ព័ត៌មានក្នុងខេត្ត

ក្រោមការយកចិត្តទុកដាក់ខ្ពស់ពីឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត ក្នុងការជួយសម្រាលទុកលំបាករបស់បងប្អូនប្រជាពលរដ្ឋ ចំនួន ៩គ្រួសារដែលរងផលប៉ះពាល់គម្រោងសាងសង់កែលម្អ និងស្តារស្ទឹងសៀមរាបកន្លងមក ដោយបានដោះស្រាយគោលនយោបាយដីដែលជាទ្រព្យសម្បត្តិរដ្ឋគ្រប់គ្រងដោយរដ្ឋបាលខេត្ត និងរៀបចំនីតិវិធីចេញប្លង់កម្មសិទ្ធ។

នាថ្ងៃទី១​ ខែកញ្ញា ឆ្នាំ២០២៦​ នៅសាលប្រជុំ​ធំ​ សាលាខេត្តសៀមរាប​ ឯកឧត្តម​ ប្រាក់​ សោភ័ណ​ អភិបាល​ នៃគណៈអភិបាលខេត្ត​ បានចូលរួមក្នុងកិច្ចប្រជុំពិភាក្សាការងារ ជាមួយរដ្ឋបាលខេត្ត និងមន្ទីរ-អង្គភាពនានាជុំវិញខេត្តសៀមរាប ក្រោមអធិបតីភាពដ៏ខ្ពង់ខ្ពស់​ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ​ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តសៀមរាប​៕

នាព្រឹកថ្ងៃទី០១ ខែកញ្ញា ឆ្នាំ២០២៦ ឯកឧត្តម​ ប្រាក់​ សោភ័ណ​ អភិបាល​ នៃគណៈអភិបាលខេត្តបានអមដំណេីរឯកឧត្តម​ នាយឧត្តមសេនីយ៍​ ទៀ​ សីហា​ ឧបនាយករដ្ឋមន្ត្រី​ រដ្ឋមន្ត្រីក្រសួងការពារជាតិ​ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តសៀមរាបចូលរួមគោរពវិញ្ញាណក្ខន្ធសព លោក មន់ បូរិន មន្ត្រីមន្ទីរសុខាភិបាលខេត្ត​ មរណភាពកាលពីថ្ងៃទី២៩​ ខែសីហា​ ឆ្នាំ២០២៦​ ដោយរោគាពាធ។

នាព្រឹកថ្ងៃទី១ ខែកញ្ញា ឆ្នាំ២០២៦ រដ្ឋបាលស្រុកអង្គរធំ បើកកិច្ចប្រជុំស្តីពីការណែនាំរបស់រាជរដ្ឋាភិបាលពីការអនុវត្តច្បាប់ស្ដីពីកាតព្វកិច្ចយោធា និងពិនិត្យលើទិន្នន័យប្រជាពលរដ្ឋដែលមានអត្តសញ្ញាណប័ណ្ណសញ្ជាតិខ្មែរ ដើម្បីធានាក្នុងការអនុវត្តឲ្យមានប្រសិទ្ធភាព ត្រឹមត្រូវ និងទាន់ពេលវេលា។ កិច្ចប្រជុំនេះមានការចូលរួមពី ឯកឧត្តម ឧត្តមសេនីយ៍ទោ ម៉ក់ សីហា អាជ្ញាធរមូលដ្ឋាន តំណាងមន្ទីរអង្គភាពពាក់ព័ន្ធជុំវិញខេត្ត និងមន្ត្រីពាក់ព័ន្ធជាច្រើនរូប។

នាព្រឹកថ្ងៃទី៣១ ខែសីហា ឆ្នាំ២០២៦ មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តសៀមរាប សហការជាមួយអាជ្ញាធរខេត្តសៀមរាប បានរៀបចំពិធីប្រកាសបិទផ្សាយជាសាធារណៈនូវឯកសារនៃការវិនិច្ឆ័យសម្រាប់ការចុះបញ្ជីដីធ្លីមានលក្ខណៈជាប្រព័ន្ធ នៅឃុំមុខប៉ែន ស្រុកពួក ខេត្តសៀមរាប។ ពិធីនេះប្រព្រឹត្តទៅក្រោមអធិបតីភាព ឯកឧត្តម ម៉ិត សុវណ្ណ សមាជិកក្រុមប្រឹក្សាខេត្តសៀមរាប លោក ហ៊ី សាយ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត និង លោកស្រី រឿន គីណា អភិបាលរងស្រុកពួក ដោយមានការចូលរួមពីអាជ្ញាធរមូលដ្ឋាន មន្ត្រីពាក់ព័ន្ធ និងបងប្អូនប្រជាពលរដ្ឋយ៉ាងច្រើនកុះករ។

