ព័ត៌មានក្នុងខេត្ត

នារសៀលថ្ងៃទី២៤ ខែកក្កដា ឆ្នាំ២០២៦ គណៈកម្មាធិការលទ្ធកម្មឃុំពាក់ស្នែង ស្រុកអង្គរធំ ខេត្តសៀមរាប បានប្រកាសបិទបញ្ចប់ការដេញថ្លៃដោយជោគជ័យ នូវគម្រោងសាងសង់លូកាត់ផ្លូវចំនួន ២៥កន្លែង នៅក្នុងឃុំ ដោយមានការចូលរួមពីមន្រ្តីបច្ចេកទេសនៃរដ្ឋបាលខេត្ត អាជ្ញាធរស្រុក គណៈកម្មាធិការលទ្ធកម្មឃុំ ក្រុមហ៊ុនម៉ៅការ និងអ្នកសារព័ត៌មាន។

ថ្លែងក្នុងឱកាសដឹកនាំវេទិកាសាធារណៈរបស់ក្រុមការងាររាជរដ្ឋាភិបាលចុះមូលដ្ឋាន ស្រុកអង្គរជុំ នៅថ្ងៃទី២៤ ខែកក្កដា ឆ្នំា២០២៦នេះ ឯកឧត្តម លី កុសល ប្រធានក្រុមការងារ បានជំរុញឱ្យប្រជាពលរដ្ឋចូលរួមបញ្ចេញមតិយោបល់ សំណួរសំណូមពរ និងក្តីកង្វល់ឱ្យបានផុសផុល ដើម្បីឱ្យអ្នកពាក់ធ្វើការបកស្រាយ និងដោះស្រាយ ព្រោះការចូលរបស់បងប្អូនគឺជាកម្លាំងចលករដ៏សំខាន់ក្នុងការអភិវឌ្ឍមូលដ្ឋានយើង។

មន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្តសៀមរាប បាននិងកំពុងជំរុញយ៉ាងសកម្មដល់ម្ចាស់សហគ្រាសធុនមីក្រូ តូច និងមធ្យម (MSMEs) ក្នុងខេត្ត ឱ្យចាប់យកឱកាសពង្រីកទីផ្សារទៅកាន់តំបន់អាស៊ាន តាមរយៈការចុះឈ្មោះប្រើប្រាស់ប្រព័ន្ធឌីជីថល KhmerSME និង ASEAN Access ដើម្បីពង្រឹងសមត្ថភាពប្រកួតប្រជែង និងបើកច្រកពាណិជ្ជកម្មអន្តរជាតិបន្ថែមទៀតសម្រាប់អាជីវកម្មក្នុងស្រុក។

ក្នុងកិច្ចប្រជុំត្រួតពិនិត្យការអនុវត្តគោលនយោបាយ «ភូមិ-ឃុំ-សង្កាត់ មានសុវត្ថិភាព» ប្រចាំឆមាសទី១ ឆ្នាំ២០២៦ នៅខេត្តសៀមរាប នាថ្ងៃទី២៤ ខែកក្កដា ឆ្នាំ២០២៦នេះ ឯកឧត្តម សួស អង្គារ៍ រដ្ឋលេខាធិការក្រសួងមហាផ្ទៃ បានណែនាំឱ្យសមត្ថកិច្ចជំនាញ និងមន្ត្រីពាក់ព័ន្ធ ត្រូវបន្តជំរុញ និងពន្លឿនការផ្ដល់អត្តសញ្ញាណបណ្ណជូនប្រជាពលរដ្ឋឱ្យបានលឿន និងគ្រប់ៗគ្នា ជាពិសេសបងប្អូនដែលទើបវិលត្រឡប់មកពីបរទេស ដើម្បីធានាថាប្រជាពលរដ្ឋគ្រប់រូបទទួលបានឯកសារសម្គាល់ខ្លួនទាន់ពេលសម្រាប់ប្រើប្រាស់។

