ព័ត៌មានក្នុងខេត្ត

ក្នុងឱកាសដឹកនាំកិច្ចប្រជុំបូកសរុបលទ្ធផលការងារប្រចាំខែសីហា និងលើកទិសដៅការងារអនុវត្តបន្តរបស់មន្ទីរ នារសៀលថ្ងៃទី១៩ ខែសីហា ឆ្នាំ២០២៦នេះ លោក យឿន ចាន់ អនុប្រធានមន្ទីរព័ត៌មានខេត្តទទួលបន្ទុកការងាររួម បានជំរុញ និងលើកទឹកចិត្តដល់មន្រ្ដីទាំងអស់ ត្រូវបន្តអនុវត្តការងារបែបរដ្ឋបាលទំនើបកម្ម តាមរយៈការអនុវត្តកិច្ចការងារប្រកបដោយបច្ចេកវិទ្យាឌីជីថល និងបច្ចេកទេស ជាពិសេសបន្តអនុវត្តការងារស្នូលឱ្យបានល្អប្រសើរ ប្រកបដោយប្រសិទ្ធភាព និងប្រសិទ្ធផលខ្ពស់ រួមនឹងការងារសាធារណៈមតិ។

អាជ្ញាធរខេត្តសៀមរាប បានជំរុញដល់រដ្ឋបាលក្រុងស្រុក ណែនាំបន្តដល់ប្រជាពលរដ្ឋ និងសហគមន៍កសិករ ផ្អាកការបង្ហូរទឹកចោល និងបង្កើនការទប់ទឹកទុកក្នុងអាង ឬប្រភពទឹកនានាឱ្យបានអតិបរិមា ជាពិសេសនៅពេលចុងរដូវវស្សានេះ ដើម្បីត្រៀមទុកប្រើប្រាស់សម្រាប់រដូវប្រាំង និងការពារការខ្វះខាតទឹក។

យុវជនក្នុងស្រុកចំនួន២ មានស្រុកស្រីស្នំ និងស្រុកអង្គរជុំ នៃខេត្តសៀមរាប បានទទួលការបណ្តុះបណ្តាលពីមូលដ្ឋានគ្រឹះ នៃការសរសេរព័ត៌មានពីមន្ត្រីនៃមន្ទីរព័ត៌មានខេត្តសៀមរាប ដែលការបណ្តុះបណ្តាលបណ្ដាលនេះ ធ្វើឡើងនៅថ្ងៃទី១៩ ខែសីហា ឆ្នាំ២០២៦នេះ ក្នុងគោលបំណងប្រែក្លាយយុវជនទៅជាក្នុងសហគមន៍ឱ្យក្លាយជាយុវជនឌីជីថល ជាភ្នាក់ងាររាយការណ៍ព័ត៌មានបម្រើដល់សហគមន៍ដែលខ្លួនរស់នៅ។

ក្រូចពោធិ៍សាត់នៅក្រុងរុនតាឯកតេជោសែន ចាប់ផ្ដើមប្រមូលផលហើយ។ ដោយឆ្នាំនេះទទួលបានទិន្នផលល្អ ការដាំដុះគឺធានាសុវត្ថិភាពដល់អតិថិជន។ ទោះបីជាដំណាំនេះទាមទារបច្ចេកទេសខ្ពស់ តែវាក៏មានទីផ្សារខ្ពស់ផងដែរ។

*វាគ្មិន៖ លោកស្រី ផាប់ គឹមលា អភិបាលរងស្រុកស្រីស្នំ ថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦

សមិទ្ធផលផ្លូវបេតុងថ្មីនៅឃុំដំដែក ក្រោមការយកចិត្តទុកដាក់របស់ ឯកឧត្តម ប្រាក់ សោភ័ណ អភិបាលខេត្តសៀមរាប បានរួមចំណែកយ៉ាងសំខាន់ ក្នុងការអភិវឌ្ឍហេដ្ឋារចនាសម្ព័ន្ធ និងលើកកម្ពស់ជីវភាពប្រជាពលរដ្ឋឱ្យកាន់តែរីកចម្រើន

