ព័ត៌មានក្នុងខេត្ត

ក្នុងន័យចូលរួមចំណែកក្នុងសកម្មភាពមនុស្សធម៌ និងជួយសង្គ្រោះប្រជាពលរដ្ឋដែលរងគ្រោះ និងងាយរងគ្រោះនៅក្នុងសហគមន៍ នារសៀលថ្ងៃទី១៧ ខែមិថុនា ឆ្នាំ២០២៦ សម្ដេចព្រះព្រហ្មរតនមុនី ពិន សែម សិរីសុវណ្ណោ ព្រះប្រធានថេរសភាពុទ្ធសាសនាកម្ពុជា និងជាព្រះចៅអធិការវត្តរាជបូណ៌ បានប្រគេននូវគ្រឿងឧបភោគបរិភោគ សម្ភារប្រើប្រាស់ និងថវិកាមួយចំនួន ជូនដល់សាខាកាកបាទក្រហមកម្ពុជាខេត្តសៀមរាប សម្រាប់បម្រើដល់ការងារមនុស្សធម៌ ក្នុងឱកាសខួបលើកទី១៦៣ ទិវាពិភពលោកកាកបាទក្រហម អឌ្ឍចន្ទក្រហម។

ថ្លែងបិទវគ្គបណ្តុះបណ្តាល ស្ដីពីកិច្ចការព័ត៌មាន និងសាធារណមតិ ជូនដល់មន្ត្រីបង្គោលនៃមន្ទីរអង្គភាព រដ្ឋបាលក្រុងស្រុក ឃុំសង្កាត់ក្នុងខេត្តសៀមរាប នារសៀលថ្ងៃទី១៧ ខែមិថុនា ឆ្នាំ២០២៦ លោក សុខ ថុល អភិបាលរងខេត្ត បានជំរុញលើកទឹកចិត្តដល់មន្ទីរអង្គភាព រដ្ឋបាលក្រុងស្រុក បង្កើនការផ្សព្វផ្សាយពីសកម្មភាពអភិវឌ្ឍន៍ក្នុងមូលដ្ឋានឱ្យបានទូលំទូលាយ ដើម្បីឱ្យប្រជាពលរដ្ឋបានជ្រាបច្បាស់ពីកិច្ចខិតខំប្រឹងប្រែងរបស់អាជ្ញាធរ ស្របតាមគោលនយោបាយរបស់រាជរដ្ឋាភិបាល។

ផ្ទះមនុស្សធម៌ទី១០១ ចំណាយថវិកាសាងសង់សរុប ៥ ១០០ដុល្លារ ក្នុងនោះ លោកជំទាវ មាស សន ជាម៉ន និង ឯកឧត្តម ជា សុភ័ក្ត្រ ព្រមទាំងក្រុមគ្រួសារ ឧបត្ថម្ភថវិកាចំនួន ៣ ៨០០ដុល្លារ និងថវិកាសាខាកាកក្រហមកម្ពុជាខេត្តសៀមរាប ចំនួន ១ ៣០០ដុល្លារ ត្រូវបានប្រគល់ជូន លោកស្រី ម៉ែន គឹមលី រស់នៅក្នុងស្រុកពួក ខេត្តសៀមរាប ជាម្ដាយវីរកងទ័ពឈ្មោះ សរ ឡស់ ភេទប្រុស អាយុ២៩ឆ្នាំ ជាវីរកងទ័ពម្នាក់ក្នុងចំណោម១៨នាក់ ដែលត្រូវកងទ័ពថៃចាប់ខ្លួនកាលពីខែកក្កដា ឆ្នាំ២០២៥។

