ព័ត៌មានក្នុងខេត្ត

នៅព្រឹកថ្ងៃ២៩ ខែមិថុនា ឆ្នាំ២០២៦នេះ រដ្ឋបាលខេត្តសៀមរាប និងមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បានបិទផ្សាយជាសាធារណៈនូវឯកសារវិនិច្ឆ័យដីធ្លីជូនដល់ប្រជាពលរដ្ឋ ពិនិត្យផ្ទៀងផ្ទាត់ កែតម្រូវ ឬជំទាស់ សម្រាប់ក្បាលដីក្នុងភូមិចំនួន៨ រួមមាន ភូមិអង្គ្រង ភូមិកន្ទ្រាំង ស្រិតខាងលិច ស្រិតខាងកើត ភូមិសូភី ត្រពាំងថ្នល់ តាត្រាវ ភូមិពង្រ ក្នុងឃុំកន្ទ្រាំង ស្រុកប្រាសាទបាគង ខេត្តសៀមរាប។

នៅថ្ងៃទី២៩ ខែមិថុនា ឆ្នាំ២០២៦នេះ រដ្ឋបាលខេត្តសៀមរាប និងទីភ្នាក់ងារសហប្រតិបត្តិការអន្តរជាតិជប៉ុន (JICA) បានបន្តបើកកិច្ចប្រជុំសាមញ្ញលើកទី៤ វេទិកាទីក្រុងឆ្លាតសៀមរាប នៃគម្រោងទីក្រុងឆ្លាតវៃ ខេត្តសៀមរាប ក្នុងគោលបំណងពិនិត្យវឌ្ឍនភាពការងារ បើកឱកាសឱ្យរដ្ឋ និងឯកជនពិភាក្សាប្រមូលធាតុចូល និងជំរុញការប្រើប្រាស់បច្ចេកវិទ្យាលើវិស័យអាទិភាព ដើម្បីប្រែក្លាយក្រុងសៀមរាបឱ្យទៅជាទីក្រុងបេតិកភណ្ឌទេសចរណ៍ដ៏ទំនើប មានសុវត្ថិភាព និងការអភិវឌ្ឍប្រកបដោយចីរភាព។

ឯកសារនៃការវិនិច្ឆ័យដីធ្លីដែលមានលក្ខណៈជាប្រព័ន្ធ ចំនួន ១៣ ៣៧៤ក្បាលដី ស្ថិតក្នុងភូមិចំនួន១២ រួមមាន៖ ភូមិត្រាំកង់ ភូមិឈូករ័ត្ន ភូមិរុន គោកត្នាត ខ្នាជោ ដំរីស្លាប់ ភូមិតាមាឃ ចន្លាស់ដៃ ព្រះលាន រលំស្វាយ កំបោរ និងភូមិដូនកាយ នៃឃុំចន្លាស់ដៃ ស្រុកក្រឡាញ់ ខេត្តសៀមរាប ត្រូវបានបីផ្សាយជាសាធារណៈ ដែលជាឱកាសចុងក្រោយសម្រាប់ប្រជាពលរដ្ឋធ្វើការត្រួតពិនិត្យ និងស្នើសុំកែតម្រូវទិន្នន័យ ដើម្បីធានានូវភាពត្រឹមត្រូវមុននឹងចេញបណ្ណកម្មសិទ្ធិជូន។

នៅថ្ងៃទី២៩ ខែមិថុនា ឆ្នាំ២០២៦ លេខាធិការដ្ឋានរៀបចំការបោះឆ្នោតខេត្តសៀមរាប បានប្រជុំផ្សព្វផ្សាយពីនីតិវិធីនៃការអនុវត្តការងាររៀបចំត្រៀមការស្រង់ស្ថិតិប្រជាពលរដ្ឋប៉ាន់ស្មាន និងការស្រង់ឈ្មោះអ្នកបោះឆ្នោត និងប្រជាពលរដ្ឋរៀងរាល់ ២ខែម្តង ទាក់ទងនឹងការត្រៀមពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ ជូនដល់អ្នកពាក់ព័ន្ធក្នុងខេត្ត។

ឯកឧត្តម ម៉ក់ សីហា អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកអង្គរធំ ខេត្តសៀមរាប បានណែនាំដល់ក្រុមការងារពាក់ព័ន្ធ និងមន្រ្តីជំនាញ ចង់ស្រង់ស្ថិតិប្រជាពលរដ្ឋដែលគ្រប់អាយុ ដើម្បីធ្វើអត្តសញ្ញាណបណ្ណជូនពួកគាត់ ក្នុងការត្រៀមខ្លួនបោះឆ្នោត និងបំពេញកាតព្វកិច្ចយោធានាពេលខាងមុខ។

នៅព្រឹកថ្ងៃទី២៩ ខែមិថុនា ឆ្នាំ២០២៦នេះ លោក លី សារី អភិបាលរងខេត្តសៀមរាប តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាលខេត្ត បានអញ្ជើញចូលរួមក្នុងពិធីប្រគល់ និងទទួលស្ដម្ភរដ្ឋធម្មនុញ្ញចម្លងជូនទៅដល់បណ្ដារាជធានីខេត្ត ដាក់តម្កល់ក្នុងសាលាខេត្ត ដែលពិធីនេះធ្វើឡើងនៅទីស្ដីការក្រុមប្រឹក្សារដ្ឋធម្មនុញ្ញ រាជធានីភ្នំពេញ ក្រោមអធិបតីភាព ឯកឧត្តម ហ៊ី សោភា ប្រធានក្រុមប្រឹក្សារដ្ឋធម្មនុញ្ញ។

