ព័ត៌មានក្នុងខេត្ត

ឃុំខ្នារពោធិ៍ ស្រុកសូទ្រនិគម ខេត្តសៀមរាប បានទទួលជ័យលាភីក្នុងការប្រឡងប្រណាំង “ភូមិ ឃុំសង្កាត់មានសុវត្ថិភាព” ត្រង់លក្ខណសម្បត្តិទី៦ ប្រចាំឆ្នាំ២០២៦ ដែលផ្តោតសំខាន់លើការធានាបាននូវអនាម័យល្អ សោភ័ណភាពស្រស់បំព្រង និងបរិស្ថានស្អាត តាមរយៈការកាត់បន្ថយការប្រើប្រាស់ប្លាស្ទិក និងការលើកកម្ពស់ការរស់នៅប្រកបដោយចីរភាព ដែលជ័យលាភីនេះត្រូវបានប្រកាសជាផ្លូវការ កាលពីថ្ងៃទី១២ ខែឧសភា ឆ្នាំ២០២៦ កន្លងទៅ។

នៅថ្ងៃទី៣០ ខែមិថុនា ឆ្នាំ២០២៦នេះ រដ្ឋបាលស្រុកបន្ទាយស្រី រៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុក ដើម្បីប្រមូលនូវតម្រូវការ ក្ដីកង្វល់របស់ប្រជាពលរដ្ឋឱ្យមន្ត្រីជំនាញ និងអ្នកពាក់ព័ន្ធធ្វើការបកស្រាយ ក្នុងន័យជំរុញឱ្យការអភិវឌ្ឍមូលដ្ឋាន និងការផ្ដល់សេវាជូនប្រជាពលរដ្ឋឱ្យកាន់តែល្អប្រសើរ។

គណៈកម្មការរដ្ឋបាល បានជំរុញ និងអំពាវនាវដល់បងប្អូនប្រជាពលរដ្ឋ និងអ្នកពាក់ព័ន្ធទាំងអស់ ក្នុងឃុំសង្វើយ ស្រុកជីក្រែង ខេត្តសៀមរាប ចូលរួមពិនិត្យមើលទិន្នន័យលើប្លង់សុរិយោដីដែលបានបិទផ្សាយឱ្យបានគ្រប់គ្នា ខណៈការបិទផ្សាយនេះមានរយៈពេល១៥ថ្ងៃ ចាប់ពីថ្ងៃទី៣០ ខែមិថុនា ដល់ថ្ងៃទី១៤ ខែកក្កដា ឆ្នាំ២០២៦ ក្នុងបរិវេណវត្តដំរីឆ្លង ដែលការបិទផ្សាយនេះជាឱកាសចុងក្រោយសម្រាប់បងប្អូនពិនិត្យ និងស្នើសុំកែតម្រូវ មុនចេញបណ្ណកម្មសិទ្ធជូន។

កា​រ​ដាំ​ដំ​ណាំ​ជុំវិ​ញ​​​ផ្ទះ​​​ ​ទ​ទួ​ល​បាន​​​ចំ​ណូ​​​ល​ទ្រ​ទ្រ​ង់​គ្រួ​សា​រ​យ៉ា​ង​ល្អ​ប្រ​សើ​រ​​​ ​ស​ម្រា​ប់​ក​សិ​ក​រ​​​នៅ​​​ក្នុ​​​ង​​​ឃុំ​​​​កៀ​​ន​​​ស​ង្កែ​​​ ​​​ស្រុ​​ក​​​សូ​​​ទ្រ​​​និ​​​គ​​​ម​ ​ខេ​ត្ត​សៀ​ម​រា​ប​​​។​​​ ​​​​​​កា​​​​​រ​​ដាំ​​​​​​ដំ​​​​​​​ណាំ​​ ​​​«​​​ស្ពៃហា​​​ង​​​»​​​នៅ​​លើ​​​ធ្នើរ​​​ ​​​គឺ​​ជា​ប​​​ច្ចេ​​​​​ក​​ទេ​​​ស​​​មួ​​យ​​​ដ៏​​ងា​​​យ​​​ស្រួ​​ល​​​ថែ​​​ទាំ​​​ ​​​ព្រ​​​ម​​​ទាំ​​​ង​​​ជា​​ដំ​​​ណាំ​​​មា​​ន​​​ត​​​ម្រូ​​​វ​​​កា​​​រ​​​ទី​ផ្សា​​រ​​​ខ្ព​​​ស់

