ព័ត៌មានក្នុងខេត្ត

‎នៅថ្ងៃទី៤ ខែកក្កដា ឆ្នាំ២០២៦ ក្រុមការងាររាជរដ្ឋាភិបាលចុះមូលដ្ឋានស្រុកប្រាសាទបាគង បានរៀបចំកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៦ និងលើកទិសដៅអនុវត្តបន្ត ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ ព្រមទាំងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា នៅក្នុងភូមិសាស្ត្រស្រុកប្រាសាទបាគង។

យើងកំពុងរស់នៅក្នុងយុគសម័យបច្ចេកវិទ្យាឌីជីថល អ៊ីនធឺណិត និងបណ្តាញសង្គមបានផ្តល់ភាពងាយស្រួលដល់យើងយ៉ាងខ្លាំង ប៉ុន្តែវាក៏បាននាំមកនូវ ហានិភ័យដ៏ធំមួយផងដែរ នោះគឺ «ព័ត៌មានក្លែងក្លាយ» ដូចនេះ មុននឹងយើងជឿ ឬចុចប៊ូតុង Share ទៅកាន់មិត្តភ័ក្តិ គ្រួសារ ឬសហគមន៍ យើងត្រូវតែ «ឈប់បន្តិចសិន!» ដើម្បីផ្ទៀងផ្ទាត់រកប្រភពច្បាស់លាស់ ត្រឹមត្រូវ និងមានទំនួលខុសត្រូវខ្ពស់ , យុវវ័យជាពលរដ្ឋឆ្លាតវៃ យើងត្រូវប្រើប្រាស់បច្ចេកវិទ្យាដោយភាពវៃឆ្លាត ចេះគិតគួរត្រិះរិះ និងមិនងាយចាញ់បោកពាក្យចចាមអារ៉ាម ឬព័ត៌មានប្រឌិតឡើយ , យើងត្រូវស្វែងយល់ និងចូលរួមចែករំលែកចំណេះដឹង អំពីសុវត្ថិភាពព័ត៌មាន និងរបៀបបង្ការហានិភ័យឌីជីថលទាំងនេះដល់មនុស្សជុំវិញខ្លួន , យើងត្រូវដឹងថា «សន្តិភាពជាមូលដ្ឋានគ្រឹះនៃការលើកកម្ពស់ និងអនុវត្តសិទ្ធិកុមារ និងយុវវ័យ» ការចូលរួមថែរក្សាសន្តិសុខព័ត៌មាន គឺដើម្បីអនាគតដ៏ភ្លឺស្វាងរបស់យើងទាំងអស់គ្នា ។

ប្រាសាទបន្ទាយស្រី គឺជាប្រាសាទបុរាណខ្មែរនាពាក់កណ្តាលសតវត្សទី១០ ដែលត្រូវបានកសាងឡើងដើម្បីឧទ្ទិសដល់ព្រះសិវៈ ក្នុងព្រហ្មញ្ញសាសនា។ ប្រាសាទនេះមានទីតាំងស្ថិតក្នុងតំបន់អង្គរ ក្បែរភ្នំដី ចម្ងាយប្រមាណ ២៥ គីឡូម៉ែត្រ ខាងទិសឦសាននៃក្រុមប្រាសាទសំខាន់ៗ ដែលធ្លាប់ជារាជធានីបុរាណ យសោធរបុរៈ និងអង្គរធំ។ ប្រាសាទបន្ទាយស្រីសាងសង់ឡើងភាគច្រើនអំពីថ្មភក់ពណ៌ផ្កាឈូក (ថ្មភក់ក្រហម) ដែលជាប្រភេទថ្មអំណោយផលដល់ការដាប់ឆ្លាក់ក្បាច់លម្អលើជញ្ជាំងយ៉ាងល្អិតឆ្មារ ដែលយើងនៅតែអាចមើលឃើញយ៉ាងច្បាស់រហូតមកដល់សព្វថ្ងៃ។

ផេកខាងលើនេះបង្កើតឡើងក្នុងចេតនាទុច្ចរិត ដោយយកព័ត៌មានចាស់មកបង្ហោះឡើងវិញ និងកែប្រែបរិបទ ធ្វើឱ្យសាធារណជនយល់ថា ជាហេតុការណ៍ទើបកើតឡើង ដើម្បីទាក់ទាញការចាប់អារម្មណ៍ ស្វែងរកជំនួយ ឬការបរិច្ចាគពីសប្បុរសជន។ ដូចនេះសូមសាធារណជន កុំយល់ច្រឡំ និងឈប់ចែករំលែកបន្ត ដែលនាំឱ្យចាញ់បោកជនឆ្លៀតឱកាស។

