នៅថ្ងៃទី៧ ខែសីហា ឆ្នាំ២០២៦នេះ ហិបវិញ្ញាសាសម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ១០ សីហា ឆ្នាំ២០២៦ ត្រូវបានមកដល់ខេត្តសៀមរាបហើយ ក្រោមការដឹកនាំផ្ទាល់ដោយ ឯកឧត្តម សោម រតនា ប្រធានគណៈមេប្រយោគទូទាំងប្រទេសប្រចាំខេត្តសៀមរាប និងក្រុមការងារអង្គភាពប្រឆាំងអំពើពុករលួយ នៅសាលាខេត្តសៀមរាប ក្រោមវត្តមានទទួលរបស់លោកស្រី ម៉ននី រង្សី អភិបាលរងខេត្តសៀមរាប។

រដ្ឋបាលខេត្តសៀមរាបបាននិងកំពុងត្រៀមលក្ខណៈដើម្បីរៀបចំ «ទិវាហ្វ្រង់កូហ្វូនី» ដែលគ្រោងនឹងប្រព្រឹត្តទៅនាថ្ងៃទី១៥-១៦ ខែវិច្ឆិកា ឆ្នាំ២០២៦ ដោយគ្រោងរៀបចំស្តង់ពិព័រណ៍ចំនួន ៥០ ដើម្បីដាក់តាំងបង្ហាញផលិតផល និងសិប្បកម្មមកពីបណ្តាប្រទេសនិយាយភាសាបារាំង រួមទាំងសិប្បកម្មខ្មែរ ក្នុងនាមជាសមាជិកស្ថាបនិកនៃអង្គការអន្តរជាតិ នៃក្រុមប្រទេសនិយាយភាសាបារាំង (OIF)។

ថ្លែងក្នុងកម្មវិធីសន្ទនាមតិរបស់វិទ្យុជាតិ និងទូរទស្សជាតិខេត្ដសៀមរាប កាលពីថ្ងៃទី ៦ ខែសីហា ឆ្នាំ២០២៦ លោកស្រី ទាម ផល្លី អនុប្រធានមន្ទីពាណិជ្ជកម្មខេត្ដសៀមរាបបាន ជំរុញ និង លើកទឹកចិត្ត និងលើកកម្ពស់ការចងក្រងជាសហគមន៍កសិកម្ម និងការប្រើប្រាស់ប្រព័ន្ធទីផ្សារឌីជីថល ដោយត្រូវបានមើលឃើញថា ជាដំណោះស្រាយដ៏មានប្រសិទ្ធភាព ក្នុងការជួយឱ្យអ្នកផលិតអាចភ្ជាប់ទំនាក់ទំនងផ្ទាល់ជាមួយទីផ្សារ និងទទួលបានផលចំណេញសមរម្យជាងមុន ការចរាចរ ខណៈ ការលក់ផលិតផលក្នុងស្រុក មិនត្រឹមតែបំពេញតម្រូវការប្រចាំថ្ងៃប៉ុណ្ណោះទេ ប៉ុន្តែថែមទាំងជាសសរ ទ្រទ្រង់ទេសចរណ៍វប្បធម៌ និងកសិទេសចរណ៍ នៅខេត្តសៀមរាបទៀតផង ជាជាងការពឹងផ្អែកខ្លាំងលើឈ្មួញកណ្តាលច្រើនដំណាក់កាល ជួនកាលធ្វើឱ្យតម្លៃទំនិញនៅលើទីផ្សារកើនឡើងខ្ពស់ ខណៈដែលកសិករ និងសិប្បករដើម ទទួលបានប្រាក់ចំណេញតិចតួចប៉ុណ្ណោះ ។

អាជ្ញាធរខេត្តសៀមរាប បានណែនាំយ៉ាងម៉ឺងម៉ាត់ដល់នាយក នាយិកាសាលារៀនទាំងអស់ ហាមឃាត់ដាច់ខាតចំពោះការដុតសំរាមប្លាស្ទិកនៅក្នុងបរិវេណសាលារៀន ដើម្បីការពារសុខភាពផ្លូវដង្ហើមរបស់លោកគ្រូ អ្នកគ្រូ និងសិស្សានុសិស្ស ព្រោះផ្សែងពុលដែលភាយចេញពីការដុតកាកសំណល់ប្លាស្ទិក នឹងបង្កផលប៉ះពាល់យ៉ាងធ្ងន់ធ្ងរដល់សួត និងសុខភាពផ្លូវដង្ហើម។

គណៈកម្មាធិការសិទ្ធិមនុស្សកម្ពុជា នៅថ្ងៃទី៦-៧ ខែសីហា ឆ្នាំ២០២៦នេះ បានចុះអប់រំ ផ្សព្វផ្សាយផ្ទាល់ស្ដីពីសិទ្ធិមនុស្ស និងច្បាប់ ជូនដល់អាជ្ញាធរមូលដ្ឋានដែលជាតំណាងប្រជាពលរដ្ឋ នៅក្នុងសង្កាត់ស្វាយដង្គំ ក្រុងសៀមរាប និងឃុំកណ្ដែក ស្រុកប្រាសាទបាគង ខេត្តសៀមរាប ដើម្បីពង្រឹងការយល់ដឹងពីសិទ្ធិសេរីភាពមូលដ្ឋាន ករណីកាតព្វកិច្ចពលរដ្ឋ និងការអនុវត្តច្បាប់ក្នុងសង្គម ជួយកាត់បន្ថយទំនាស់ និងលើកស្ទួយតម្លៃសិទ្ធិមនុស្សនៅកម្ពុជា។

ដំណាំត្រប់ស្រួយ ជាប្រភេទបន្លែមួយយ៉ាងសាមញ្ញ ដែលប្រជាជនគ្រប់គ្នាតែងតែបរិភោគជាបន្លែជារៀងរាល់ថ្ងៃ ដោយដំណាំនេះអាចលូតលាស់បានលើផ្ទៃដីស្ទើរគ្រប់ប្រភេទ ងាយស្រួលដាំ មិនប្រកាន់រដូវកាល និងឆាប់ទទួលបានផលផងដែរ ពោលគឺ ប្រមាណ២ខែនៃការដាំដុះ អាចប្រមូលផលបាន។