ព័ត៌មានក្នុងខេត្ត

ឯកសារវិនិច្ឆ័យនៃការចុះបញ្ជីដីធ្លីមានលក្ខណៈជាប្រព័ន្ធ ក្នុងភូមិពោធិ និងភូមិទ្រាយ នៃឃុំពោធិ៍ទ្រាយ ស្រុកពួក ខេត្តសៀមរាប ខេត្តសៀមរាប ត្រូវបានបិទផ្សាយជាសាធារណៈ ដើម្បីផ្ដល់ឱកាសជូនប្រជាពលរដ្ឋជាម្ចាស់ដី ចូលរួមពិនិត្យ និងផ្ទៀងផ្ទាត់ព័ត៌មានពាក់ព័ន្ធនឹងក្បាលដីរបស់ខ្លួន មានរយៈពេល ១៥ ក្នុងនៅសាលារៀនអនុវិទ្យាល័យពោធិ៍ទ្រាយ ក្រោមអធិបតីភាព ឯកឧត្តម សួស សុខចាន់ សមាជិកក្រុមប្រឹក្សាខេត្តសៀមរាប និងជាសមាជិកគណះកម្មាធិការរៀបចំដែនដី និងនគរូបនីយកម្ម ដោយមានការអញ្ជើញចូលរួមពីលោក អភិបាលរង នៃគណៈអភិបាលស្រុកពួក លោក លោកស្រី តំណាងមន្ទីរ អង្គភាពជំនាញពាក់ព័ន្ធ លោក មេឃុំ សមាជិកក្រុមប្រឹក្សាឃុំ លោក មេភូមិទាំងពីរភូមិ និងប្រជាពលរដ្ឋជាម្ចាស់ក្បាលដី ។ ប្រភព៖ រដ្ឋបាលខេត្តសៀមរាប

នាថ្ងៃទី២៧ ខែតុលា ឆ្នាំ២០២៦ លោក សំកុល សុចិត្រា អភិបាលរងខេត្តតំណាងឯកឧត្តម ប្រាក់ សោភ័ណ អភិបាល នៃគណៈអភិបាលខេត្តបាននាំយកសាររំលែកទុក្ខ និងនាំយកថវិកាចំនួន ២លានរៀលរបស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត ដើម្បីចូលរួមរំលែកទុក្ខជាមួយក្រុមគ្រួសារលោកវរសេនីត្រី ម៉ៅ ភារី មេបញ្ជាការកងអនុសេនាធំលេខ២ វរសេនាតូចស៊ើបការណ៍ នៃយោធភូមិភាគទី៤ ដែលលោកវរសេនីត្រីបានទទួលមរណភាព នាថ្ងៃអង្គារ ១រោច ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែតុលា ឆ្នាំ២០២៦ ក្នុងជន្មាយុ ៦៣ឆ្នាំ នៅមន្ទីរពេទ្រសមរភូមិមុខ ដោយសារគាំងបេះដូងពេលកំពុងបំពេញភារកិច្ច ចំណុចភ្នំ២០០ទិសអន្លង់វែង។ប្រភព៖ រដ្ឋបាលខេត្តសៀមរាប

នាព្រឹកថ្ងៃទី៣០ ខែតុលា ឆ្នាំ២០២៦ ក្រុមហ៊ុនជី NPK កាម៉ៅ សហការជាមួយមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បានរៀបចំសិក្ខាសាលាបច្ចេកទេសស្តីពីការប្រើប្រាស់ជី NPK កាម៉ៅ ក្រោមអធិបតីភាពលោក ទា គឹមសុទ្ធ ប្រធានមន្ទីរកសិកម្មខេត្ត លោក ឡង វ៉ាន់ឡេ នាយករង ការិយាល័យ ក្រុមហ៊ុនកាម៉ៅ តំណាងនៅក្នុងព្រះរាជាណាចក្រ កម្ពុជា លោក ចាន់ ភាព ប្រធានការិយាល័យទីផ្សារ ក្រុមហ៊ុនយីតាក់គ្រុប ដោយមានការអញ្ជើញចូលរួមពីម្ចាស់ដេប៉ូលក់ជី ប្រជាកសិករក្នុងខេត្ត និងអ្នកពាក់ព័ន្ធជាច្រើនរូប។

លោក ខឿន រដ្ឋា អភិបាលរងក្រុង តំណាង លោក នួន ពុទ្ធារ៉ា អភិបាល នៃគណៈអភិបាលក្រុងសៀមរាប ជាប្រធានគណៈកម្មាធិការ អ.ន.ក. ក្រុងសៀមរាប បានដឹកនាំក្រុមការងារ ដោយមានការចូលរួមពីអាជ្ញាធរដែនដី ស.ស.យ.ក.នាំយកនូវថវិកាចំនួន ២០,០០០,០០០៛ (ម្ភៃលានរៀលគត់) របស់សម្តេច អគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា ប្រគល់ជូនគ្រួសារសពអតីតយុទ្ធជន ចំនួន ៥គ្រួសារ ក្នុងមួយគ្រួសារទទួលបាន(៤,០០០,០០០រៀល) ដូចខាងក្រោម៖

