ព័ត៌មានក្នុងខេត្ត

ការដោះស្រាយក្ដីកង្វល់ បញ្ហាប្រឈមរបស់ប្រជាពលរដ្ឋលើគ្រប់វិស័យ បានទាន់ពេលវេលា និងឆាប់រហ័ស គឺជាការលើកកម្ពស់សេវាសាធារណៈឱ្យកាន់តែល្អប្រសើរ និងកាន់តែខិតជិតប្រជាពលរដ្ឋនៅក្នុងមូលដ្ឋាន ដែលទាំងអស់នេះបានបង្ហាញពីការយកចិត្តទុកដាក់ពីសុខទុក្ខរបស់បងប្អូនប្រជាពលរដ្ឋពីសំណាក់យើងមន្ទីរ អង្គភាព អាជ្ញាធរមូលដ្ឋាន និងអាជ្ញាធរស្រុក។

មន្ទីរពេទ្យបង្អែកខេត្តសៀមរាប ចូលរួមអបអរសាទរ ទិវាពិភពលោកសុវត្ថិភាពអ្នកជំងឺ ឆ្នាំ២០២៦ ប្រធានបទ «ការថែទាំប្រកបដោយសុវត្ថិភាពសម្រាប់ជំងឺមិនឆ្លង» និងក្រោមពាក្យស្លោក  “ការថែទាំប្រកបដោយសុវត្ថិភាពសម្រាប់ជីវិត” ដើម្បីលើកកម្ពស់គុណភាព និងសុវត្ថិភាពសេវាសុខាភិបាលជូនដល់ប្រជាពលរដ្ឋ។

ព្រឹត្តិការណ៍រត់ប្រណាំងកម្សាន្ត និងសប្បុរសធម៌ EQUINOX ANGKOR RUN នឹងផ្ដល់ជូនអ្នកចូលរួមនូវបទពិសោធន៍ដ៏វិសេសវិសាល តាមរយៈការរត់គយគន់ទិដ្ឋភាពថ្ងៃរះចំកំពូលប្រាសាទអង្គរវត្ត ស្រូបយកខ្យល់អាកាសបរិសុទ្ធនាពេលព្រឹកព្រលឹម និងការចូលរួមចំណែកក្នុងកិច្ចការមនុស្សធម៌ ដែលការរៀបចំនេះមានគោលដៅចម្បងក្នុងការជួយគាំទ្រដល់ជីវភាពរបស់អ្នកថែរក្សាប្រាសាទ និងលើកកម្ពស់សកម្មភាពទេសចរណ៍បែបកីឡា និងសប្បុរសធម៌ ទៅកាន់ឆាកអន្តរជាតិ និងពិភពលោក។

ប្រកបដោយ បដិសណ្ឋារកិច្ចយ៉ាងកក់ក្ដៅ និងក្រមសីលធម៌វិជ្ជាជីវៈខ្ពស់។

ការងារសេវាសង្គម និងការចុះបញ្ជីអត្រានុកូលដ្ឋាន និងស្ថិតិអត្រានុកូលដ្ឋាន (CRVS) ពិតជាមានទំនាក់ទំនងដោយផ្ទាល់ជាមួយជីវភាព និងសិទ្ធិរបស់ប្រជាពលរដ្ឋ ប៉ុន្តែការចុះបញ្ជីកំណើត និងឯកសារអត្រានុកូលដ្ឋាន មិនមែនគ្រាន់តែជាការងាររដ្ឋបាលទេ ប៉ុន្តែជាមូលដ្ឋានសម្រាប់ការទទួលស្គាល់អត្តសញ្ញាណ សិទ្ធិ ការអប់រំ ការការពារ និងការទទួលបានសេវាសាធារណៈរបស់ប្រជាពលរដ្ឋ ជាពិសេសកុមារ និងក្រុមងាយរងគ្រោះ។

សារៈសំខាន់នៃយុទ្ធនាការពណ៌ទឹកក្រូច គឺជាពណ៌តំណាងផ្លូវការ នៃទិវាពិភពលោកសុវត្ថិភាពអ្នកជំងឺ ដែលជានិមិត្តរូបនៃតួនាទីស្នូលរបស់សុវត្ថិភាពអ្នកជំងឺ ក្នុងការជំរុញការគ្របដណ្ដប់សុខភាពជាសកល។ ការបំភ្លឺភ្លើងពណ៌ទឹកក្រូចនៅលើអគារនានានៃមន្ទីរពេទ្យ គឺជាសញ្ញាសម្គាល់ជាក់ស្ដែងនៃការប្ដេជ្ញាចិត្តរួម និងសាមគ្គីភាព ក៏ដូចជាការរំលឹកដាស់តឿនថា ការថែទាំប្រកបដោយសុវត្ថិភាព គឺជាមូលដ្ឋានគ្រឹះមិនអាចខ្វះបានសម្រាប់សុខភាពមនុស្សគ្រប់រូប៕