នៅព្រឹកថ្ងៃទី​៤​ខែកក្កដា ឆ្នាំ២០២៦នេះឯកឧត្តម ប៊ុន ថាឫទ្ធិ អ្នកតំណាងរាស្ត្រមណ្ឌលសៀមរាប​រួមនឹងក្រុមការងារបានអញ្ជើញចុះជួបសំណេះសំណាលសួរសុខទុក្ខ និងនាំយកអំណោយជាគ្រឿងឧបភោគបរិភោគរួមនឹងថវិកា​ជូនដល់ក្រុមគ្រួសារកងទ័ពចំនួន៥០គ្រួសារដែលរស់នៅក្នុងឃុំស្វាយស ស្រុកវ៉ារិន ខេត្តសៀមរាប​ដែលមានសមាជិកគ្រួសារកំពុងបំពេញភារកិច្ចនៅជួរមុខ។

វិធីសាស្ត្រ «៣កុំ ១ការពារ» រួមមាន៖ *ទី១៖ «កុំទាន់ជឿ» ពោលនៅពេលឃើញព័ត៌មានប្លែក ធ្វើឱ្យរំជើបរំជួល ឬគួរឱ្យភ័យខ្លាច ត្រូវគិតពិចារណា និងផ្ទៀងផ្ទាត់ឱ្យបានច្បាស់ មុននឹងវាយតម្លៃថាជាការពិត ព្រោះព័ត៌មានទាំងនោះអាចជាការប្រឌិតឡើង ដើម្បីទាក់ទាញការចូលមើល (View)។ *ទី២៖ «កុំទាន់ចែករំលែក» ដោយត្រូវចំណាយពេលយ៉ាងហោចណាស់ ១៥វិនាទី ដើម្បីពិនិត្យប្រភពព័ត៌មានឱ្យបានច្បាស់លាស់ ហើយបើមិនប្រាកដប្រជា មិនត្រូវចែករំលែកបន្តឡើយ។ *ទី៣៖ «កុំប្រហែស» ដោយត្រូវថែរក្សាលេខកូដសម្ងាត់គណនីផ្ទាល់ខ្លួន និងចៀសវាងការចុចលើតំណភ្ជាប់ (Link) ប្លែកៗ ដែលគ្មានប្រភពច្បាស់លាស់។ ដោយឡែកពាក្យ «១ការពារ» គឺត្រូវការពារខ្លួនឯង ក្រុមគ្រួសារ និងសង្គមជាតិ តាមរយៈការលើកកម្ពស់អក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីឱ្យប្រជាពលរដ្ឋ មានសមត្ថភាពក្នុងការវិភាគ ផ្ទៀងផ្ទាត់ និងប្រើប្រាស់ព័ត៌មានប្រកបដោយការទទួលខុសត្រូវ។

លោកស្រី ម៉ននី រង្សី អភិបាល​រង​ខេត្ត​សៀមរាប​ មានប្រសាសន៍ថា សិស្សដែលរៀនពូកែមានអត្រាជោគជ័យខ្ពស់ ប្រសិនបើពួកគេអាចរក្សាបាននូវភាពខ្ជាប់ខ្ជួន មិនមានមោទនភាពជ្រុលហួសហេតុ និងចេះបន្តរៀនសូត្រមិនឈប់ឈរ។ ទន្ទឹមនឹងនេះ ក៏មានសិស្សពូកែមួយចំនួនធំបានជួបនឹងបរាជ័យក្នុងជីវិតការងារ ដោយសារតែការធ្វេសប្រហែស ការមើលស្រាលលើការងារ និងការខ្វះសីលធម៌ក្នុងការទំនាក់ទំនង និងការដោះស្រាយបញ្ហា។ លោកថា «គ្មានអ្វីឈ្នះការដែលព្យាយាម ការអត់ធ្មត់ និងការតស៊ូឡើយ» ព្រោះការបរាជ័យក្នុងការសិក្សាមិនមែនជាចំណុចបញ្ចប់នៃជីវិតនោះទេ។

