ព័ត៌មានក្នុងខេត្ត

ក្នុងកិច្ចប្រជុំពិគ្រោះយោបល់លើ សេចក្តីព្រាងវិធានការគន្លឹះសម្រាប់ជំរុញការអភិវឌ្ឍទេសចរណ៍ និងការចុះទស្សនកិច្ច ឧទ្យានជាតិព្រះជ័យវរ្ម័ននរោត្តម “ភ្នំគូលែន” នៅថ្ងៃទី៣ ខែកក្កដា ឆ្នាំ២០២៦ ឯកឧត្ដម ហួត ហាក់ រដ្ឋមន្ត្រីក្រសួងទេសចរណ៍ បានណែនាំ និងជំរុញដល់តំណាងសហគមន៍ទាំង៥ និងភាគីពាក់ព័ន្ធ បង្កើនការដាំដុះដំណាំផ្សេងៗ និងចិញ្ចឹមសត្វ ដើម្បីផ្គត់ផ្គង់តម្រូវការផ្ទាល់ខ្លួន និងបម្រើដល់វិស័យទេសចរណ៍ ក្នុងន័យកាត់បន្ថយការចំណាយលើការទិញកសិផលនាំចូលពីខាងក្រៅ។

ទីតាំងបាញ់ធ្នូ «បន្ទាយជ័យ៨០២» ស្ថិតក្នុងភូមិស្ទឹង ឃុំបាគង ស្រុកប្រាសាទបាគង ខេត្តសៀមរាប ដែល​ជាទីតាំងបាញ់ធ្នូដំបូងគេក្នុងខេត្តសៀមរាប ដែលមានទាំងធ្នូបុរាណ និងធ្នូសម័យ ដោយ​អ្នក​ទេសចរ អាចទៅបាញ់ធ្នូកម្សាន្តបានតាមចំណូលចិត្តរៀងៗខ្លួន ហើយ​នៅទីនោះក៏មានអាហារដ្ឋានសួនមេអំបៅ ដែលមានមុខម្ហូប​ឈ្ងុយឆ្ងាញ់ អមនឹងបរិយាកាសធម្មជាតិស្ងប់ស្ងាត់សម្រាប់ភ្ញៀវទេសចរផងដែរ។ លើសពីការបាញ់ធ្នូ ទេសចរក៏អាចសាកល្បងរៀនធ្វើកុលាលភាជន៍ ជាវត្ថុប្រើប្រាស់របស់ខ្មែរតាំងពីសម័យបុរាណ ធ្វើពីដីឥដ្ឋ និងចម្លាក់ស្បែកគោផងដែរ។

យុវជន​​នៃ​វិទ្យា​ល័​យ​១​០​ម​ក​រា​ ​១​៩​៧​៩​-​សៀ​ម​រា​ប​ ប្តេ​ជ្ញា​រួ​​ម​គ្នា​ប្រឆាំ​ង​ព័​ត៌​មា​ន​​ក្លែ​ង​​ក្លាយ​ និង​និ​​យា​យ​ថា​ទេ​ចំពោះ​​ព័ត៌​មា​ន​ក្លែ​ង​​ក្លាយ

នាព្រឹកថ្ងៃទី៣ ខែកក្កដា ឆ្នាំ២០២៦ បេសកកម្មដ៏អស្ចារ្យ “ជិះកង់ជុំវិញពិភពលោក ដើម្បីកុមារអង្គរ” របស់លោក ទីវ តារារិទ្ធិ បានប្រកាសបញ្ចប់ដោយជោគជ័យ បន្ទាប់ពីចំណាយពេល ២ឆ្នាំ ធ្វើដំណើរឆ្លងកាត់ ៤០ប្រទេស ក្នុងចម្ងាយផ្លូវសរុបប្រមាណ ៦ម៉ឺនគីឡូម៉ែត្រ ប្រមូលថវិកាបានប្រមាណ ២៦០ ០០០ដុល្លារអាមេរិក ពីសប្បុរសជននានា ត្រូវបានប្រគល់ជូនមន្ទីរពេទ្យកុមារអង្គរ និងមូលនិធិគន្ធបុប្ផាកម្ពុជា ដើម្បីចូលរួមចំណែកលើកកម្ពស់វិស័យសុខាភិបាលកុមារ។

