ព័ត៌មានក្នុងខេត្ត

នាថ្ងៃទី១៥ ខែតុលា ឆ្នាំ២០២៦

នៅព្រឹកថ្ងៃទី១៥ ខែតុលា ឆ្នាំ២០២៦នេះ ។

នៅព្រឹកថ្ងៃទី ៩ ខែ តុលា ឆ្នាំ២០២៦នេះរដ្ឋបាលខេត្តសៀមរាប បានបើកកិច្ចប្រជុំស្តីពីការពិនិត្យសេចក្តីព្រាងកម្មវិធីវិនិយោគបីឆ្នាំរំកិល (២០២៧-២០២៩) របស់រដ្ឋបាលខេត្ត ក្រោមការដឹកនាំកិច្ចប្រជុំដោយលោក សុខ ថុល អភិបាលរងខេត្តសៀមរាប និង មានការចូលរួមពីសំណាក់ថ្នាក់ដឹកនាំមន្ទីរ អង្គភាពជុំវិញខេត្ត មន្ត្រីជំនាញ និងអ្នកពាក់ព័ន្ធ ដើម្បីពិនិត្យ ពិភាក្សា និងផ្តល់ធាតុចូលលើសេចក្តីព្រាងកម្មវិធីវិនិយោគ សំដៅធានាឱ្យការរៀបចំផែនការអភិវឌ្ឍន៍របស់រដ្ឋបាលខេត្តមានភាពច្បាស់លាស់ គ្រប់ជ្រុងជ្រោយ និងឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ៕

នារសៀលថ្ងៃទី​៨ ខែតុលា ឆ្នាំ២០២៦ នេះ រដ្ឋបាលខេត្តសៀមរាប បានរៀបចំកិច្ចប្រជុំស្ដីពី «ការពិនិត្យ និងពិភាក្សាអំពីផលប៉ះពាល់ និងការខូចខាតដែលបង្កឡើងដោយជំនន់ទឹកភ្លៀង នៅតាមភូមិសាស្ត្រក្រុង-ស្រុក ក្នុងខេត្តសៀមរាប»។ ​កិច្ចប្រជុំនេះបានប្រព្រឹត្តទៅក្រោមអធិបតីភាព លោក អុឹង គឹមលាងអភិបាលរងខេត្តសៀមរាប ព្រមទាំងមានការអញ្ជើញចូលរួមពីថ្នាក់ដឹកនាំមន្ទីរ-អង្គភាពពាក់ព័ន្ធ និងតំណាងរដ្ឋបាលក្រុង-ស្រុកជាច្រើនរូបផងដែរ។

នៅព្រឹកថ្ងៃទី៨ ខែតុលា ឆ្នាំ២០២៦ នេះ លោក យឿន ចាន់ អនុប្រធានមន្ទីរព័ត៌មាន​ខេត្តសៀមរាប​ទទួល​បន្ទុក​រួម បាន​ដឹកនាំមន្ត្រីរាជការក្រោមឱវាទ អញ្ជើញសួរសុខទុក្ខភរិយារបស់ លោក ធន់ ពូថេ មន្ត្រីការិយាល័យទូរទស្សន៍ កំពុងលំហែមាតុភាព។ ក្នុងឱកាសនោះ ថ្នាក់ដឹកនាំមន្ទីរក៏បាននាំយកថវិកាឧបត្ថម្ភ ជូនដល់គ្រួសារលោក ធន់ ពូថេ ដើម្បីជាការចូលរួមអបអរសាទរ និងជួយសម្រាលបន្ទុកចំណាយផ្សេងៗ​ ដែលនេះ​បាន​បង្ហាញ​ពី​ការ​យកចិត្ត​ទុក​ដាក់ ពី​សំណាក់​ថ្នាក់ដឹកនាំ​ចំពោះ​មន្រ្តីក្រោម​ឱវាទ គ្រប់ៗរូប ផងដែរ។

នារសៀលថ្ងៃទី ០៦ ខែតុលាឆ្នាំ ២០២៦​ ឯកឧត្តម លី សំរិទ្ធ ប្រធានក្រុមប្រឹក្សាខេត្ត​ និងលោក​ អ៊ឹង គឹមលាង​ អភិបាលរងខេត្តតំណាងឯកឧត្តម​ ប្រាក់​ សោភ័ណ​ អភិបាល​ នៃគណៈអភិបាលខេត្ត​ ព្រមទាំងក្រុមការងារចូលរួមរំលែកទុក្ខជាមួយនឹងគ្រួសារសពកងទ័ពលោកវរសេនីយ៍ត្រី នាង វន បម្រើការងារនៅវរសេនាតូចរថក្រោះលេខ៦៩ យោធភូមិភាគទី៤ មានទីកន្លែងកំណើតភូមិខ្វៀន សង្កាត់គោកចក ក្រុងសៀមរាប ខេត្តសៀមរាប ដែលបានទទួលមរណភាពនាថ្ងៃអង្គារ ៩រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៥ ខែតុលា ឆ្នាំ២០២៦ ក្នុងជន្មាយុ ៦២ឆ្នាំ វេលាម៉ោង ០៨:០០នាទី ដោយគាំងបេះដូងនៅគោលដៅប្រចាំការទិសអន្លង់វែង។