នៅព្រឹកថ្ងៃទី៤ ខែកក្កដា ឆ្នាំ២០២៦នេះ ឯកឧត្តម លី សំរិទ្ធ ប្រធានក្រុមប្រឹក្សាខេត្តសៀមរាប និង ឯកឧត្តម ប្រាក់ សោភ័ណ អភិបាលខេត្ត បានអញ្ជើញដឹកនាំរៀបចំពិធីក្រុងពាលី បញ្ចុះបឋមសិលា បើកការដ្ឋានសាងសង់អគារសាលប្រជុំថ្មី នៃអគាររដ្ឋបាលសាលាខេត្ត មានបណ្ដោយ ៤៦ម៉ែត្រ ទទឹង ២៦ម៉ែត្រ កម្ពស់ ៧ម៉ែត្រកន្លះ ធ្វើអំពីថ្ម ប្រកក្បឿង ស្របតាមរចនាបថជាខ្មែរ។ សម្រាប់អគារសាលប្រជុំដែលសាងសង់ថ្មីនេះ គឺជំនួសឱ្យអគារសាលប្រជុំបច្ចុប្បន្នដែលមានទំហំតូច ចំណុះមនុស្សបានតិច មិនបំពេញតម្រូវការដែលរដ្ឋបាលខេត្តចង់បាន។ ក្នុងពិធីនេះដែរ ក៏មានការនិមន្តចូលរួមពី សម្ដេចព្រះព្រហ្មរតនមុនី ពិន សែម សិរីសុវណ្ណោ សមាជិកថេរសភាសង្ឃព្រះពុទ្ធសាសនាកម្ពុជា និងជាព្រះចៅអធិការវត្តរាជបូណ៌ ផងដែរ៕

ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានដាក់ចេញនូវគោលការណ៍ណែនាំយ៉ាងម៉ឺងម៉ាត់ដល់គ្រប់ភាគីពាក់ព័ន្ធ ឱ្យរួមគ្នាអនុវត្តវិធានការគន្លឹះចំនួន៨ ដើម្បីជំរុញការអភិវឌ្ឍវិស័យទេសចរណ៍នៅឧទ្យានជាតិព្រះជ័យវរ្ម័ននរោត្តម «ភ្នំគូលែន» ឱ្យកាន់តែមានសក្ដានុពល និងប្រសិទ្ធភាពខ្ពស់។

ដើម្បីឈានទៅរកភាពជោគជ័យក្នុងជីវិត ភាពពូកែក្នុងការសិក្សាមិនមែនជាកត្តាតែមួយគត់ដែលធានានូវជោគជ័យនោះទេ ប៉ុន្តែវាអាស្រ័យលើការរក្សាលំនឹង ខិតខំរៀនសូត្រ និងការអភិវឌ្ឍសមត្ថភាពខ្លួនឯងជានិច្ច។ នេះបើតាមការលើកឡើងរបស់ លោកស្រី ម៉ននី រង្សី អភិបាលរងខេត្តសៀមរាប ក្នុងពិធីប្រគល់វិញ្ញាបនបត្របញ្ចប់ការសិក្សាជូនដល់សិស្សនៃសាលាអន្តរជាតិ យូ អេស អេ ខេត្តសៀមរាបនៅថ្ងៃទី៤ ខែកក្កដា ឆ្នាំ២០២៦នេះ។

មន្ត្រីជាន់ខ្ពស់ក្រសួងមហាផ្ទៃ បានដាក់ចេញនូវអនុសាសន៍ និងបទបញ្ជាយ៉ាងម៉ឺងម៉ាត់ដល់អភិបាលរងខេត្តសៀមរាបថ្មី ដែលទើបប្រកាសចូលកាន់មុខតំណែង ត្រូវពង្រឹងកិច្ចសហការ ផ្ដោតសំខាន់លើការធានាសន្តិសុខ សណ្ដាប់ធ្នាប់សាធារណៈ និងការបង្ក្រាបបទល្មើសឆបោកតាមប្រព័ន្ធបច្ចេកវិទ្យា ដើម្បីពង្រឹងទំនុកចិត្ត និងទាក់ទាញភ្ញៀវទេសចរ។

ក្នុងកិច្ចប្រជុំពិគ្រោះយោបល់លើ សេចក្តីព្រាងវិធានការគន្លឹះសម្រាប់ជំរុញការអភិវឌ្ឍទេសចរណ៍ និងការចុះទស្សនកិច្ច ឧទ្យានជាតិព្រះជ័យវរ្ម័ននរោត្តម “ភ្នំគូលែន” នៅថ្ងៃទី៣ ខែកក្កដា ឆ្នាំ២០២៦ ឯកឧត្ដម ហួត ហាក់ រដ្ឋមន្ត្រីក្រសួងទេសចរណ៍ បានណែនាំ និងជំរុញដល់តំណាងសហគមន៍ទាំង៥ និងភាគីពាក់ព័ន្ធ បង្កើនការដាំដុះដំណាំផ្សេងៗ និងចិញ្ចឹមសត្វ ដើម្បីផ្គត់ផ្គង់តម្រូវការផ្ទាល់ខ្លួន និងបម្រើដល់វិស័យទេសចរណ៍ ក្នុងន័យកាត់បន្ថយការចំណាយលើការទិញកសិផលនាំចូលពីខាងក្រៅ។