នៅព្រឹកថ្ងៃទី៣១ ខែសីហា ឆ្នាំ២០២៦នេះ មន្ទីររៀបចំដែនដី នគរូបនីយកម្មសំណង់ និងសុរិយោដីខេត្តសៀមរាបបានបិទផ្សាយជាសាធារណៈនូវឯកសារ នៃការវិនិច្ឆ័យសម្រាប់ការចុះបញ្ជីដីធ្លីមានលក្ខណៈជាប្រព័ន្ធ សម្រាប់ក្បាលដីនៅក្នុងឃុំក្តីរុន ស្រុកពួក ខេត្តសៀមរាប ដែលការបិទផ្សាយនេះធ្វើឡើងនៅក្នុងវត្តក្តីរុនរង្សី ដើម្បីឱ្យប្រជាពលរដ្ឋ ព្រមទាំងអ្នកពាក់ព័ន្ធ ពិនិត្យផ្ទៀងផ្ទាត់ព័ត៌មាន និងដាក់ពាក្យតវ៉ា ឬស្នើសុំកែតម្រូវ ប្រសិនបើមានភាពមិនត្រឹមត្រូវ មុននឹងឈានទៅរកការចេញបណ្ណកម្មសិទ្ធិ។

នៅថ្ងៃទី២៩ ខែសីហា ឆ្នាំ២០២៦ លោក ស៊ិន ចាន់ថុល អភិបាល នៃគណៈអភិបាលស្រុកពួក ជាប្រធានគណៈកម្មាធិការ សមាគមអតីតយុទ្ធជន និងនិវត្តជនកម្ពុជា ស្រុកពួក ​ដឹកនាំក្រុមការងារ ​នាំយកនូវថវិកាចំនួន ១៦,០០០,០០០៛ (ដប់ប្រាំមួយលានរៀលគត់) របស់សម្តេច អគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា ប្រគល់ជូនគ្រួសារសពអតីតយុទ្ធជន ចំនួន ៤គ្រួសារ ក្នុងមួយគ្រួសារទទួលបានថវិកាចំនួន ៤,០០០,០០០រៀលគត់ (បួនលានរៀលគត់) ដូចខាងក្រោម៖ ១.ឈ្មោះ សំ ស៉ាវ ភេទប្រុស អាយុ ៦៥ឆ្នាំ ID: RA2590719 និវត្តជន ដែលបានទទួលមរណភាព ដោយរោគាពាធ ។ ២.ឈ្មោះ ឡាច គិមឡិក ភេទប្រុស អាយុ ៧៧ឆ្នាំ ID: SA90002215 ពលី ដែលបានទទួលមរណភាព ដោយរោគាពាធ ។ ៣.ឈ្មោះ សាត់ ម៉ាប់ ភេទប្រុស អាយុ ៥៨ឆ្នាំ ID: RA10001444 និវត្តជន ដែលបានទទួលមរណភាព ដោយរោគាពាធ ។ ៤.ឈ្មោះ ហូន ម៉ាប់ ភេទប្រុស អាយុ ៦៩ឆ្នាំ ID: RA12002495 និវត្តជន ដែលបានទទួលមរណភាព ដោយរោគាពាធ ។

ដើម្បីឱ្យប្រជាពលរដ្ឋពិនិត្យ ផ្ទៀងផ្ទាត់ និងស្នើសុំកែតម្រូវ ឬធ្វើការជំទាស់ក្នុងករណីមានកំហុសឆ្គងណាមួយ ក្រោមវត្តមានចូលរួមពី ឯកឧត្តម ម៉ក់ សំភា សមាជិកក្រុមប្រឹក្សាខេត្ត ដោយមានការចូលរួមពីអាជ្ញាធរមូលដ្ឋាន មន្ទីរអង្គភាពពាក់ព័ន្ធ និងប្រជាពលរដ្ឋជាច្រើនរូប ដែលការបិទផ្សាយនេះមានរយៈពេល ១៥ថ្ងៃ ចាប់ពីថ្ងៃទី២៧ ខែសីហា ដល់ថ្ងៃទី១០ ខែកញ្ញា ក្នុងបរិវេណវត្តព្រះពុទ្ធអណ្ដែត។ រូបភាព៖ លោក ឆាន ញា

