ព័ត៌មានក្នុងខេត្ត

មន្ត្រីជំនាញសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) ខេត្តសៀមរាប បានបង្ហាញថា ស្ថានភាពសុវត្ថិភាពចំណីអាហារតាមទីផ្សារនានាក្នុងក្រុងសៀមរាប មានភាពល្អប្រសើរគួរឱ្យកត់សម្គាល់ បន្ទាប់ពីការចុះត្រួតពិនិត្យ និងយកសំណាកទៅធ្វើពិសោធន៍ក្នុងរយៈពេល ៦ខែដំបូង ឆ្នាំ២០២៦នេះ មន្ត្រីជំនាញរកឃើញទំនិញមានលាយសារធាតុគីមីត្រឹមតែ ១សំណាកគត់ ក្នុងចំណោមសំណាកសរុបចំនួន ១៤៨។

ប្រាសាទអង្គរវត្តនារដូវកាលបៃតង មានភាពស្រស់បំព្រងខុសពីធម្មតា ដោយសារវាលស្មៅពណ៌បៃតងខ្ចី ដើមឈើខៀវស្រងាត់ និងផ្ទៃទឹកស្រះជុំវិញប្រាសាទ ជាផ្នែកមួយជួយលើកសម្រស់ថ្មភក់បុរាណឱ្យកាន់តែមានជីវិតរស់រវើក និងទាក់ទាញភ្ញៀវទេសចរមកទស្សនា និងថតរូបភាពអនុស្សាវរីយ៍យ៉ាងច្រើនកុះករ

ក្រោមការដឹករបស់ឯកឧត្តម ប្រាក់ សោភ័ណ អភិបាលខេត្តសៀមរាប នៅក្នុងឆ្នាំ២០២៦នេះ សមិទ្ធផលជាច្រើនត្រូវបានលេចរូបរាងឡើងជាបន្តបន្ទាប់ ជាពិសេសហេដ្ឋារចនាសម្ព័ន្ធរូបវ័ន្តនានានៅក្នុងខេត្ត ដែលធ្វើឱ្យប្រជាពលរដ្ឋសម្តែងការអបអរសាទរ និងកោតសរសើរយ៉ាងខ្លាំង។ ការណ៍នេះបានបង្ហាញឱ្យឃើញច្បាស់ពីការយកចិត្តទុកដាក់ខ្ពស់របស់អាជ្ញាធរគ្រប់ជាន់ថ្នាក់លើជីវភាពរស់នៅ និងសុខុមាលភាពរបស់ប្រជាពលរដ្ឋ។ សង្កាត់បល្ល័ង្ក ជាសង្កាត់មួយស្ថិតនៅក្នុងក្រុងរុនតាឯកតេជោសែន ក្រុងនេះទើបបង្កើតឡើងនៅថ្ងៃទី១១ ខែមករា ឆ្នាំ២០២៤។ នៅក្នុងឆ្នាំ២០២៦នេះ សង្កាត់បល្ល័ង្កសម្រេចបានសមិទ្ធផលជាបន្តជាបន្ទាប់ ជាពិសេសផ្លូវបេតុង១ខ្សែ ដែលមានប្រវែងជាង៧០០ម៉ែត្រ ទទឹង៥ម៉ែត្រ និងមានកម្រាស់១.៥តឹក ។

ទេសភាពដ៏ស្រស់ត្រកាល នារដូវបៃតង នៃប្រាសាទបាភួន អមដោយស្លឹកឈើពណ៌ខៀវខ្ចី រុក្ខជាតិដុះប្របមាត់ទឹក

​ប្រាសាទតាសោម បាន​កសាងឡើង​នៅ​ចុង​ស​.​វ​ទី​១២ ដើម​ស​.​វ​ទី​១៣​នៃ​គ​.​ស ក្នុង​រជ្ជកាល​ព្រះបាទ​ជ័យ​វរ្ម័នទី​៧​។ ប្រាសាទ​នេះ​មាន​ទីតាំង​ស្ថិតនៅ​វង់​ធំ ខាងកើត​ប្រាសាទនាគព័ន្ធ មាន​កំពែង​៣​ជាន់ ហើយ​កំពែង​នីមួយៗ​មាន​ខ្លោងទ្វារ​ចេញចូល​និង​សំណង់​ប្រាង្គ​កណ្តាល​រំលេច​ដោយ​ក្បាច់រចនា​ដ៏​ច្រើន​។​ ​បើទោះបី​ប្រាសាទ​នេះ​តូច នៅ​ឆ្ងាយ​បន្តិច​ពី​ប្រាសាទ​ផ្សេងៗ​ក៏ដោយ ក៏​កម្រ​ទេសចរ​រំលង​ណាស់ ព្រោះ​ប្រាសាទ​នេះ​មាន​ក្បាច់រចនា​ល្អ​រស់​រវើក មាន​ប្រវត្តិ​ដ៏​គួរឱ្យ​ចាប់អារម្មណ៍ រួមទាំង​សោភ័ណភាព​ទេសភាព​គួរឱ្យ​ចង់​ទស្សនា និង​ទៅលេង​កម្សាន្ត​៕