អបអរសាទរ​! កម្ពុជា ត្រូវបានជាប់ឆ្នោតជាសមាជិកគណ:កម្មការអន្តររដ្ឋាភិបាល ដើម្បីកិច្ចការពារបេតិកភណ្ឌវប្បធម៌អរូបីសម្រាប់អណត្តិ២០២៦-២០៣០។ ស្ថិតក្នុងសម័យប្រជុំលើកទី១១ នៃរដ្ឋភាគីអនុសញ្ញាស្តីពីកិច្ចការពារបេតិកភណ្ឌវប្បធម៌អរូបីឆ្នាំ២០០៣ ដែលកំពុងប្រព្រឹត្តទៅនាទីស្នាក់ការកណ្តាល អង្គការយូណេស្កូ នៅថ្ងៃទី១៧-១៨ ខែមិថុនា ឆ្នាំ២០២៦ ហើយមានការចូលរួមពីរដ្ឋភាគីចំនួន១៨៥ប្រទេស កម្ពុជាត្រូវបានអង្គប្រជុំបោះឆ្នោតគាំទ្រជាប់ ជាសមាជិកគណ:កម្មការអន្តររដ្ឋាភិបាល ដើម្បីកិច្ចការពារបេតិកភណ្ឌវប្បធម៌អរូបីសម្រាប់អណត្តិឆ្នាំ២០២៦-២០៣០។

សម្រស់ដ៏ល្អវិចិត្រនៃប្រាង្គប្រាសាទខ្មែរនាពេលរាត្រី កំពុងទាក់ចិត្តអ្នកទេសចរណ៍មកទស្សនាយ៉ាងច្រើនកុះករ។

លោក សុខ ថុល អភិបាលរងខេត្តសៀម​រា​ប​ ​ប​ង្ហា​ញ​ពីសា​រៈ​សំ​ខា​ន់​នៃ​វ​គ្គ​ប​ណ្តុះប​ណ្តា​ល​ ​ស្តី​ពី​ ​«​ ​កិ​ច្ច​ការ​ព័​ត៌​មា​ន​ ​និ​ង​សា​ធា​​​​​រ​ណ​ម​តិ​ ​»​ជូ​ន​ដល់មន្រ្តី​​​​​ប​​​ង្គោ​​លនៃ​​ម​ន្ទីរ​​ -​អ​​ង្គ​រ​ភា​ព​ ​រ​ដ្ឋ​បា​ល​ក្រុ​ង​ ស្រុ​ក ឃុំ សង្កាត់ ក្នុងខេត្តសៀមរាប នៅថ្ងៃទី១៧ ខែមិថុនា ឆ្នាំ២០២៦

អភិបា​ល​រ​ង​ខេ​ត្ត​សៀម​រា​ប​ ​ជំ​រុ​ញ​ឱ្យ​អាជ្ញា​ធ​រ​គ្រ​ប់​លំ​ដា​ប់​ថ្នា​ក់​ ​ប​ង្កើ​ន​កា​រ​ផ្ស​ព្វ​ផ្សា​យ​ស​មិ​ទ្ធ​ផ​ល​កា​រ​ងា​រ​រ​ប​ស់​ខ្លួ​ន​ឱ្យ​បា​ន​ញឹ​ក​ញា​ប់​ ​ដើ​ម្បី​ឱ្យ​ប្រ​ជា​ព​ល​រ​ដ្ឋ​បា​ន​ដឹ​ង​​ ​និ​ង​បា​ន​ឃើ​ញ​ពីកា​រ​​ខិ​តខំ​ប្រឹ​ង​ប្រែ​ង​រ​ប​ស់​អា​ជ្ញា​ធ​​រក្នុ​​ងកា​រ​ប​ម្រើ​សេ​វា​សា​ធា​រ​ណៈ​ ​និ​ង​អ​ភិ​វ​ឌ្ឍ​មូ​ល​ដ្ឋា​ន

កាលពីរសៀលថ្ងៃទី១៦ ខែមិថុនា ឆ្នាំ២០២៦ នៅវត្តរាជបូរណ៍ ក្រុងសៀមរាប ថ្នាក់ដឹកនាំជាន់ខ្ពស់ក្រសួងធម្មការ និងសាសនា រួមជាមួយថ្នាក់ដឹកនាំពុទ្ធិកសាកលវិទ្យាល័យព្រះសីហនុរាជ និងអាជ្ញាធរខេត្តសៀមរាប បានឯកភាពជាគោលការណ៍ក្នុងការបង្កើតពុទ្ធិកសាកលវិទ្យាល័យព្រះសីហនុរាជ សាខាខេត្តសៀមរាប ដើម្បីឆ្លើយតបនឹងតម្រូវការសិក្សារបស់សមណនិស្សិត និងនិស្សិតនៅក្នុងតំបន់។