ក្រោមការណែនាំរបស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត កាលពីរសៀលថ្ងៃទី២៧ ខែតុលា ឆ្នាំ ២០២៦ លោក ហែន ពុទ្ធី អភិបាលរងខេត្តសៀមរាប តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានរៀបចំដឹកនាំក្រុមការងារខេត្តជួយសម្របសម្រួលប្រជាពលរដ្ឋ ១៣គ្រួសារ ស្មើនឹង ៥៩នាក់ មកពី ៩ ក្រុង ស្រុក នៃខេត្តសៀមរាប ដែលមានសិទ្ធិទទួលបានដីឡូតិ៍ និងផ្ទះ នៅក្នុងភូមិសាស្ត្រឃុំស្តៅ ស្រុកសេសាន ខេត្តស្ទឹងត្រែង ក្នុងគម្រោងទីមួយ នៃកម្មវិធីផ្ដល់ដីការពារព្រៃដើម្បីរួមគ្នាអភិវឌ្ឍន៍ដោយចីរភាព (ផ.ក.អ)។ ជាមួយគ្នានេះ រដ្ឋបាលខេត្តសៀមរាប បានរៀបចំរថយន្តចំនួន ៦ គ្រឿងសម្រាប់ដឹកជញ្ជូនប្រជាពលរដ្ឋ និងរថយន្តដឹកសម្ភារ ចំនួន ៣គ្រឿង ទៅឃុំស្តៅ ស្រុកសេសាន ខេត្តស្ទឹងត្រែង ដើម្បីទទួលគម្រោងខាងលើ។

លោក យុន លីនណេ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត លោក ប៉ូ ច័ន្ទមុនី អគ្គនាយករង នៃអគ្គនាយកដ្ឋានរដ្ឋបាល ក្រសួងមហាផ្ទៃ និងលោក លោក YUMITA Kazuo ប្រធានទីប្រឹក្សាគម្រោងទីក្រុងឆ្លាតក្រុងសៀមរាប ដោយមានការចូលរួម ពីលោក ប្រធានការិយាល័យកុងស៊ុលជប៉ុនប្រចាំខេត្តសៀមរាប លោកស្រី នាយករងរដ្ឋបាលសាលាខេត្ត លោក លោកស្រី នាយកទីចាត់ការ ប្រធានអង្គភាពចំណុះសាលាខេត្ត ស្នងការរងនៃស្នងការដ្ឋាននគរបាលខេត្ត សៀមរាប ប្រធាន-អនុប្រធានមន្ទីរជំនាញជុំវិញខេត្ត អភិបាលរងក្រុងសៀមរាប ក្រុមការងារលេខាធិការដ្ឋានSmart City ប្រធានក្រុមហ៊ុន អង្គការដៃគូ គ្រឹះស្ថានសិក្សា ប្អូនៗនិស្សិត និងលោក លោកស្រី ទាំងអស់ ដែលមានវត្តមាននៅកិច្ច ប្រជុំដោយផ្ទាល់ និងតាមប្រព័ន្ធអនឡាញ។

ក្រុងសៀមរាប ក្រោមវត្តមានលោក ឈឿត ចំរើន នាយករងទីចាត់ការធនធានមនុស្ស លោក សេង វិសាល នាយករងទីចាត់ការផែនការវិនិយោគ នៃរដ្ឋបាលខេត្តសៀមរាប លោក នួន ពុទ្ធារ៉ា អភិបាលក្រុងសៀមរាប និងលោកស្រី ស្រី សុគុណ ប្រធានមន្ទីរផែនការខេត្តសៀមរាប ដោយមានការចូលរួមពីអាជ្ញាធរសង្កាត់ មេភូមិ និងអ្នកពាក់ព័ន្ធជាច្រើនរូប។ កិច្ចប្រជុំនេះមានគោលបំណងពិនិត្យ និងវាយតម្លៃលើដំណើរការកំណត់អត្តសញ្ញាណគ្រួសារក្រីក្រ និងការផ្តល់បណ្ណសមធម៌ ជូនប្រជាពលរដ្ឋក្នុងមូលដ្ឋាន ដើម្បីធានាថា ការអនុវត្តការងារប្រព្រឹត្តទៅដោយត្រឹមត្រូវ តម្លាភាព និងស្របតាមនីតិវិធី ព្រមទាំងពិនិត្យបញ្ហាប្រឈម និងស្វែងរកដំណោះស្រាយសមស្រប ដើម្បីឱ្យគ្រួសារដែលមានជីវភាពខ្វះខាតពិតប្រាកដ អាចទទួលបានអត្ថប្រយោជន៍ពីកម្មវិធីគាំពារសង្គមរបស់រាជរដ្ឋាភិបាល សំដៅរួមចំណែកលើកកម្ពស់ជីវភាពរស់នៅ និងកាត់បន្ថយភាពក្រីក្ររបស់ប្រជាពលរដ្ឋ។ អត្ថបទ និងរូបភាព៖ លោក ហេង វន្នី

