ព័ត៌មានក្នុងខេត្ត

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅថ្ងៃទី២៨ ខែកញ្ញា ឆ្នាំ២០២៦នេះ បានអញ្ជើញចុះត្រួតពិនិត្យ និងសួរសុខទុក្ខប្រជាពលរដ្ឋរងគ្រោះដោយទឹកជំនន់ នៅខេត្តបន្ទាយមានជ័យដោយផ្ទាល់។ ការចុះអន្តរាគមន៍ភ្លាមៗនេះ ធ្វើឡើងដើមី្បលើកទឹកចិត្តប្រជាពលរដ្ឋ និងរៀបចំវិធានការជួយសង្គ្រោះឱ្យបានទាន់ពេលវេលា។

Live: Daily news of Siem Reap National TV ថ្ងៃចន្ទ ២រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកញ្ញា ឆ្នាំ២០២៦

ក្នុងពិធីប្រគល់បណ្ណសរសើរ និងរង្វាន់លើកទឹកចិត្តដល់សិស្ស សម្រាប់ឆ្នាំសិក្សា២០២៥-២០២៦ និងផ្តល់សម្ភារសិក្សាដល់សិស្ស ព្រមទាំងឧបត្ថម្ភស្បៀងអាហារជូនដល់គ្រួសារសិស្សដែលមានជីវភាពខ្វះខាត នៃសាលាបឋមសិក្សាចុងឃ្នៀស ក្នុងសង្កាត់ចុងឃ្នៀស ក្រុងសៀមរាប នៅថ្ងៃទី២៨ ខែកញ្ញា ឆ្នាំ២០២៦ អាជ្ញាធរសង្កាត់ រួមនឹងគណៈគ្រប់គ្រងសាលា បានទទូចសុំឱ្យអាណាព្យាបាលសិស្ស ជំរុញកូនចៅឱ្យបានរៀនសូត្រគ្រប់ៗគ្នា កុំឱ្យពួកគាត់បោះបង់ការសិក្សា គោរពវិន័យ ជួយអប់រំកូនចៅឱ្យពួកគាត់មានសុជីវធម៌ សីលធម៌រស់នៅល្អ ដើម្បីក្លាយជាសិស្សគំរូរបស់សាលាតាមទិសស្លោក “កូនល្អ សិស្សល្អ មិត្តល្អ”។

នៅថ្ងៃទី២៨ ខែកញ្ញា ឆ្នាំ២០២៦នេះ នៅផ្សារទំនើប ហេរីថេកវ័ក ខេត្តសៀមរាប ស្ថានទូតអាមេរិកប្រចាំកម្ពុជា បានរៀបចំពិព័រណ៍ការសិក្សានៅសហរដ្ឋអាមេរិក ដើម្បីផ្តល់ឱកាសឱ្យនិស្សិតកម្ពុជា និងក្រុមគ្រួសារ ដើម្បីយល់ដឹងបន្ថែមអំពីកម្មវិធីសិក្សាថ្នាក់បរិញ្ញាបត្រ និង បរិញ្ញាបត្រជាន់ខ្ពស់ ក្នុងវិស័យអប់រំ វិទ្យាសាស្ត្រ និងបច្ចេកវិទ្យា និងបញ្ញាសិប្បនិម្មិត (AI) ការយល់ដឹងស៊ីជម្រៅ អំពីការបណ្តុះបណ្តាលស្តង់ដារអាមេរិក សម្រាប់អាជីពការងារនៅកម្ពុជា ព្រមទាំងទទួលបានសេចក្តីណែនាំជាផ្លូវការពីគោលនយោបាយ ទិដ្ឋាការសិស្ស និងតម្រូវការនានាដើម្បីចុះឈ្មោះចូលរៀន និងជួបផ្ទាល់ជាមួយតំណាង និងអតីតនិស្សិតមកពីគ្រឹះស្ថានឧត្តមសិក្សាល្បីៗនៅអាមេរិក។

ក្នុងឱកាសប្រជុំត្រួតពិនិត្យការចុះបញ្ជីទូកនេសាទ នៅស្នាក់ការការិយាល័យដឹកជញ្ជូនផ្លូវទឹក និងកំពង់ផែ សង្កាត់ចុងឃ្នៀស ក្រុងសៀមរាប នៅព្រឹកថ្ងៃទី២៨ ខែកញ្ញា ឆ្នាំ២០២៦ លោក លី សារី អភិបាលរងខេត្តសៀមរាប បានណែនាំដល់បងប្អូនប្រជាពលរដ្ឋដែលប្រកបអាជីវកម្មដឹកជញ្ជូនភ្ញៀវតាមទូក និងកាណូត រួសរាន់ទៅចុះបញ្ជីទូកនៅសេវាច្រកចេញចូលតែមួយរបស់រដ្ឋបាលខេត្ត ដើម្បីបង្ករលក្ខណៈងាយស្រួលក្នុងការគ្រប់គ្រង និងកំណត់ទីតាំង។

