សេចក្ដីជូនដំណឹងរបស់មន្ទីរសាធារណការនិងដឹកជញ្ជូនខេត្តសៀមរាប
Live: Daily news of Siem Reap National TV - National news and international news ថ្ងៃព្រហស្បតិ៍ ៤កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែតុលា ឆ្នាំ២០២៦
នាព្រឹកថ្ងៃទី១៥ ខែតុលា ឆ្នាំ២០២៦ ឯកឧត្តម ប្រាក់ សោភ័ណ អភិបាលខេត្តសៀមរាប និង ឯកឧត្តម តោ គឹមស៊ាន សមាជិកក្រុមប្រឹក្សាខេត្ត បានអញ្ជើញដឹកនាំឯកឧត្តម លោកជំទាវជាសមាជិកក្រុមប្រឹក្សាខេត្ត លោកលោកស្រីអភិបាលរងខេត្ត មន្ទីរអង្គភាពជុំវិញខេត្ត មន្ត្រីរាជការ កងកម្លាំងប្រដាប់អាវុធ ថ្វាយកម្រងផ្កាគោរពព្រះវិញ្ញាណក្ខន្ធ ព្រះករុណាព្រះបាទ សម្តេចព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ នាសួនព្រះរាជដំណាក់ ក្រុងសៀមរាប ក្នុងឱកាសគម្រប់ខួប ១៤ឆ្នាំ នៃការយាងសោយព្រះទិវង្គត របស់ព្រះអង្គ។
ទូកងឈ្មោះ «ស្ដេចដំរីសភ្លុកខៀវមានជ័យ បារមីវត្តអារញ្ញសាគរ» របស់វត្តអារញ្ញសាគរ សង្កាត់សៀមរាប ក្រុងសៀមរាប បានបង្កើតស្នាដៃដ៏គួរឱ្យមោទនភាព ដោយទទួលបានចំណាត់ថ្នាក់លេខ១ ជាប់ៗគ្នាក្នុងការប្រកួតប្រណាំងទូកមិត្តភាពចំនួនពីរផ្សេងគ្នា គឺនៅស្រុកមង្គលបុរី ខេត្តបន្ទាយមានជ័យ និងស្រុកក្រឡាញ់ ខេត្តសៀមរាប។
នៅថ្ងៃទី១៤ ខែតុលា ឆ្នាំ២០២៦ ក្រុមការងារគ្រប់គ្រងគ្រោះមហន្តរាយខេត្ដសៀមរាប និងអាជ្ញាធរស្រុក បានចុះពិនិត្យទីតាំងរងការប៉ះពាល់ដោយជំនន់ទឹកភ្លៀង នៅក្នុងភូមិសាស្ត្រស្រុកក្រឡាញ់ ដើម្បីធ្វើការពិនិត្យ និងវាយតម្លៃលើផលប៉ះពាល់ដោយជំនន់ទឹកភ្លៀងនាពេលកន្លងមក និងវាយតម្លៃលើស្ថានភាពទឹក ដើម្បីតម្កល់ទឹកទុកប្រើប្រាស់ឱ្យបានល្អប្រសើរ។
