នៅថ្ងៃទី២២-២៣ ខែតុលា ឆ្នាំ២០២៦នេះ ថ្នាក់ដឹកនាំ និងមន្ត្រីចំនួន៣រូប នៃមន្ទីរព័ត៌មានខេត្តសៀមរាប បានចូលរួមសិក្ខាសាលាផ្សព្វផ្សាយអំពី វឌ្ឍនភាពការងារកែទម្រង់វិមជ្ឈការ និងវិសហមជ្ឈការក្រសួងព័ត៌មាន និងការពិនិត្យឡើងវិញមុខងារដែលបានធ្វើប្រតិភូកម្ម នៅក្រសួងព័ត៌មាន និងនៅរដ្ឋបាលថ្នាក់ក្រោមជាតិ កម្មវិធីនេះរៀបចំឡើងនៅសាលាខេត្តបាត់ដំបង ខេត្តបាត់ដំបង ក្រោមអធិបតីភាពឯកឧត្តម រស់ ថាន់សន រដ្ឋលេខាធិការក្រសួងព័ត៌មាន និងមានការចូលរួមពីថ្នាក់ដឹកនាំ និងមន្ត្រីនៅតាមមន្ទីរព័ត៌មានចំនួន១២ខេត្តចូលរួម។

ព័ត៌មានបឋម៖ នាព្រឹកថ្ងៃទី២៣ ខែតុលា ឆ្នាំ២០២៦ នៅសណ្ឋាគារមេម័រ ផាលេស ខេត្ដសៀមរាប លោក ឌី រ៉ាដូ អភិបាលរងខេត្ដ តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាលខេត្ដសៀមរាប បានអញ្ជើញជាអធិបតីភាពក្នុងពិធីសិក្ខាសាលាស្ដីពីកិច្ចសហប្រតិបត្តិការរវាងក្រុមហ៊ុនស្មាត អាស្យាតា ខូលអិលធីឌី និងរដ្ឋបាលខេត្ដដើម្បីជំរុញការអភិវឌ្ឍន៍វិស័យទូរគមនាគមន៍ និងវិស័យឌីជីថលក្នុងខេត្ដសៀមរាបឱ្យកាន់តែមានភាពរីកចម្រើន។ រូបភាព៖ លោក អោត រត់

ព័ត៌មានបឋម៖ នៅព្រឹកថ្ងៃទី២៣ ខែតុលា ឆ្នាំ២០២៦នេះ រដ្ឋបាលខេត្តសៀមរាប រៀបចំកិច្ចប្រជុំ ត្រៀមចូលរួមវេទិកាផ្សព្វផ្សាយ និងពិគ្រោះយោបល់របស់ ក្រុមប្រឹក្សាខេត្តសៀមរាប អាណត្តិទី៤ ឆ្នាំ២០២៦។ កិច្ចប្រជុំនេះដឹកនាំដោយ លោក ព្រឹម រដ្ឋា អភិបាលរងខេត្តសៀមរាប និងមានការចូលរួមពីលោក នាយករដ្ឋបាលស្តីទីសាលាខេត្ត មន្រ្តីចំណុះរដ្ឋបាលខេត្ត លោក លោកស្រីប្រធានមន្ទីរ, តំណាងមន្ទីរអង្គភាពពាក់ព័ន្ធជាច្រើនរូប។ រូបភាព៖ លោក ធន់ ពូថេ

នាថ្ងៃទី២២ ខែតុលា ឆ្នាំ២០២៦ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តដឹកនាំក្រុមការងារចុះពិនិត្យនិងរៀបចំសោភ័ណភាពតាមដងស្ទឹងសៀមរាប ដើម្បីត្រៀមរៀបចំព្រឹត្តិការណ៍ផ្សេងៗ និងការរៀបចំព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុកនាពេលខាងនេះ។ ប្រភព៖ រដ្ឋបាលខេត្តសៀមរាប

នៅថ្ងៃទី២២ ខែតុលា ឆ្នាំ២០២៦នេះ ថ្នាក់ដឹកនាំ និងមន្ត្រីចំនួន៣រូប នៃមន្ទីរព័ត៌មានខេត្តសៀមរាប បានចូលរួមសិក្ខាសាលាផ្សព្វផ្សាយអំពី វឌ្ឍនភាពការងារកែទម្រង់វិមជ្ឈការ និងវិសហមជ្ឈការក្រសួងព័ត៌មាន និងការពិនិត្យឡើងវិញមុខងារដែលបានធ្វើប្រតិភូកម្ម នៅក្រសួងព័ត៌មាន និងនៅរដ្ឋបាលថ្នាក់ក្រោមជាតិ កម្មវិធីនេះរៀបចំឡើងនៅសាលាខេត្តបាត់ដំបង ខេត្តបាត់ដំបង ក្រោមអធិបតីភាពឯកឧត្តម រស់ ថាន់សន រដ្ឋលេខាធិការក្រសួងព័ត៌មាន និងមានការចូលរួមពីថ្នាក់ដឹកនាំ និងមន្ត្រីនៅតាមមន្ទីរព័ត៌មានចំនួន១៣ខេត្តចូលរួម។

រដ្ឋបាលខេត្តសៀមរាប គ្រោងនឹងរៀបចំព្រះរាជពិធីបុណ្យអុំទូករយៈពេល ៥ថ្ងៃ ចាប់ពីថ្ងៃទី២០ ដល់ទី២៥ ខែវិច្ឆិកា ឆ្នាំ២០២៦នេះ ខណៈការប្រណាំងទូក «ង» នឹងធ្វើឡើងរយៈពេល ២ថ្ងៃ នៅថ្ងៃទី២៣-២៤ ខែវិច្ឆិកា ជាមួយនឹងការរៀបចំកម្មវិធីកម្សាន្តជាច្រើនទៀត ដូចជាកម្មវិធីជិះទូកកម្សាន្ត កម្មវិធីសាសនា កម្មវិធីសិល្បៈបុរាណ ស្ដង់ពិព័រណ៍ និងកម្មវិធីកម្សាន្តជាច្រើនទៀត។