ព័ត៌មានក្នុងខេត្ត

ចំណាប់អារម្មណ៍អាណាព្យាបាល មកលើកទឹកចិត្តកូន ក្នុងថ្ងៃប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី១០ ខែសីហា ឆ្នាំ២០២៦។

ក្នុងឱកាសអញ្ជើញកាត់ប្រធានវិញ្ញាសាប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៦ នៅវិទ្យាល័យ ១០ មករា ១៩៧៩ ក្រុងសៀមរាប នៅព្រឹកថ្ងៃទី១០ ខែសីហា ឆ្នាំ២០២៦នេះ ឯកឧត្តម លី សំរិទ្ឋ ប្រធានក្រុមប្រឹក្សាខេត្ត បានជំរុញលើកទឹកចិត្តដល់បេក្ខជនប្រឡងទាំងអស់ ប្រឹងប្រែងឱ្យអស់ពីសមត្ថភាពនិងត្រូវគោរពតាមវិន័យលក្ខខណ្ឌកំណត់ និងបម្រាមទាំងឡាយ ព្រមទាំងគោរពនិងស្តាប់តាមការណែនាំរបស់អនុរក្សចៀសវាងប្រព្រឹត្តិខុសឆ្គងក្នុងពេលកំពុងប្រឡង។

ទិដ្ឋភាពបេក្ខជនប្រឡងនាពេលរសៀល នៅមណ្ឌលប្រឡងវិទ្យាល័យសម្តេចឪ ខណៈបេក្ខជនម្នាក់ៗបន្តបង្ហាញពីភាពស្ងប់ស្ងាត់ ផ្តោតអារម្មណ៍ និងត្រៀមខ្លួនយ៉ាងល្អ សម្រាប់ការប្រឡងមុខវិជ្ជាបន្តបន្ទាប់

ទឹកចិត្តបងស្រី ក្នុងថ្ងៃប្រឡងបាក់ឌុប៖ បានសម្តែងក្តីរីករាយក្នុងថ្ងៃប្រឡងសញ្ញាបត្រមធ្យមសិក្សាទុតិយភូមិនៅវិទ្យាល័យ ១០ មករា ១៩៧៩ ខេត្តសៀមរាប នៅព្រឹកថ្ងៃទី ១ ។

លិខិតបំភ្លឺព័ត៌មាន ករណី Account Facebook ឈ្មោះ ពូ ពិសី - Pu Pisey បានចុះផ្សាយកាលពីថ្ងៃទី៦ ខែសីហា ឆ្នាំ២០២៦ ដែលមានខ្លឹមសារថា “មានពលរដ្ឋប្រាប់ខ្ញុំថា ពន្ធនាគារនៅខេត្តសៀមរាប ឱ្យអ្នកទោស ទាំងអស់ ត្រូវបង់ថ្លៃទឹក ថ្លៃភ្លើង ក្នុងមួយខែ ៦ ម៉ឺន៛, តើជាការពិតទេ?”

ក្នុងឱកាសអញ្ជើញបើកវិញ្ញាសាជូនបេក្ខជនប្រឡងសញ្ញាបត្រមធ្យមសិក្សាទុតិយភូមិ នៅមណ្ឌលវិទ្យាល័យ ១០ មករា ១៩៧៩ ក្រុងសៀមរាប នាព្រឹកថ្ងៃទី១០ ខែសីហានេះ ឯកឧត្តម ប្រាក់ សោភ័ណ អភិបាលខេត្ត បានផ្ដាំផ្ញើដល់បេក្ខជនទាំងអស់ ឱ្យខិតខំប្រឹងប្រែងឱ្យអស់ពីសមត្ថភាពតាមគោលដៅរៀងខ្លួន ទោះបីជាមានបំណងប្រឡងយកនិទ្ទេស A ឬត្រឹមជាប់ក៏ដោយ ដោយមិនត្រូវគិតច្រើន និងមិនត្រូវបោះបង់ក្តីសង្ឃឹមឡើយ។

