៈ មានវត្ថុអនុស្សាវរីយ៍ដ៏ប្រណីត និងភេសជ្ជៈ អមដោយ​បរិយាកាសដ៏ស្រស់ស្អាត ដែលផ្សារភ្ជាប់ជាមួយធម្មជាតិដ៏ត្រជាក់ភ្នែក។ ការគាំទ្ររបស់ពុកម៉ែបងប្អូន គឺជាការចូលរួមថែរក្សាវប្បធម៌ខ្មែរ និងបង្កើតចំណូលសេដ្ឋកិច្ចដ៏សំខាន់សម្រាប់សិប្បករក្នុងមូលដ្ឋានផងដែរ។

ការបន្តវេនពីជំនាន់មួយទៅជំនាន់មួយ គឺជារឿងសំខាន់ លោកគ្រូ ស៊ឹប ខូន ដែលបានលះបង់ពេលវេលាជាង ២០ ឆ្នាំ ក្នុងអាជីពជាជាងគំនូរ ហើយបច្ចុប្បន្នបានក្លាយជា «គ្រូបង្រៀនគំនូរ»។ តាមរយៈការផ្ទេរចំណេះដឹង លោកគ្រូមិនត្រឹមតែអាចរកចំណូលផ្គត់ផ្គង់ជីវភាពគ្រួសារឱ្យមានភាពធូរធារប៉ុណ្ណោះទេ ប៉ុន្តែថែមទាំងជាកម្លាំងចលករដ៏សំខាន់ក្នុងការថែរក្សាអត្តសញ្ញាណខ្មែរ ដើម្បីបន្តចែកចាយភាពស្រស់ស្អាតនៃព្រលឹងជាតិទៅកាន់ពិភពលោក។

​ប​​ច្ចុ​​​ប្ប​​​ន្ន​​​ ​​​ស​ហ​​​គ​​​​ម​​​ន៍​​អា​​​ច​​​​​ផ្គ​​​​ត់​​​ផ្គ​​ង់​​ ​​​និ​​​ង​​​ចែ​​ក​​​ចា​យ​​​​ជី​​​បា​​​ន​​ពី​​​ ​​​​១​០​​​ ​​​ទៅ​​ ​​​​២​​​០​​ ​​​តោ​​​ន​​​ក្នុ​​​ង​មួ​​​យ​​​ថ្ងៃ​​​ ​​​ដោ​​​យ​​​សា​រ​​​តែ​​​គុ​​​ណ​​​ភា​​ព​ ​​​និ​​​ង​​​សុ​​​វ​​​ត្ថិ​ភា​​​ព​​​ខ្ព​​​ស់​​​​។​​ ​​​​

លោកអ្នកនឹងបានសប្បាយរីករាយជាមួយកម្មវិធីកម្សាន្តជាច្រើន ព្រមទាំងបានស្វែងយល់ពីសក្តានុពលទេសចរណ៍ធម្មជាតិ វប្បធម៌ និងជីវភាពរស់នៅដ៏ប្លែកភ្នែករបស់ប្រជាសហគមន៍ជុំវិញបឹងទន្លេសាប។ រដ្ឋបាល​ខេត្ត​សៀមរាប​មាន​ រៀបចំព្រឹត្តិការណ៍ទេសចរណ៍បរិស្ថានប្រចាំឆ្នាំ២០២៦ រយៈ​ពេល​២ថ្ងៃ ចាប់ពី​ថ្ងៃទី​០៦ -០៧ ខែមិថុនា ឆ្នាំ២០២៦ នៅសហគមន៍កំពង់ភ្លុក ដែល​ព្រឹត្តិការណ៍នេះ មានការរៀបចំកម្មវិធីទាំងបែបសាសនា និងកម្មវិធីកម្សាន្តសប្បាយៗតាមបែបវប្បធម៌ក្នុងសហគមន៍ជាច្រើន ​ ដើម្បីជាការអប់រំ បញ្ជាបការយល់ដឹងដល់ភ្ញៀវទេសចរជាតិ អន្តរជាតិ និងបងប្អូនប្រជាពលរដ្ឋទាំងអស់នៅក្នុងសហគមន៏ចូលរួមក្នុងកិច្ចការបរិស្ថានអោយបានស្អាតជាប្រចាំ ។

ចំណាប់អារម្មណ៍របស់ពលរដ្ឋ និងភ្ញៀវទេសចរ ជុំវិញទេសភាពពណ៌បៃតងដ៏ស្រស់បំព្រងដែលលាតសន្ធឹងក្នុងក្រុងសៀមរាប បានឆ្លុះបញ្ចាំងពីការយកចិត្តទុកដាក់ខ្ពស់ក្នុងការ រៀបចំបរិស្ថាន និងការអភិរក្សធនធានធម្មជាតិរបស់ថ្នាក់ដឹកនាំខេត្តសៀមរាប ដែលសាកសមជាទីក្រុងអច្ឆរិយ។

