ព័ត៌មានក្នុងខេត្ត

កាលពីប៉ុន្មានឆ្នាំមុន ការរស់នៅប្រចាំថ្ងៃរបស់ប្រជាពលរដ្ឋ និងដំណើរការអាជីវកម្មទេសចរណ៍នៅក្នុងខេត្តសៀមរាប ធ្លាប់តែពឹងផ្អែកយ៉ាងខ្លាំងលើប្រភពទឹកក្រោមដី ដែលជារឿយៗតែងតែប្រឈមមុខនឹងបញ្ហាទឹកខ្សោះ ប្រៃ មិនស្អាត ឬរីងស្ងួតនៅរដូវប្រាំង។ ប៉ុន្តែ មកទល់នឹងពេលបច្ចុប្បន្ន ភាពប្រែប្រួលជាវិជ្ជមានដ៏ធំធេងមួយបានកើតមានឡើង តាមរយៈការដាក់ឱ្យដំណើរការប្រព័ន្ធផ្គត់ផ្គង់ទឹកស្អាតទំនើបៗ ដែលមិនត្រឹមតែបំពេញតម្រូវការទីក្រុងទេសចរណ៍ប្រកបដោយចីរភាពប៉ុណ្ណោះទេ ប៉ុន្តែថែមទាំងបានផ្លាស់ប្តូរមុខមាត់ និងគុណភាពជីវិតរបស់ប្រជាពលរដ្ឋយ៉ាងស៊ីជម្រៅផងដែរ។ ទឹកស្អាតមានសារៈសំខាន់ខ្លាំងណាស់សម្រាប់សុខភាព និងការរស់នៅប្រចាំថ្ងៃ។ វាជួយការពារយើងពីជំងឺឆ្លងផ្សេងៗ (ដូចជាជំងឺរាករូស និងអាសន្នរោគ) លើកកម្ពស់សុខុមាលភាពរាងកាយ ព្រមទាំងជួយសន្សំសំចៃពេលវេលា និងថវិកាដែលត្រូវចំណាយលើការព្យាបាលជំងឺ។ សូមអញ្ជើញទស្សនាវីដេអូបទយកការណ៍ទាំងស្រុង ៖

ដើម្បីជួយបង្កើនចំណូលដល់កសិករ អាជីវករ និងសហគ្រាសធុនមីក្រូ តូច និងមធ្យម រដ្ឋបាលខេត្តសៀមរាប ក្រោមការសហការយ៉ាងជិតស្និទ្ធជាមួយមន្ទីរ-ស្ថាប័នពាក់ព័ន្ធ បានបង្កើតវេទិការផ្គូផ្គងផ្ទាល់រវាងអ្នកផលិត និងអ្នកទិញ ដើម្បីស្វែងរកដៃគូពាណិជ្ជកម្ម ជួយបង្កើនចំណូលសហគមន៍ និងជម្រុញសេដ្ឋកិច្ចជាតិឱ្យរីកចម្រើន។ ទន្ទឹមនឹងនោះ ថ្នាក់ដឹកនាំខេត្តរំពឹងថា វេទិកាពិព័រណ៍ពាណិជ្ជកម្មនេះនឹងក្លាយជាកម្លាំងចលករយ៉ាងសំខាន់ ក្នុងការជួយបង្កើនប្រាក់ចំណូលផ្ទាល់ខ្លួនដល់ប្រជាសហគមន៍ បង្កើតការងារនៅនឹងកន្លែង រួមចំណែកយ៉ាងធំធេងក្នុងការជម្រុញកំណើនសេដ្ឋកិច្ចជាតិទាំងមូលឱ្យមានការរីកចម្រើនប្រកបដោយនិរន្តរភាព និងពង្រឹងសមត្ថភាពផលិតកម្មក្នុងស្រុក ឱ្យមានលទ្ធភាពផ្គត់ផ្គង់គ្រប់គ្រាន់ដោយមិនពឹងផ្អែកលើទំនិញបរទេស។ សូមអញ្ជើញទស្សនាវីដេអូបទយកការណ៍ទាំងស្រុង៖