លោក គង់ សឿន អនុប្រធានមន្ទីរទេសចរណ៍ខេត្តសៀមរាប មានប្រសាសន៍ថា ស្របបឹងស្ថានភាពភ្ញៀវទេសចរនាពេលបច្ចុប្បន្ននៅក្នុងខេត្តសៀមរាប មន្ទីរទេសចរណ៍ខេត្ត បានសម្លឹងមើលឱកាសនៃការទាញយកសក្តានុពលពី រដូវបៃតង ដោយផ្តោតលើការកែច្នៃ និងបង្កើនបន្ថែមលើតំបន់ទេសចរណ៍ធម្មជាតិ និងវប្បធម៌នៅក្នុងខេត្ដសៀមរាប ។ លោកមានប្រសាសន៍ដូច្នេះ ក្នុងឱកាសចូលរួមជាវាគ្មិន ក្នុងកម្មវិធីសន្ទនាមតិ កាលពីថ្ងៃទី១៨ ខែសីហា ឆ្នាំ២០២៦នេះ ។

សង្កាត់ក្របីរៀល ក្រុងសៀមរាប ទទួលបានផ្លូវបេតុងថ្មី ១ខ្សែ ប្រវែងជាង ៨០០ម៉ែត្រ ទទឹង ៥ម៉ែត្រ និងកម្រាស់ ១តឹកកន្លះ សាងសង់រួចរាល់ ដើម្បីសម្រួលការធ្វើដំណើរ និងដឹកជញ្ជូនកសិផលរបស់ប្រជាកសិករ

យុវជនចំនួន ៨០នាក់ ស្រី ៤៩នាក់ មកពី ៤គ្រឹះស្ថានសិក្សា ក្នុងស្រុកជីក្រែង រួមមានវិទ្យាល័យកំពង់ក្ដី, វិទ្យាល័យ ហ៊ុន សែន ពង្រលើ, វិទ្យាល័យសម្ព័ន្ធភាព និងវិទ្យាល័យព្រះធាតុ ត្រូវបានបំពាក់កន្សែងជាយុវជនកាកបាទក្រហមកម្ពុជា ដែលពិធីបំពាក់ និងបណ្ដុះបណ្ដាលមូលដ្ឋាន ធ្វើឡើងនៅថ្ងៃទី១៨ ខែសីហា ឆ្នាំ២០២៦នេះ ក្រោមអធិបតីភាព ឯកឧត្តម គុជ លីណា អនុប្រធានអចិន្ត្រៃយ៍គណៈកម្មាធិការសាខា តំណាងឯកឧត្ដម ប្រាក់ សោភ័ណ ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប។

ផ្សាយផ្ទាល់៖ កម្មវិធីព័ត៌មានពេលព្រឹក ថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦

នាថ្ងៃទី១៨ ខែសីហា ឆ្នាំ២០២៦ រដ្ឋបាលស្រុកក្រឡាញ់ បានសហការជាមួយអង្គការទស្សនៈពិភពលោកអន្តរជាតិ-កម្ពុជា ប្រចាំស្រុកក្រឡាញ់ រៀបចំវេទិកាពិភាក្សាស្ដីពី អន្តរជំនឿ ក្នុងកិច្ចគាំពារនិងសុខុមាលភាពកុមារ ក្រោមវត្តមានចូលរួមពី លោក សុខ ណារ៉េត អភិបាលស្រុក និង លោក ទុង សំអុល ប្រធានកម្មវិធីតំបន់នៃអង្គការទស្សនៈពិភពលោកប្រចាំស្រុកក្រឡាញ់ រួមនឹងតំណាងមកពីគ្រប់សាសនា។

ក្រុមហ៊ុន «ពិជ័យ១៧» ដែលបង្កើតឡើងដោយស្នាដៃកូនខ្មែរក្នុងឆ្នាំ២០២២ មានទីតាំងស្ថិតនៅឃុំព្រៃជ្រូក ស្រុកពួក ខេត្តសៀមរាប កំពុងបង្កើតភាពលេចធ្លោមួយក្នុងវិស័យកសិកម្ម តាមរយៈការផលិតពូជ និងដាំដុះ «ផ្សិតត្រចៀកកណ្ដុរ» តាមបច្ចេកទេសទំនើបប្រកបដោយសុវត្ថិភាពខ្ពស់ មានសមត្ថភាពចែកចាយទូទាំង ២៥រាជធានី-ខេត្ត និងកំពុងទទួលបានការចាប់អារម្មណ៍ពីទីផ្សារ ដែលបានរួមចំណែកយ៉ាងសំខាន់ក្នុងការកាត់បន្ថយការនាំចូល បង្កើតឱកាសការងារ និងលើកស្ទួយសេដ្ឋកិច្ចកសិករក្នុងស្រុក។