ព័ត៌មានក្នុងខេត្ត

អាជ្ញាធរខេត្តសៀមរាប បានបង្ហាញថា ក្នុងឆមាសទី១ ឆ្នាំ២០២៦ វិស័យកសិកម្មក្នុងខេត្ត នៅតែរក្សាបាននូវសក្ដានុពលខ្ពស់ ក្នុងការរួមចំណែកអភិវឌ្ឍន៍សេដ្ឋកិច្ចមូលដ្ឋាន និងលើកកម្ពស់ជីវភាពរស់នៅរបស់ប្រជាពលរដ្ឋ ខណៈផ្ទៃដីបង្កបង្កើនផលស្រូវសរុបសម្រេចបានចំនួន ១៩៧ ៨៩៩ ហិកតា ស្មើនឹង ៨៥,៥% នៃផែនការសរុប ២៣១ ៤៧០ ហិកតា។

នៅព្រឹកថ្ងៃទី១៩ ខែកក្កដា ឆ្នាំ២០២៦នេះ រដ្ឋបាលខេត្តសៀមរាប បានរៀបចំដង្ហែក្បួនអបអរសាទរជ័យលាភី អង្គភាពផ្ដល់សេវាសាធារណៈគំរូ ក្នុងវិស័យអប់រំ និងសុខាភិបាល ឆ្នាំ២០២៥ នៅតាមដងវិថីនានាក្នុងក្រុងសៀមរាប ក្រោមវត្តមានអញ្ជើញចូលពីសំណាក់ ឯកឧត្តម ប្រាក់ សោភ័ណ អភិបាលខេត្តសៀមរាប ដោយមានការចូលរួមពីសំណាក់ឯកឧត្តម លោកជំទាវសមាជិកក្រុមប្រឹក្សាខេត្ត លោកលោកស្រីថ្នាក់ដឹកនាំមន្ទីរអង្គភាពជុំវិញខេត្ត មន្តី្ររាជការ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋយ៉ាងច្រើនកុះករ។

ផ្សាយផ្ទាល់៖ កម្មវិធីសន្ទនាមតិ ក្រោមប្រធានបទ៖ ការឆ្លើយតបតម្រូវការប្រជាពលរដ្ឋក្នុងឃុំរោងគោ ឃុំក្រូចគរ ឃុំចន្លាស់ដៃ នៃស្រុកក្រឡាញ់ វាគ្មិន៖ លោក ឡាំ ពុធ មេឃុំរោងគោ វាគ្មិន៖ លោក ឆោន ផ្លយ មេឃុំក្រូចគរ វាគ្មិន៖ លោក ប៊ូន ឈឿត មេឃុំចន្លាស់ដៃ ថ្ងៃចន្ទ ៦កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែកក្កដា ឆ្នាំ២០២៦

សូមអញ្ជើញទស្សនា៖ វឌ្ឍនភាពការងារប្រចាំឆមាសទី១ ឆ្នាំ២០២៦ របស់រដ្ឋបាលខេត្តសៀមរាប

នៅព្រឹកថ្ងៃទី២០ ខែកក្កដា ឆ្នាំ២០២៦ គណៈកម្មាធិការលទ្ធកម្មសង្កាត់ស្រង៉ែ ក្រុងសៀមរាប ខេត្តសៀមរាប បានប្រកាសបញ្ចប់ការដេញថ្លៃដោយជោគជ័យ នូវគម្រោងសាងសង់ផ្លូវបេតុងអាមេចំនួន២ខ្សែ ដោយការដេញថ្លៃនេះមានការចូលរួមពីមន្ត្រីបច្ចេកទេសនៃរដ្ឋបាលខេត្ត អាជ្ញាធរក្រុង គណៈកម្មាធិការលទ្ធកម្មសង្កាត់ ក្រុមហ៊ុនម៉ៅការ និងអ្នកសារព័ត៌មាន។

សិស្សានុ​សិ​ស្សនៃ​វិ​ទ្យា​ល័​យ​ចំ​ណេះ​ទូទៅ​ ​និ​ង​ប​ច្ចេ​ក​ទេ​ស​ពួ​ក​ ​ប្ដេជ្ញា​ចូ​ល​រួ​ម​ទ​ប់​ស្កាត់​ព័​ត៌​មា​ន​ក្លែ​ង​ក្លា​យ​ ទាំ​ង​ក្នុ​ង​សា​លា​រៀន​ ​និ​ង​ស​ហគ​ម​ន៍