នៅព្រឹកថ្ងៃទី ៧ ខែ មិថុនា ឆ្នាំ២០២៦នេះនៅទូទាំងខេត្តសៀមរាបបានធ្វើការការប្រឡងវិញ្ញាបនបត្រធម្មវិន័យថ្នាក់ត្រី ទោ. ឯក ឆ្នាំសិក្សា២០២៥-២០២៦ ដែលជាការប្រឡងកម្រិតជាតិសម្រាប់សមណសិស្ស និងសិស្សទូទាំងប្រទេស ដើម្បីវាស់ស្ទង់ចំណេះដឹងផ្នែកពុទ្ធសាសនា វិន័យ និងសីលធម៌ មុននឹងបន្តការសិក្សាថ្នាក់ពុទ្ធិកសិក្សា។

អធិការដ្ឋាននគរបាលស្រុកសូទ្រនិគម ចេញសេចក្ដីបំភ្លឺព័ត៌មានពាក់ព័ន្ធករណី "បុរសម្នាក់សង្ស័យសតិមិនគ្រប់ ដើរចូលផ្ទះប្រជាពលរដ្ឋពាក់កណ្ដាលយប់ ត្រូវម្ចាស់ផ្ទះចាប់បាននៅវេលាម៉ោង ១២:២០នាទី រំលងអាធ្រាត្រ ឈានចូលថ្ងៃទី៦ ខែមិថុនា ឆ្នាំ២០២៦ នៅភូមិតាតោកកណ្តាល ឃុំចាន់ស ស្រុកសូទ្រនិគម ខេត្តសៀមរាប” ។

នៅថ្ងៃទី ០៦ ខែមិថុនា ឆ្នាំ២០២៦នេះ ជាសប្ដាហ៍ទី៣ហើយ នៃការប្រកួតបាល់ទាត់ពានរង្វាន់មហាជនខេត្តសៀមរាប ឆ្នាំ២០២៦ ដែលរៀបចំឡើងដោយ រដ្ឋបាលខេត្តសៀមរាប ក្រោមប្រធានបទ “ទាំងអស់គ្នាដើម្បីកីឡា កីឡាដើម្បីសុខភាព និងសាមគ្គីភាព” ដែលបានបើកជាផ្លូវការកាលពីថ្ងៃទី២៤ ខែឧសភា ឆ្នាំ២០២៦ មានក្រុមកីឡាករ ២៨ក្រុម មកពីតាមបណ្ដាក្រុងស្រុក និងវិស័យឯកជនក្នុងខេត្តសៀមរាបចូលរួមប្រកួត ។

នារសៀលថ្ងៃទី៥ ខែមិថុនា ឆ្នាំ២០២៦ រដ្ឋបាលខេត្តសៀមរាប សហការជាមួយមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត បានប្រារព្ធទិវាអតីតយុទ្ធជន និងនិវត្តជនកម្ពុជា លើកទី១៩ ឆ្នាំ២០២៦ ដើម្បីជាការបង្ហាញឱ្យប្រជាជនកម្ពុជាគ្រប់រូបចងចាំនូវគុណូបក្ការៈដ៏ឧត្ដុង្គឧត្ដម និងពលីកម្មដ៏ធំធេងមិនអាចកាត់ថ្លៃបានរបស់យុទ្ធជន យុទ្ធនារី មន្ត្រីរាជការ និងអ្នកស្នេហាជាតិកម្ពុជាយើងគ្រប់ជំនាន់ ជាពិសេសបងប្អូនអតីតយុទ្ធជន និងនិវត្តជនដែលបានបូជាសាច់ស្រស់ ឈាមស្រស់ និងលះបង់អាយុជីវិត ដើម្បីបុព្វហេតុជាតិមាតុភូមិ នាំមកនូវសុខសន្តិភាពជូនប្រទេសជាតិ និងប្រជាជនកម្ពុជារហូតដល់បច្ចុប្បន្ន។

‎នាថ្ងៃទី៥ ខែមិថុនា ឆ្នាំ២០២៦ ក្រុមការងារគណៈកម្មការអន្តរក្រសួង ដឹកនាំដោយ ឯកឧត្តម សាន វិសាល រដ្ឋលេខាធិការក្រសួងអភិវឌ្ឍន៍ជនបទ រួមជាមួយក្រុមការងារក្រសួងសេដ្ឋកិច្ច និងហិរញ្ញវត្ថុ ដោយមានការចូលរួមថ្នាក់ដឹកនាំ និងមន្ត្រីមន្ទីរអភិវឌ្ឍន៍ជនបទខេត្ត បានចុះពិនិត្យ និងវាយតម្លៃបញ្ចប់សុពលភាពលើគម្រោងស្ថាបនាផ្លូវក្រាលល្បាយក្រួសចំនួន ១ខ្សែ ស្ថិតក្នុងភូមិសាស្ត្រស្រុកស្វាយលើ ខេត្តសៀមរាប។

ការដាំដំណាំពោតជុំវិញផ្ទះ ជាជម្រើសដ៏ល្អសម្រាប់កសិករដាំដំណាំលក្ខណៈគ្រួសារ ព្រោះវាងាយដាំដុះ មិនរើសដី និងហុចផលលឿន។ ជាក់ស្តែង កសិករនៅឃុំពួក ស្រុកពួក ខេត្តសៀមរាប បានប្រកបរបរដាំពោតនេះ ជាអចិន្ត្រៃយ៍ ដោយអាចរកចំណូលបានយ៉ាងទៀងទាត់ដើម្បីផ្គត់ផ្គង់ជីវភាពប្រចាំថ្ងៃ។