លេខាធិការដ្ឋានរៀបចំការបោះឆ្នោតខេត្តសៀមរាប បានណែនាំ និងជំរុញដល់មន្ត្រីពាក់ព័ន្ធ ឱ្យបង្កើនការផ្សព្វផ្សាយព័ត៌មានឱ្យបានទូលំទូលាយដល់ប្រជាពលរដ្ឋ ដើម្បីឱ្យពួកគាត់យល់ច្បាស់អំពីពេលវេលា ទីកន្លែង ឯកសារចាំបាច់ និងនីតិវិធីនៃការពិនិត្យបញ្ជីឈ្មោះ និងការចុះឈ្មោះបោះឆ្នោត ធានាថាពួកគាត់ទទួលបានព័ត៌មានច្បាស់លាស់ជុំវិញដំណើរការបោះឆ្នោត។

ផ្សាយផ្ទាល់៖ កម្មវិធីសន្ទនាមតិ ក្រោមប្រធានបទ៖ ការតម្រង់ទិសសិស្សឱ្យសិក្សាជំនាញដែលមានតម្រូវការទីផ្សារ *វាគ្មិន៖ លោក សៀង សុខុន ប្រធានមជ្ឈមណ្ឌលការងារខេត្តសៀមរាប ថ្ងៃព្រហស្បតិ៍ ៦កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែកញ្ញា ឆ្នាំ២០២៦

ប្រជាពលរដ្ឋក្នុងឃុំកន្រ្ទាំង ស្រុកប្រាសាទបាគង ខេត្តសៀមរាប បង្ហាញក្ដីសប្បាយរីករាយយ៉ាងខ្លាំង ចំពោះសមិទ្ធផលបង្គោលភ្លើងសូឡាជាង ៤០០ដើម ដែលបានជួយសម្រួលដល់ការធ្វើដំណើរនាពេលរាត្រី

នៅថ្ងៃទី១៦ ខែកញ្ញា ឆ្នាំ២០២៦ លោក លី សារី អភិបាលរងខេត្តសៀមរាប បានដឹកនាំក្រុមការងារចុះវគ្គបណ្តុះបណ្តាលពីការរៀបចំផែនការ និងថវិកាលើកការងារអត្រានុកូលដ្ឋាន និងស្ថិតិអត្រានុកូលដ្ឋានដល់មន្ត្រីពាក់ព័ន្ធក្នុងឃុំត្បែង សង្កាត់សាលាកំរើក រដ្ឋបាលស្រុកបន្ទាយស្រី និងរដ្ឋបាលក្រុងសៀមរាប ដើម្បីពង្រឹងសមត្ថភាពមន្ត្រីមូលដ្ឋានក្នុងការគ្រប់គ្រង និងឆ្លើយតបទៅនឹងតម្រូវការរបស់ប្រជាពលរដ្ឋឱ្យកាន់តែមានប្រសិទ្ធភាព។

រាជធានីភ្នំពេញ៖ នៅថ្ងៃទី១៥ ខែកញ្ញា ឆ្នាំ២០២៦ មជ្ឈមណ្ឌលត្រួតពិនិត្យឧបករណ៍មានហានិភ័យខ្ពស់ បានរៀបចំសិក្ខាសាលាផ្សព្វផ្សាយស្តីពី «ការត្រួតពិនិត្យឧបករណ៍មានហានិភ័យខ្ពស់ និងវគ្គបណ្តុះបណ្តាលប្រឡងវាយតម្លៃប្រតិបត្តិករ» នៅសាលរបស់មជ្ឈមណ្ឌល ក្រោមអធិបតីភាព ឯកឧត្តម បណ្ឌិត ទឹង ស៊ីនី រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងលោកអគ្គនាយកនៃអគ្គនាយកដ្ឋានមន្ទីរពិសោធន៍សំណង់ជាតិ នៃក្រសួងរៀបចំដែនដី នគរូបនីយកម្ម និងសំណង់។

ឯកឧត្តម ទី នីតូ អនុរដ្ឋលេខាធិការនៃក្រសួងការបរទេស និងសហប្រតិបត្តិការអន្តរជាតិ អមដំណើរដោយ លោកស្រី ហុង អង្គាបុស្ស លេខាទី១ នៃស្ថានទូតព្រះរាជាណាចក្រកម្ពុជា ប្រចាំប្រទេសរ៉ូម៉ានី និងតំណាងវិស័យឯកជនកម្ពុជា រួមមានធុរជនមកពី ក្រុមហ៊ុនភិនិចអាហ្គ្រោឯ.ក បានធ្វើទស្សនកិច្ចទំនាក់ទំនងការទូតទៅកាន់ទំនាក់ទំនងសេដ្ឋកិច្ច សិក្សាពីលទ្ធភាពបើកច្រកសេដ្ឋកិច្ចថ្មីនៅរ៉ូម៉ានី និងតំបន់បាល់កង់។