ព័ត៌មានក្នុងខេត្ត

សាលាវិទ្យាល័យដំដែក បានប្រារព្ធពិធីបើកបវេសនកាលឆ្នាំសិក្សា២០២៦-២០២៧ នាព្រឹកថ្ងៃទី១ ខែវិច្ឆិកា ឆ្នាំ២០២៦នេះ ដោយមានការ អញ្ជើញចូលរួមពី លោក គឹម វណ្ណៈ អភិបាលនៃគណៈអភិបាលស្រុកសូទ្រនិគម តំណាងមន្ទីរ អប់រំយុវជននិងកីឡាខេត្ត និងលោកគ្រូ អ្នកគ្រូ អាណាព្យាបាលសិស្ស និងសិក្សានុសិស្សយ៉ាងច្រើនកុះករ។

ក្នុងឆ្នាំ២០២៦នេះ ឃុំកន្ទ្រាំងបានសម្រេចសមិទ្ធផលថ្មីមួយទៀត ដើម្បីទុកជាចំណងដៃដ៏ប្រពៃជូនដល់ប្រជាពលរដ្ឋសម្រាប់ប្រើប្រាស់បានយូរអង្វែង។ ផ្លូវបេតុងថ្មីនេះមានប្រវែង ៧៦៨ម៉ែត្រ ទទឹង ៥ម៉ែត្រ និងមានកម្រាស់ ០,១៥ម៉ែត្រ (១តឹកកន្លះ) ដែលបានចំណាយថវិកាប្រមាណ ៣៣៩.១២៤.០០០រៀល ក្រោមគម្រោងមូលនិធិឃុំ-សង្កាត់ ឆ្នាំ២០២៦។ ផ្លូវ ខ្សែនេះត្រូវបានដាក់ឱ្យប្រជាពលរដ្ឋប្រើប្រាស់តាំងពីខែកញ្ញា ឆ្នាំ២០២៦ កន្លងទៅថ្មីៗនេះ។ សូមអញ្ជើញទស្សនាវីដេអូបទយកការណ៍ទាំងស្រុង៖

ឯកឧត្តម ស៊ាន សន់ និងមហាឧបាសិកា សឿ សៀម ព្រមទាំងក្រុមគ្រួសារ និងពុទ្ធបរិស័ទជិតឆ្ងាយ បានរួមគ្នារៀបចំពិធីដង្ហែអង្គកឋិនទាន និងព្រះត្រ័យបិដកទៅកាន់វត្តខ្នារក្រៅ ស្ថិតនៅឃុំកន្ទួត ស្រុកស្វាយលើ ខេត្តសៀមរាប ក្នុងគោលបំណងប្រគេនចីវរបរិក្ខារ និងទេយ្យទានជូនព្រះសង្ឃដែលគង់ចាំព្រះវស្សាអស់ត្រីមាស ព្រមទាំងចូលរួមលើកស្ទួយ និងថែរក្សាប្រពៃណីព្រះពុទ្ធសាសនាខ្មែរ។

“ប្រាសាទភ្នំបូក”ជាទីកន្លែងដែលមានសក្ដានុពលទាក់ទាញភ្ញៀវទេសចរ ភ្នំបូកគឺជាភ្នំធម្មជាតិមានទេសភាពស្រស់បំព្រង ភ្ញៀវទេសចក៍អាចមើលឃើញថ្ងៃរះនិងថ្ងៃលិចយ៉ាងស្រស់ស្អាតថែមទៀតផង។ ប្រាសាទភ្នំបូកស្តិតនៅក្នុងសង្កាត់រុនតាឯក ក្រុងរុនតាឯកតេជោសែន ខេត្តសៀមរាប កសាងឡើងនៅចុងសតវត្សរ៍ ទី៩ និងដើមសតវត្សរ៍ ទី១០នៃរជ្ជកាលព្រះបាទយសោវរ្ម័នទី១។ ប្រាសាទនេះសាងពីថ្មភក់ ថ្មបាយក្រៀមនិងឥដ្ឋ ដែលមានប្រាង្គបី នៅលើខឿនតែមួយបែរទៅទិសខាងកើត ឧទ្ទិសដល់ព្រហ្មញ្ញសាសនា។

ពិធីបុណ្យ Halloween ត្រូវបានប្រារព្ធឡើងជារៀងរាល់ឆ្នាំនៅថ្ងៃទី ៣១ ខែតុលា ដោយមានការពេញនិយមយ៉ាងខ្លាំងតាមរយៈការរៀបចំកម្មវិធីកម្សាន្ត ការតុបតែងខ្លួនជាតួអង្គប្លែកៗ ឬខ្មោចព្រាយបិសាច និងការជួបជុំគ្នាយ៉ាងសប្បាយរីករាយ។ នៅប្រទេសកម្ពុជា ព្រឹត្តិការណ៍នេះត្រូវបានរៀបចំឡើងយ៉ាងកកកុញនៅតាមបណ្តាខេត្តក្រុងនានា ទាំងសម្រាប់មនុស្សពេញវ័យ និងការកម្សាន្តបែបលក្ខណៈគ្រួសារ។

