ព័ត៌មានក្នុងខេត្ត

អាជ្ញាធរខេត្តសៀមរាប បានបង្ហាញការគាំទ្រ និងវាយតម្លៃខ្ពស់ចំពោះការរៀបចំ «មហោស្រពសៀកអន្តរជាតិ ទីនេះ ទីនោះ» លើកទី១៣ ឆ្នាំ២០២៦ ដែលជាព្រឹត្តិការណ៍សិល្បៈអន្តរជាតិដ៏សំខាន់ រៀបចំឡើងដោយល្ខោនសៀកកម្ពុជាហ្វារ និងសមាគមហ្វារពន្លឺសិល្បៈ ដើម្បីចូលរួមលើកកម្ពស់វិស័យសិល្បៈ វប្បធម៌ និងទេសចរណ៍កម្ពុជា ព្រមទាំងផ្សព្វផ្សាយសក្តានុពលរបស់ខេត្តទៅកាន់ឆាកអន្តរជាតិ។

រមណីយដ្ឋាន «ស្រះស្រង់» កំពុងទាក់ទាញភ្ញៀវទេសចរ និងគូស្វាមីភរិយាថ្មីថ្មោងមកផ្តិតយករូបភាពអនុស្សាវរីយ៍យ៉ាងកុះករ

ក្រុមប្រឹក្សាយុវជនកម្ពុជា និងក្រុមប្រឹក្សាកុមារកម្ពុជា ប្រមាណ២០០នាក់ មកពី ២៥រាជធានីខេត្ត នៃព្រះរាជាណាចក្រកម្ពុជា បានចូលរួមក្នុងកម្មវិធីប្រជុំបូកសរុបចលនាប្រឡងប្រណាំង ៣ល្អ “កូនល្អ សិស្សល្អ មិត្តល្អ” ប្រចាំឆ្នាំ២០២៦ ដែលរៀបចំឡើងនៅខេត្តសៀមរាប ដោយនាយកដ្ឋានអប់រំយុវជន និងកុមារ នៃក្រសួងអប់រំ នាថ្ងៃទី២០ ខែតុលា ឆ្នាំ២០២៦នេះ ក្រោមប្រធានបទ “តួនាទី និងភារកិច្ចរបស់ក្រុមប្រឹក្សាយុវជន និងកុមារកម្ពុជាក្នុងនាមជាមូលធនមនុស្ស”។

ដើម្បីបំពេញកាតព្វកិច្ចជាពលរដ្ឋខ្មែរ ក្នុងស្មារតីស្នេហាជាតិមាតុភូមិ យុវជន យុវនារីរស់នៅក្នុងខេត្តសៀមរាប ចំនួន ១ ៧២២នាក់ ក្នុងនោះមាន ស្រី៣០៩នាក់ បានស្ម័គ្រចិត្តដាក់ពាក្យបំពេញកាតព្វកិច្ចយោធា នៅតាមមូលដ្ឋានកងរាជអាវុធហត្ថ ក្រុង/ស្រុកទាំង១៣ នៃខេត្តសៀមរាប គិតត្រឹមថ្ងៃទី១៩ ខែតុលា ឆ្នាំ២០២៦។

ការយល់ដឹងអំពីសុខភាពបន្តពូជ គឺជាកត្តាចាំបាច់បំផុតសម្រាប់ប្រជាពលរដ្ឋគ្រប់រូប ក្នុងការការពារខ្លួន បង្ការជំងឺ និងស្វែងរកសេវាព្យាបាលបានទាន់ពេលវេលា ។ នេះជាការលើកឡើងរបស់ លោកស្រី ស ចំណាន មន្ត្រីគាំពារមាតានិងទារក នៃមន្ទីរសុខាភិបាលនៃរដ្ឋបាលខេត្តសៀមរាប ក្នុងកម្មវិធីសន្ទនាមតិរបស់វិទ្យុជាតិនិងទូរទស្សន៌ជាតិ កាលពីពេលថ្មីៗនេះ។

នៅរសៀលថ្ងៃទី១៩ ខែតុលា ឆ្នាំ២០២៦នេះ មន្ទីរព័ត៌មានខេត្តសៀមរាប បានរៀបចំកិច្ចប្រជុំបូកសរុបលទ្ធផលការងារប្រចាំខែតុលា និងលើកទិសដៅការងារសំខាន់ៗសម្រាប់អនុវត្តបន្តនាខែបន្ទាប់។ កិច្ចប្រជុំនេះដឹកនាំដោយ លោក យឿន ចាន់ អនុប្រធានមន្ទីរព័ត៌មានខេត្តសៀមរាបទទួលបន្ទុករួម ដោយមានការចូលរួមពីសំណាក់ថ្នាក់ដឹកនាំការិយាល័យទាំង៥ ព្រមទាំងមន្ត្រីរាជការទាំងអស់ចំណុះឱ្យមន្ទីរព័ត៌មានខេត្ត។

នៅថ្ងៃទី១៨ ខែតុលា ឆ្នាំ២០២៦ បងប្អូនប្រជាពលរដ្ឋដែលបានរងផលប៉ះពាល់ដោយសារជំនន់ទឹកភ្លៀង ចំនួន ២ ០០០ គ្រួសារ នៅក្នុងស្រុកក្រឡាញ់ និងស្រុកអង្គរជុំ ខេត្តសៀមរាប បានទទួលអំណោយរួមមាន៖ អង្ករ ទឹកសុទ្ធ និងពងមាន់ ជាជំនួយរបស់ក្រុមហ៊ុន Ganzberg ដើម្បីជួយសម្រួលដល់ការរស់នៅប្រចាំថ្ងៃ។