ផ្លូវ គឺជាសរសៃឈាមនៃសេដ្ឋកិច្ចជាតិ ដែលដើរតួនាទីយ៉ាងសំខាន់ក្នុងការតភ្ជាប់ទំនាក់ទំនង ការធ្វើចរាចរណ៍ ការដឹកជញ្ជូនទំនិញ និងសេវាកម្មផ្សេងៗ។ ការទទួលបានផ្លូវស្អាតល្អ ជួយកាត់បន្ថយទាំងពេលវេលាក្នុងការធ្វើដំណើរ ព្រមទាំងលើកកម្ពស់ជីវភាពរស់នៅរបស់ប្រជាពលរដ្ឋដែរ។ សូមទស្សនាវីដេអូបទយកការណ៍ទាំងស្រុង៖

ការដើរលេងកម្សាន្តនៅតំបន់អង្គរ គឺកាន់តែមានន័យនៅពេលដែលលោកអ្នកបានភ្លក់រសជាតិផ្លែឈើព្រៃធម្មជាតិក្នុងស្រុក ដែលអាជីវករយកមកដាក់លក់អមសងខាងផ្លូវទៅប្រាសាទអង្គរវត្ត។ ផ្លែឈើទាំងនោះមានដូចជា ផ្លែត្រៀល ផ្លែតាអោន ផ្លែសិរមាន់ ផ្លែគុយ និងផ្លែដង្កោ ដែលមានរសជាតិជូរអែមឆ្ងាញ់ប្លែក

ការអភិវឌ្ឍវិស័យមូលបត្រមិនអាចពឹងផ្អែកទៅលើការកសាងហេដ្ឋារចនាសម្ព័ន្ធទីផ្សារ ឬក្របខណ្ឌបទបញ្ញាតែប៉ុណ្ណោះទេ ប៉ុន្តែត្រូវចាប់ផ្ដើមពីការកសាងចំណេះដឹង ការបណ្ដុះវប្បធម៌វិនិយោគ និងការអភិវឌ្ឍធនធានមនុស្ស។ នេះបើតាមការលើកឡើងរបស់ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា ក្នុងឱកាសអញ្ជើញបិទសិក្ខាសាលាផ្សព្វផ្សាយស្ដីពីវិស័យមូលបត្រនៅកម្ពុជា សម្រាប់សាស្ត្រាចារ្យ និងវិនិយោគិនសក្ដានុពលកម្រិត២ នៅរសៀលថ្ងៃទី១៤ ខែសីហា ឆ្នាំ២០២៦នេះ។

ធ្វើដំណើរទៅទស្សនាប្រាសាទអង្គរ កុំភ្លេចឈប់សម្រាកតាមផ្លូវ !ជួយទិញ និងភ្លក្សផ្លែឈើស្រុកស្រែស្រស់ៗពីអ្នកស្រុកអង្គរ ដើម្បីរួមចំណែកគាំទ្រសេដ្ឋកិច្ចសហគមន៍យើង

ថ្នាក់ដឹកនាំ អ្នកដឹកនាំ គ្រូគង្វាល គ្រូជំនួយ គ្រូកុមារ នៃគ្រិស្ដសាសនាក្នុងក្រុងសៀមរាប ស្រុកស្វាយលើ ស្រុកពួក និងស្រុកសូទ្រនិគម ៥៥រូប បានទទួលការបណ្ដុះបណ្ដាលស្តីពីការបង្ការទប់ស្កាត់ការជួញដូរផ្លូវភេទ និងការរំលោភបំពានផ្លូវភេទលើស្រ្តី និងកុមារ ដែលរៀបចំឡើងដោយ គណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តសៀមរាប ដែលហៅកាត់ គ.ខ.ប.ជ សហការជាមួយអង្គការមេត្រីអន្តរជាតិ ចាប់ពីថ្ងៃទី១២ ដល់ទី១៣ ខែសីហា ឆ្នាំ២០២៦នេះ។

ឯកសារនៃការវិនិច្ឆ័យដីធ្លីមានលក្ខណ:ជាប្រព័ន្ធជាង ៨ ០០០ក្បាលដី នៅក្នុងឃុំជីក្រែង ស្រុកជីក្រែង ខេត្តសៀមរាប ត្រូវបានបិទផ្សាយជាសាធារណៈ ដើម្បីឱ្យប្រជាពលរដ្ឋ និងអ្នកពាក់ព័ន្ធពិនិត្យ និងស្នើសុំកែតម្រូវក្នុងករណីមានកំហុសឆ្គង ដើម្បីធានាបាននូវភាពសុក្រឹត ត្រឹមត្រូវ មុនចេញបណ្ណកម្មសិទ្ធជូនជាផ្លូវការ។

នៅថ្ងៃទី១៤ ខែសីហា ឆ្នាំ២០២៦នេះ រដ្ឋបាលខេត្តសៀមរាប និងមន្ទីររៀបចំដែនដីខេត្ត បានបិទផ្សាយជាសាធារណៈនូវឯកសារវិនិច្ឆ័យដីធ្លីចំនួន ៧ ៥៨៦ក្បាលដី ជូនដល់ប្រជាពលរដ្ឋ ក្នុងភូមិចំនួន៩ នៃឃុំត្រពាំងធំ ស្រុកប្រាសាទបាគង ពិនិត្យ ផ្ទៀងផ្ទាត់ និងស្នើសុំកែតម្រូវ ឬជំទាស់ ករណីមានកំហុសឆ្គង ដែលការបិទផ្សាយមានរយៈពេល១៥ថ្ងៃ ចាប់ពីថ្ងៃទី១៤ ដល់ទី២៨ ខែសីហា នៅបរិវេណវត្តសុវណ្ណបុប្ផារាម ហៅវត្តខ្សាច់។