លម៉ើ លោក ញូង សារិន ស្ថិតក្នុងឃុំស្រែណូយ ស្រុកវ៉ារិន ខេត្តសៀមរាប ដាំលើផ្ទៃដីជាង ១ហិកតា ដាំដុះដោយប្រើប្រាស់ជីធម្មជាតិ មានរសជាតិផ្អែមឆ្ងាញ់ និងមានសុវត្ថិភាពខ្ពស់សម្រាប់សុខភាពអ្នកបរិភោគ បានចាប់ផ្ដើមប្រមូលផលហើយ ជាមួយតម្លៃសមរម្យ។ ចូលរួមគាំទ្រកសិផលខ្មែរយើងទាំងអស់គ្នា ដើម្បីលើកកម្ពស់សេដ្ឋកិច្ចសហគមន៍ និងទទួលបាននូវអាហារដែលមានសុវត្ថិភាពខ្ពស់!

អាជ្ញាធរខេត្តសៀមរាប បានដាក់ចេញនូវវិធានការក្ដៅដោយចំពោះរោងសិប្បកម្មកែច្នៃ រោងសន្និធិ ដេប៉ូ សង្ហារឹម សិប្បកម្មឡឥដ្ឋដែលបើកខុសច្បាប់ ក្រុមមន្រ្ដីជំនាញនឹងបន្ដចុះធ្វើការស្រាវជ្រាវ ដើម្បីធ្វើការបិទរោងសិប្បកម្មជាបន្ទាន់ និងចាត់វិធានការទៅតាមផ្លូវច្បាប់ដោយគ្មានករណីលើកលែងឡើយ រាល់ទីតាំងអាជីវកម្មណាដែលពាក់ព័ន្ធនឹងបទល្មើសធនធានធម្មជាតិ និងមិនមានលិខិតអនុញ្ញាតត្រឹមត្រូវ។

ក្រោមការរៀបចំរបស់អង្គការរស់នៅ និងសិក្សានៅកម្ពុជា គាំទ្រថវិកាពីប្រទេសអៀរឡង់ តាមរយៈអង្គការ Oxfam Cambodia នៅថ្ងៃទី១៦ ខែមិថុនា ឆ្នាំ២០២៦ លោក អ៉ឹង គឹមលាង អភិបាលរងខេត្តសៀមរាប បានបន្តដឹកនាំមន្ត្រីរាជការ អាជ្ញាធរមូលដ្ឋាន និងប្រជាពលរដ្ឋ ដាំស្ដារឡើងវិញនូវកូនឈើព្រៃលិចទឹកប្រមាណ ៣ ០០០ដើម ក្នុងភូមិសាស្ត្រឃុំកែវពណ៌ ស្រុកពួក ខេត្តសៀមរាប។

នៅព្រឹកថ្ងៃទី១៧ ខែមិថុនា ឆ្នាំ២០២៦នេះ ឯកឧត្តម អែល សៀត សមាជិកក្រុមប្រឹក្សាខេត្តសៀមរាប និងជាអនុប្រធានសាសនាឥស្លាមខេត្ត រួមនិងសមាជិកគណៈអ៊ីម៉ាំខេត្តសៀមរាបបានអញ្ជើញធ្វើការចុះពិនិត្យអគារសិក្សាសាងសង់ថ្មី និងសួរសុខទុក្ខលោកគ្រូអ្នកគ្រូ ព្រមទាំងសិស្សានុសិស្សមូស្លីម នៅសាលាបឋមសិក្សា កម៉ារុទីនអាល់ឥស្លាមីយ៉ះ ស្ថិតនៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប។