រដ្ឋមន្ត្រីក្រសួងទេសចរណ៍ ដាក់ចេញអនុសាសន៍គន្លឹះ និងវិធានការម៉ឺងម៉ាត់ ដើម្បីជំរុញការអភិវឌ្ឍទេសចរណ៍ និងកិច្ចអភិរក្សនៅតំបន់ឧទ្យានជាតិព្រះជ័យវរ្ម័ន-នរោត្តម “ភ្នំគូលែន”
ក្នុងកិច្ចប្រជុំពិគ្រោះយោបល់លើ សេចក្តីព្រាងវិធានការគន្លឹះសម្រាប់ជំរុញការអភិវឌ្ឍទេសចរណ៍ និងការចុះទស្សនកិច្ច ឧទ្យានជាតិព្រះជ័យវរ្ម័ននរោត្តម “ភ្នំគូលែន” នៅថ្ងៃទី៣ ខែកក្កដា ឆ្នាំ២០២៦ ឯកឧត្ដម ហួត ហាក់ រដ្ឋមន្ត្រីក្រសួងទេសចរណ៍ បានណែនាំ និងជំរុញដល់តំណាងសហគមន៍ទាំង៥ និងភាគីពាក់ព័ន្ធ បង្កើនការដាំដុះដំណាំផ្សេងៗ និងចិញ្ចឹមសត្វ ដើម្បីផ្គត់ផ្គង់តម្រូវការផ្ទាល់ខ្លួន និងបម្រើដល់វិស័យទេសចរណ៍ ក្នុងន័យកាត់បន្ថយការចំណាយលើការទិញកសិផលនាំចូលពីខាងក្រៅ។