ក្នុងឱកាសអញ្ជើញបើកវិញ្ញាសាជូនបេក្ខជននៅខេត្តសៀមរាប នៅព្រឹកថ្ងៃទី១០ ខែសីហា ឆ្នាំ២០២៦នេះ ឯកឧត្តម សោម រតនា អនុរដ្ឋលេខាធិការក្រសួងអប់រំ និងជាប្រធានគណៈមេប្រយោគទូទាំងប្រទេសប្រចាំខេត្តសៀមរាប បានបញ្ជាក់ថា ដំណើរការនៃការរៀបចំការប្រឡង សញ្ញាបត្រមធ្យមសិក្សាទុតិយភូមិ (បាក់ឌុប) ក្នុងខេត្តសៀមរាប ត្រូវបានរៀបចំឡើងយ៉ាងហ្មត់ចត់ ដោយមានការចូលរួមសហការយ៉ាងជិតស្និទ្ធពីគ្រប់ភាគីពាក់ព័ន្ធទាំងអស់ ធានាបាននូវកម្រិតខ្ពស់បំផុតនៃភាពសុក្រឹត និងយុត្តិធម៌។

ទោះស្ថិតក្នុងកាលៈទេសៈបែបណា ឪពុកម្ដាយនៅតែលើកទឹកចិត្តកូនជានិច្ច! នេះហើយទឹកចិត្តឪពុកម្ដាយចំពោះកូនៗ ចង់ឱ្យកូនទទួលបានលទ្ធផលល្អ។ ទិដ្ឋភាពអ្នកអាណាព្យាបាលកំពុងពិសាបាយជាមួយកូនៗ នៅតាមមណ្ឌលប្រឡង ក្រោយសម្រាកថ្ងៃត្រង់ រូបភាព ៖ លោក ឡៃ បញ្ញា

ទិដ្ឋភាពពេលសម្រាកពិសាអាហារថ្ងៃត្រង់ ដែលបេក្ខជនឆ្លៀតរំលឹកមេរៀនត្រៀមចូលប្រឡងសញ្ញាបត្រមធ្យមសិក្សាទុតិយភូមិពេលរសៀល នៅមណ្ឌលប្រឡងវិទ្យាល័យ ១០ មករា ១៩៧៩ ខេត្តសៀមរាប

ការងារស្ម័គ្រចិត្តរបស់សហភាពសហព័ន្ធយុវជនកម្ពុជា ខេត្តសៀមរាប ក្នុងការចូលរួមថែរក្សាបរិស្ថាន នៅតាមមណ្ឌលប្រឡងសញ្ញាបត្រមធ្យមសិក្សាទុតិយភូមិ

ទិដ្ឋភាព នៃការសម្រាកពិសាអាហារថ្ងៃត្រង់ របស់អាណាព្យាបាល និងបេក្ខជនប្រឡងបាក់ឌុប បន្ទាប់ពីបានបញ្ចប់ការប្រឡងពេញមួយព្រឹក នៅវិទ្យាល័យ មិត្តភាពខ្មែរ-ជប៉ុន ព្រះឥន្ទកោសា។

លោក លី ប៊ុនណា ប្រធានមន្ទីរអប់រំ យុវជន និងកីឡា ខេត្តសៀមរាប បានបង្ហាញថា ថ្ងៃទី១ នៃការប្រឡងសញ្ញាបត្រមធ្យមសិក្សាទុតិយភូមិ ក្នុងខេត្តសៀមរាប បេក្ខជនដែលមានបញ្ហាសុខភាពមានចំនួន ១១នាក់ តែពួកគាត់នៅតែអាចបន្តការប្រឡងបានធម្មតា។ក្នុងនោះបេក្ខជនអវត្តមានសរុប ៥៦នាក់ (ស្រី ២៤នាក់) ចំណែកបេក្ខជនចំណេះទូទៅនោះអវត្តមាន ១៥នាក់(ស្រី ៧នាក់) និងបេក្ខជនបំពេញវិជ្ជា និងស្វៃរិន អវត្តមានចំនួន ៤១នាក់ (ស្រី ៦នាក់) និងបេក្ខជនដែលត្រូវបានរកឃើញ និងកត់ត្រាក្នុងកំណត់ហេតុពិសេសមាន ១នាក់ ។