អាជ្ញាធរខេត្តសៀមរាប បានលើកឡើងថា ដើម្បីសម្រេចបានចក្ខុវិស័យក្លាយជាប្រទេសមានចំណូលមធ្យមកម្រិតខ្ពស់ ឆ្នាំ២០៣០ និងក្លាយជាប្រទេសមានចំណូលខ្ពស់នៅក្នុងឆ្នាំ២០៥០ ពិតណាស់មិចខ្វះបានឡើយនូវធន់ធានមនុស្ស ដោយក្នុងនោះការពង្រឹងសមត្ថភាពភាពការអភិវឌ្ឍធនធានមនុស្ស គឺពិតជាបានចូលរួមចំណែកយ៉ាងសំខាន់ជាមួយរាជរដ្ឋាភិបាលកម្ពុជា ក្នុងការអភិវឌ្ឍប្រទេសជាតិ។

នៅព្រឹកថ្ងៃទី៣០ ខែមិថុនា ឆ្នាំ២០២៦ រដ្ឋបាលខេត្តសៀមរាប បានសហការជាមួយសាលាជាតិរដ្ឋបាលមូលដ្ឋាន នៃក្រសួងមហាផ្ទៃ បើកវគ្គអន្តរាគមន៍អភិវឌ្ឍសមត្ថភាពសម្រាប់មន្ត្រីរាជការស៊ីវិលដែលកំពុងបម្រើការងារនៅរដ្ឋបាលខេត្ត និងរដ្ឋបាលក្រុងស្រុក ដោយមានការចូលរួមពី លោក នាក់ ណេរ៉ុន អភិបាលរងខេត្តសៀមរាប និង លោក លឹម ពុទ្ធារី ប្រធាននាយកដ្ឋានបណ្តុះបណ្តាលនៃសាលាជាតិរដ្ឋបាលមូលដ្ឋាន។

នៅថ្ងៃទី២៩ ខែមិថុនា ឆ្នាំ២០២៦នេះ រដ្ឋបាលខេត្តសៀមរាប បានបើកកិច្ចប្រជុំបូកសរុបលទ្ធផលការងាររយៈពេល ៦ខែ ដើមឆ្នាំ២០២៦ ព្រមទាំងពិភាក្សាត្រៀមរៀបចំកិច្ចប្រជុំស្តីពីការតភ្ជាប់គោលដៅទេសចរណ៍ខេត្តសៀមរាប ទៅកាន់គោលដៅទេសចរណ៍នានាទូទាំងប្រទេស ដើម្បីជំរុញកំណើនភ្ញៀវទេសចរ និងលើកកម្ពស់សេដ្ឋកិច្ចមូលដ្ឋាន ដែលកិច្ចប្រជុំនេះ ដឹកនាំដោយ លោក ង៉ូវ សេងកាក់ អភិបាលរងខេត្ត ដោយមានការចូលរួមពីតំណាងអាជ្ញាធរជាតិអប្សរា គ្រឹះស្ថានអង្គរ មន្ទីរអង្គភាពជំនាញ រួមនិងតំណាងវិស័យឯកជន។

រដ្ឋបាលខេត្តសៀមរាប ជូនដំណឹងស្តីពីការទទួលពាក្យស្នើសុំ និងផ្តល់សេវារដ្ឋបាលតាមប្រព័ន្ធអនឡាញ នៅអង្គភាពច្រកចេញចូលតែមួយនៃរដ្ឋបាលខេត្ត