នៅថ្ងៃទី២០ ខែកក្កដា ឆ្នាំ២០២៦ ក្រុមគ្រូពេទ្យស្ម័គ្រចិត្តនៃមន្ទីរពេទ្យ Mackay ប្រទេសតៃវ៉ាន់ និង ធនាគារ UCB តាមរយៈអង្គការក្លឹប Rotary Angkor បានចុះពិនិត្យ និងព្យាបាលជំងឺដោយឥតគិតថ្លៃជូនដល់ប្រជាពលរដ្ឋមានជីវភាពខ្វះខាតរស់នៅឃុំចាន់ស ស្រុកសូទ្រនិគម ខេត្តសៀមរាប លើជំងឺទូទៅ ព្យាបាលមាត់ធ្មេញ ពិនិត្យបេះដូង សន្លាក់ និងជំងឺកុមារ។

កសិករលី សុភាពចែករំលែកបទពិសោធន៍ និងវិធីសាស្ត្រក្នុងការដាំដំណាំននោងតាមបែបធម្មជាតិ ដែលអាចទទួលបានទិន្នផលល្អ មានគុណភាព និងជួយកាត់បន្ថយការចំណាយ ដោយមិនចាំបាច់ពឹងផ្អែកលើការប្រើប្រាស់ជីគីមី

ស្របនឹងអាកាសធាតុកំពុងមានការប្រែប្រួល តែកសិករម្នាក់នៅស្រុកប្រាសាទបាគង ខេត្តសៀមរាប បាននិងកំពុងទទួលបានជោគជ័យគួរឱ្យកត់សម្គាល់ លើការដាំដុះដំណាំ «ននោង» តាមរយៈការផ្លាស់ប្តូរទម្លាប់ពីការប្រើប្រាស់ថ្នាំកសិកម្ម មកប្រើប្រាស់ជីធម្មជាតិវិញ បានធ្វើឱ្យកសិកររកឃើញជម្រើសដំណាំដ៏មានសក្ដានុពល អាចដាំបានគ្រប់រដូវកាល និងមានទីផ្សារ។

ដោយទទួលបានឯកភាពពីសំណាក់រដ្ឋបាលខេត្តសៀមរាប អង្គការពិភពពន្លឺនៃជីវិត បានសហការជាមួយក្រុមគ្រូពេទ្យស្ម័គ្រចិត្តមកពីប្រទេសអូស្ត្រាលី នឹងរៀបចំយុទ្ធនាការចុះពិនិត្យ និងព្យាបាលជំងឺទូទៅជូនប្រជាពលរដ្ឋដោយឥតគិតថ្លៃ ក្នុងស្រុកស្រីស្នំ និងស្រុកប្រាសាទបាគង រយៈពេល ៤ថ្ងៃ ចាប់ពីថ្ងៃទី២១ ដល់ថ្ងៃទី២៤ ខែកក្កដា ឆ្នាំ២០២៦ ដើម្បីជួយសម្រួលដល់បងប្អូនប្រជាពលរដ្ឋដែលខ្វះខាតថវិកាក្នុងការព្យាបាលជំងឺ។

គ្រូបង្រៀននៅវិទ្យាល័យចំណេះទូទៅ និងបច្ចេកទេសពួក បង្ហាញការពេញចិត្តចំពោះការរៀបចំយុទ្ធនាការប្រយុទ្ធប្រឆាំងព័ត៌មានក្លែងក្លាយ ដើម្បីឱ្យសិស្សានុសិស្សយល់ដឹង និងការពារខ្លួនពីព័ត៌មានក្លែងក្លាយ

ឯកឧត្តម កៅ អ៊ីមរ៉ន មានប្រសាសន៍ថា ក្នុងន័យដើម្បីលុបបំបាត់ព័ត៌មានក្លែងក្លាយ ឱ្យមានប្រសិទ្ធភាព សូមឱ្យសាធារណជនទាំងអស់ ត្រូវអនុវត្តគោលការណ៍ «ផ្អាក និងគិត»៖ នៅពេលទទួលបានព័ត៌មានប្លែកៗ កុំជឿភ្លាមៗតាមអារម្មណ៍ ឬការរំជើបរំជួល។ ត្រូវផ្អាក និងពិចារណាឱ្យបានច្បាស់លាស់សិន មុននឹងសម្រេចចិត្តចែកចាយបន្ត។ កុំចែកចាយ (Share) ព័ត៌មានដែលមិនមានប្រភពច្បាស់លាស់ ដើម្បីកុំឱ្យក្លាយជាអ្នកចម្លង «មេរោគនៃព័ត៌មានក្លែងក្លាយ» ទៅកាន់អ្នកដទៃ។ ទី៣.ត្រូវមានស្មារតីប្រុងប្រយ័ត្នជានិច្ចចំពោះព័ត៌មានដែលហូរចូល និងដាច់ខាតមិនត្រូវចុចលើតំណភ្ជាប់ (Link) ចម្លែក ឬខ្លឹមសារដែលមានភាពទាក់ទាញហួសហេតុ ដើម្បីការពារសុវត្ថិភាពសន្តិសុខទិន្នន័យផ្ទាល់ខ្លួន។