នៅក្នុងឆ្នាំ២០២៦នេះ ផ្លុវបេតុងថ្មី១ខ្សែស្ថិតនៅក្នុងសង្កាត់សាលាកំរើក ក្រុងសៀមរាប ត្រូវបានស្ថាបនារួចរាល់ និងដាក់ឱ្យពលរដ្ឋបានប្រើប្រាស់ជាផ្លូវការ ដើម្បីសម្រួលដល់ការធ្វើដំណើរ និងការរស់នៅប្រចាំថ្ងៃ។ ការកសាងផ្លូវបេតុងថ្មីមួយខ្សែនេះឡើង គឺដើម្បីឆ្លើយតបនឹងតម្រូវការរបស់ពលរដ្ឋនៅក្នុងមូលដ្ឋាន ព្រោះផ្លូវចាស់ពីមុនពិបាកធ្វើដំណើរខ្លាំង ដូច្នេះទើបធ្វើឱ្យអាជ្ញាធរបានលើកគម្រោងផ្លូវនេះជាអទិភាព។ ក្រោមការដឹកនាំរបស់ឯកឧត្តម ប្រាក់ សោភ័ណ អភិបាលខេត្តសៀមរាប បានយកចិត្តទុកដាក់លើការអភិវឌ្ឍន៍ខេត្តសៀមរាបជាបន្តបន្ទាប់ឥតឈប់ឈរ ដែលទទួលបានការសាទរយ៉ាងច្រើនពីប្រជាពលរដ្ឋ។

នាដើមឆ្នាំ២០២៦នេះ អាជ្ញាធរស្រុកវ៉ារិន បានបើកការដ្ឋានស្ថាបនាផ្លូវបេតុងមួយខ្សែ ដែលមានប្រវែង ជាង ៦០០ម៉ែត្រ និងទទឹង ៥.៥ម៉ែត្រ ដែលការធ្វើផ្លូវនេះ ជួយសម្រួលយ៉ាងខ្លាំងដល់ការធ្វើដំណើរប្រចាំថ្ងៃ ការដឹកជញ្ជូនកសិផល និងការប្រកបរបរចិញ្ចឹមជីវិតរបស់បងប្អូនប្រជាពលរដ្ឋក្នុងមូលដ្ឋាន។ ក្នុងនោះប្រជាពលរដ្ឋរស់នៅឃុំស្វាយស ស្រុកវ៉ារិន បានបង្ហាញនូវសេចក្តីត្រេកអរ និងក្តីរំភើបរីករាយជាខ្លាំង ព្រមទាំងបានថ្លែងអំណរគុណយ៉ាងជ្រាលជ្រៅចំពោះការដឹកនាំប្រកបដោយចក្ខុវិស័យវែងឆ្ងាយ និងគិតគូរពីសុខទុក្ខប្រជាពលរដ្ឋរបស់ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប។ សូមទស្សនាវីដេអូបទយកការណ៍នូវខ្លឹមសារទាំងស្រុង៖

ក្រោមការដឹករបស់ឯកឧត្តម ប្រាក់ សោភ័ណ អភិបាលខេត្តសៀមរាប នៅក្នុងឆ្នាំ២០២៦នេះ សមិទ្ធផលជាច្រើនត្រូវបានលេចរូបរាងឡើងជាបន្តបន្ទាប់ ជាពិសេសហេដ្ឋារចនាសម្ព័ន្ធរូបវ័ន្តនានានៅក្នុងខេត្ត ដែលធ្វើឱ្យប្រជាពលរដ្ឋសម្តែងការអបអរសាទរ និងកោតសរសើរយ៉ាងខ្លាំង។ ការណ៍នេះបានបង្ហាញឱ្យឃើញច្បាស់ពីការយកចិត្តទុកដាក់ខ្ពស់របស់អាជ្ញាធរគ្រប់ជាន់ថ្នាក់លើជីវភាពរស់នៅ និងសុខុមាលភាពរបស់ប្រជាពលរដ្ឋ។ សង្កាត់បល្ល័ង្ក ជាសង្កាត់មួយស្ថិតនៅក្នុងក្រុងរុនតាឯកតេជោសែន ក្រុងនេះទើបបង្កើតឡើងនៅថ្ងៃទី១១ ខែមករា ឆ្នាំ២០២៤។ នៅក្នុងឆ្នាំ២០២៦នេះ សង្កាត់បល្ល័ង្កសម្រេចបានសមិទ្ធផលជាបន្តជាបន្ទាប់ ជាពិសេសផ្លូវបេតុង១ខ្សែ ដែលមានប្រវែងជាង៧០០ម៉ែត្រ ទទឹង៥ម៉ែត្រ និងមានកម្រាស់១.៥តឹក ។