នាថ្ងៃទី៣០ ខែមិថុនា ឆ្នាំ២០២៦ នៅវត្តបូទុំមោង (ហៅវត្តមោង) ឃុំមោង ស្រុកស្រីស្នំ ខេត្តសៀមរាប ឯកឧត្តម សួស សុខចាន់ សមាជិកក្រុមប្រឹក្សាខេត្ត និងជាសមាជិកគណៈកម្មាធិការរៀបចំដែនដី និងនគរូបនីយកម្ម តំណាងដ៏ខ្ពង់ខ្ពស់ឯកឧត្តម លី សំរិទ្ធ ប្រធានក្រុមប្រឹក្សាខេត្តសៀមរាប បានចូលរួមពិធីប្រកាសបិទផ្សាយជាសាធារណៈនូវឯកសារនៃការវិនិច្ឆ័យក្បាលដីចំនួន ១០ ៨១៧ ក្នុងភូមិមោងខាងត្បូង ភូមិមោងខាងជើង ភូមិខ្វែក ភូមិកំបោរ និងភូមិល្វា នៃឃុំមោង ស្រុកស្រីស្នំ ខេត្តសៀមរាប។ ដោយមានការអញ្ជើញចូលរួមពីលោក អភិបាលរង នៃគណៈអភិបាលស្រុកស្រីស្នំ មន្ទីរ អង្គភាពជំនាញ មេឃុំ សមាជិកក្រុមប្រឹក្សាឃុំ មេភូមិគ្រប់ភូមិ និងប្រជាពលរដ្ឋជាម្ចាស់ក្បាលដី។ កម្មវិធីនេះ តម្រូវឱ្យអ្នកពាក់ព័ន្ធនឹងដីធ្លីក្នុងភូមិសាស្ត្រខាងលើត្រូវពិនិត្យលើទិន្នន័យ និងបញ្ជាក់ភាពត្រឹមត្រូវ ឬខុសឆ្គង ឬជំទាស់លើទិន្នន័យខាងលើ គិតចាប់ពីថ្ងៃទី៣០ ខែមិថុនា ដល់ថ្ងៃទី១៤ ខែកក្កដា ឆ្នាំ២០២៦ ដោយរាប់បញ្ចូលទាំងថ្ងៃឈប់សម្រាក។

ប្រជាពលរដ្ឋនៅឃុំមានជ័យ ស្រុកប្រាសាទបាគង សាទរចំពោះសមិទ្ធផ្លូវថ្មី ដែលជួយជំរុញសេដ្ឋកិច្ចមូលដ្ឋានឱ្យកាន់តែរីកចម្រើន

វិញ្ញាបនបត្រសម្គាល់ម្ចាស់អចលនវត្ថុ (បណ្ណកម្មសិទ្ធិ) ចំនួន ៥ ៥៥៩បណ្ណ ត្រូវបានរដ្ឋបាលខេត្តសៀមរាប សហការជាមួយមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត និងរដ្ឋបាលស្រុកស្រីស្នំ ប្រគល់ជូនបងប្អូនប្រជាពលរដ្ឋជាម្ចាស់ដី និងអ្នកកាន់កាប់ដីក្នុងភូមិចំនួន៣ គឺភូមិត្រុំខាងជើង ភូមិស្ដៅពក និងភូមិអំពៅដៀប ឃុំជ្រោយនាងងួន ស្រុកស្រីស្នំ ខេត្តសៀមរាប យកទៅប្រើប្រាស់តាមតម្រូវការចាំបាច់ក្នុងគ្រួសារ នៅព្រឹកថ្ងៃទី២៩ ខែមិថុនា ឆ្នាំ២០២៦នេះ ក្នុងនៅបរិវេណសាលាឆទានភូមិអំពៅដៀប។

ថ្ងៃនេះជាថ្ងៃសីល ប្រជាពុទ្ធបរិស័ទ និងភ្ញៀវទេសចរយ៉ាងច្រើនកុះករ បាននាំគ្នាទៅថ្វាយផ្កាឈូក និងផ្លែឈើ ដើម្បីបន់ស្រន់សុំសេចក្តីសុខ សេចក្តីចម្រើន និងភាពត្រជាក់ត្រជុំដល់ក្រុមគ្រួសារ នៅព្រះអង្គចេក ព្រះអង្គចម និងលោកយាយទេព ដែលជាទីសក្ការបូជាដ៏ស័ក្តិសិទ្ធិបំផុតក្នុងក្រុងសៀមរាប។