នារសៀលថ្ងៃទី៦ ខែតុលា ឆ្នាំ២០២៦នេះ ឯកឧត្ដម លី សំរិទ្ធ ប្រធានក្រុមប្រឹក្សាខេត្ដសៀមរាប លោក ព្រឹម រដ្ឋា លោកអុឹង គឹមលាងអភិបាលរងខេត្ដ ព្រមទាំងឯកឧត្ដមលោកជំទាវជាសមាជិក សមាជិកាក្រុមប្រឹក្សាខេត្ត ថ្នាក់ដឹកនាំមន្ទីរអង្គភាពជុំវិញខេត្ត បានចូលរួមជាមួយពុទ្ធបរិស័ទកាន់បិណ្ឌវេនទី១១ នៅវត្តព្រះឥន្ទកោសីយ៍ ស្ថិតក្នុងក្រុងសៀមរាប ខេត្ដសៀមរាប។ រូបភាព៖ លោក ឡៃ បញ្ញា

នារសៀល ថ្ងៃទី៦ ខែតុលា ឆ្នាំ២០២៦នេះ ថ្នាក់ដឹកនាំ និង មន្រ្តីជំនាញពាក់ព័ន្ធ នៃមន្ទីរព័ត៌មានខេត្តសៀមរាប បានចូលរួមប្រជុំពង្រឹងការផលិតវីដេអូ ស្ដីពីសមិទ្ធផល និង វិស័យអាទិភាព តាមប្រព័ន្ធអនឡាញZoom ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន និងមានការចូលរួមពីថ្នាក់ដឹកនាំ និង មន្រ្តីជំនាញពីបណ្ដាមន្ទីររាជធានី-ខេត្ត ទាំង២៥។ កិច្ចប្រជុំនេះ ក្នុងគោលបំណង បន្តជំរុញ និង លើកកម្ពស់ការផលិត និង ផ្សព្វផ្សាយអំពីសមិទ្ធផលរបស់រាជរដ្ឋាភិបាល លើគ្រប់វិស័យ ឱ្យកាន់តែសកម្មភាព ទូទំទូលាយ ទាន់ពេលវេលា និង មានប្រសិទ្ធភាព ជាពិសេសសមិទ្ធផលជាក់ស្ដែងនៅតាមមូលដ្ឋាន ។

នៅព្រឹកថ្ងៃទី៦ខែតុលាឆ្នាំ២០២៦នេះ ក្រុមប្រឹក្សាសកម្មភាពជនពិការខេត្តសៀមរាប បានបើកិច្ចប្រជុំប្រចាំត្រីមាសទី៣ ឆ្នាំ២០២៦ ដើម្បីពិនិត្យ និងវាយតម្លៃវឌ្ឍនភាពនៃការអនុវត្តការងារពាក់ព័ន្ធនឹងវិស័យពិការភាព ព្រមទាំងពិភាក្សាលើបញ្ហាប្រឈម និងកំណត់ទិសដៅការងារសម្រាប់អនុវត្តបន្តឱ្យកាន់តែមានប្រសិទ្ធភាព។ ក្រោមវត្តមានដឹកនាំកិច្ចប្រជុំដោយលោក ចឹក គឹមជុន នាយករងរដ្ឋបាលខេត្តសៀមរាបព្រមទាំងមាន ការចូលរួមពីតំណាងមន្ទីរ អង្គភាពពាក់ព័ន្ធ រដ្ឋបាលក្រុង-ស្រុក អង្គការដៃគូ និងអ្នកពាក់ព័ន្ធក្នុងវិស័យពិការភាព ចូលរួមផងដែរ៕

នៅថ្ងៃទី៥ ខែតុលា ឆ្នាំ២០២៦ ក្រុមការងាររាជរដ្ឋាភិបាលចុះមូលដ្ឋានស្រុកអង្គរធំ បានបើកកិច្ចប្រជុំបូកសរុបលទ្ធផលការងារ ៩ខែ និងលើកទិសដៅការងារបន្ត ដើម្បីពិនិត្យវឌ្ឍនភាពការងារ និងកំណត់ភារកិច្ចសំខាន់ៗត្រូវបន្តអនុវត្តនៅក្នុងមូលដ្ឋាន។

នៅថ្ងៃទី៥ ខែតុលា ឆ្នាំ២០២៦នេះ ក្រសួងកិច្ចការនារី សហការជាមួយរដ្ឋបាលខេត្តសៀមរាប រៀបចំសិក្ខាសាលាឆ្លុះបញ្ចាំង ស្ដីពីកម្មវិធីអភិវឌ្ឍសមត្ថភាពធន់របស់ស្ត្រី ក្នុងការប្រែប្រួលអាកាសធាតុ និងអភិវឌ្ឍន៍បៃតង ជូនដល់អ្នកពាក់ព័ន្ធព័ន្ធ ក្រោមអធិបតីភាព លោកជំទាវ សុីវណ្ណ បុទុម រដ្ឋលេខាធិការក្រសួងកិច្ចការនារី ដោយមានការចូលរួមពី លោក ឌី រ៉ាដូ អភិបាលរងខេត្តសៀមរាប រួមនឹងវត្តមានថ្នាក់ដឹកនាំក្រសួងជាច្រើនរូប។

នៅថ្ងៃទី៥ ខែតុលា ឆ្នាំ២០២៦នេះ លោក យឿន ចាន់ អនុប្រធានមន្ទីរព័ត៌មានខេត្តសៀមរាបទទួលបន្ទុករួម បើកកិច្ចប្រជុំតម្រង់ទិស ដល់ថ្នាក់ដឹកនាំ និងមន្ត្រីនៃមន្ទីរព័ត៌មានខេត្ត ក្នុងការអនុវត្តការងារប្រចាំថ្ងៃ និងដាក់ផែនការអនុវត្តបន្ត