រដ្ឋបាលខេត្តសៀមរាប និងមន្ទីរផែនការខេត្ត នៅថ្ងៃទី២៩ ខែមិថុនា ឆ្នាំ២០២៦នេះ បានរៀបចំវគ្គបណ្តុះបណ្តាលពង្រឹងសមត្ថភាពដល់មន្ត្រីបច្ចេកទេស និងមន្ត្រីមកពីមន្ទីរអង្គភាពជុំវិញខេត្ត ស្ដីពីការវិភាគស្ថានភាពសម្រាប់រៀបចំកម្មវិធីវិនិយោគ ៣ឆ្នាំរំកិលខេត្ត ឆ្នាំ២០២៧-២០២៩ ដើម្បីពង្រឹងចំណេះដឹង និងជំនាញដល់មន្ត្រី ដើម្បីធានាបាននូវការរៀបចំផែនការអភិវឌ្ឍន៍ និងកម្មវិធីវិនិយោគប្រកបដោយគុណភាព ប្រសិទ្ធភាព និងភាពច្បាស់លាស់ ស្របតាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល។

ព័ត៌មានបឋម៖ នាព្រឹកថ្ងៃទី២៩ ខែមិថុនា ឆ្នាំ២០២៦នេះ រដ្ឋបាលខេត្តសៀមរាប បានបើកកិច្ចប្រជុំសាមញ្ញលើកទី៤ វេទិកាទីក្រុងឆ្លាតសៀមរាប នៃគម្រោងទីក្រុងឆ្លាតវៃ ខេត្តសៀមរាប ក្រោមអធិបតីភាព ឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃ និងជាប្រធានគណៈកម្មការសម្របសម្រួល និងដឹកនាំការងារទីក្រុងឆ្លាត លោក សំកុល សុចិត្រា អភិបាលរងខេត្ត ដោយមានការចូលរួមពីមន្ទីរ ស្ថាប័នរដ្ឋ វិស័យឯកជន និងភាគីពាក់ព័ន្ធ។

ព័ត៌មានបឋម៖ អាជ្ញាធរខេត្តសៀមរាប ប្រកាសដាក់ឱ្យដំណើរការបិទផ្សាយជាសាធារណៈនូវឯកសារនៃការវិនិច្ឆ័យដីធ្លីមានលក្ខណៈជាប្រព័ន្ធចំនួន១៣,៣៧៤ ក្បាលដី ស្ថិតក្នុងភូមិទាំង១២ នៃឃុំចន្លាស់ដៃ ស្រុកក្រឡាញ់ ខេត្តសៀមរាប។ ពិធីនេះបានប្រព្រឹត្តទៅក្រោមអធិបតីភាព ឯកឧត្ដម សួស សុខចាន់ សមាជិកក្រុមប្រឹក្សាខេត្ត លោក ហែន ពុទ្ធី អភិបាលរងខេត្ត ថ្នាក់ដឹកនាំមន្ទីអង្គភាព និងបងប្អូនប្រជាពលរដ្ឋមូលដ្ឋានជាច្រើនរូប។ រូបភាព៖ លោក ឡៃ បញ្ញា

នាព្រឹកថ្ងៃ២៩ ខែមិថុនា ឆ្នាំ២០២៦ គណៈកម្មការរដ្ឋបាលខេត្ត និងមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បានសហការជាមួយរដ្ឋបាលស្រុក រៀបចំពិធីប្រកាសបិទផ្សាយជាសាធារណៈនូវឯកសារវិនិច្ឆ័យ នៅបរិវេណវត្តគគីរ ឃុំកន្រ្ទាំង ស្រុកប្រាសាទបាគង ដែលមានការចុះបញ្ជីដីធ្លីមានលក្ខណៈជាប្រព័ន្ធ ដើម្បីឱ្យប្រជាពលរដ្ឋជាម្ចាស់ដី និងអ្នកពាក់ព័ន្ធ ចូលរួមពិនិត្យ ផ្ទៀងផ្ទាត់ និងកែតម្រូវព័ត៌មានឱ្យបានត្រឹមត្រូវ មុនពេលចេញបណ្ណកម្មសិទ្ធិជូនដល់ពលរដ្ឋ។ ពិធីនេះដែលក្រោមអធិបតីភាពឯកឧត្តម ឡុក ឡងឌី សមាជិកក្រុមប្រឹក្សាខេត្ត លោក ឌី រ៉ាដូ អភិបាលរងខេត្ត និង មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត អាជ្ញាធរមូលដ្ឋាន និងអង្គភាពពាក់ព័ន្ធជាច្រើនរូបផងដែរ៕ រូបភាព ៖ លោក ឆាន ញ្ញា

ម្រះ គឺជាដំណាំយុទ្ធសាស្ត្រមួយប្រភេទដែលកំពុងទទួលបានការចាប់អារម្មណ៍ខ្លាំងពីសំណាក់កសិករ។ មិនត្រឹមតែងាយស្រួលដាំដុះ និងផ្តល់ទិន្នផលខ្ពស់ប៉ុណ្ណោះទេ ម្រះថែមទាំងមានតម្រូវការទីផ្សារខ្ពស់ និងតម្លៃល្អ ដែលជាកាតាលីករយ៉ាងសំខាន់ក្នុងការជួយជម្រុញសេដ្ឋកិច្ចគ្រួសារកសិករឱ្យកាន់តែប្រសើរឡើង។

ប្រជាពលរដ្ឋនៅឃុំមានជ័យ ស្រុកប្រាសាទបាគង ទទួលបានសមិទ្ធផលផ្លូវបេតុងថ្មីប្រវែងជាង ៥០០ម៉ែត្រ ដែលរួមចំណែកសម្រួលដល់ការធ្វើដំណើរ ការដឹកជញ្ជូន និងលើកកម្ពស់ជីវភាពរស់នៅឱ្យកាន់តែប្រសើរឡើង