នៅព្រឹកថ្ងៃទី២៤ ខែសីហា ឆ្នាំ២០២៦នេះ រដ្ឋបាលខេត្តសៀមរាប សហការជាមួយមន្ទីររៀបចំដែនដី បានបិទផ្សាយជាសាធារណៈនូវឯកសារវិនិច្ឆ័យដីធ្លី ជូនដល់ប្រជាពលរដ្ឋក្នុងសង្កាត់រុនតាឯក ក្រុងរុនតាឯកតេជោសែន ពិនិត្យព័ត៌មានរបស់ខ្លួន និងស្នើសុំកែតម្រូវ ឬជំទាស់ប្រសិនបើមានកំហុសឆ្គង មុនពេលឈានដល់ការចេញបណ្ណកម្មសិទ្ធិ ដោយការបិទផ្សាយនេះ មានរយៈពេល១៥ថ្ងៃ ចាប់ពីថ្ងៃទី២៤ ខែសីហា ដល់ថ្ងៃទី៧ ខែកញ្ញា ឆ្នាំ២០២៦ នៅបរិវេណវត្តជ័យគិរីមុន្នីរង្សី (ហៅវត្តរុន) ដែលពិធីនេះប្រព្រឹត្តទៅក្រោមវត្តមាន ឯកឧត្តម សួស សុខចាន់ សមាជិកក្រុមប្រឹក្សាខេត្ត និងលោក ស៊ុន សុជាតិ អនុប្រធានមន្ទីររៀបចំដែនដីខេត្ត ព្រមទាំងមានការចូលរួមពី អាជ្ញាធរមូលដ្ឋាន មន្ទីរអង្គភាពពាក់ព័ន្ធ និងប្រជាពលរដ្ឋជាច្រើនរូប។ រូបភាព៖ លោក ឆាន ញ៉ា

លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញពិនិត្យវឌ្ឍនភាព និងការចាប់ផ្តើមអនុវត្ត “កម្មវិធីលើកកម្ពស់ជីវភាពគ្រួសារយុទ្ធជន តាមរយៈគំរូផលិតកម្មកសិកម្មទំនើប” នៅស្រុកប្រាសាទបាគង

យោងតាម​គណនីហ្វេសប៊ុក របស់​ឯកឧត្តម ប្រាក់ សោភ័ណ អភិបាល​ខេត្តសៀមរាប បាន​ឱ្យ​ដឹងថា នាថ្ងៃទី២២​ ខែសីហា​ ឆ្នាំ២០២៦​ ឯកឧត្តម​ និងភរិយា​ បានអមដំណេីរ​ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៨ខ្នង ដែលជាអំណោយដ៏ថ្លៃថ្លារបស់ សម្តេចមហាបវរធិបតី​ ហ៊ុន ម៉ាណែត និងលោកជំទាវបណ្ឌិតផ្ទាល់ ជូនដល់ក្រុមគ្រួសាររបស់វីរយុទ្ធជនពលី រស់នៅក្នុងខេត្តសៀមរាប ។ ក្នុងឱកាសជជែកសំណេះសំណាលសួរសុខទុក្ខ លោកជំទាវបណ្ឌិត បានពាំនាំប្រសាសន៍ចូលរួមរំលែកមរណទុក្ខដ៏សោកសៅបំផុត រួមជាមួយប្រសាសន៍សួរសុខទុក្ខពី សម្តេចអគ្គមហាសេនាបតីតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមទាំង សម្តេចមហាបវរធិបតី ហ៊ុន ម៉ាណែត ជូនដល់ក្រុមគ្រួសារនៃសព។ លើសពីនេះ ដើម្បីសម្រួលដល់ជីវភាពរស់នៅប្រចាំថ្ងៃ លោកជំទាវបណ្ឌិត ក៏បាននាំយកមកជាមួយនូវអំណោយរបស់ សម្តេចមហាបវរធិបតី និងលោកជំទាវបណ្ឌិត មានដូចជាថវិកា សម្ភារៈប្រើប្រាស់ ស្បៀងអាហារ និងសម្ភារៈចាំបាច់ផ្សេងៗ ជូនដល់ក្រុមគ្រួសាររបស់វីរយុទ្ធជនផងដែរ។

ថ្នាក់ដឹកនាំមន្ត្រីរាជការនៃមន្ទីរព័ត៌មានខេត្តសៀមរាប សូមគោរពថ្លែងអំណរគុណឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន ដែលបានផ្ដល់ជូន Camera video panasonic មួយគ្រឿងនិង computer មួយគ្រឿងជូនដល់មន្ទីរព័ត៌មានខេត្តនៅថ្ងៃទី១៧ខែសីហាឆ្នាំ២០២៦។