នារសៀល ថ្ងៃទី២៨ ខែកញ្ញា ឆ្នាំ២០២៦នេះ

សហគមន៍ទេសចរណ៍កំពង់ភ្លុក គឺជាតំបន់ទេសចរណ៍វប្បធម៌ និងធម្មជាតិដ៏មានប្រជាប្រិយភាពមួយ ដែលស្ថិតនៅក្នុងស្រុកប្រាសាទបាគង ខេត្តសៀមរាប ចម្ងាយប្រមាណ ២០ ទៅ ៣០ គីឡូម៉ែត្រពីក្រុងសៀមរាប អមដោយបឹងទន្លេសាប ដែល​អាចឱ្យ​ ភ្ញៀវទេសចរអាចជិះទូកកាណូត ឬទូកតូចៗចូលទស្សនាព្រៃលិចទឹកដ៏ខៀវស្រងាត់ ទទួលបានអារម្មណ៍ត្រជាក់ស្រស់ស្រាយ និងមើលឃើញប្រព័ន្ធអេកូឡូស៊ីប្លែកអារម្មណ៍ ជាពិសេសភ្លក្សអាហារពី​បឹងស្រស់ៗនៅតាមភោជនីយដ្ឋានបណ្តែតទឹក, និងការថតរូបស្អាតៗ។ រូបភាព៖ Go Global TV

អភិបាលខេត្តសៀមរាប ត្រូវបានសាងសង់រួចរាល់។ ផ្លូវនេះបានជួយសម្រួលដល់ការធ្វើដំណើរ និងលើកកម្ពស់សេដ្ឋកិច្ចសហគមន៍ឱ្យកាន់តែប្រសើរឡើង។

ក្នុងឱកាសប្រារព្ធពិធីអបអរសាទរទិវាទេសចរណ៍ពិភពលោក ឆ្នាំ២០២៦ ក្រោមប្រធានបទ «របៀបវារៈឌីជីថល និងបញ្ញាសិប្បនិម្មិត ដើម្បីរៀបចំទេសចរណ៍ឡើងវិញ» នៅខេត្តសៀមរាប នារសៀលថ្ងៃទី២៧ ខែកញ្ញា ឆ្នាំ២០២៦ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានលើកទឹកចិត្តដល់ម្ចាស់អាជីវកម្ម និងម្ចាស់មូលដ្ឋានអាជីវកម្មទេសចរណ៍ទាំងអស់ ប្រឹងប្រែងប្រើប្រាស់ប្រព័ន្ធឌីជីថល និងការគ្រប់គ្រងទិន្នន័យ ដើម្បីវាយតម្លៃតម្រូវការ និងកែលម្អគុណភាពសេវាកម្មរបស់ខ្លួនឱ្យបានជាប់ជាប្រចាំ ដើម្បីពង្រឹងភាពប្រកួតប្រជែង ត្រៀមលក្ខណៈឱ្យបានល្អប្រសើរក្នុងការទទួលស្វាគមន៍ភ្ញៀវទេសចរក្នុងរដូវទេសចរណ៍មមាញឹក ក៏ដូចជាត្រៀមខ្លួនទទួលយកព្រឹត្តិការណ៍អន្តរជាតិធំៗនាពេលខាងមុខ។

នៅរសៀលថ្ងៃទី២៧ ខែកញ្ញា ឆ្នាំ២០២៦ ថ្នាក់ដឹកនាំរដ្ឋបាលខេត្តសៀមរាប ដឹកនាំដោយ ឯកឧត្តម មិត សុវណ្ណ សមាជិកក្រុមប្រឹក្សាខេត្ត និងលោក លី សារី អភិបាលរងខេត្ត បានរួមគ្នាជាមួយមន្ត្រីរាជការ មន្ទីរអង្គភាពជុំវិញខេត្ត និងពុទ្ធបរិស័ទយ៉ាងច្រើនកុះករ ចូលរួមកាន់បិណ្ឌវេនទី២ នៃពិធីបុណ្យភ្ជុំបិណ្ឌ នៅវត្តព្រះព្រហ្មរ័ត្ន ក្រុងសៀមរាប ដែលជាពិធីបុណ្យប្រពៃណីមួយដ៏មានសារៈសំខាន់របស់ប្រជាជនខ្មែរ ដែលមានតាំងពីបុរាណកាលមក។

នៅថ្ងៃទី២៨ ខែកញ្ញា ឆ្នាំ២០២៦នេះ កម្ពស់ទឹក ៨.៣២ ម៉ែត្រ និងកម្ពស់ប្រកាសអាសន្ន ៨.០០ម៉ែត្រ លើសកម្រិតប្រកាសអាសន្ន ០.២៣ម៉ែត្រ។

នៅថ្ងៃទី២៧ ខែកញ្ញា ឆ្នាំ២០២៦ ឯកឧត្តម សែម រតនា ប្រធានក្រុមការងាររាជរដ្ឋាភិបាលចុះមូលដ្ឋានក្រុងរុនតាឯកតេជោសែន និងលោកជំទាវ បានដឹកនាំក្រុមការងារចូលរួមកាន់បិណ្ឌ និងនាំយកទេយ្យទាន និងថវិការបស់ ឯកឧត្តម នាយឧត្តមសេនីយ៍ ទៀ សីហា និងលោកជំទាវ ប្រគេនដល់វត្តចំនួន៦ រួមមាន វត្តតេជោរតនារាមវត្តកោះកែវមុន្នីរង្សី វត្តប្រាសាទព្រះបាទចៅស្រីវិបុលកេរ្តិ៍ វត្តជ័យគិរីមុន្នីរង្សី វត្តព្រះខ័នសែនជ័យ និងវត្តចន្ទគិរីភ្នំបូក ក្រុងរុនតាឯកតេជោសែន ខេត្តសៀមរាប។