នៅថ្ងៃសៅរ៍ ៥រោច ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែតុលា ឆ្នាំ២០២៦ លោក សំកុល សុចិត្រា អភិបាលរងខេត្ត និងជាអនុប្រធានគណៈកម្មាធិការកាតព្វកិច្ចយោធាខេត្តសៀមរាប តំណាង ឯកឧត្តម ប្រាក់ សោភ័ណ អភិបាលនៃណៈអភិបាលខេត្តសៀមរាប និង ឯកឧត្តម ឧត្តមសេនីយ៍ទោ ស៊ិន ភាត់ មេបញ្ជាការតំបន់ប្រតិបត្តិការសឹករងសៀមរាប បានដឹកនាំកិច្ចប្រជុំពិភាក្សាការងារ ក្នុងការត្រៀមរៀបចំកម្មវិធីសំណេះសំណាល និងជូនដំណើរបងប្អូនប្រជាពល រដ្ឋ ដែលជាប់កាតព្វកិច្ចយោធានៅខេត្តសៀមរាប ចូលសាលាហ្វឹកហ្វឺន នាពេលខាងមុខ កិច្ចប្រជុំនេះរៀបចំឡើងនៅទីបញ្ជាការតំបន់ប្រតិបត្តិការសឹករងសៀមរាប ។

ទិដ្ឋភាពនៃតំបន់ ផាប់ស្ទីត (Pub Street) ក្រុងសៀមរាប នា យប់ថ្ងៃទី៣១ ខែតុលា ឆ្នាំ២០២៦ នេះ ពោរពេញទៅដោយបរិយាកាសអ៊ូអរ ដោយសារត្រូវចំ រាត្រីបុណ្យ Halloween ផ្សារភ្ជាប់ជាមួយនឹងរដូវកាលទេសចរណ៍ (High Season)។ រូបភាពដោយ៖ លោក សៅ សំណាង

មន្ទីរពេទ្យបង្អែកក្រឡាញ់ ស្ថិតក្នុងស្រុកក្រឡាញ់ ខេត្តសៀមរាប បាននិងកំពុងបំពេញបេសកកម្មយ៉ាងសកម្មក្នុងការផ្តល់សេវាសុខាភិបាល ដោយគ្របដណ្តប់លើមូលដ្ឋានស្រុកចំនួនពីរ គឺស្រុកក្រឡាញ់ និងស្រុកស្រីស្នំ ដែលមានប្រជាពលរដ្ឋសរុបប្រមាណ ១២០ ៨៨៨នាក់ មកទទួលសេវានៅមន្ទីរពេទ្យនេះ។ ដើម្បីឆ្លើយតបទៅនឹងតម្រូវការសុខភាពរបស់ប្រជាពលរដ្ឋ មន្ទីរពេទ្យបានរៀបចំ និងពង្រីកសេវាកម្មរបស់ខ្លួនយ៉ាងសម្បូរបែប រួមមាន៖សេវាពិនិត្យ និងព្យាបាលទូទៅ៖ ផ្នែកជំងឺក្រៅ ជំងឺកុមារ ជំងឺទូទៅសម្រាប់មនុស្សពេញវ័យ ព្រមទាំងសេវាវះកាត់ និងផ្នែកសម្ភពរោគស្ត្រី។ សេវាឯកទេស និងជំងឺរ៉ាំរ៉ៃ៖ ពិគ្រោះនិងព្យាបាលជំងឺទឹកនោមផ្អែម ជំងឺលើសឈាម ជំងឺផ្លូវចិត្ត ជំងឺភ្នែក និងកម្មវិធីព្យាបាលជំងឺរបេង។ សូមអញ្ជើញទស្សនាវីដេអូបទយកការណ៍ទាំងស្រុងដូចតទៅ៖