ផ្លូវ គឺជាសរសៃឈាមនៃសេដ្ឋកិច្ចជាតិ ដែលដើរតួនាទីយ៉ាងសំខាន់ក្នុងការតភ្ជាប់ទំនាក់ទំនង ការធ្វើចរាចរណ៍ ការដឹកជញ្ជូនទំនិញ និងសេវាកម្មផ្សេងៗ។ ការទទួលបានផ្លូវស្អាតល្អ ជួយកាត់បន្ថយទាំងពេលវេលាក្នុងការធ្វើដំណើរ ព្រមទាំងលើកកម្ពស់ជីវភាពរស់នៅរបស់ប្រជាពលរដ្ឋដែរ។ សូមទស្សនាវីដេអូបទយកការណ៍ទាំងស្រុង៖

ផ្លូវ គឺជាសរសៃឈាមនៃសេដ្ឋកិច្ចជាតិ ដែលដើរតួនាទីយ៉ាងសំខាន់ក្នុងការតភ្ជាប់ទំនាក់ទំនង ការធ្វើចរាចរណ៍ ការដឹកជញ្ជូនទំនិញ និងសេវាកម្មផ្សេងៗ។ ការទទួលបានផ្លូវស្អាតល្អ ជួយកាត់បន្ថយទាំងពេលវេលាក្នុងការធ្វើដំណើរ ព្រមទាំងលើកកម្ពស់ជីវភាពរស់នៅរបស់ប្រជាពលរដ្ឋដែរ។ ស្មារតីនេះត្រូវបានបង្ហាញយ៉ាងច្បាស់តាមរយៈការស្ថាបនាផ្លូវបេតុងមួយខ្សែក្នុងមូលដ្ឋាន ភូមិខ្ចាស់ ឃុំខ្ចាស់ ស្រុកសូទ្រនិគម ខេត្តសៀមរាប ដែលធ្វើឱ្យប្រជាពលរដ្ឋក្នុងមូលដ្ឋានសម្តែងក្តីត្រេកអរ និងថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាល និងអាជ្ញាធរពាក់ព័ន្ធ។ សូមអញ្ជើញទស្សនាវីដេអូបទយកការណ៍ ទាំងស្រុង៖

បទយកការណ៍៖ ប្រជាពលរដ្ឋក្នុងឃុំមានជ័យ ស្រុកប្រាសាទបាគង សម្តែងនូវក្តីសប្បាយរីករាយ ដែលបានទទួលនូវសមិទ្ធផលផ្លូវថ្មីមួយខ្សែ និងបានសម្រួលដល់ការធ្វើដំណើរ កាត់បន្ថយនូវគ្រោះថ្នាក់ជាយថាហេតុ

បទយកការណ៍៖ មន្រ្តីជំនាញមន្ទីរអប់រំខេត្តសៀមរាប ណែនាំដល់បេក្ខជនត្រៀបប្រឡងសញ្ញាបត្រមធ្យមសិក្សាទុតិយភូមិ ស្ដាប់តាមការណែនាំរបស់គណៈគ្រូបង្រៀនឱ្យបានខ្ជាប់ខ្ជួន ចៀសវាងប៉ះពាល់ដល់ដំណើរការប្រឡងរបស់ខ្លួន

បទយកការណ៍ ៖ សមិទ្ធផលផ្លូវបេតុងថ្មីក្នុងឃុំត្រពាំងធំបាននិងកំពុង​ជំរុញជីវភាព និងប្រែមុខមាត់ភូមិជនបទ

បទយកការណ៍៖ ពលរដ្ឋឃុំត្រពាំងធំ សម្តែងក្តីរំភើប ចំពោះផ្លូវកៅស៊ូ DBST ថ្មី ជាង ៤គីឡូម៉ែត្រ

បទយកការណ៍៖ ការចូលរួមរបស់សាធារណជន ជាពិសេសយុវវ័យ ក្នុងយុទ្ធនាការ «និយាយថាទេចំពោះព័ត៌មានក្លែងក្លាយ» បានក្លាយជាកម្លាំងចលករដ៏សំខាន់ ដើម្បីទប់ស្កាត់លំហរព័ត៌មានក្លែងក្លាយ