ព័ត៌មានក្នុងខេត្ត

‎ផ្លូវបេតុង១ខ្សែ ប្រវែង ៦៦០ម៉ែត្រ ទទឹង ៦ម៉ែត្រដែលស្ថិតនៅភូមិតាគង់ សង្កាត់សំបួរ ជាប់ព្រំប្រទល់ជាមួយ ភូមិគ្រួស សង្កាត់ស្វាយដង្គំ និងភូមិរកាធំ សង្កាត់ស្រង៉ែ ក្រុងសៀមរាប ដែលជាអំណោយរបស់សប្បុរសជនបរទេស និងខ្មែរ ផ្តល់ថវិកាតាមរយៈរដ្ឋបាលសង្កាត់សំបួរ បានធ្វើការសាងសង់ ដើម្បីជួយសម្រួលដល់ការធ្វើដំណើរបងប្អូនប្រជាពលរដ្ឋក្នុងមូលដ្ឋាន និងលើកកម្ពស់សោភ័ណភាពសហគមន៍ ត្រូវបានសម្ពោធដាក់ឲ្យប្រើប្រាស់ជាផ្លូវការ នាព្រឹកថ្ងៃទី១៦ ខែកក្កដា ឆ្នាំ២០២៦នេះ។

នៅថ្ងៃទី១៥ ខែកក្កដា ឆ្នាំ២០២៦ ក្រុមប្រឹក្សាស្រុកក្រឡាញ់ បានបើកវេទិកាផ្សព្វផ្សាយ និងពិគ្រោះយោបល់ ដើម្បីផ្លាស់ប្ដូរមតិយោបល់រវាងក្រុមប្រឹក្សាស្រុក និងប្រជាពលរដ្ឋក្នុងមូលដ្ឋាន ដើម្បីដោះស្រាយបញ្ហានានា និងសំណើរបស់ប្រជាពលរដ្ឋ។

នៅថ្ងៃទី១៥ ខែកក្កដា ឆ្នាំ២០២៦ ឯកឧត្តម ប្រាក់ សោភ័ណ ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប បានចាត់ លោក នួន ពុទ្ធារ៉ា សមាជិកគណៈកម្មាធិការសាខា និងជាប្រធានគណៈកម្មាធិការអនុសាខាក្រុងសៀមរាប ដឹកនាំសហការី អញ្ជើញចុះសួរសុខទុក្ខ និងនាំយកអំណោយមនុស្សធម៌ផ្ដល់ជូនដល់គ្រួសាររងគ្រោះដោយខ្យល់កន្រ្តាក់ចំនួន ២០គ្រួសារ ក្នុងនោះ សង្កាត់ស្រង៉ែ រលំទាំងស្រុង ១គ្រួសារ, របើកដំបូល ១៤គ្រួសារ និងសង្កាត់ជ្រាវ របើកដំបូល ៥គ្រួសារ។

‎នាថ្ងៃទី១៥ ខែកក្កដា ឆ្នាំ២០២៦ លោក ស៊ុ សំអន នាយកសាខាកាកបាទក្រហមកម្ពុជា ខេត្តសៀមរាប និងសហការី បានសហការជាមួយក្រុមការងារទ្រទ្រង់សុខភាពភូមិ និងអ្នកស្ម័គ្រចិត្តកាកបាទក្រហមសង្កាត់គោកចកចំនួន ៨នាក់ ចុះយុទ្ធនាការផ្សព្វផ្សាយអំពីវិធានការបង្ការជំងឺគ្រុនឈាម ព្រមទាំងដាក់ និងចែកថ្នាំអាប៊ែតតាមខ្នងផ្ទះប្រជាពលរដ្ឋ ស្ថិតក្នុងភូមិគោកត្នោត សង្កាត់គោកចក ក្រុងសៀមរាប។

វត្ថុតាង និងសារធាតុ ៩ប្រភេទ រួមទាំងឧបករណ៍ប្រើប្រាស់ពាក់ព័ន្ធទម្ងន់ជាង ២១១គីឡូក្រាម ត្រូវបានដុតបំផ្លាញចោល នាព្រឹកថ្ងៃទី១៦ ខែកក្កដា ឆ្នាំ២០២៦ ក្នុងឱកាសដែលរដ្ឋបាលខេត្តសៀមរាប និងអាជ្ញាធរជាតិប្រយុទ្ធប្រឆាំងគ្រឿងញៀន បានរៀបចំទិវាអន្តរជាតិប្រយុទ្ធប្រឆាំងគ្រឿងញៀន ដើម្បីផ្សព្វផ្សាយដល់ប្រជាពលរដ្ឋយុវជនយុវវ័យសិស្សានុសិស្សឱ្យ ជៀសឆ្ងាយពីគ្រឿងញៀន ក្រោមប្រធានបទ “រួមគ្នាឆ្លើយតបបញ្ហាគ្រឿងញៀនក្នុងបរិបទថ្មី ប្រកបដោយភាពច្នៃប្រឌិត”។ ‎