រូបបដិមាភេទស្រី (ទេវរូបភេទស្រី) មួយអង្គ ដែលមានដៃកាន់ផ្កាឈូក និងមានទម្រង់រូបរាងស្ថិតក្នុងរចនាបថអង្គរ ត្រូវបានប្រជាពលរដ្ឋក្នុងសង្កាត់គោកចក ប្រទះឃើញពេលជីកដីជិតផ្ទះ និងបានទាក់ទងអាជ្ញាធរ ជូនដំណឹងទៅកាន់មន្ត្រីជំនាញយកទៅរក្សាទុក

គណៈកម្មាធិការជាតិអូឡាំពិកកម្ពុជា (NOCC) សហការជាមួយស្ថានីយទូរទស្សន៍ Town បានរៀបចំព្រឹត្តិការណ៍ប្រកួតកីឡាប្រដាល់ដ៏ធំ "ភិមានអាកាស Kun Khmer x Fighting Clubbing" កាលពីរាត្រីថ្ងៃទី១៨ ខែតុលា ឆ្នាំ២០២៦នេះ នៅព្រះលានជល់ដំរី ខេត្តសៀមរាប ដើម្បីជ្រើសរើសកីឡាករគុនខ្មែរដែលមានសមត្ថភាព និងទេពកោសល្យឆ្នើម ដើម្បីត្រៀមខ្លួនចេញទៅប្រកួតលើសង្វៀនកម្រិតអន្តរជាតិនៅក្រៅប្រទេស ព្រមទាំងផ្សព្វផ្សាយអំពីមរតកក្បាច់គុនដូនតា អរិយធម៌ វប្បធម៌ខ្មែរ និងតំបន់ទេសចរណ៍បេតិកភណ្ឌនៃខេត្តសៀមរាបទៅកាន់ឆាកអន្តរជាតិ។

ស្ថានឯកអគ្គរាជទូតនៃព្រះរាជាណាចក្រកម្ពុជាប្រចាំប៊ុលហ្គារីបានបោះជំហានថ្មីមួយទៀតក្នុងការលើកកម្ពស់ការទូតវប្បធម៌ និងការផ្សព្វផ្សាយអត្តសញ្ញាណជាតិខ្មែរ នៅសាធារណរដ្ឋប៊ុលហ្គារី និងតំបន់បាល់កង់ តាមរយៈពិធីសម្ពោធជាផ្លូវការ «ជ្រុងកម្ពុជា-សៀវភៅ សិល្បៈ និងបេតិកភណ្ឌវប្បធម៌» (CAMBODIA CORNER-Books, Arts & Cultural Heritage) នៅបណ្ណាល័យជាតិ «សន្តស៊ីរីល និងសន្តមេថូឌី» (St. Cyril and St. Methodius National Library) ក្នុងទីក្រុងសូហ្វៀ សាធារណរដ្ឋប៊ុលហ្គារី។

ក្នុងក្របខ័ណ្ឌនៃការជំរុញការទូតសេដ្ឋកិច្ច និងការពង្រីកទីផ្សារផលិតផលកម្ពុជាទៅកាន់សហភាពអឺរ៉ុប ស្ថានឯកអគ្គរាជទូតព្រះរាជាណាចក្រកម្ពុជា ប្រចាំសាធារណរដ្ឋប៊ុលហ្គារី បានផ្ដួចផ្ដើម និងសម្របសម្រួលជំនួបការងារជាបន្តបន្ទាប់ ដើម្បីស្វែងរកឱកាសនាំចូលផលិតផលផ្ទះបាយខ្មែរ ជាពិសេសគ្រឿងទេស និងបន្លែខ្មែរ ទៅផ្គត់ផ្គង់ទីផ្សារនៅប្រទេសបារាំង ដោយចាប់ផ្តើមពីផ្សារសប្បាយ (SABAY) ក្នុងទីក្រុងលីយ៉ុង និងឈានទៅពង្រីកបណ្តាញចែកចាយទូទាំងប្រទេសបារាំង ព្រមទាំងបណ្តាប្រទេសអឺរ៉ុបនាពេលអនាគត។

នៅរសៀលថ្ងៃទី១៦ ខែតុលា ឆ្នាំ២០២៦នេះ ព្រះសច្ចានុបាល នឿម វុទ្ធី ព្រះចៅអធិការវត្តបារាយមហានិទីរតនារាម (ហៅវត្តស្វាយរមៀត) បានប្រគល់គ្រឿងឧបភោគបរិភោគជូនដល់សាខាកាកបាទក្រហមកម្ពុជាខេត្តសៀមរាប ដើម្បីចូលរួមចំណែកក្នុងសកម្មភាពមនុស្សធម៌ និងជួយសម្រាលការលំបាករបស់ប្រជាពលរដ្ឋក្រីក្រ គ្រួសារងាយរងគ្រោះ និងប្រជាពលរដ្ឋដែលកំពុងជួបការខ្វះខាតដោយសារគ្រោះធម្មជាតិផ្សេងៗ។