ក្ដីកង្វល់ បញ្ហាប្រឈម និងសំណូមពរនានារបស់ប្រជាពលរដ្ឋក្នុងមូលដ្ឋាន ឃុំសំរោងយា ស្រុកពួក ត្រូវបានលើកយកមកជជែកពិភាក្សា និងរកដំណោះស្រាយ ក្នុងវេទិកាសាធារណៈដើម្បីត្រួតពិនិត្យ និងគាំទ្រកម្មវិធីគោលនយោបាយ និងយុទ្ធសាស្ត្របញ្ចកោណដំណាក់កាលទី១ សម្រាប់នីតិកាលទី៧ នាព្រឹកថ្ងៃទី២៤ ខែកក្កដា ឆ្នាំ២០២៦ ក្រោមអធិបតីភាព លោកជំទាវ សេង វណ្ណសាយ ប្រធានក្រុមការងាររាជរដ្ឋាភិបាលចុះមូលដ្ឋានស្រុកពួក និងលោក អ៊ឹង គឹមលាង អភិបាលរងខេត្តសៀមរាប។

នៅថ្ងៃទី២១ ខែកក្កដា ឆ្នាំ២០២៦ លោក លី សារី អភិបាលរងខេត្តសៀមរាប តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាលខេត្ត បានអញ្ជើញចូលរួមសិក្ខាសាលាផ្សព្វផ្សាយព្រះរាជក្រឹត្យស្តីពី «លក្ខន្តិកៈនៃអង្គគ្រូបង្រៀន» ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងមានការអញ្ជើញចូលរួមពី ឯកឧត្តម ជុក មុន្នី រដ្ឋលេខាធិការក្រសួងមុខងារសាធារណៈ និងមានការអញ្ជើញចូលរួមពីថ្នាក់ដឹកនាំក្រសួង-ស្ថាប័នពាក់ព័ន្ធ អភិបាលរាជធានី-ខេត្ត ប្រធានមន្ទីរ គណៈគ្រប់គ្រងសាលា សាស្ត្រាចារ្យ និងលោកគ្រូ អ្នកគ្រូជាច្រើនរូប។

នៅថ្ងៃទី២២ ខែកក្កដា ឆ្នាំ២០២៦ លោក លី សារី អភិបាលរងខេត្តសៀមរាប តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាលខេត្ត បានអញ្ជើញចូលរួមកិច្ចពិភាក្សារវាងរដ្ឋ និងវិស័យឯកជន លើប្រធានបទស្តីពី ការជំរុញការអភិវឌ្ឍវិស័យយានយន្តអគ្គិសនីនៅកម្ពុជា ដែលរៀបចំឡើងដោយក្រសួងសាធារណៈការ និងដឹកជញ្ជូន ក្រោមអធិបតីភាព ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន ដោយមានការអញ្ជើញចូលរួមពី ឯកឧត្តម លោកជំទាវ ថ្នាក់ដឹកនាំក្រសួង ឧកញ៉ា សមាជិក សមាជិកា នៃគណៈកម្មាធិការបច្ចេកទេសអន្តរក្រសួង តំណាងសមាគមដឹកជញ្ជូន ក្រុមហ៊ុនផ្គត់ផ្គង់យានយន្តអគ្គិសនី ប្រតិបត្តិករ និងវាគ្មិនកិត្តិយសជាច្រើនរូប។

នៅព្រឹកថ្ងៃទី២៤ ខែកក្កដា ឆ្នាំ២០២៦នេះ គណៈកម្មាធិការលទ្ធកម្មឃុំពួក ស្រុកពួក ខេត្តសៀមរាប បានប្រកាសបញ្ចប់ការដេញថ្លៃដោយជោគជ័យ នូវគម្រោងសាងសង់ផ្លូវបេតុងអាមេចំនួន២ខ្សែ ប្រវែងជាង ៥០០ម៉ែត្រ ដោយការដេញថ្លៃនេះមានការចូលរួមពីមន្ត្រីបច្ចេកទេសនៃរដ្ឋបាលខេត្ត អាជ្ញាធរស្រុក គណៈកម្មាធិការលទ្ធកម្មឃុំ ក្រុមហ៊ុនម៉ៅការ និងអ្នកសារព័ត៌មាន។