ផ្សាយផ្ទាល់៖ កម្មវិធីសន្ទនាមតិ ក្រោមប្រធានបទ៖ ការបង្ការជំងឺគ្រុនឈាមក្នុងរដូវវស្សា និងការបញ្ជូនអ្នកជំងឺមកមន្ទីរ ពេទ្យឱ្យបានទាន់ពេល វាគ្មិន៖ លោកវេជ្ជបណ្ឌិត សូរ សុទ្ធី ប្រធានការិយាល័យបង្ការ និងគ្រប់គ្រងជំងឺ នៃមន្ទីរសុខាភិបាលនៃរដ្ឋបាលខេត្តសៀមរាប ថ្ងៃព្រហស្បតិ៍ ២កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែកក្កដា ឆ្នាំ២០២៦

សេចក្ដីជូនដំណឹងរបស់រដ្ឋបាលខេត្តសៀមរាប ស្ដីពីការបិទផ្សាយជាសាធារណៈនូវឯកសារនៃការវិនិច្ឆ័យ ក្នុង​​​ឃុំគោលស្រុកអង្គរជុំ ខេត្តសៀមរាប

ប្រជាពលរដ្ឋ នៅឃុំស្វាយស ស្រុកវ៉ារិន មានសេចក្តីត្រេកអរជាខ្លាំង និងថ្លែងអំណរគុណ ចំពោះការដឹកនាំប្រកបដោយចក្ខុវិស័យរបស់ឯកឧត្តម ប្រាក់ សោភ័ណ អភិបាលខេត្តសៀមរាប ដែលបានផ្តល់សមិទ្ធផលផ្លូវបេតុងថ្មីមួយខ្សែ ដែលសមិទ្ធផលនេះ បានជួយជំរុញសេដ្ឋកិច្ច និងការអភិវឌ្ឍសហគមន៍ឱ្យកាន់តែរីកចម្រើន

ឯកឧត្តម ទេព អស្នារិទ្ធ ណែនាំយុវជនត្រូវខិតខំក្រេបជញ្ជក់ចំណេះដឹងផ្នែកអក្ខរកម្មព័ត៌មាន និងប្រព័ន្ធផ្សព្វផ្សាយជាប្រចាំថ្ងៃ ដើម្បីធ្វើជាគំរូដ៏ល្អក្នុងការប្រើប្រាស់បណ្តាញសង្គមប្រកបដោយការទទួលខុសត្រូវ ព្រមទាំងបន្សល់ទុកនូវទម្លាប់ល្អក្នុងការតាមដានតែប្រភពព័ត៌មានផ្លូវការ និងត្រឹមត្រូវរបស់ស្ថាប័នរដ្ឋ

មន្ទីរពេទ្យបង្អែកពួក សម្រេចដាក់ពិន័យ លោកវេជ្ជបណ្ឌិត ខៃ សីលា បន្ទាប់ពីរងការរិះគន់ប្រើប្រាស់ពាក្យសំដីមិនសមរម្យលើអ្នកមកទទួលសេវា

លោក លី ប៊ុនណា ប្រធានមន្ទីរអប់រំ យុវជន នឹងកីឡាខេត្តសៀមរាប លើកឡើងថា ការលើកកម្ពស់ចំណេះដឹងព័ត៌មានបែបឌីជីថល ពិតជាមានសារៈសំខាន់ ហើយមន្ទីរនឹងបន្តគាំទ្រកិច្ចការសហការយ៉ាងជិតស្និទ្ធ ដើម្បីជំរុញឱ្យយុវជនចេះការពារខ្លួនពីព័ត៌មានក្លែងក្លាយ

នៅរសៀលថ្ងៃទី១៥ ខែកក្កដា ឆ្នាំ២០២៦ ព្រះតេជគុណ លន់ សំប៊ី ព្រះសុមហ៍អនុគណស្រុកសូទ្រនិគម ចៅអធិការវត្តមុនធ្យាន បានរៀបចំស្បៀងអាហារ គ្រឿងឧបភោគបរិភោគ និងសម្ភារប្រើប្រាស់ចាំបាច់ជាច្រើនមុខ រួមជាមួយថវិកា ដែលបានមកពីរដ្ឋបាលស្រុកសូទ្រនិគម និងពុទ្ធបរិស័ទ ទៅជូនដល់កងទ័ពនៅជួរមុខ ដែលឈរជើងការពារព្រំដែនក្នុងភូមិសាស្ត្រខេត្តឧត្តរមានជ័យ ដោយមានការនិមន្តចូលរួមពីព្រះមន្រ្តីសង្ឃស្រុក ព្រះសង្ឃក្នុងក្រុងសៀមរាប និងពុទ្ធបរិស័ទជាច្រើនរូប។