លោក លី ប៊ុនណា ប្រធានមន្ទី​​រអ​ប់រំ យុវជន និងកីឡាខេ​ត្ត​សៀ​ម​រាប ​ប្ដេជ្ញា​ស​ហកា​រ​ និងផ្សព្វ​ផ្សា​យ​ ដ​ល់​សិ​ស្សានុ​សិ​ស្ស​នៅ​គ្រឹះ​ស្ថា​នសិ​ក្សាទូ​ទាំ​ងខេ​ត្ត​ ​អំពីផលប៉ះពាល់នៃការចែកចាយព័ត៌មានក្លែងក្លាយ ក្នុ​ង​យុ​ទ្ធ​នា​កា​រ​ "​និ​យា​យ​ថា​ទេ​ចំ​ពោះ​ព័​ត៌​មា​ន​ក្លែង​ក្លា​យ​"​ ​ ជំហានទី២

នៅរសៀលថ្ងៃទី២ ខែកក្កដា ឆ្នាំ២០២៦ គណៈប្រតិភូអន្តរក្រសួងនៃអគ្គលេខាធិការដ្ឋានក្រុមប្រឹក្សាជាតិគាំពារសង្គម (អ.ក.គ.) បានចុះពិនិត្យ និងវាយតម្លៃការអនុវត្ត «កម្មវិធីស្ដារជីវភាពឡើងវិញ សម្រាប់ការផ្លាស់ប្តូរលំនៅឋានរបស់ប្រជាជនទៅក្រុងរុនតាឯកតេជោសែន និងតំបន់អភិវឌ្ឍន៍ពាក់ស្នែង» ដើម្បីពង្រឹងប្រសិទ្ធភាពនៃកិច្ចគាំពារសង្គមជូនប្រជាពលរដ្ឋ។

មន្ទីរព័ត៌មានខេត្តសៀមរាប នាថ្ងៃទី៣ ខែកក្កដា ឆ្នាំ២០២៦នេះ បានប្រកាសបើកជាផ្លូវការ នូវយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ នៅវិទ្យាល័យ ១០ មករា ១៩៧៩ ក្រុងសៀមរាប ដើម្បីលើកកម្ពស់ការយល់ដឹងរបស់សិស្សានុសិស្ស លើអក្ខរកម្មព័ត៌មាននិងប្រព័ន្ធផ្សព្វផ្សាយ ដើម្បីធានាបាននូវការទទួលបានព័ត៌មានពិតត្រឹមត្រូវ និងការប្រើប្រាស់ប្រព័ន្ធផ្សព្វផ្សាយ ជាពិសេសបណ្តាញទំនាក់ទំនងសង្គម ក្នុងការចែករំលែក និងទទួលបានព័ត៌មានប្រកបដោយការទទួលខុសត្រូវខ្ពស់។

ចូលរួមអបអរសាទរនៅគោលដៅចុងក្រោយ! នៅថ្ងៃទី០៣ ខែកក្កដា ឆ្នាំ២០២៦ Travel with Rith -ធ្វើដំណើរជាមួយរិទ្ធិ រួមជាមួយមន្ទីរពេទ្យកុមារអង្គរ បានរៀបចំព្រឹតិ្តការណ៍ជិះកង់បិទបញ្ចប់បេសកកម្ម ជិះកង់ជុំវិញពិភពលោកដើម្បីកុមារកម្ពុជា (Travel the World by Bicycle)។

សូមបញ្ជាក់ថា មន្ទីរព័ត៌មានខេត្តសៀមរាប ប្រកាសបើកយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ជាផ្លូវការ នាថ្ងៃទី៣ ខែកក្កដា ឆ្នាំ២០២៦នេះ មន្ទីរព័ត៌មានខេត្តសៀមរាប ប្រកាសបើកយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ជាផ្លូវការ នៅវិទ្យាល័យ ១០ មករា ១៩៧៩ ក្រុងសៀមរាប ក្រោមអធិបតីភាព ឯកឧត្តម កៅ អុីមរ៉ន រដ្ឋលេខាធិការក្រសួងព័ត៌មាន តំណាងដ៏ខ្ពង់ខ្ពស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ដោយមានការចូលរួមពី លោកប្រធានមន្ទីរអប់រំ លោកអនុប្រធានមន្ទីរព័ត៌មាន លោកគ្រូ-អ្នកគ្រូ និងសិស្សានុសិស្សជាច្រើនរូបទៀត។