រដ្ឋបាលខេត្តសៀមរាប មានកិត្តិយសសូមជម្រាបជូនដល់ឯកឧត្តម លោកជំទាវ អ្នកឧកញ៉ា លោកឧកញ៉ា ឧកញ៉ា លោក លោកស្រី ម្ចាស់ក្រុមហ៊ុន ឬអ្នកប្រកបមុខរបរសេវាដឹកជញ្ជូន ឬក្រុមហ៊ុន ទេសចរណ៍ ម្ចាស់សណ្ឋាគារ ភោជនីយដ្ឋាន គ្រឹះស្ថាន សហគ្រាស អាជីវកម្មដ្ឋានគ្រប់ប្រភេទ ប្រជាពលរដ្ឋ និងភ្ញៀវជាតិ-អន្តរជាតិ ឱ្យបានជ្រាបថា ៖ បច្ចុប្បន្ននេះ រដ្ឋបាលខេត្តសង្កេតឃើញថានៅតាមបណ្តាផ្លូវ និងទីប្រជុំជននានាមួយចំនួនមានក្រុមហ៊ុនសេវាដឹកជញ្ជូន ឬក្រុមហ៊ុនទេសចរណ៍ និងបងប្អូនដែល កំពុងប្រកបមុខរបរសេវាដឹកជញ្ជូន ម្ចាស់សណ្ឋាគារ ភោជនីយដ្ឋាន គ្រឹះស្ថាន សហគ្រាស អាជីវកម្មដ្ឋាន គ្រប់ប្រភេទ ប្រជាពលរដ្ឋ និងភ្ញៀវជាតិ-អន្តរជាតិ បានប្រើប្រាស់ទីតាំងដីចំណីផ្លូវសម្រាប់ការចតចំណត យានយន្ត ក្នុងគោលបំណងដើម្បីបម្រើផលប្រយោជន៍អាជីវកម្មរបស់ខ្លួន។ លម្អិត៖

នៅថ្ងៃទី៣១ ខែតុលា ឆ្នាំ២០២៦ ក្រុមការងាររាជរដ្ឋាភិបាលចុះមូលដ្ឋានស្រុកអង្គរធំ ខេត្តសៀមរាប បានអញ្ជើញជួបសំណេះសំណាល និងពិសារបាយសាមគ្គីជាមួយយុវជន យុវនារី ដែលស្ម័គ្រចិត្ដចំនួន ៣០នាក់ នៅក្នុងស្រុកអង្គរធំ ដែលបានចូលបំពេញកាតព្វកិច្ចយោធាក្នុងឆ្នាំ២០២៦ ដើម្បីបង្កើនភាពស្និទ្ធស្នាល និងលើកទឹកចិត្តដល់យុវជនដែលបានចូលរួមបំពេញកាតព្វកិច្ចយោធា ក្នុងការពង្រឹងខឿនការពារជាតិ។

ឯកសារវិនិច្ឆ័យដីធ្លីចំនួន ៦៦៣ ក្បាលដី ក្នុងភូមិពោធិ និងភូមិទ្រាយ ឃុំពោធិ៍ទ្រាយ ស្រុកពួក ខេត្តសៀមរាប ត្រូវបានបិទផ្សាយជាសាធារណៈ ដើម្បីឱ្យប្រជាពលរដ្ឋ រួមនឹងអ្នកពាក់ព័ន្ធចូលរួមពិនិត្យ ផ្ទៀងផ្ទាត់ និងស្នើសុំកែតម្រូវ ក្នុងពិនិត្យឃើញមានកំហុសឆ្គង ដែលការបិទផ្សាយនេះជាឱកាសចុងក្រោយដែលអាចកែតម្រូវ មានរយៈពេល ១៥ថ្ងៃ ចាប់ពីថ្ងៃទី៣០ ខែតុលា ដល់ទី១៣ ខែវិច្ឆិកា ឆ្នាំ២០២៦ នៅក្នុងបរិវេណអនុវិទ្យាល័យពោធិ៍ទ្រាយ។

មន្ទីរកសិកម្ម រុក្ខាប្រមាញ់ និងនេសាទខេត្តសៀមរាប សហការជាមួយវិស័យឯកជន នៅថ្ងៃទី៣០ ខែតុលា ឆ្នាំ២០២៦ បានរៀបចំសិក្ខាសាលាបច្ចេកទេសស្តីពី «NPK កាម៉ៅ-បច្ចេកវិទ្យាប៉ូលីផូស្វាត សម្រាប់ការដាំដុះស្រូវនៅក្នុងខេត្តសៀមរាប» ក្នុងគោលបំណងចែករំលែកចំណេះដឹង បទពិសោធន៍ និងបច្ចេកទេសថ្មីៗ ព្រមទាំងណែនាំអំពីការប្រើប្រាស់ជី និងបច្ចេកវិទ្យាទំនើបក្នុងវិស័យកសិកម្ម ដើម្បីជួយឱ្យកសិករអាចអនុវត្តការដាំដុះប្រកបដោយប្រសិទ្ធភាព បង្កើនទិន្នផល និងលើកកម្ពស់គុណភាពផលិតផលកសិកម្ម។