ក្រោមអធិបតីភាពឯកឧត្តម លី សំរិទ្ធ ប្រធានក្រុមប្រឹក្សាខេត្ត និងលោក ឌី រ៉ាដូ អភិបាលរងខេត្ត និងមានការអញ្ជើញចូលរួមពី ឯកឧត្ដម នូ ផល្លា តំណាងរាស្រ្តមណ្ឌលសៀមរាប ព្រះចៅអធិការ ឯកឧត្តម លោកជំទាវជាសមាជិក សមាជិការក្រុមប្រឹក្សាខេត្ត ថ្នាក់ដឹកនាំមន្ទីរ អង្គភាព រដ្ឋបាលស្រុក ក្រុមប្រឹក្សាឃុំ មេភូមិ និងសិស្សានុសិស្ស និង ប្រជាពលរដ្ឋក្នុងមូលដ្ឋានច្រើនកុះករ។

ព័ត៌មានបឋម៖ នៅព្រឹកថ្ងៃទី២៦ ខែតុលា ឆ្នាំ២០២៦នេះ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត សហការជាមួយរដ្ឋបាលខេត្តសៀមរាប បានរៀបចំសន្និបាតបូកសរុបលទ្ធផលការងារប្រចាំឆ្នាំ២០២៦ និងលើកទិសដៅការងារបន្តសម្រាប់ឆ្នាំ២០២៧ របស់មន្ទីរ ដឹកនាំដោយឯកឧត្តម លាង មុនីរិទ្ធ រដ្ឋលេខាធិការក្រសួងរៀបចំដែនដី ឯកឧត្តម សួស សុចាន់ សមាជិកក្រុមប្រឹក្សាខេត្តសៀមរាប លោក ហែន ពុទ្ធី អភិបាលរងខេត្ត លោក លោកស្រីជាអគ្គនាយកសំណង់ ថ្នាក់ដឹកមន្ទីរអង្គភាព អាជ្ញាធរក្រុងស្រុក និងមន្ត្រីពាក់ព័ន្ធជាច្រើនរូប។

នៅថ្ងៃទី២២-២៣ ខែតុលា ឆ្នាំ២០២៦នេះ ថ្នាក់ដឹកនាំ និងមន្ត្រីចំនួន៣រូប នៃមន្ទីរព័ត៌មានខេត្តសៀមរាប បានចូលរួមសិក្ខាសាលាផ្សព្វផ្សាយអំពី វឌ្ឍនភាពការងារកែទម្រង់វិមជ្ឈការ និងវិសហមជ្ឈការក្រសួងព័ត៌មាន និងការពិនិត្យឡើងវិញមុខងារដែលបានធ្វើប្រតិភូកម្ម នៅក្រសួងព័ត៌មាន និងនៅរដ្ឋបាលថ្នាក់ក្រោមជាតិ កម្មវិធីនេះរៀបចំឡើងនៅសាលាខេត្តបាត់ដំបង ខេត្តបាត់ដំបង ក្រោមអធិបតីភាពឯកឧត្តម រស់ ថាន់សន រដ្ឋលេខាធិការក្រសួងព័ត៌មាន និងមានការចូលរួមពីថ្នាក់ដឹកនាំ និងមន្ត្រីនៅតាមមន្ទីរព័ត៌មានចំនួន១២ខេត្តចូលរួម។

ព័ត៌មានបឋម៖ នាព្រឹកថ្ងៃទី២៣ ខែតុលា ឆ្នាំ២០២៦ នៅសណ្ឋាគារមេម័រ ផាលេស ខេត្ដសៀមរាប លោក ឌី រ៉ាដូ អភិបាលរងខេត្ដ តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាលខេត្ដសៀមរាប បានអញ្ជើញជាអធិបតីភាពក្នុងពិធីសិក្ខាសាលាស្ដីពីកិច្ចសហប្រតិបត្តិការរវាងក្រុមហ៊ុនស្មាត អាស្យាតា ខូលអិលធីឌី និងរដ្ឋបាលខេត្ដដើម្បីជំរុញការអភិវឌ្ឍន៍វិស័យទូរគមនាគមន៍ និងវិស័យឌីជីថលក្នុងខេត្ដសៀមរាបឱ្យកាន់តែមានភាពរីកចម្រើន។ រូបភាព៖ លោក អោត រត់

ព័ត៌មានបឋម៖ នៅព្រឹកថ្ងៃទី២៣ ខែតុលា ឆ្នាំ២០២៦នេះ លោក សុខ ថុល អភិបាលរងខេត្តសៀមរាប បានដឹកនាំកិច្ចប្រជុំប្រចាំត្រីមាសស្តីពីការពិនិត្យវឌ្ឍនភាពនៃការអនុវត្តផែនការសកម្មភាព(ផ.អ.៥)ឆ្នាំ២០២៦ ដោយមានការចូលរួមពីសំណាក់លោក លោកស្រីមន្ត្រីជំនាញមន្ទីរអង្គភាពចូលរួមផងដែរ។ រូបភាព៖ លោក ទ្រា ពន្លឺ