នាថ្ងៃទី៣ខែកក្កដា ឆ្នាំ២០២៦នេះ មន្ទីរព័ត៌មានខេត្តសៀមរាប ប្រកាសបើក និង ដាក់ឱ្យដំណើរការជាផ្លូវការ នូវយុទ្ធនាការប្រឆាំងព័ត៌មានក្លែងក្លាយជំហានទី២ នៅបរិវេណវិទ្យាល័យ ១០ មករា ១៩៧៩ ក្នុងក្រុងសៀមរាប លើប្រធានបទ “ ពង្រឹងអក្ខរកម្មព័ត៌មាន និង ប្រព័ន្ធផ្សព្វផ្សាយដើម្បីសុវត្ថិភាពព័ត៌មាន ” ដែលផ្តោតលើការពង្រឹងអក្ខរកម្មព័ត៌មានដល់សាធារណជន ជាពិសេសយុវជន ដោយអនុវត្តយុទ្ធសាស្ត្រ «៣កុំ ១ការពារ» ជាអាវក្រោះឌីជីថល ដើម្បីទប់ស្កាត់ព័ត៌មានបំភ្លៃ និងព័ត៌មានមិនពិត ខណៈ យុទ្ធនាការជំហានទី១ ប្រពិត្តទៅយ៉ាងរលូន ដោយមានការចូលរួមពីអាជ្ញាធរខេត្ត អ្នកសារព័ត៌មាន អ្នកបង្កើតមាតិកាបណ្ដាញសង្គម សិស្ស និស្សិត អាជីវករ និង ប្រជាពលរដ្ឋទូទៅ យ៉ាងផុលផុស ។

ឯកឧត្តម ប្រាក់ សោភ័ណ អភិបាលខេត្តសៀមរាប បានដឹកនាំលោកអភិបាលរងខេត្ត អភិបាល អភិបាលក្រុងស្រុកទូទាំងខេត្ត និងថ្នាក់ដឹកនាំជាច្រើនរូបទៀត ចូលរួមក្នុងកិច្ចប្រជុំអភិបាល នៃគណៈអភិបាលរាជធានីខេត្ត ប្រចាំឆមាសទី១ ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រី្ត រដ្ឋមន្រី្តក្រសួងមហាផ្ទៃ តាមរយៈប្រព័ន្ធវីដេអូហ៊្សូម (Zoom) នៅសាលាខេត្តសៀមរាប នាព្រឹកថ្ងៃទី២ ខែកក្កដា ឆ្នាំ២០២៦នេះ។

អាជ្ញាធរខេត្តសៀមរាប បានលើកឡើងថា ការងារប្រយុទ្ធប្រឆាំងនឹងពលកម្មកុមារ គឺជាសកម្មភាពដ៏សំខាន់ក្នុងការលើកកម្ពស់កិច្ចការពារ និងឧត្តមប្រយោជន៍របស់កុមារ ស្របពេលដែលរាជរដ្ឋាភិបាលកម្ពុជាបានយកចិត្តទុកដាក់ខ្ពស់តាមរយៈការដាក់ចេញនូវច្បាប់ គោលនយោបាយ និងយន្តការនានា ដើម្បីដោះស្រាយបញ្ហាប្រឈមរបស់កុមារ ជាពិសេសការទប់ស្កាត់អំពើហិង្សាគ្រប់ទម្រង់ សុវត្ថិភាពកុមារតាមប្រព័ន្ធអនឡាញ និងការគាំទ្រកុមាររងគ្រោះឱ្យបានទាន់ពេលវេលា ធានាឱ្យកុមាររស់នៅ និងអភិវឌ្ឍន៍ខ្លួនដោយសុខដុមរមនាក្រោមម្លប់សន្តិភាព។