ព័ត៌មានក្នុងខេត្ត

‎ ‎នៅព្រឹកថ្ងៃទី២៥ ខែមិថុនា ឆ្នាំ២០២៦នេះ លោក យឿន ចាន់ អនុប្រធានមន្ទីរព័ត៌មានខេត្ត ទទួលបន្ទុករួម បានដឹកនាំលោក លោកស្រីជាថ្នាក់ដឹកនាំមន្ទីរ នាំយកថវិកា ចូលរួមជាមួយមូលនិធិគន្ធបុប្ផាកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាស្ថាបនិក និង សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជាប្រធានកិត្តិយស ដើម្បីជាការចូលរួមចំណែកក្នុងកិច្ចដំណើរការផ្ដល់សេវាពិនិត្យ ព្យាបាលជំងឺដល់កុមារកម្ពុជា។ ‎

នៅព្រឹកថ្ងៃទី២៥ ខែមិថុនា ឆ្នាំ២០២៦នេះ រដ្ឋបាលខេត្តសៀមរាប បានរៀបចំសិក្ខាសាលាផ្សព្វផ្សាយសៀវភៅផែនការសកម្មភាព ស្ដីពីការគាំពារ និងអភិវឌ្ឍន៍កុមារតូច ឆ្នាំ២០២៦-២០២៨ ក្រោមអធិបតីភាព ឯកឧត្តម លី សំរឹទ្ធ ប្រធានក្រុមប្រឹក្សាខេត្ត ឯកឧត្តមបណ្ឌិត ប្រាក់ កុសល អគ្គលេខាធិការរងនៃអគ្គលេខាធិការដ្ឋានគណៈកម្មាធិការជាតិគាំពារ និងអភិវឌ្ឍន៍កុមារតូច លោកស្រី ម៉ននី រង្សី អភិបាលរងខេត្ត និងជាប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារខេត្តសៀមរាប។

ជីវិតពិការភាព តែការតស៊ូ ព្យាយាម ពុះពារគ្រប់ឧបសគ្គរហូតទទួលបានជោគជ័យ ធ្វើឱ្យ លោក សឿន វណ្ណស័ក្តិ ដែលជាជនមានពិការភាព ក្លាយជាគ្រូបង្រៀនភាសាអង់គ្លេស និងកុំព្យូទ័រ នៅវិទ្យាល័យអប់រំពិសេសសៀមរាប។ លោកបានលើកទឹកចិត្តដល់ជនមានពិការភាពទាំងអស់ ខិតខំស្វែងរកជំនាញមួយក្នុងខ្លួន ដើម្បីជួយខ្លួនឯង និងសូមឱ្យអាណាព្យាបាលដែលមានកូនជាជនពិការ ត្រូវជំរុញឱ្យពួកគាត់ទទួលបានការអប់រំ ព្រោះមានតែការអប់រំទេ ទើបអាចជួយពួកគេឱ្យមានអនាគតភ្លឺស្វាងបាន។

នៅព្រឹកថ្ងៃទី២៥ ខែមិថុនា ឆ្នាំ២០២៦នេះ លោក យឿន ចាន់ អនុប្រធានមន្ទីរព័ត៌មានខេត្ត ទទួលបន្ទុករួម បានដឹកនាំលោក លោកស្រីជាថ្នាក់ដឹកនាំមន្ទីរ នាំយកថវិកា ចូលរួមជាមួយមូលនិធិគន្ធបុប្ផាកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាស្ថាបនិក និង សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជាប្រធានកិត្តិយស ដើម្បីជាការចូលរួមចំណែកក្នុងកិច្ចដំណើរការផ្ដល់សេវាពិនិត្យ ព្យាបាលជំងឺដល់កុមារកម្ពុជា។

គណនីហ្វេសប៊ុកផេក Post News-សៀមរាបប៉ុស្តិ៍ និងផេកសារពត៌មានមួយចំនួនដែលបានផុសផ្សាយបន្ត។

នៅថ្ងៃទី២៤ ខែមិថុនា ឆ្នាំ២០២៦ អគ្គនាយកដ្ឋានអន្តោប្រវេសន៍នៃក្រសួងមហាផ្ទៃកម្ពុជា បានបើកកិច្ចប្រជុំប្រចាំឆ្នាំថ្នាក់អគ្គនាយកអន្តោប្រវេសន៍ និងប្រធានកុងស៊ុលអាស៊ាន (DGICM) លើកទី២៩ ក្រោមប្រធានបទ “ការធ្វើបរិវត្តកម្មឌីជីថល និងនវានុវត្តន៍ធនធានមនុស្ស ឆ្ពោះទៅកាន់តំបន់អាស៊ានដែលមានសុវត្ថិភាព និងសមាហរណកម្ម” ដែលប្រធានបទនេះមានភាពចាំបាច់ក្នុងបរិបទបច្ចុប្បន្ន ដែលបទល្មើសឆ្លងដែនកាន់តែមានលក្ខណៈស្មុគស្មាញ និងមានការប្រើប្រាស់បច្ចេកវិទ្យាទំនើប។