នៅថ្ងៃទី២៣ ខែកក្កដា ឆ្នាំ២០២៦ អង្គការទស្សនៈពិភពលោកអន្តរជាតិប្រចាំប្រទេសកម្ពុជា សហការជាមួយអាជ្ញាធរស្រុកសូទ្រនិគម ខេត្តសៀមរាប បានរៀបចំពិធីសម្ពោធដាក់ឱ្យប្រើប្រាស់ជាផ្លូវការនូវ «គម្រោងទឹកស្អាត» ជូនដល់ប្រជាពលរដ្ឋក្នុងឃុំខ្នារពោធិ ស្រុកសូទ្រនិគម ខេត្តសៀមរាប ដើម្បីលើកកម្ពស់សុខភាព និងកម្រិតជីវភាពរស់នៅរបស់ប្រជាពលរដ្ឋនៅតំបន់ជនបទ។

នាព្រឹកថ្ងៃទី២៣ ខែកក្កដា ឆ្នាំ២០២៦ គណៈកម្មាធិការពិគ្រោះយោបល់កិច្ចការស្ត្រី និងកុមារ (គ.ក.ស.ក.) ខេត្តសៀមរាប បានបើកកិច្ចប្រជុំសាមញ្ញលើកទី២៤ អាណត្តិទី៤ ក្រោមអធិបតីភាព លោកជំទាវ ស៊ិន ណម ប្រធាន គ.ក.ស.ក. ខេត្តសៀមរាប ដោយមានការចូលរួមពី លោកជំទាវ យូ សុភា អនុប្រធាន គ.ក.ស.ក. ខេត្ត ព្រមទាំងលោក លោកស្រី ប្រធានមន្ទីរ តំណាងមន្ទីរ-អង្គភាពពាក់ព័ន្ធ និងអង្គការដៃគូអភិវឌ្ឍន៍ជាច្រើនរូបផងដែរ។

ក្នុងវគ្គបណ្តុះបណ្តាលស្ដីពីការងាររដ្ឋបាល និងការងារបេឡាមរណសង្គ្រោះ នៅខេត្តសៀមរាប នៅថ្ងៃទី២៣ ខែកក្កដា ឆ្នាំ២០២៦ ឯកឧត្តម អ៊ុ សុខ អគ្គលេខាធិការរងសមាគមអតីតយុទ្ធជន និងនិវត្តជនកម្ពុជា បានគូសបញ្ជាក់ថា ការិយាល័យអតីតយុទ្ធជន និងនិវត្តជន តាមថ្នាក់នីមួយៗ ត្រូវយកចិត្តទុកដាក់គ្រប់គ្រងស្ថិតិ និងបញ្ជីឈ្មោះអតីតយុទ្ធជនព្រមទាំងនិវត្តជនឱ្យបានច្បាស់លាស់ ហើយមន្ត្រីជំនាញត្រូវចុះជួបផ្ទាល់ដល់ខ្នងផ្ទះរបស់សមាជិកសមាគម ដើម្បីបង្កើតភាពស្និទ្ធស្នាល ងាយស្រួលក្នុងការគ្រប់គ្រង ដឹងពីសុខទុក្ខ និងធានាថាការអនុវត្តការងារជូនអតីតយុទ្ធជនកាន់តែមានភាពរហ័ស និងមានប្រសិទ្ធភាពខ្ពស់។

នៅមុនពេលថ្ងៃចូលព្រះវស្សាមកដល់ ព្រះចៅអធិការវត្តដំណាក់ ក្រុងសៀមរាប បានដឹកនាំព្រះសង្ឃ អាចារ្យ គណៈកម្មការវត្ត និងពុទ្ធបរិស័ទជិតឆ្ងាយ នៅព្រឹកថ្ងៃទី២៣ ខែកក្កដា ឆ្នាំ២០២៦ រៀបចំពិធីសូធ្យព្រះត្រៃបិដក ដើម្បីទ្រទ្រង់ព្រះពុទ្ធវចនៈ និងដើម្បីចម្រើនបញ្ញា ក្រោមព្រះអធិបតីភាព ព្រះធម្មសិរី ជុំ គឹមឡេង ព្រះមេគណខេត្តសៀមរាប និងមានការចូលរួមពីពុទ្ធបរិស័ទជាច្រើននាក់។