គម្រោងសាងសង់ផ្លូវកៅស៊ូ DBST មួយខ្សែ ប្រវែងជាង១គីឡូម៉ែត្រ រួមទាំងបំពាក់សូឡាបំភ្លឺផ្លូវ ក្នុងសង្កាត់នគរធំ ក្រុងសៀមរាប ខេត្តសៀមរាប ត្រូវបានបញ្ចប់ការដេញថ្លៃប្រកបដោយជោគជ័យ នៅថ្ងៃទី២៤ ខែមិថុនា ឆ្នាំ២០២៦នេះ ដោយមានការចូលរួមពី មន្ត្រីបច្ចេកទេសខេត្ត គណៈកម្មការលទ្ធកម្មសង្កាត់ ក្រុមហ៊ុនម៉ៅការ អ្នកសារព័ត៌មាន រួមនឹងអ្នកពាក់ព័ន្ធផ្សេងទៀត។

នៅព្រឹកថ្ងៃទី២៤ ខែមិថុនា ឆ្នាំ២០២៦នេះ សមាគមយុវជនខ្មែរ ក្រោមការគាំទ្រពីអង្គការភ្លែនអន្តរជាតិ បានធ្វើទស្សនាកិច្ចសិក្សា និងពង្រឹងសមត្ថភាពអ្នករាយការណ៍សហគមន៍ លើការផលិតព័ត៌មាន និងមាតិកា នៅមន្ទីរព័ត៌មានខេត្តសៀមរាប ដើម្បីពង្រឹងសមត្ថភាពអ្នករាយការណ៍សហគមន៍ លើការយល់ដឹងអំពីវិស័យប្រព័ន្ធផ្សព្វផ្សាយ ការសរសេរអត្ថបទព័ត៌មាន និងការផលិតមាតិកាដោយគោរពតាមក្រមសីលធម៌ និងវិជ្ជាជីវៈ។

ដើម្បីពន្លឿនការស្តារ និងអភិវឌ្ឍវិស័យទេសចរណ៍ក្នុងខេត្តសៀមរាប ឱ្យមានភាពរស់រវើកឡើងវិញ ឯកឧត្តមទេសរដ្ឋមន្ត្រី ថោង ខុន ប្រធានគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ (គ.អ.ទ.ស) បានណែនាំឱ្យគ្រប់ភាគីពាក់ព័ន្ធអនុវត្តយុទ្ធសាស្ត្រតាមខ្សែច្រវាក់តម្លៃទេសចរណ៍ចំនួន ៤ជំហានធំៗ “ពីដើមខ្សែ ដល់ចុងខ្សែ”។

ព្រៃលំហែកម្សាន្ត និងសួនអាស៊ាន-កូរ៉េ ក្រោមជំនួយឧបត្ថម្ភរបស់ស្ថាប័នសេវាកម្មព្រៃឈើកូរ៉េ និងអង្គការសហប្រតិបត្តិការព្រៃឈើអាសី (Afoco) បានបើកជាផ្លូវការ ស្វាគមន៍ភ្ញៀវទេសចរជាតិ និងអន្តរជាតិ ដើម្បីមកកម្សាន្ត និងសិក្សាស្វែងយល់ពីជីវចម្រុះក្នុងទឹកដីខេត្តសៀមរាប។

នៅថ្ងៃទី២៣ ខែមិថុនា ឆ្នាំ២០២៦ លោកជំទាវ កែវ ចរិយា អនុប្រធានក្រុមប្រឹក្សាជាតិកម្ពុជាដើម្បីស្ត្រី បានដឹកនាំប្រតិភូអន្តរក្រសួងចុះជួបពិភាក្សាជាមួយរដ្ឋបាលខេត្តសៀមរាប ដើម្បីតាមដាន និងវាយតម្លៃការអនុវត្តច្បាប់ជាតិ គោលនយោបាយ និងអនុសាសន៍របស់រាជរដ្ឋាភិបាល សំដៅលើកកម្ពស់ស្ថានភាពជីវភាព តួនាទី និងសុខុមាលភាពរបស់ស្ត្រីក្នុងរដ្ឋបាលខេត្តសៀមរាប។

ក្នុងពិធីប្រកាសចូលកាន់តំណែងអភិបាលរងស្រុកអង្គរធំ នៅព្រឹកថ្ងៃទី២៤ ខែមករា ឆ្នាំ២០២៦ លោក អ៊ឹង គឹមលាង អភិបាលរងខេត្តសៀមរាប បានណែនាំដល់រដ្ឋបាលស្រុក ក្រុមប្រឹក្សាស្រុក និងមន្ត្រីរាជការទាំងអស់ ឱ្យរួមគ្នាពង្រឹងសក្ដានុពលសេដ្ឋកិច្ចមូលដ្ឋាន ដើម្បីលើកកម្ពស់ជីវភាពប្រជាពលរដ្ឋឱ្យកាន់តែប្រសើរឡើង។